Stjórnmálaleiðtogum settir afarkostir

Til stórtíðinda dró í aðdraganda alþingiskosninga þegar formaður Samfylkingarinnar gerði því næst að skilyrði fyrir aðild flokksins að ríkisstjórn að samstarfsflokkarnir féllust á að heilbrigðisráðuneytið yrði Samfylkingarinnar og í stól heilbrigðisráðherra myndi setjast hinn „fáránlega færi“ landlæknir, Alma Möller. „Allan daginn er hún heilbrigðisráðherraefni Samfylkingarinnar,“ sagði Kristrún í Grjótkastinu hjá Birni Inga Hrafnssyni fjölmiðlamanni. Ljóst er að formaður Samfylkingarinnar hefur ekki kynnt sér með hlutlægum hætti skaðsemi Covid mRNA bóluefnanna og umdeildar ákvarðanir landlæknis sem meðal annars leiddu til starfsloka fyrrverandi sóttvarnalæknis. Vandvirkni var ekki höfð í fyrirrúmi við val á landlækni í oddvitasæti flokksins í Suðvesturkjördæmi. Þessum óvönduðu vinnubrögðum við val á lista Samfylkingarinnar ætlar formaðurinn að þröngva upp á formenn hinna flokkanna. Annað hvort samþykkið þið Ölmu sem heilbrigðisráðherra eða þið eruð útilokaðir frá ríkisstjórnarsamstarfi. Alma kemur ekki sem heilbrigðisráðherra til með að svara fyrir eða skoða eigin verk. Það sjá allir. Sýnishorn spurninga sem aldrei verður svarað á Íslandi:

·      Hvers vegna heldur Alma Möller landlæknir áfram að bjóða bóluefnin þegar fyrir liggur samkvæmt henni sjálfri að þau hafa ekki reynst mjög gagnleg til að hindra smit til eða frá bólusettum?

·      Hvers vegna heldur landlæknir áfram að bjóða bólusetningar þegar fyrir liggja sterkar vísbendingar um skaðsemi bóluefnanna sem sjá má af reynslu Íslendinga með mikilli fjölgun krabbameinstilvika auk fleiri sjúkdóma í kjölfar bólusetninganna ásamt fjölgun dauðsfalla umfram það sem gera hefði mátt ráð fyrir miðað við reynslu?

·      Hvers vegna heldur landlæknir áfram að bólusetja með mRNA efni sem reynslan og rannsóknir sýna að eru þeim eiginleikum búin að þeim bólusetta verður hættara með hverri sprautu að veikjast af sjúkdómnum sem bóluefninu er ætlað að vernda gegn?

·      Af hverju heldur landlæknir áfram að bjóða landsmönnum mRNA bóluefni Pfizer en fimm ríki Bandaríkjanna hafa höfðað mál á hendur lyfjaframleiðandanum fyrir ýmsar sakir tengda efninu og þar á meðal fyrir að hafa blekkt almenning um öryggi bóluefnisins og gagnsemi þess sem smitvarnar?

·      Hvers vegna beitir landlæknir sér ekki fyrir tímabundinni stöðvun bólusetninga þar til gengið hefur verið úr skugga um að ávinningurinn af notkun efnanna sé talinn af stærðargráðu sem réttlæti skaðann sem landsmenn hafa orðið vitni að?

Hvað býr að baki kappi formanns Samfylkingarinnar við að koma landlækni í embætti heilbrigðisráðherra? Ætla formenn flokkanna að sætta sig við að verða stillt upp við vegg? Annað hvort samþykkið þið landlækni sem næsta heilbrigðisráðherra sem kemur til með að fara með lykilhlutverk við að endurskoða sóttvarnir Íslands í Covid eða Samfylkingin útilokar ykkur frá ríkisstjórn. Kristrún, formaður Samfylkingarinnar, á þakkir skyldar fyrir þessa uppstillingu á uppgjöri covid áranna. Hún hefur auðveldað landsmönnum valið í næstu alþingiskosningum. Nú munu landsmenn vita fyrir kosningar hvort einstakir formenn telji ákvarðanir landlæknis á covið árunum byggja á svo mikilli „fáránlegri færni“ að þær sé óþarft að skoða en þannig mun málum verða fyrir komið taki Alma sæti heilbrigðisráðherra.

 

Alma heilbrigðisráðherraefni Samfylkingarinnar

33 dánartilkynningar

Í þremur mánuðum á árinu 2024 hefur hlutfall umframdauðsfalla á Íslandi farið umfram 10%. Það var í janúar, mars og ágúst þegar það var 12,3% miðað við meðaltal áranna 2016 til 2019 samkvæmt heimasíðu Embættis landlæknis. Á fyrri helmingi ársins létust 4,9% fleiri Íslendingar miðað við sama tímabil í fyrra en þeim fjölgaði einungis um 0,5% á tímabilinu. Því miður virðist ekkert lát á ótímabærum dauðsföllum landsmanna. Þar sem einungis eitt dauðsfall í ágúst var talið af völdum SARS-CoV-2 veirunnar verða umframdauðsföllin ekki skýrð sem væru þau af völdum Covid. Umframdauðsföllin eru að verða viðvarandi staðreynd sem ekkert lát er á og því er ekki að undra að eldri borgarar og einstaklingar í áhættuhópum hafi að stórum hluta afþakkað örvunarbólusetningu gegn Covid í fyrravetur. Frásagnir af bóluefnaskaða og dánartilkynningar blaðs allra landsmanna fara ekki fram hjá landsmönnum en í Morgunblaðinu í gær voru 33 tilkynningar um andlát. Svo margar dánartilkynningar á einum degi eru ekki algengar, sem betur fer, en boða ekki gott um framvinduna í nóvember. Hjúkrunarheimilin hafa fengið heilbrigðisstarfsmenn í heimsóknir að undanförnu með Covid mRNA sprautuna sem kann að skýra fjölda dánartilkynninga.

Kanntu annan Ruv

Af einhverjum óútskýrðum ástæðum keppist Ruv við að telja landsmönnum trú um að Íslendingar hafi sloppið hvað best þjóða frá Covid. Þar sem Ríkisútvarpinu er ætlað að gæta hlutleysis í fréttaflutningi, og þá ekki síst í aðdraganda þingkosninga, er óhugsandi að fréttaflutningur af frábærum árangri Íslendinga við sóttvarnir tengist framboði landlæknis til Alþingis í fyrsta sæti Samfylkingar í Suðvesturkjördæmi. Súluritið sýnir að fréttaflutningur Ruv er ekki einungis hlutdrægur og ætlað að auðvelda væntanlega skipan landlæknis sem heilbrigðisráðherra næstu ríkisstjórnar þegar tölur Evrópsku hagfræðistofnunarinnar (Eurostat) um hlutfall umframdauðsfalla á Íslandi er borið saman við hlutfall ESB ríkjanna.

Falskt öryggi – vinnubrögðin kunnugleg

Foreldrar gera sér fæstir grein fyrir afar takmörkuðum klínískum rannsóknum á öryggi barnabóluefna sem nánast eru skylda eins og íslenskir foreldrar finna sem leyfa sér að lýsa efasemdum við heilbrigðisstarfsmenn um skynsemi bólusetninga barna sinna. Að ekkert barnabóluefnanna hafi undirgengist tvíblinda klíníska rannsókn varð ljóst þegar Heilbrigðisráðuneyti Bandaríkjanna neyddist til að staðfesta það í framhaldi lögsóknar Róberts F Kennedy Jr. en hann mun gegna þýðingarmiklu hlutverki í komandi stjórn USA við að endurskipuleggja starf FDA og CDC þ.e. stofnana lyfjaeftirlits og sóttvarna. Ekki veitir af að taka til hendinni á þeim bæjum sem eru að miklu leiti í vasa lyfjaframleiðenda. Í hliðstæða tiltekt þyrfti að ráðast hjá Embætti landlæknis. En það er borin von að í hana verði ráðist í bráð þar sem verðandi heilbrigðisráðherra Samfylkingarinnar mun senn skipa handgenginn eftirmann sinn í embætti landlæknis.

 

Ósannindi á færibandi

Landsmenn horfðu opinmynntir á landlækni og heilbrigðisráðherraefni Samfylkingar fara með ósannindi í röðum á framboðsfundi í sjónvarpssal. Ekki var nóg með að farið væri rangt með fjölda umframdauðsfalla á Íslandi sem hafa misserum saman verið fleiri en nánast alls staðar í Evrópu heldur sagði landlæknir þjóðinni ósatt þegar hún vísaði til athugana OECD. Skýrsla OECD bendir einmitt ekki til árangursríkra sóttvarnaaðgerða á tímum heimsfaraldursins. Að Ísland hafi annað hæsta hlutfall dauðsfalla Í Evrópu í könnun OECD í aldurshópnum 44 ára og yngri á árunum 2020 til 2022 að teknu tilliti til lýðfræðilegra þátta og að Ísland leiði löndin í könnun OECD með 11,5% aukningu á dánartíðni á milli áranna 2021 og 2022 á sama tíma og flest lönd sýndu fækkun dauðsfalla er ekki vitnisburður um árangursríkar sóttvarnaaðgerðir eftir tilkomu bóluefnanna. Þrátt fyrir fjölda rannsókna sem sýna skaðsemi Covid mRNA bóluefnanna heldur landlæknir áfram sem enginn sé morgundagurinn að halda efninu að eldri borgurum. Hvers vegna Samfylkingin tekur að sér að hylja slóðann eftir skelfileg mistök stjórnenda heilbrigðiskerfisins er ráðgáta aldarinnar.

Covid var hernaðaraðgerð í boði NATO

Hollenski heilbrigðisráðherrann hefur í ræðu gert þarlendum þingheim grein fyrir að Covid hafi verið hernaðaraðgerð og ríkisstjórnin hafi þar farið að fyrirmælum North Atlantic Treaty Organization (NATO) meðan faraldurinn gekk yfir. Íslendingar hljóta sem aðildarþjóð NATO að eiga rétt á hliðstæðum upplýsingum og Hollendingar um hernaðaraðgerð sem kostað hefur hundruðir landsmanna lífið og þúsundir heilsuna af völdum skaðlegra Covid mRNA bóluefna.

 

Starfsmenn neyðarmóttöku og hjúkrunarheimila afþakka mRNA bóluefnið

Af heilbrigðisstarfsmönnum á neyðarmóttöku í USA afþökkuðu 84,7% Covid mRNA bólusetningu á síðasta vetri samkvæmt nýjum tölum Sóttvarnarstofnunar Bandaríkjanna (CDC). Einungis 10,5% starfsmanna hjúkrunarheimila þáðu Covid bóluefnið. Talið er að tölurnar endurspegli algeran trúnaðarbrest starfsmanna í heilbrigðisþjónustu í garð eftirlitsstofnana og yfirmanna.

Samdráttur í bólusetningum smábarna

Samkvæmt Sóttvarnarstofnun Bandaríkjanna (CDC) hefur foreldrum fækkað sem láta bólusetja börnin samkvæmt barnaprógramminu. Vestra eru börnin að tveggja ára aldri bólusett gegn 15 sjúkdómum. Þátttaka barna fæddra 2020 og 2021 er verulega minni en barna fæddra á árunum 2018 og 2019. Talið er að skýra megi samdráttinn í barnabólusetningum með vaxandi þekkingu foreldra á óvönduðum undirbúningi covid bóluefnanna og efasemdum um að betur hafi verið vandað til gerðar barnaefnanna.

 

Ofurkrabbamein

Illvígt krabbamein (Turbo cancer) grasserar á Bretlandseyjum meðal mRNA bólusettra.  Bresk stjórnvöld standa ráðþrota frammi fyrir þúsundum nýrra greininga krabbameins á hverjum sólarhring. Landlæknir og Krabbameinsfélagið hylja tölur um nýgengi krabbameins á Íslandi með því að birta tölurnar sem fimm ára meðaltal.

 

Að skaða ekki

Í leiðbeiningum Embættis landlæknis um bólusetningar gegn Covid-19 er tekið fram „að bólusetning hafi ekki reynst mjög gagnleg til að hindra smit til eða frá bólusettum einstaklingi.“ [1] Leiðbeiningarnar ná einnig til bólusetninga heilbrigðisstarfsmanna og tiltekur landlæknir að „bólusetning hafi lítil áhrif á dreifingu innan stofnunar.“ Í leiðbeiningum landlæknis vegna örvunarbólusetninga haustsins liggur því fyrir að markmið þáverandi heilbrigðisráðherra með bólusetningu þjóðarinnar eins og hann lýsti því í grein í des. 2020 náðist ekki, en það var „að vernda fólk fyrir sjúkdómnum og að ná upp hjarðónæmi sem hindrar útbreiðslu faraldursins.“ [2] Hefði almenningur vitað að bóluefnin komu hvorki í veg fyrir sýkingu eða forðuðu smiti má telja öruggt að þátttakan í endurteknu bólusetningarátaki stjórnvalda hefði orðið rýrari. Stjórnvöld hefðu varla ráðist í milljarða kaup á Covid-19 bóluefnunum hefðu þau haft vitneskju um takmarkaða gagnsemi þeirra sem sýkingar- og smitvarnar.

Að þessu sögðu vakna spurningar og þeirra á meðal:

·       Hvers vegna er haldið áfram að bjóða bóluefnin þegar fyrir liggur af hálfu landlæknis að þau hafa ekki reynst mjög gagnleg til að hindra smit til eða frá bólusettum?

·       Hvers vegna er haldið áfram að bjóða bólusetningu þegar fyrir liggja sterkar vísbendingar um skaðsemi bóluefnanna? Þær má sjá í niðurstöðum hundruða rannsókna [3] ásamt eigin reynslu Íslendinga af mikilli fjölgun krabbameinstilvika auk fleiri sjúkdóma í kjölfar bólusetninganna ásamt fjölgun dauðsfalla umfram það sem gera hefði mátt ráð fyrir miðað við reynslu.

·       Hvers vegna er haldið áfram að bólusetja með mRNA efni sem reynslan og rannsóknir sýna að eru þeim eiginleikum búin að þeim bólusetta verður hættara með hverri sprautu að veikjast af sjúkdómnum sem bóluefninu er ætlað að vernda gegn? [4]

·       Af hverju er haldið áfram að bjóða landsmönnum mRNA bóluefni Pfizer en fimm ríki Bandaríkjanna hafa höfðað mál á hendur lyfjaframleiðandanum fyrir ýmsar sakir tengda efninu og þar á meðal fyrir að hafa blekkt almenning um öryggi bóluefnisins og gagnsemi þess sem smitvarnar?

·       Hvers vegna ríkir þögn í þingsölum um skaðsemi bóluefnanna?

·       Hvers vegna hafa þingmenn ekki frumkvæði að rannsókn á sóttvarnaaðgerðum og þar á meðal notkun bóluefnanna?

·       Hvernig víkur því við að heilbrigðisráðherra fyrir hönd ríkisstjórnar stöðvar ekki bólusetningar tímabundið þar til gengið hefur verið úr skugga um að ávinningurinn af notkun efnanna sé talinn af stærðargráðu sem réttlæti skaðann sem landsmenn hafa orðið vitni að?

Víða erlendis fer umræða vaxandi um mRNA Covid bóluefnin og skaðann sem af notkun þeirra hefur hlotist. Þjóðþing stofna til rannsókna á sóttvarnaráðstöfunum við Covid til að læra af reynslunni og draga úr líkum á endurtekningu mistaka við sóttvarnir við næsta faraldur. Vísindamenn kalla eftir stöðvun á notkun mRNA efnanna þar til gengið hefur verið úr skugga um öryggi þeirra. Meginstraumsmiðlar beggja vegna hafsins fjalla nú orðið á opinskáan hátt um skaðsemi bóluefnanna og almenningur er upplýstari en áður um hættuna samfara notkun þeirra.

Traust almennings til stjórnenda sóttvarna hefur dvínað sem endurspeglast í minni þátttöku í bólusetningum, bæði gegn Covid og inflúensu, auk þess sem minni tiltrú hefur dregið úr vilja foreldra til barnabólusetninga. Traust á sóttvarnayfirvöldum endurheimtist ekki nema landsmenn sjái að yfirvöld horfist í augu við og viðurkenni mistök sem nú eru flestum augljós. 

Höfundar:

Þorgeir Eyjólfsson eftirlaunaþegi

Þórdís Björk Sigurþórsdóttir viðskiptafræðingur

Helgi Örn Viggósson hugbúnaðarsérfræðingur 

Heimildir:

1.     Leiðbeiningar – Bólusetning gegn COVID-19 haustið 2024 - https://bit.ly/landlaeknir-C19-bs-2024

2.     COVID-19. Markmið bólusetningar… - https://bit.ly/svandis-bs

3.     Hundruð vísindagreina - https://bit.ly/hundrud-visindagreina

4.     Risk of Infection Increases With Each mRNA COVID-19 Vaccine Dose, Study Shows - https://bit.ly/cleveland-2024-rannsoknin