Valdaframsalið til WHO

Í The Telegraph er grein eftir Esther McVey þingmann og ráðherra í bresku ríkisstjórninni sem fjallar um fyrirhugaðar breytingar á reglum WHO og nýja faraldurssáttmálann. Greinin, sem er að baki áskriftarveggs, er hughreystandi fyrir þau okkar sem er umhugað um að ákvarðanir á sviði heilbrigðismála verði teknar hér á landi komi til faraldurs. Að það verði okkar kjörnu fulltrúar sem ákveði hvort börnum verður haldið utan skóla, hvort við verðum skylduð til að þiggja óreynd bóluefni, hvort við höfum heimild til að ferðast o.sv.frv. Að þessar grundvallarákvarðanir um daglegt líf hér á landi verði ekki teknar af forstjóra WHO. Vonandi ná bresk stjórnvöld og fleiri þjóðir að koma í veg fyrir að drögin að breyttum reglum og nýr faraldurssáttmáli verði samþykkt óbreytt á fundi stofnunarinnar í maí n.k.

Rannsókn CDC staðfestir að mRNA bóluefnið nær ekki lágmarksviðmiði

Niðurstöður könnunnar CDC staðfesta gagnsleysi covid mRNA efnanna sem smitvarnar þegar bólusetningar forðuðu einungis 38% einstaklinga í áhættuhópum frá spítalainnlögn á fyrstu tveimur mánuðum eftir bólusetningu. Hlutfallið lækkaði í 34% 2 til 4 mánuðum frá sprautu. Hingað til hefur ekki verið talið réttlætanlegt að nota bóluefni sem ekki ná 50% smitvörn. Engum kemur á óvart að CDC túlki niðurstöður rannsóknarinnar bóluefnunum í vil þannig að réttlætanlegt sé að halda áfram notkun þeirra. Annað væri áfellisdómur um misvitrar eigin ákvarðanir.

Bandaríkjamenn hafa áttað sig á tilgangsleysi bólusetninganna með covid mRNA efnunum þegar einungis 14% einstaklinga í áhættuhópum telja heilbrigði sínu fyrir bestu að þiggja bóluefnið. Almenningur telur ávinninginn af notkun efnanna ekki vega upp á móti áhættunni þegar í nærumhverfi fjölskyldu og vina blasa við dæmi um skaða og dauðsföll af völdum bóluefnanna.

Ljóst er að covid mRNA bóluefnin hafa ekki staðið undir væntingum og almenningur er þess meðvitaður. Framleiðslu þeirra hefði verið hætt ef ekki kæmu til fyrirframgerðir samningar ríkisstjórna um kaup mRNA efnanna til næstu ára.

Ákvörðunin um að halda áfram notkun bóluefnanna hér á landi þrátt fyrir vitneskju um skaðsemi þeirra auk gagnsleysis sem smitvarnar kallar á endurskoðun. Hana er ekki lengur hægt að verja á grundvelli skorts á vísindalegum rökum. Áhugavert verður að hlýða á fyrirlestur Dr. Aseem Malhotra hjartalæknis á Hótel Natura 4. apríl n.k. um skaðann af völdum efnanna og hvernig hann mun rökstyðja ráðleggingu til heilbrigðisyfirvalda um tafarlausa stöðvun á notkun þeirra.

Engar útskýringar enda hvað kemur landsmönnum þetta við

Fréttabréf sóttvarnalæknis um öndunarfærasýkingar fyrir viku 11 er komið í leitirnar. Þar eru engar skýringar gefnar á tvöföldun covid greindra afturvirkt frá viku 35 sem sjá mátti í bréfinu fyrir viku 48 sem gefið var út 7.12. Talnaleikfimi landlæknis uppgötvaðist um daginn og töldu einhverjir að skýringar á tvöföldun talna frá og með viku 35 yrði að finna í bréfi viku 11. Sú reyndist ekki raunin.

Að neðan er klippa af covid kafla fréttabréfsins fyrir viku 11. Covid greindum hefur fækkað mikið á fyrstu vikum ársins ef marka má tölur embættisins. Umframdauðsföllin í janúar sem námu 11,6% samkvæmt tölum landlæknis og 26,8% samkvæmt tölum Eurostat (þau hæstu í Evrópu) mun landlæknir ekki geta skrifað á reikning veirunnar.

FDA birtir rannsóknir um alvarlegar aukaverkanir covid mRNA efnanna

Athygli vekur hvernig FDA birtir nú niðurstöður rannsókna hverja á fætur annarri sem staðfesta skaðsemi mRNA covid bóluefnanna. Hér er greint frá niðurstöðum rannsókna sem greina aukna tíðni hitakrampa hjá börnum í kjölfar bólusetninga gegn covid. Fyrir skömmu upplýsti FDA um aukna hættu á heilablóðfalli í kjölfar inflúensubólusetninga og þá sérstaklega ef viðkomandi þáði covid sprautu samhliða inflúensusprautu. Að sprauta samtímis gegn covid og inflúensu er sá háttur sem viðhafður er hérlendis.

Að FDA og CDC ráðleggi bólusetningar barna gegn covid í USA endurspeglar áhrif lyfjaframleiðenda á ákvarðanir stofnananna í bandaríkjunum. EMA Evrópska lyfjastofnunin innleiðir flestar ákvarðanir frá USA án sjálfstæðs mats. EMA veitir lyfjum markaðsleyfi innan EES og þar með á Íslandi. Hér á landi sitjum við því í mörgum tilvikum uppi með lyfjaákvarðanir sem teknar eru í USA með hagsmuni hluthafa lyfjaframleiðenda í fyrirrúmi. Covið efnunum er ekki haldið að börnum hér á landi.

Alzheimer kann að smitast við líffæragjöf

Niðurstöður kanadískra rannsókna benda til hugsanlegs smits Alzheimer frá líffæragjafa til líffæraþega. Sérfræðingar telja niðurstöðurnar kalla á greiningu (screening) sjúkdómsins hjá líffæragjafa.

 

Japanir vara við blóði covid mRNA bólusettra

Teymi japanskra rannsakenda vara heilbrigðisstarfsfólk við hættu sem stafar  af blóðgjöf covid bólusettra og þeirra sem þjást af „long covid.“ Vísa þeir til mikils magns upplýsinga sem fram eru komnar um alvarlegar aukaverkanir covid mRNA efnanna. Þeir segja mikilvægt að finna leið til að hreinsa mengað blóðið fyrir blóðgjöf og gera tillögur að prófunum og reglum til að höndla áhættuna sem tengist blóðgjöfum bólusettra.

Leggja þeir til að bólusetningum með covid mRNA efnunum verði hætt. Mikilvægt sé að kanna áhættuna sem blóðþegar taka með að þiggja blóðgjöf covid bólusettra. Jafnframt að kanna afleiðingar líffæraflutninga frá covid bólusettum á líffæraþega.

Í niðurstöðum rannsóknarinnar á vírusnum kemur fram að skaðsemin felist m.a. í því hvernig gaddapróteinið bindst veggjum æðanna og leiðir til myndunar blóðtappa.

Jafnframt að þar sem bóluefnin séu erfðafræðileg og hefðu átt að flokkast sem slík frá upphafi leiði þau til ýmissa sjúkdóma auk þeirra hjarta- og blóðrásartengdu.

Ástralir hefja rannsókn á umframdauðsföllunum

Öldungardeild ástralska þingsins hefur samþykkt að fram fari rannsókn á ástæðum fjölda umframdauðsfalla á liðnum misserum en Ástralía líkt og Ísland er í hópi þeirra þjóða sem hlutfallslega flest umframdauðsföllin hafa. Ástralía er með fyrstu þjóðum sem hefja rannsókn á fjölgun dauðsfalla.

Athygli vakti í Queensland þegar dauðsföllum tók skyndilega að fjölga í mars 2021 samhliða upphafi covid mRNA bólusetninganna vegna þess að nánast engir höfðu á þeim tíma greinst með covid og því var ekki hægt að skýra skyndilega aukningu dauðsfalla sem væru þau af völdum veirunnar.

Það var ekki bundið við Queensland að skaðatilkynningum fjölgaði samfara upphafi mRNA bólusetninga vorið 2021. Súluritið frá Vestur Ástralíu sýnir fjölgun tilkynninga um skaða af völdum bóluefna vorið 2021. Sama sagan og í Queensland. Enginn með covid en spítalarnir fyllast af fólki. Erfitt er að finna skýrara dæmi um alvarlegar aukaverkanir mRNA efnanna.

Klippan greinir frá lokun landamæra Queensland fram í desember 2021 þegar bólusetningarhlutfall landsmanna var komið yfir 80% og hjarðónæmi náð og því talið óhætt að opna landamærin að nýju. Eins og línuritið sýnir varð sprenging í fjölda covid greindra og því kristaltært öllum að covid bóluefnin voru vita gagnslaus sem smitvörn. Þarna byrjar réttlætingarþulan fyrir notkun bóluefnanna um að þó þau hindri ekki smit að þá dragi þau úr sjúkdómseinkennum og því sé réttlætanlegt að nota þau.

FDA og CDC - kíghósta bóluefnið kemur ekki í veg fyrir sýkingu eða smit pertussi bakteríunnar

Aaron Siri er lögfræðingur sem hefur sérhæft sig í álitaefnum tengdum skyldu til bólusetninga. Hann vann málið gegn FDA sem skyldaði stofnunina til að birta gögnin sem tengdust neyðarleyfisveitingu mRNA bóluefnis Pfizers á nokkrum mánuðum í stað 70 ára eins og FDA og Pfizer vildu.

Að Aaron Siri hafi skoðað gagnsemi og virkni kíghóstasprautunnar er forvitnilegt. Hlekkurinn er á umfjöllun lögmannsins studda tilvísunum í niðurstöður rannsókna. Þar á meðal til niðurstaðna rannsókna FDA sem eru að bóluefnið getur ekki komið í veg fyrir sýkingu og það hindrar ekki smit auk þess að geta ekki skapað hjarðónæmi.

Kíghóstabóluefnið eykur líkur þess sem sprautaður er á að smitast endurtekið af bakteríunni. Því leiðir notkun bóluefnisins til fjölgunar smitbera. Ekki er þó talið útilokað að bóluefnið dragi úr sjúkdómsáhrifum.

CDC (sóttvarnastofnunin) og FDA (lyfjaeftirlitið) hafa staðfest í svari við  formlegum fyrirspurnum Informed Action Network ICAN gagnsleysi bóluefnisins sem smitvarnar sbr.:

“That vaccination does not prevent B. pertussis infection in humans, nor the circulation of the organism in human populations in any important manner, comes from the observation that the inter-epidemic intervals have not changed in a major way since the implementation of mass vaccination.”

Klippurnar eru úr tilvitnuðum heimildarhlekkjum í póstinum.

 

Klippan að neðan er úr einni bestu bók um bóluefni sem gefin hefur verið út. Bókin sú ætti að vera skyldulesning við læknadeild háskólans. Hún fær fimm stjörnur á Amazon og nefnist „Turtles All The Way Down: Vaccine Science and Myth.“ Eins og klippan ber með sér hefur öryggi bóluefnisins DTaP gegn barnaveiki, stífkrampa og kíghósta ekki verið reynt í klínískri rannsókn þar sem annar hópurinn er sprautaður með bóluefninu og hinn hópurinn með lyfleysu. Með öðrum hætti verður ekki gengið úr skugga um öryggi efnisins.

Dr. Aseem Malhotra hjartalæknir sækir Ísland heim 4. apríl

Samtökin Frelsi og ábyrgð og Málfrelsi standa fyrir málþingi á Hótel Natura (Hótel Loftleiðum) 4. apríl n.k. um álitamál tengd Covid-19 með sérstakri áherslu á mRNA covid efnin.

Meðal fyrirlesara verður hinn eftirsótti og þekkti hjartalæknir Dr. Aseem Malhotra. Dr. Malhotra er margverðlaunaður ráðgjafi á svið hjartalækninga. Hann er meðlimur í Royal College of Physicians og forseti vísindaráðgjafarnefndar – The Public Health Collaboration. Dr. Malhotra er einnig félagi í heiðursráði Metabolic Psychiatry Clinic við Stanford University School of Medicine í Kaliforníu. Dr. Aseem Malhotra er þekktur um lönd sem sérfræðingur í forvörnum, greiningu og meðhöndlun hjartasjúkdóma. Þegar bólusetningar gegn Covid-19 hófust var hann meðal þeirra sem mæltu með efnunum en viðhorf hans breyttist fljótt þegar hann kynnti sér efnin nánar samfara því annars heilsuhraustur faðir hans andaðist af þeirra völdum. Dr. Aseem Malhotra er eftirsóttur þátttakandi á ráðstefnum þar sem hann skýrir m.a. afleiðingar af notkun mRNA efnanna sem hann telur að tafarlaust eigi að hætta að nota og taka af markaði.

Það verður áhugavert á hlýða á Justine Tanguay en hún er lögfræðingur að mennt og reyndur málflutningsmaður sem hefur helgað feril sinn því að standa vörð um réttindi barna á öllum aldri. Áður en hún hóf rekstur eigin lögfræðistofu, starfaði Justine sem aðstoðarríkissaksóknari i Maine, þar sem hún sérhæfði sig  í barnaníðings- og vanrækslumálum. Auk þess að vera löggiltur sáttasemjari, réttargæslumaður og umsjónarmaður foreldra í átakamálum, er Justine með meistaragráðu í heilbrigðisrétti og starfar nú sem framkvæmdastjóri kynninga- og rannsókna átaksverkefnisins Reform Pharma hjá Children’s Health Defense, samtökunum sem Robert F. Kennedy Jr. stofnaði á sínum tíma. Verkefninu er m.a. ætlað að vinna að afnámi heimilda lyfjaframleiðenda til auglýsinga lyfseðilskyldra lyfja í Bandaríkjunum sem er eina landið í heiminum sem leyfir slíkar auglýsingar að Nýja Sjálandi undanskyldu.

Þriðji erlendi fyrirlesarinn á málþinginu verður Mattias Desmet sem er prófessor í klínískri sálfræði við háskólann í Gent (Belgíu). Hann er með doktorsgráðu í sálfræði og meistaragráðu í tölfræði. Hann starfar einnig sem sálfræðingur á einkastofu. Hann hefur gefið út yfir 100 ritrýndar fræðigreinar og er höfundur alþjóðlegu metsölubókarinnar The Psychology of Totalitarianism. Frá því að kórónuveirukrísan hófst árið 2020 varð hann þekktur sem helsti sérfræðingur heims í kenningum um fjöldadáleiðslu. Hann hefur verið tíður gestur í helstu hlaðvörpum og spjallþáttum, þar á meðal hjá Tucker Carlson.

Niðurstöður FDA staðfesta auknar líkur á heilablóðfalli í kjölfar bólusetningar

Þrátt fyrir að rannsóknir sérfræðinga FDA sýni fram á aukna hættu á heilablóðfalli hjá eldri borgurum þegar sprautað er samtímis gegn covid og inflúensu leiðir það ekki til breytinga hjá Heilsugæslu höfðuborgarsvæðisins sem áfram býður upp á báðar sprauturnar samhliða. Aukin hætta á heilablóðfalli fylgir inflúensusprautunni samkvæmt niðurstöðum rannsóknarinnar.