Landinn blekktur, toppnum náð

Aðdragandinn að skyndilegum starfslokum Þórólfs Guðnasonar fyrrverandi sóttvarnalæknis sést í skýrara ljósi í grein sem við Helgi Örn skrifum í Morgunblaðið í dag. Í greininni rekjum við hvernig tölur Embættis landlæknis um látna af völdum Covid-19 á árinu 2022 eru allt aðrar og hærri en þær sem Landspítalinn gefur upp af völdum sjúkdómsins á þessum mánuðum. Með því að bera saman tölur látinna á LSH af völdum sjúkdómsins við tölur landlæknis sést glögglega hvernig landlæknir leyndi staðreyndinni um að á vormánuðum 2022 létust fjöldi einstaklinga af völdum bóluefnanna. Greinin fer í heild sinni hér á eftir:

Þar sem nú eru liðin þrjú ár frá dánarvorinu 2022, þegar fjöldi þeirra sem létust af völdum COVID-19 náði hæstum hæðum samkvæmt tölum landlæknis, er ekki úr vegi að rýna tölurnar sem afhjúpa blekkinguna sem þáverandi landlæknir, Alma D. Möller og núverandi heilbrigðisráðherra, ákvað að grípa til í því skyni að hylja eyðileggingarslóð COVID-19 mRNA efnanna. Blekkinga sem leiddu til ótímabærra starfsloka Þórólfs Guðnasonar sóttvarnalæknis samkvæmt fréttatilkynningu embættisins 12. maí 2022. Með því að bera saman tölur um andlát af völdum COVID-19 á heimasíðu Landspítalans og heimasíðu Embættis landlæknis sést að á árinu 2020 þegar fyrstu covid-veikindin gerðu vart við sig létust 30 einstaklingar. Þar af 25 á Landspítalanum. Á árinu 2021 létust 6 einstaklingar samkvæmt tölum landlæknis og virðast allir hafa látist á Landspítalanum. Flest andlát sem skráð voru af völdum sjúkdómsins á árunum 2020 og 2021 eiga sér því stað innan veggja Landspítalans.

Í vetrarbyrjun 2021 hefjast örvunarbólusetningar með mRNA efnunum í kjölfar frumbólusetninganna tveggja, vor og sumar 2021. Landspítalinn hætti að veita upplýsingar um andlát einstaklinga með COVID-19 í september 2022 en frá janúar til og með 11. september létust 46 af völdum sjúkdómsins á spítalanum. Yfir sömu mánuði greinir landlæknir frá 191 dauðsfalli af völdum COVID-19. Samkvæmt því ber landsmönnum að trúa að 145 (191-46) einstaklingar hafi látist af völdum COVID-19 utan Landspítalans á fyrstu 9 mánuðum ársins 2022. Að 76% dauðsfalla af völdum COVID-19 á níu mánaða tímabili 2022 hafi átt sér stað utan veggja Landspítalans er útilokað með öllu.

Þórólfur Guðnason fyrrverandi sóttvarnalæknir var ekki tilbúinn um mánaðamótin apríl/maí 2022 til að fara að vilja landlæknis með því að greina rangt frá tölum um dauðsföll af völdum COVID-19. Eins og Þórólfur rekur í fréttatilkynningum frá þessum tíma brýndi hann lækna um að tilkynna sér sem sóttvarnalækni einungis um dauðsföll af völdum COVID-19 en þarna eru læknarnir komnir í vandræði með að skrá andlátin af völdum bóluefnanna. Almenningur þekkir af sjónvarpsfréttum hvernig læknir sem taldi rétt að skrá bóluefnin sem dánarorsök í fjórum tilvikum 2023 var tekinn til sérstakrar rannsóknar af hálfu Embættis landlæknis. Staðan sem landlæknir stillir Þórólfi upp fyrir sést best á því að á fyrstu fjórum mánuðum ársins 2022 til starfsloka Þórólfs létust 33 einstaklingar á Landspítalanum af völdum COVID-19. Í töflu landlæknis er greint frá 114 dauðsföllum til viðbótar sem sögð eru vera af völdum COVID-19 á fyrstu fjórum mánuðum ársins 2022 og því samtala dauðsfalla af völdum sjúkdómsins 147 að tölu.

Eins og fréttatilkynningar sóttvarnalæknis frá mars og apríl 2022 bera með sér var fagleg ástæða starfsloka Þórólfs, ári fyrir sjötugt, sú að hann var ekki tilbúinn til að taka þátt í blekkingarleiknum sem þá fór í hönd og stendur enn. Það er að bóka dauðsföllin af völdum mRNA bóluefnanna sem væru þau af völdum COVID-19. Fjórum dögum eftir að Þórólfur sagði starfi sínu lausu birtist þriðja fréttin á stuttum tíma um „Andlát á Íslandi af völdum COVID-19“ þar sem greint var frá að við yfirferð dánarvottorða hafi fundist 53 dauðsföll vegna COVID-19 sem ekki var getið í frétt sóttvarnalæknis frá 28.4. 2022.