Að segja ósatt í kvöldfréttum Ruv

Hvergi hefur skaðinn sem leiðir af notkun Covid mRNA bóluefnanna verið skýrari en í Vestur Ástralíu en bólusetningar hófust á veirulausum íbúum fylkisins í febrúar 2021. Vegna lokunar landamæra ríkisins í apríl 2020 hafði enginn íbúa fengið Covid þegar bólusetningar hófust. Það var fyrst undir lok ársins 2021 sem gæta fór veikinda af völdum Covid-19. Bæði núverandi og fyrrverandi sóttvarnalækni ásamt landlækni mátti vera fullljóst af reynslu Vestur Ástrala að tilkynningar um bóluefnaskaða sem margfölduðust að fjölda við upphaf bólusetninga gátu ekki verið af völdum SARS-CoV-2 veirunnar sem veldur Covid.

Að sóttvarnalæknir haldi fram skaðleysi Covid mRNA bóluefnisins eins og landsmenn hafa orðið vitni að í fréttatímum Ruv stenst ekki skoðun. Fullyrðing hennar um að aukaverkanir bóluefnisins séu afar sjaldgæfar endurspeglar ekki reynslu annarra þjóða og því síður íslenskan veruleika þar sem dauðsföllum t.a.m. af völdum illvígs krabbameins hefur fjölgað eftir að bólusetningar hófust í ársbyrjun 2021. Trúverðug skýring hefur ekki verið gefin af Embætti landlæknis á fjölgun umframdauðsfalla á Íslandi sem skipar landinu misseri eftir misseri í hóp þeirra þjóða þar sem hlutfallslega flestir hafa hlotið ótímabæran dauðdaga samkvæmt tölum Embættis landlæknis og Evrópsku hagfræðistofnunarinnar (Eurostat).

Bólusetningarþátttakan endurspeglar dvínandi tiltrú

Samkvæmt upplýsingum sóttvarnalæknis hefur þátttaka í Covid örvunarbólusetningum á tímabilinu september til nóvember dregist saman um 6,3% frá fyrra ári og hafði innan við þriðjungur landsmanna í hópi 60 ára og eldri þegið bólusetningu 25. nóv. s.l. Hlutfall 60 ára og eldri sem létu bólusetja sig gegn inflúensu til og með 19. nóvember hefur dregist saman um 16,2% eða úr 48,2% í 40,4% milli ára. Hlutföllin kunna að hækka eitthvað þar sem enn er boðið upp á bólusetningar.

Af tölunum má ráða að eldri borgarar hafa dvínandi trú á ráðleggingum Embættis landlæknis enda þekkja þeir á eigin skinni til takmarkaðrar gagnsemi Covid mRNA örvunarefnanna sem smitvarnar til og frá bólusettum ásamt því að fylgjast með miklum fjölda umframdauðsfalla á Íslandi sem skipa landinu mánuð eftir mánuð í hóp þeirra þjóða þar sem hlutfallslega flestir hafa hlotið ótímabæran dauðdaga samkvæmt tölum Embættis landlæknis og Evrópsku hagfræðistofnunarinnar. (Eurostat)

Landlæknir kúgar lækna til hlýðni með aðstoð fréttastofu Ruv

Tvo kvöldfréttatíma í röð færir Ruv landsmönnum sömu fréttina um að Embætti landlæknis hafi til skoðunar skráningu tiltekins læknis á fjórum dauðsföllum í dánarmeinaskrá síðasta árs af völdum Covid mRNA bóluefnanna. Dauðsföllin séu þau fyrstu frá upphafi Covid af völdum bóluefnanna samkvæmt dánarmeinaskránni. Af viðmælanda fréttamannsins, Guðrúnu Aspelund sóttvarnalækni, má ráða að ákvarðanir læknisins teljist ótrúverðugar þar sem bóluefnin hafi reynst örugg og alvarlegar aukaverkanir afar sjaldgæfar og því hafi verið kallað eftir gögnum frá lækninum til yfirferðar af óháðum sérfræðingum.

Hvers vegna er fréttastofu ríkisútvarpsins beitt kvöld eftir kvöld með þessum hætti? Getur hugsast að fréttastofan sé að láta nota sig til að reyna að telja landsmönnum trú um að dauðsföll af völdum bóluefnanna hafi engin verið? Þar er á brattan að sækja því Lyfjastofnun bárust 36 tilkynningar um andlát í kjölfar bólusetningar á 13 mánaða tímabilinu janúar 2021 til janúar 2022.

Líklegri skýring á endurteknum fréttaflutningi Ruv af störfum sama læknisins við skráningu í dánarmeinaskrá er að með fréttaflutningnum er verið að senda kollegum læknisins viðvörun og skýr skilaboð. Ef þið skráið dauðsföll í dánarmeinaskránna af völdum bóluefnanna hættið þið starfsframa og fjárhagslegri afkomu. En hvers vegna er Embætti landlæknis að hóta læknum opinberum fréttaflutningi af skráningu þeirra í dánarmeinaskrá nákvæmlega núna? Skýringin á því er að fyrir örfáum vikum hóf landlæknir að auglýsa örvunarbólusetningu haustsins fyrir eldri borgara og einstaklinga í áhættuhópum með Covid mRNA bóluefninu. Afleiðingarnar urðu þær sömu og haustið 2023 þegar gæta fór dauðsfalla í kjölfar bólusetninga. Þar sem fordæmið var komið um meðferð dauðsfallanna í dánarmeinaskrá hafa læknar nú talið óhætt að skrá dauðsföllin af völdum bóluefnanna með réttum hætti í skránna án þess að kalla yfir sig reiði landlæknis.

Andleg endurhæfing í stað læknisfræðilegrar meðferðar

Vonandi fyrir skaðaða af völdum mRNA Covid efnanna eru niðurstöður kanadískrar rannsóknar sem segir lyfjameðferð, fæðubótaefni eða súrefnismeðferð gagnast lítt þeim sköðuðu marklausar með öllu. Að andleg og líkamleg endurhæfing sé líklegri til að draga úr einkennum. Landlæknirinn í Queensland í Ástralíu gengur svo langt að draga í efa tilvist skaðaeinkenna af völdum bóluefnanna og telur að einkennin sem menn kvarta undan séu svipuð þeim sem oft fylgja inflúensu eða öðrum veirutengdum krankleika. Alma Möller, senn ráðherra heilbrigðismála, getur tæpast fundið þóknanlegri og hæfari eftirmann en kollega sinn í Ástralíu til að taka við embætti landlæknis takist henni að lokka hann til Íslands.

Fréttin um rannsóknina birtist í The Telegraph og er að baki greiðsluveggs. Þeim sem ná að opna fréttina er bent á að blaðamaðurinn notar orðin „long covid“ til að lýsa bóluefnaskaðanum sem er viðurkennda orðalagið innan læknisfræðinnar til að lýsa sjúkdómseinkennum sem í langflestum tilvikum verða rakin til skaðlegra aukaverkana af völdum Covid mRNA bóluefnanna. Niðurstöður Kanadísku rannsóknarinnar um andlegu endurhæfinguna eru mikill stuðningur læknum í daglegum störfum sem ella kynnu að freistast til að nota nóbelsverðlaunað lyf til hjálpar sjúklingum sínum. Landlæknir telur engrar slíkrar meðferðar þörf enda segir hún aukaverkanir af völdum mRNA efnanna „afar sjaldgæfar“.

Að hylma ekki yfir með landlækni

Ruv upplýsti landsmenn í kvöldfréttum að Embætti landlæknis væri með til athugunar skráningu tiltekins læknis á fjórum dauðsföllum í dánarmeinaskrá ársins 2023 sem væru þau af völdum Covid-19 mRNA bóluefnanna. Í fréttinni kom fram að dauðsföllin fjögur væru þau fyrstu af völdum bóluefnanna sem skráð væru í dánarmeinaskrá enda andlát sem rekja mætti til aukaverkana af þeirra völdum afar sjaldgæf. Skilaboð landlæknis til lækna með því að taka þennan tiltekna lækni og úrskurði hans um dánarorsakir af völdum bóluefnanna til athugunar eru skýr og verða ekki misskilin af læknum um land allt. Þeim sem efast um þöggun landlæknis á skaðlegum afleiðingum bóluefnanna velkjast varla í vafa eftir að hafa skoðað meðfylgjandi klippu sem sýnir 36 tilkynningar til Lyfjastofnunar um andlát sem talin eru af völdum bóluefnanna á fyrstu 13 mánuðum bólusetninganna og bera saman við efri klippuna af dánarmeinaskránni sem sýnir hvernig þeirra er í engu getið í dánarmeinaskrá landlæknis á árunum 2021 og 2022. Þeim sem fylgst hafa með tölum um ótímabær andlát á liðnum árum á Íslandi er hins vegar fullljóst að dauðsföllin sem rakin verða til bóluefnanna hér á landi hlaupa á hundruðum. Það er augljóst þegar tölur um umframdauðsföll eru skoðaðar á heimasíðu Embættis landlæknis og ekki síður þegar tölur Evrópsku hagstofunnar fyrir Ísland eru skoðaðar.

Fjögur andlát til skoðunar

Landlæknir og þöggunin um dauðsföllin

Ruv upplýsti landsmenn í kvöldfréttum að Embætti landlæknis væri með til athugunar skráningu tiltekins læknis á fjórum dauðsföllum í dánarmeinaskrá ársins 2023 sem væru þau af völdum Covid-19 mRNA bóluefnanna. Í fréttinni kom fram að dauðsföllin fjögur væru þau fyrstu af völdum bóluefnanna sem skráð væru í dánarmeinaskrá enda andlát sem rekja mætti til aukaverkana af þeirra völdum afar sjaldgæf. Skilaboð landlæknis til lækna með því að taka þennan tiltekna lækni og úrskurði hans um dánarorsakir af völdum bóluefnanna til athugunar eru skýr og verða ekki misskilin af læknum um land allt. Þeim sem efast um þöggun landlæknis á skaðlegum afleiðingum bóluefnanna velkjast varla í vafa eftir að hafa skoðað meðfylgjandi klippu sem sýnir 36 tilkynningar til Lyfjastofnunar um andlát sem talin eru af völdum bóluefnanna á fyrstu 13 mánuðum bólusetninganna og bera saman við efri klippuna af dánarmeinaskránni sem sýnir hvernig þeirra er í engu getið í dánarmeinaskrá landlæknis á árunum 2021 og 2022. Þeim sem fylgst hafa með tölum um ótímabær andlát á liðnum árum á Íslandi er hins vegar fullljóst að dauðsföllin sem rakin verða til bóluefnanna hér á landi hlaupa á hundruðum. Það er augljóst þegar tölur um umframdauðsföll eru skoðaðar á heimasíðu Embættis landlæknis og ekki síður þegar tölur Evrópsku hagstofunnar fyrir Ísland eru skoðaðar.

Ameríkanar hafa misst trú á yfirvöldum sóttvarna

Samkvæmt skýrslu CDC (Sóttvarnastofnunar USA) um bólusetningar gegn inflúensu, Covid og RSV höfðu einungis 17,9% Bandaríkjamanna 18 ára og eldri þegið örvunarbólusetningu gegn Covid-19 9. nóv. s.l. Meirihluti Ameríkana afþakkar einnig inflúensubóluefnið þar sem áætlað er að 34,7% 18 ára og eldri hafi þegið bólusetningu. Ljóst er af tölunum að Bandarískur almenningur hefur misst trú á yfirvöldum sóttvarna og fer ekki lengur að ráðleggingum þeirra. Ekki er að finna upplýsingar á heimasíðu landlæknis um þátttöku eldri borgara í bólusetningarátaki gegn Covid-19 á þessu hausti. Af ummælum stjórnenda heilsugæslunnar um rýra þátttöku eldri borgara og einstaklinga í áhættuhópum í bólusetningarátaki síðasta vetrar er þess varla að vænta að áhuginn á bóluefninu hafi vaxið. Þar kemur til aukin þekking eldri borgara á takmarkaðri gagnsemi Covid mRNA örvunarefnanna sem smitvarnar, fjölgun sjúkdómsgreininga sem rakin eru til bóluefnanna ásamt því að ekki virðist draga að neinu marki úr umframdauðsföllum á Íslandi sem skipar landinu mánuð eftir mánuð í hóp þeirra þjóða þar sem hlutfallslega flestir hafa hlotið ótímabæran dauðdaga samkvæmt tölum Embættis landlæknis og Evrópsku hagfræðistofnunarinnar. (Eurostat)

 

Er þetta virkilega að vera fáránlega fær?

Senn munu koma fram gögn vestra sem varpa munu birtu á umdeildar ákvarðanatökur stjórnenda á tímum Covid-19. Birting gagnanna mun leiða til rannsókna á athöfnum stjórnenda heilbrigðiskerfa landa, þar með talið á Íslandi, þar sem ekki verður lengur komist hjá því að yfirfara ákvarðanir teknar á vettvangi Embættis landlæknis. Þá er ekki verið að fjalla um ákvarðanir um sóttvarnir (lokanir, grímur og fl.) sem teknar voru á fyrstu mánuðum Covid sem hérlendis tóku mið af þeim sem teknar voru erlendis. Hér er verið að fjalla um ákvarðanir tengdum bóluefnum en stjórnendum til varnar skal tekið fram að hvorki hér á landi né í öðrum löndum gerðu menn sér fyllilega grein fyrir í upphafi að bóluefnin væru nánast óreynd í klínískum rannsóknum og því síður að blekkingum hafði verið beitt af lyfjaframleiðendum til að tryggja efnunum neyðarleyfi lyfjaeftirlits.

Meðal þess sem þarfnast rannsóknar eru ákvarðanir landlæknis eftir að hún hafði sterkar vísbendingar um að bóluefnin væru landsmönnum skaðleg og hefðu þegar orðið mörgum að fjörtjóni. Að þessi vitneskja verði Þórólfi fyrrverandi sóttvarnalækni og landlækni ljós á fyrra árshelmingi 2022 má lesa í fréttatilkynningum Embættis landlæknis frá þessum tíma. Í stað þess að bregðast við á grundvelli sterkra vísbendinga um skaðsemi bóluefnanna með heilsufarslega hagsmuni landsmanna í fyrirrúmi krefst hún starfsloka Þórólfs þegar hann var ekki tilbúinn til að skrá dauðsföll af völdum bóluefnanna sem væru þau af völdum Covid-19.

Ákvörðun Ölmu um að halda áfram að bólusetja með mRNA efnunum á árinu 2023 og allt til þessa dags er tilefni rannsóknar. Ölmu var kunnugt um að fullyrðingar lyfjaframleiðenda um virkni bóluefnanna sem smitvarnar voru rangar og nefnir sérstaklega á vefsetri embættis landlæknis að bóluefnin hafi ekki reynst gagnleg við að koma í veg fyrir smit til eða frá bólusettum. Alma hefur ekki komist hjá að kynna sér sem landlæknir einhverjar niðurstöður hundruða ritrýndra rannsókna sem sýna fram á hættuna af notkun bóluefnanna, hún horfir á fjölgun dauðsfalla af völdum illvígs krabbameins auk hlutfallslega fleiri umframdauðsfalla á Íslandi mánuð eftir mánuð í samanburði við nágrannaþjóðirnar. Þrátt fyrir afdráttarlausar vísbendingar um skaðsemi efnanna og gagnsleysi þeirra sem smitvarnar tekur hún ákvörðun um að halda áfram að halda bóluefnunum að eldri borgurum og einstaklingum í áhættuhópum. Ákvörðun Ölmu um áframhald notkunar mRNA efnanna á þessu ári ber ekki vitni „fáránlegri færni“ svo vísað sé til lýsingar formanns Samfylkingarinnar á hæfileikum landlæknis. Hið gagnstæða er nær sanni.

Að ætla Ölmu sæti heilbrigðisráðherra á sama tíma og embættisverk hennar verða yfirfarin mun leiða til efasemda um trúverðugleika niðurstaðna. Rétt er að hafa uppi varnaðarorð til kjósenda annarra framboða en Samfylkingarinnar í Suðvesturkjördæmi sem verða að hafa hugfast að þeir ógilda atkvæði sitt í kjörklefanum freistist þeir til að strika yfir nafn Ölmu Möllers landlæknis. Þá yfirstrikun geta þeir einir framkvæmt sem kjósa Samfylkinguna.

Hvaða fjölmiðill tekur auglýsingaskellinn?

Leit að meginstraums fjölmiðli til að birta rafræn gögn (hljóðupptökur, tölvupósta, minnisblöð og gögn) sem CDC (Sóttvarnastofnun USA) hefur haldið frá almenningi og leiða sterkar líkur að orsakasambandi MMR barnabóluefnanna og einhverfu fer nú fram. Finnst fjölmiðill vestra sem treystir sér til að fara gegn hagsmunum lyfjaframleiðenda og taka á sig fjárhagslega höggið af birtingu gagnanna með rýrari auglýsingatekjum? Bandaríkin ásamt Nýja Sjálandi eru einu löndin sem heimila auglýsingar lyfseðilskyldra lyfja í fjölmiðlum.

Steve Kirsch, sem gögnunum var lekið til, er verkfræðingur frá MIT og þekktur sem annar þeirra sem fundu upp þráðlausu músina sem við nánast öll notumst við daglega. Steve er þekktur fyrir áhuga sinn á bóluefnum og er vakinn og sofinn við að koma viðhorfum sínum í þeim efnum á framfæri. Hversu miklir hagsmunir liggja undir sést best af því að hann telur ástæðu til að taka fram í tölvupósti að gögnunum hafi verið komið í öruggar hendur annarra í því tilviki að eitthvað hendi hann.

Óbólusett í skaðatölfræðinni í hálfan mánuð eftir bólusetningu

Niðurstöður skoðunar á 325 krufningum tengdum bólusetningu gegn Covid-19 leiðir í ljós að 74% dauðsfallanna, eða 240, voru talin af völdum bóluefnanna. Meðaltími andláta frá bólusetningu var 14,3 dagar og flest dauðsföllin áttu sér stað innan viku frá bólusetningu sem skýrir hvers vegna heilbrigðisyfirvöld skilgreindu bólusetta einstaklinga sem óbólusetta í hálfan mánuð frá bólusetningu. Ekki er að undra að lyfjaframleiðendur hafa lagt ofurkapp á að niðurstöður ritrýndrar rannsóknarinnar næðu ekki sjónum almennings.

Þar sem niðurstöðurnar sýna yfirgnæfandi líkur á orsakasambandi bólusetninga og dauðsfalla kalla rannsakendur eftir tafarlausri stöðvun bólusetninga meðan gengið er úr skugga um öryggi efnanna. Hér á Íslandi kemur kallið of seint á þessum vetri fyrir eldri borgara og einstaklinga í áhættuhópum þar sem kostaboðið um bólusetningu gegn Covid hefur verið auglýst af kappi og starfsmenn heilsugæslunnar þegar heimsótt gamla fólkið á hjúkrunarheimilunum sem telja í sakleysi sínu að heilbrigði þeirra sé sett framar hagsmunum hluthafa lyfjaframleiðenda af landlækni.