Ameríkanar hafa misst trú á yfirvöldum sóttvarna

Samkvæmt skýrslu CDC (Sóttvarnastofnunar USA) um bólusetningar gegn inflúensu, Covid og RSV höfðu einungis 17,9% Bandaríkjamanna 18 ára og eldri þegið örvunarbólusetningu gegn Covid-19 9. nóv. s.l. Meirihluti Ameríkana afþakkar einnig inflúensubóluefnið þar sem áætlað er að 34,7% 18 ára og eldri hafi þegið bólusetningu. Ljóst er af tölunum að Bandarískur almenningur hefur misst trú á yfirvöldum sóttvarna og fer ekki lengur að ráðleggingum þeirra. Ekki er að finna upplýsingar á heimasíðu landlæknis um þátttöku eldri borgara í bólusetningarátaki gegn Covid-19 á þessu hausti. Af ummælum stjórnenda heilsugæslunnar um rýra þátttöku eldri borgara og einstaklinga í áhættuhópum í bólusetningarátaki síðasta vetrar er þess varla að vænta að áhuginn á bóluefninu hafi vaxið. Þar kemur til aukin þekking eldri borgara á takmarkaðri gagnsemi Covid mRNA örvunarefnanna sem smitvarnar, fjölgun sjúkdómsgreininga sem rakin eru til bóluefnanna ásamt því að ekki virðist draga að neinu marki úr umframdauðsföllum á Íslandi sem skipar landinu mánuð eftir mánuð í hóp þeirra þjóða þar sem hlutfallslega flestir hafa hlotið ótímabæran dauðdaga samkvæmt tölum Embættis landlæknis og Evrópsku hagfræðistofnunarinnar. (Eurostat)

 

Er þetta virkilega að vera fáránlega fær?

Senn munu koma fram gögn vestra sem varpa munu birtu á umdeildar ákvarðanatökur stjórnenda á tímum Covid-19. Birting gagnanna mun leiða til rannsókna á athöfnum stjórnenda heilbrigðiskerfa landa, þar með talið á Íslandi, þar sem ekki verður lengur komist hjá því að yfirfara ákvarðanir teknar á vettvangi Embættis landlæknis. Þá er ekki verið að fjalla um ákvarðanir um sóttvarnir (lokanir, grímur og fl.) sem teknar voru á fyrstu mánuðum Covid sem hérlendis tóku mið af þeim sem teknar voru erlendis. Hér er verið að fjalla um ákvarðanir tengdum bóluefnum en stjórnendum til varnar skal tekið fram að hvorki hér á landi né í öðrum löndum gerðu menn sér fyllilega grein fyrir í upphafi að bóluefnin væru nánast óreynd í klínískum rannsóknum og því síður að blekkingum hafði verið beitt af lyfjaframleiðendum til að tryggja efnunum neyðarleyfi lyfjaeftirlits.

Meðal þess sem þarfnast rannsóknar eru ákvarðanir landlæknis eftir að hún hafði sterkar vísbendingar um að bóluefnin væru landsmönnum skaðleg og hefðu þegar orðið mörgum að fjörtjóni. Að þessi vitneskja verði Þórólfi fyrrverandi sóttvarnalækni og landlækni ljós á fyrra árshelmingi 2022 má lesa í fréttatilkynningum Embættis landlæknis frá þessum tíma. Í stað þess að bregðast við á grundvelli sterkra vísbendinga um skaðsemi bóluefnanna með heilsufarslega hagsmuni landsmanna í fyrirrúmi krefst hún starfsloka Þórólfs þegar hann var ekki tilbúinn til að skrá dauðsföll af völdum bóluefnanna sem væru þau af völdum Covid-19.

Ákvörðun Ölmu um að halda áfram að bólusetja með mRNA efnunum á árinu 2023 og allt til þessa dags er tilefni rannsóknar. Ölmu var kunnugt um að fullyrðingar lyfjaframleiðenda um virkni bóluefnanna sem smitvarnar voru rangar og nefnir sérstaklega á vefsetri embættis landlæknis að bóluefnin hafi ekki reynst gagnleg við að koma í veg fyrir smit til eða frá bólusettum. Alma hefur ekki komist hjá að kynna sér sem landlæknir einhverjar niðurstöður hundruða ritrýndra rannsókna sem sýna fram á hættuna af notkun bóluefnanna, hún horfir á fjölgun dauðsfalla af völdum illvígs krabbameins auk hlutfallslega fleiri umframdauðsfalla á Íslandi mánuð eftir mánuð í samanburði við nágrannaþjóðirnar. Þrátt fyrir afdráttarlausar vísbendingar um skaðsemi efnanna og gagnsleysi þeirra sem smitvarnar tekur hún ákvörðun um að halda áfram að halda bóluefnunum að eldri borgurum og einstaklingum í áhættuhópum. Ákvörðun Ölmu um áframhald notkunar mRNA efnanna á þessu ári ber ekki vitni „fáránlegri færni“ svo vísað sé til lýsingar formanns Samfylkingarinnar á hæfileikum landlæknis. Hið gagnstæða er nær sanni.

Að ætla Ölmu sæti heilbrigðisráðherra á sama tíma og embættisverk hennar verða yfirfarin mun leiða til efasemda um trúverðugleika niðurstaðna. Rétt er að hafa uppi varnaðarorð til kjósenda annarra framboða en Samfylkingarinnar í Suðvesturkjördæmi sem verða að hafa hugfast að þeir ógilda atkvæði sitt í kjörklefanum freistist þeir til að strika yfir nafn Ölmu Möllers landlæknis. Þá yfirstrikun geta þeir einir framkvæmt sem kjósa Samfylkinguna.

Hvaða fjölmiðill tekur auglýsingaskellinn?

Leit að meginstraums fjölmiðli til að birta rafræn gögn (hljóðupptökur, tölvupósta, minnisblöð og gögn) sem CDC (Sóttvarnastofnun USA) hefur haldið frá almenningi og leiða sterkar líkur að orsakasambandi MMR barnabóluefnanna og einhverfu fer nú fram. Finnst fjölmiðill vestra sem treystir sér til að fara gegn hagsmunum lyfjaframleiðenda og taka á sig fjárhagslega höggið af birtingu gagnanna með rýrari auglýsingatekjum? Bandaríkin ásamt Nýja Sjálandi eru einu löndin sem heimila auglýsingar lyfseðilskyldra lyfja í fjölmiðlum.

Steve Kirsch, sem gögnunum var lekið til, er verkfræðingur frá MIT og þekktur sem annar þeirra sem fundu upp þráðlausu músina sem við nánast öll notumst við daglega. Steve er þekktur fyrir áhuga sinn á bóluefnum og er vakinn og sofinn við að koma viðhorfum sínum í þeim efnum á framfæri. Hversu miklir hagsmunir liggja undir sést best af því að hann telur ástæðu til að taka fram í tölvupósti að gögnunum hafi verið komið í öruggar hendur annarra í því tilviki að eitthvað hendi hann.

Óbólusett í skaðatölfræðinni í hálfan mánuð eftir bólusetningu

Niðurstöður skoðunar á 325 krufningum tengdum bólusetningu gegn Covid-19 leiðir í ljós að 74% dauðsfallanna, eða 240, voru talin af völdum bóluefnanna. Meðaltími andláta frá bólusetningu var 14,3 dagar og flest dauðsföllin áttu sér stað innan viku frá bólusetningu sem skýrir hvers vegna heilbrigðisyfirvöld skilgreindu bólusetta einstaklinga sem óbólusetta í hálfan mánuð frá bólusetningu. Ekki er að undra að lyfjaframleiðendur hafa lagt ofurkapp á að niðurstöður ritrýndrar rannsóknarinnar næðu ekki sjónum almennings.

Þar sem niðurstöðurnar sýna yfirgnæfandi líkur á orsakasambandi bólusetninga og dauðsfalla kalla rannsakendur eftir tafarlausri stöðvun bólusetninga meðan gengið er úr skugga um öryggi efnanna. Hér á Íslandi kemur kallið of seint á þessum vetri fyrir eldri borgara og einstaklinga í áhættuhópum þar sem kostaboðið um bólusetningu gegn Covid hefur verið auglýst af kappi og starfsmenn heilsugæslunnar þegar heimsótt gamla fólkið á hjúkrunarheimilunum sem telja í sakleysi sínu að heilbrigði þeirra sé sett framar hagsmunum hluthafa lyfjaframleiðenda af landlækni.

Ráðgátan um faraldur einhverfu er við það að upplýsast

Fullyrðingin um að MMR bóluefnin eigi ekki þátt í mikilli fjölgun barna sem greinst hafa með einhverfu á liðnum áratugum, svo líkist faraldri samkvæmt Ráðgjafar- og greiningarstöð, er við það að afsannast. Ljóst er að nýir húsbændur eru að taka við heilbrigðisráðuneyti Bandaríkjanna þar sem skjölum sem haldið hefur verið leyndum hjá CDC, sóttvarnastofnuninni, og innihalda gögn og sannanir fyrir skaðsemi barnabóluefnanna hefur verið lekið.

Trúverðugleiki landlæknis

Samkvæmt lögum um landlækni og lýðheilsu er landlæknir ábyrgðarmaður þeirra skráa sem hann skipuleggur og þeirra á meðal er dánarmeinaskrá. Tölurnar í töflunni eru úr dánarmeinaskrá landlæknis 2023 og undir henni er mynd af vef Lyfjastofnunar. Í dánarmeinaskrá á árinu 2023 er greint frá 4 dauðsföllum sem rakin eru til bóluefnanna. Landlæknir hefur fundið 36 tilkynningum sem bárust Lyfjastofnun um andlát í kjölfar bólusetninga frá janúar 2021 til og með janúar 2022 annan reit í skránni en í línunni um „COVID-19 bóluefni sem veldur aukaverkunum við bólusetningu.“ Ljóst er af töflunni hvað veldur skyndilegum ótímabærum starfslokum Þórólfs Guðnasonar fyrrverandi sóttvarnalæknis. Aðdragandi starfsloka Þórólfs var rakinn í Mbl. grein 16.7.24. Stuttur útdráttur fer hér á eftir:

Önnur tilkynningin á vef landlæknis með fyrirsögninni „Andlát vegna COVID-19“ er birt 28.4.2022. Tilefni fréttarinnar var að; „talsverð umræða í fjölmiðlum um fjölgun andláta á fyrsta fjórðungi þessa árs miðað við undanfarin ár og látið að því liggja að COVID-19 faraldrinum sé um að kenna.“ Ljóst er af orðalaginu að Þórólfur telur Covid-19 sjúkdóminn ekki orsök dauðsfallanna. Á þessum tíma á sér stað umræða meðal stjórnenda heilbrigðisþjónustunnar, bæði hér á landi og erlendis, hvernig skrá eigi dánarorsakir dauðsfallanna sem aðilum er þá orðið ljóst að bóluefnin valda. Að nefna mRNA efnin sem hugsanlega dánarorsök var óhugsandi. Þórólfur er í lok apríl ekki sáttur við að skrá dánarorsakir óviðkomandi Covid-19 sem væru þær af völdum sjúkdómsins. Athygli vekur hvernig Þórólfur rekur í löngu máli hvernig hann sem sóttvarnalæknir heldur utan um tölfræðina um fjölda andláta á tímum Covid-19. Ljóst er af lestrinum að þarna er hafin mikil barátta á skrifstofu embættis landlæknis milli sóttvarnalæknis og landlæknis um hvernig skrá eigi dánarorsakir dauðsfallanna.

Hálfum mánuði eftir frétt sóttvarnalæknis um að dauðsföllin séu ranglega talin af völdum Covid-19 gefur landlæknir út fréttatilkynningu 12.5.2022 þar sem greint er frá „formlegri“ uppsögn sóttvarnalæknis af persónulegum og faglegum ástæðum. Eins og fréttatilkynningar sóttvarnalæknis bera með sér er fagleg ástæða starfsloka Þórólfs, ári fyrir sjötugt, sú að hann var ekki tilbúinn til að taka þátt í blekkingarleiknum sem nú fór í hönd og stendur enn. Sem er að bóka dauðsföllin af völdum mRNA bóluefnanna sem væru þau af völdum Covid-19.

Fjórum dögum eftir að Þórólfur sagði starfi sínu lausu birtist þriðja fréttatilkynningin á skömmum tíma á heimasíðu Embættis landlæknis um „Andlát á Íslandi af völdum Covid-19“ þar sem greint var frá að við yfirferð dánarvottorða hafi fundist 53 dauðsföll vegna Covid-19 sem ekki var getið í frétt sóttvarnalæknis 28.4.

Ljóst er af ofanrituðu að endurskoðunar er þörf á færslu dánarmeinaskrár síðustu ára. Landsmenn gera þá kröfu til formanna flokkanna að þeir tryggi að eftirlit með þeirri vinnu verði ekki í höndum heilbrigðisráðherra sem gegndi stöðu landlæknis þegar misfellurnar við færslu skráarinnar áttu sér stað.

Stjórnmálaleiðtogum settir afarkostir

Til stórtíðinda dró í aðdraganda alþingiskosninga þegar formaður Samfylkingarinnar gerði því næst að skilyrði fyrir aðild flokksins að ríkisstjórn að samstarfsflokkarnir féllust á að heilbrigðisráðuneytið yrði Samfylkingarinnar og í stól heilbrigðisráðherra myndi setjast hinn „fáránlega færi“ landlæknir, Alma Möller. „Allan daginn er hún heilbrigðisráðherraefni Samfylkingarinnar,“ sagði Kristrún í Grjótkastinu hjá Birni Inga Hrafnssyni fjölmiðlamanni. Ljóst er að formaður Samfylkingarinnar hefur ekki kynnt sér með hlutlægum hætti skaðsemi Covid mRNA bóluefnanna og umdeildar ákvarðanir landlæknis sem meðal annars leiddu til starfsloka fyrrverandi sóttvarnalæknis. Vandvirkni var ekki höfð í fyrirrúmi við val á landlækni í oddvitasæti flokksins í Suðvesturkjördæmi. Þessum óvönduðu vinnubrögðum við val á lista Samfylkingarinnar ætlar formaðurinn að þröngva upp á formenn hinna flokkanna. Annað hvort samþykkið þið Ölmu sem heilbrigðisráðherra eða þið eruð útilokaðir frá ríkisstjórnarsamstarfi. Alma kemur ekki sem heilbrigðisráðherra til með að svara fyrir eða skoða eigin verk. Það sjá allir. Sýnishorn spurninga sem aldrei verður svarað á Íslandi:

·      Hvers vegna heldur Alma Möller landlæknir áfram að bjóða bóluefnin þegar fyrir liggur samkvæmt henni sjálfri að þau hafa ekki reynst mjög gagnleg til að hindra smit til eða frá bólusettum?

·      Hvers vegna heldur landlæknir áfram að bjóða bólusetningar þegar fyrir liggja sterkar vísbendingar um skaðsemi bóluefnanna sem sjá má af reynslu Íslendinga með mikilli fjölgun krabbameinstilvika auk fleiri sjúkdóma í kjölfar bólusetninganna ásamt fjölgun dauðsfalla umfram það sem gera hefði mátt ráð fyrir miðað við reynslu?

·      Hvers vegna heldur landlæknir áfram að bólusetja með mRNA efni sem reynslan og rannsóknir sýna að eru þeim eiginleikum búin að þeim bólusetta verður hættara með hverri sprautu að veikjast af sjúkdómnum sem bóluefninu er ætlað að vernda gegn?

·      Af hverju heldur landlæknir áfram að bjóða landsmönnum mRNA bóluefni Pfizer en fimm ríki Bandaríkjanna hafa höfðað mál á hendur lyfjaframleiðandanum fyrir ýmsar sakir tengda efninu og þar á meðal fyrir að hafa blekkt almenning um öryggi bóluefnisins og gagnsemi þess sem smitvarnar?

·      Hvers vegna beitir landlæknir sér ekki fyrir tímabundinni stöðvun bólusetninga þar til gengið hefur verið úr skugga um að ávinningurinn af notkun efnanna sé talinn af stærðargráðu sem réttlæti skaðann sem landsmenn hafa orðið vitni að?

Hvað býr að baki kappi formanns Samfylkingarinnar við að koma landlækni í embætti heilbrigðisráðherra? Ætla formenn flokkanna að sætta sig við að verða stillt upp við vegg? Annað hvort samþykkið þið landlækni sem næsta heilbrigðisráðherra sem kemur til með að fara með lykilhlutverk við að endurskoða sóttvarnir Íslands í Covid eða Samfylkingin útilokar ykkur frá ríkisstjórn. Kristrún, formaður Samfylkingarinnar, á þakkir skyldar fyrir þessa uppstillingu á uppgjöri covid áranna. Hún hefur auðveldað landsmönnum valið í næstu alþingiskosningum. Nú munu landsmenn vita fyrir kosningar hvort einstakir formenn telji ákvarðanir landlæknis á covið árunum byggja á svo mikilli „fáránlegri færni“ að þær sé óþarft að skoða en þannig mun málum verða fyrir komið taki Alma sæti heilbrigðisráðherra.

 

Alma heilbrigðisráðherraefni Samfylkingarinnar

33 dánartilkynningar

Í þremur mánuðum á árinu 2024 hefur hlutfall umframdauðsfalla á Íslandi farið umfram 10%. Það var í janúar, mars og ágúst þegar það var 12,3% miðað við meðaltal áranna 2016 til 2019 samkvæmt heimasíðu Embættis landlæknis. Á fyrri helmingi ársins létust 4,9% fleiri Íslendingar miðað við sama tímabil í fyrra en þeim fjölgaði einungis um 0,5% á tímabilinu. Því miður virðist ekkert lát á ótímabærum dauðsföllum landsmanna. Þar sem einungis eitt dauðsfall í ágúst var talið af völdum SARS-CoV-2 veirunnar verða umframdauðsföllin ekki skýrð sem væru þau af völdum Covid. Umframdauðsföllin eru að verða viðvarandi staðreynd sem ekkert lát er á og því er ekki að undra að eldri borgarar og einstaklingar í áhættuhópum hafi að stórum hluta afþakkað örvunarbólusetningu gegn Covid í fyrravetur. Frásagnir af bóluefnaskaða og dánartilkynningar blaðs allra landsmanna fara ekki fram hjá landsmönnum en í Morgunblaðinu í gær voru 33 tilkynningar um andlát. Svo margar dánartilkynningar á einum degi eru ekki algengar, sem betur fer, en boða ekki gott um framvinduna í nóvember. Hjúkrunarheimilin hafa fengið heilbrigðisstarfsmenn í heimsóknir að undanförnu með Covid mRNA sprautuna sem kann að skýra fjölda dánartilkynninga.

Kanntu annan Ruv

Af einhverjum óútskýrðum ástæðum keppist Ruv við að telja landsmönnum trú um að Íslendingar hafi sloppið hvað best þjóða frá Covid. Þar sem Ríkisútvarpinu er ætlað að gæta hlutleysis í fréttaflutningi, og þá ekki síst í aðdraganda þingkosninga, er óhugsandi að fréttaflutningur af frábærum árangri Íslendinga við sóttvarnir tengist framboði landlæknis til Alþingis í fyrsta sæti Samfylkingar í Suðvesturkjördæmi. Súluritið sýnir að fréttaflutningur Ruv er ekki einungis hlutdrægur og ætlað að auðvelda væntanlega skipan landlæknis sem heilbrigðisráðherra næstu ríkisstjórnar þegar tölur Evrópsku hagfræðistofnunarinnar (Eurostat) um hlutfall umframdauðsfalla á Íslandi er borið saman við hlutfall ESB ríkjanna.

Falskt öryggi – vinnubrögðin kunnugleg

Foreldrar gera sér fæstir grein fyrir afar takmörkuðum klínískum rannsóknum á öryggi barnabóluefna sem nánast eru skylda eins og íslenskir foreldrar finna sem leyfa sér að lýsa efasemdum við heilbrigðisstarfsmenn um skynsemi bólusetninga barna sinna. Að ekkert barnabóluefnanna hafi undirgengist tvíblinda klíníska rannsókn varð ljóst þegar Heilbrigðisráðuneyti Bandaríkjanna neyddist til að staðfesta það í framhaldi lögsóknar Róberts F Kennedy Jr. en hann mun gegna þýðingarmiklu hlutverki í komandi stjórn USA við að endurskipuleggja starf FDA og CDC þ.e. stofnana lyfjaeftirlits og sóttvarna. Ekki veitir af að taka til hendinni á þeim bæjum sem eru að miklu leiti í vasa lyfjaframleiðenda. Í hliðstæða tiltekt þyrfti að ráðast hjá Embætti landlæknis. En það er borin von að í hana verði ráðist í bráð þar sem verðandi heilbrigðisráðherra Samfylkingarinnar mun senn skipa handgenginn eftirmann sinn í embætti landlæknis.