94% látinna koma úr hópi þeirra 70% sem þáðu bóluefnið

Skelfilegar afleiðingar bólusetningarstefnu stjórnvalda í UK eru að koma upp á yfirborðið. Samkvæmt tölum stjórnvalda fyrir tímabilið 1. júlí 2021 til 30. maí 2023 reyndust 94% látinna bólusettir gegn covid. 6% dauðsfallanna á tæpum tveimur árum er úr hópi óbólusettra en 30% landsmanna hafa ekki þegið covid sprautu. Dauðsföllin eru flest meðal þeirra sem hafa þegið 4 bólusetningar.

Ekki er að undra að stjórnendur heilbrigðismála hér á landi víki sér undan að svara þegar fyrirspurnum er beint til þeirra um bólusetningarstöðu látinna Íslendinga. Ef íslensku tölurnar eru eitthvað í áttina að bresku tölunum er óverjandi með öllu að stjórnendurnir hafi haldið bóluefnunum að eldri borgurum í vetur.

Tölur dánarmeinaskrár landlæknis styðja kröfuna um umboðsmann sjúkra

Hafi verið þörf á umboðsmanni sjúkra undirstrikar dánarmeinaskrá landlæknis fyrir árið 2022 þörfina. Höfum hugfast að dánarmeinaskráin er einungis toppurinn á ísjakanum. Undir tölunum um andlát af völdum sjúkdóma eru fjöldi einstaklinga sem berjast við sín veikindi innan og utan stofnana. 

Dánarmeinaskrá landlæknis fyrir árið 2022 upplýsti landsmenn um að dauðsföllum af völdum illkynja krabbameinsæxla fjölgaði um 9% á árinu 2022. Illkynja æxli í blöðruhálskirtli dró 21% fleiri til dauða en á fyrra ári, eitilæxli 17%, mergæxli 40%, æxli í brisi 23% og dauðsföllum af völdum hvítblæðis fjölgaði um 33% frá fyrra ári.

Telja mjög brýnt að fá umboðsmann

Að vera vitur eftirá

Þegar mannanna gjörðir eru skoðaðar í baksýnisspeglinum heyrist oft með réttu setningin; það er alltaf auðvelt að vera vitur eftirá. En kynni lesandinn sér hlekkjaða rannsóknargrein úr European Journal of Epidemiology frá 30.9.2021 liggur í augum uppi að þegar í byrjun vetrar 2021, eða á fyrstu mánuðum covid bólusetninganna, var embætti landlæknis ljóst að bóluefnin voru ekki að virka sem smitvörn. Niðurstöður rannsóknarinnar sýna að útbreiðsla Covid-19 var óháð bólusetningarþekju í 68 löndum og 2.947 sveitarfélögum í Bandaríkjunum. Á sama tíma og gagnsleysi bóluefnanna sem smitvarnar var að renna upp fyrir íslenskum heilbrigðisyfirvöldum höfðu Lyfjastofnun borist á þriðja tug tilkynninga um andlát í kjölfar bólusetningar.

Að vísa gagnrýni á embætti landlæknis á bug með orðunum – það er auðvelt að vera vitur eftirá – á t.a.m. ekki við þegar gagnrýnt er hvernig örvunarbóluefni vetrarins var haldið að eldri borgurum nú síðast í október 2023. Það er dómgreindarleysi á háu stigi að halda áfram að bólusetja með covid mRNA bóluefni sem ítrekað hefur verið sýnt fram á að virkar ekki sem smitvörn og sem hefur þann eiginleika að eftir því sem það er þegið oftar þá eykur það líkur þess bólusetta á að veikjast af sóttinni sem bóluefninu er ætlað að koma í veg fyrir.

Íslenskur almenningur á betra skilið en að í helstu trúnaðarstöðum heilbrigðiskerfisins sitji einstaklingar sem taka ekki tillit til niðurstaðna fjölda rannsóknargreina sem sýna með óyggjandi hætti fram á skaðsemi bóluefnanna. Það dró úr skaðanum í október að eldri borgarar höfðu vit fyrir embætti landlæknis með því að meirihluti þeirra afþakkaði mRNA bóluefnið.