Skaðatilvikin fleiri en 350.000

Íslendingar hafa verið bólusettir með liðlega 900 þúsund skömmtum af bóluefnum gegn Covid-19. Myndirnar eru af vef Sóttvarnarstofnunar Bandaríkjanna CDC sem ásamt FDA hefur umsjón með VAERS skaðagagnagrunni bóluefna og sýna fjölda dauðsfalla og fjölda alvarlegra aukaverkana (SAE) skaðlegustu 20 lotna Pfizer, Moderna og Janssen á hverja 1.000.000 skammta af efnunum. Tilkynningar í VAERS um bóluefnaskaða einstaklings eru valfrjálsar öðrum en heilbrigðisstarfsmönnum og starfsmönnum lyfjaframleiðenda vegna tiltekinna tegunda aukaverkana. Tilkynningar um dauðsföll eru studdar dánarvottorðum. Þar sem tilkynningarnar inn í VAERS eru valfrjálsar er einungis hluti skaðans af völdum bóluefna skráður í gagnagrunninn. Þeir varfærnustu telja að margfalda megi tilkynningar um skaða inn í VAERS með 10 til að nálgast raunverulegan fjölda aukaverkana af völdum bóluefna. Á hinn bóginn liggur fyrir rannsókn stofnunar (HPHCI) við Harvard háskóla sem leiðir í ljós að færri en 1 af hverjum 100 skaðatilvikum séu tilkynnt inn í gagnagrunninn. Taflan sýnir sundurliðun tilkynntra skaðatilvika framleiðslulotna Pfizer í VAERS sem sóttvarnalæknir hefur upplýst að hafi verið notaðar við bólusetningar landsmanna frá upphafi bólusetninga. Ljóst er af ofanrituðu að afar varlega er farið með tölur þegar fullyrt er að földi skaðatilvika vegna Pfizer Covid-19 bóluefnanna sem m.a. voru notuð hérlendis hafi verið fleiri en 350.000. Líklegra er að efnin hafi skaðað allt að þrjár milljónir einstaklinga samanlagt í þeim löndum sem notuðu þessar tilteknu framleiðslulotur Pfizer.

1.400 dauðsföll Pfizer skráð á ísl. lotunúmer

Samkvæmt upplýsingum sóttvarnalæknis um lotunúmer bóluefna Pfizer sem notuð voru við bólusetningar hér á landi eru skráð dauðsföll af völdum efnanna í erlenda gagnagrunna um skaðsemi bóluefna orðin fleiri en 1.400. Á myndinni má sjá uppsafnaðann fjölda dauðsfalla vegna framleiðslueininga Pfizer sem afhentar voru íslenskum heilbrigðisyfirvöldum frá ársbyrjun 2020. Með varfærni má áætla að í lok júlí 2021 hafi tilkynnt dauðsföll vegna framleiðslueininga Pfizer sem bólusett var með á Íslandi verið orðin fleiri en 1.000. Ekki þarf að efast um að íslensk heilbrigðisyfirvöld hafi fylgst með fjölda tilkynntra alvarlegra aukaverkana í nágrannalöndunum vegna bóluefnanna sem notuð voru á Íslandi. Á Íslandi höfðu Lyfjastofnun borist tilkynningar í lok júlí um 27 dauðsföll af völdum bólusetninga. Með þessar sterku vísbendingar fyrirliggjandi um skaðsemi bóluefnna er erfitt að skilja hvers vegna ekki var hætt að bólusetja landsmenn haustið 2021 eða jafnvel fyrr. Hefði verið stigið á bremsuna með sprautunálina þegar þessar skýru vísbendingar um skaðsemi bóluefnanna voru fram komnar hefði mátt forða fjölda landsmanna frá ótímabærum dauðdaga og hundruðir hefðu ekki misst heilsu og starfsþrek.

Þrátt fyrir að Lyfjastofnun hafi borist tilkynningar um 36 dauðsföll í kjölfar bólusetninga á árinu 2021 voru engin dauðsföll skráð af völdum Covid bóluefnanna í dánarmeinaskrá landlæknis á árinu 2021. Embætti landlæknis er með lögum gert að halda dánarmeinaskrá. Af minna tilefni hefur verið stofnað til rannsóknar þar sem sterkar vísbendingar eru um að dánarmeinaskrá landlæknis hafi vísvitandi verið færð með röngum hætti bæði 2021 og 2022. Að landlæknir hylmi yfir skaðsemi bóluefnanna með jafn einbeittum hætti og færsla dánarmeinaskrár embættisins sýnist bera merki um endurspeglar einbeittan brotavilja sem erfitt er fyrir landsmenn að sjá nú við stjórnvöl heilbrigðiskerfisins.

Baneitraða fyrsta lotan nr. EJ6796

Embætti landlæknis tók á móti fyrsta Covid bóluefninu 26. desember 2020. Bóluefnið var Comirnaty Pfizer úr framleiðslulotu (batch nr.) EJ6796. Bóluefnið úr þessari fyrstu lotu reyndist óvenju banvænt á Íslandi því 7 dauðsföll af 34 voru tilkynnt af heilbrigðisyfirvöldum inn í VAERS gagnagrunninn bandaríska vegna dauðsfalla af völdum þessarar einu lotu. Í heildina eru skráð dauðsföll af völdum lotunnar 124. Að Ísland hafi orðið fyrir 7 dauðsföllum eða 5,6% af dauðsföllunum sem skráð eru af völdum þessarar einu framleiðslueiningar skrifast líklega á reikning fámennisins hér á landi þar sem hjá milljóna þjóðum var byrjað að sprauta með mRNA efnunum úr mörgum framleiðslulotum samtímis meðan á Íslandi var bólusett úr einni lotu í upphafi. Svíar og Norðmenn urðu eins og Íslendingar fyrir miklum mannskaða vegna þessarar fyrstu lotu þó hlutfallslega hafi frændþjóðirnar ekki orðið eins illa úti og Íslendingar, sjá mynd. Upplýsingar um lotunúmerin sem bárust til Íslands eru frá Embætti landlæknis og skaðann af völdum lotunnar er að finna á vef VaersAware sem sérhæfir sig í að vinna upplýsingar úr bandaríska gagnagrunninum VAERS um bóluefnaskaða. Alls eru skráð skaðatilvik vegna EJ6796 1.190. Á lotuna eru skráð auk 124 dauðsfalla 488 spítalaheimsóknir, þar af 243 á neyðarmóttöku, 86 lífshættuleg tilvik auk 44 skráðra varanlegra örorkutilvika. Hvernig á því getur staðið að frá íslenskum heilbrigðisyfirvöldum bárust tilkynningar um 7 dauðsföll inn í bandaríska gagnagrunninn VAERS vegna bóluefnis sem landlæknir tók á móti um áramótin 2020 / 2021 á sama tíma og engin dauðsföll eru skráð af völdum Covid bóluefnanna í dánarmeinaskrá fyrir árin 2021 og 2022 sem Embætti landlæknis er með lögum gert að halda kallar á ítarlegri umfjöllun.