Samfylkingin ætlar að sópa bóluefnaskaðanum undir teppið

Til stendur af hálfu Samfylkingarinnar að koma í veg fyrir að framkvæmd verði rannsókn á mistökum Embættis landlæknis á undanförnum árum. Það hyggst Samfylkingin gera með því að stilla landlækni í sæti á lista í komandi kosningum til Alþingis sem líklega mun skila landlækni í embætti heilbrigðisráðherra í næstu ríkisstjórn. Þar með verði tryggt að engin rannsókn verði framkvæmd til að greina orsakir umframdauðsfalla á Íslandi sem eru með þeim mestu í Evrópu. Að ekki verði skoðað hvernig standi á fjölgun einstaklinga sem greinast með krabbamein og ekki verði leitað skýringa á mikilli fjölgun dauðsfalla af völdum illvígs krabbameins á árinu 2022. Að ekki verði greint hvernig á því stendur að æxlunarfæri landsmanna hafa skemmst og nú er svo komið að árið 2023 var frjósemi íslenskra kvenna 1,59 og hefur hún aldrei verið minni frá því að mælingar hófust 1853. Til að viðhalda mannfjölda þarf frjósemin að vera 2,1 barn til að viðhalda mannfjölda til lengri tíma.

Víða um lönd eru hafnar rannsóknir á sóttvarnaráðstöfunum á covid árunum til að læra megi af reynslu og draga úr líkum á endurtekningu mistaka. En þannig er því ekki farið á Íslandi. Eini einstaklingurinn sem hefur axlað ábyrgð á afleiðingum mRNA bólusetninganna er fyrrverandi sóttvarnalæknir, Þórólfur Guðnason. Ef til vill er ekki rétt að orða starfslok Þórólfs með svo virðulegum hætti. Honum var gert að taka pokann sinn af landlækni þegar hann vildi ekki taka þátt vorið 2022 í hagræðingu dánarmeinaskrár með því að skrá dauðsföll af völdum mRNA bóluefnanna sem væru þau af völdum Covid-19.