Heldur Ísland efsta sæti umframdauðsfalla Evrópuþjóða 2024?

Lesendum Morgunblaðsins til glöggvunar sýnir súluritið þróun dánartíðni frá árinu 2011. Að árunum 2016 og 2022 undanskyldum hefur dánartíðnin ekki verið hærri á Íslandi en hún var á árinu 2023 og því miður virðist dánartíðni yfirstandandi árs hækka frá árinu 2023. Sé íslenska dánartíðnin borin saman við dánartíðni 26 Evrópuþjóða á vefsíðu Mortality Watch kemur í ljós að aldursleiðrétt umframdánartíðni ársins 2022 setur Ísland í annað sæti þjóða Evrópu og á árinu 2023 er Ísland með hæstu umframdánartíðni í Evrópu. Umfjöllun Embættis landlæknis og frásögn Morgunblaðsins um þróun dánartíðni á Íslandi gefur hæpna mynd og skiljanlega lætur landlæknir alþjóðlegan samanburð dánartíðninnar á Íslandi síðustu tvö árin eftir bólusetningarárið mikla í engu getið.

Ólíkar dánarorsakir karla og kvenna

Hokinn af ráðgjöf

Kári Stefánsson forstjóri deCode er montinn af ríkisstjórninni í viðtali Morgunblaðsins 28. desember s.l. fyrir að hafa látið fagfólk ráða för við ákvörðun sóttvarnaráðstafana á fyrstu misserum Covid og telur sóttvarnalækni og landlækni hafa stýrt þessu ævintýralega vel. Honum finnst skrítið að stjórnmálamenn sem stjórnuðu landinu á þessum tíma telji nú að bregðast hefði átt við með vægari hætti. Réttlætir hann sóttvarnaaðgerðir og bólusetningarherferð sem hófst með óreyndum efnum um áramótin 20/21 með dauðsföllum á spítala á Ítalíu vorið 2020. Kaflinn um sóttvarnir í viðtalinu er varnarræða aðalráðgjafa sóttvarnalæknis, landlæknis og stjórnvalda til réttlætingar rangri ráðgjöf sem hafði í för með sér ótímabæran dauðdaga hundruða landsmanna og sviptu þúsundir heilsu. Raunalegt er að lesa vísindamanninn réttlæta ranga ráðgjöf sína með rangri fullyrðingu um að bóluefnin hafi bjargað „hundruðum milljóna manna á heimsvísu“ þegar fyrir liggja niðurstöður ritrýndra rannsókna sem staðfesta að milljónir hafa mætt ótímabærum dauðdaga fyrir tilverknað bóluefnanna. Hér má sjá einn af þingmönnum Þjóðverja á Evrópuþinginu afgreiða fullyrðinguna í örstuttu myndbandi (bútur úr viðtalinu neðst í klippunni). En landsmenn þurfa ekki að kynna sér niðurstöður rannsókna til að sjá íslensku reynsluna af bóluefnunum. Reynslan liggur fyrir í meðfylgjandi súluriti með tölum Hagstofunnar um dánartíðni sem afhjúpar ranga ráðgjöf Kára. Því mun hann aldrei fá breytt og breytir þá engu þó hann láti mynda sig undirgefinn og hokinn af ráðgjöfinni sitjandi á gólfinu.

Breyttu forgangsröðuninni Alma

Að gaddapróteinið finnist í blóði mRNA Covid bólusettra einstaklinga sem aldrei veiktust af covid allt að tveimur árum eftir bólusetningu eru uggvænleg tíðindi fyrir okkur sem þáðu bólusetningar með mRNA efninu sagt með þeim fyrirvara að frásögn Alex Berenson af niðurstöðum óbirtrar rannsóknar Yale háskólans reynist rétt í meginatriðum. Tímabært er að heilbrigðisyfirvöld horfist í augu við skaðann sem mRNA efnin hafa valdið á heilsu margra landsmanna með öflugri upplýsingagjöf til skaðaðra einstaklinga og heimild til lækna að beita þeim meðferðarúrræðum sem menntun þeirra og reynsla býður. Læknar eiga vitaskuld ekki að eiga á hættu að falla í ónáð telji þeir sjúklingi fyrir bestu að ávísa lyfi sem ekki er þóknanlegt stjórnendum heilbrigðiskerfisins. Það yrði ekki ónýtt fyrir þjóðina að verða þess áskynja við áramót að með nýjum yfirmönnum heilbrigðismála hafi orðið stefnubreyting. Að heilsa landsmanna hafi forgang á hagsmuni lyfjaframleiðenda. Kanntu annan!

Mesta fjölgun dauðsfalla í Evrópu 2022

Engar skýringar hafa enn verið gefnar af heilbrigðisyfirvöldum á þeirri staðreynd að hlutfallslega mun fleiri Íslendingar mættu ótímabærum dauðdaga á árinu 2022 en þegnar annarra þjóða Evrópu en á því ári hafði Ísland sérstöðu meðal þjóðanna með 15% fjölgun dauðsfalla. (efra súluritið) Sérstaða Íslands staðfestist með skýrslu OECD þar sem gerður var samanburður á árangri sóttvarna meðal aðildarþjóða á Covid árunum. Skýrslan staðfesti að á Íslandi hækkaði dánartíðni mest allra landa eða um 11,5% á milli áranna 2021 og 2022 og var Ísland í sérflokki þar sem dánartíðni lækkaði á sama tíma í flestum löndum samtakanna. Önnur sláandi niðurstaða höfunda OECD skýrslunnar var að Ísland var með annað hæsta hlutfall dauðsfalla Í Evrópu í aldurshópnum 44 ára og yngri á árunum 2020 til 2022. Við útreikning OECD á dánartíðni var tekið tillit áhrifa mismunandi aldursamsetningar og mannfjöldaþróunar milli landa á árunum 2015 til 2022.

Í 16 löndum Evrópu fækkaði dauðsföllum á árinu 2023 hlutfallslega meira en á Íslandi. (neðra súluritið) Virðist sem hærri dánartíðni á Íslandi hafi fest í sessi eftir bólusetningarárið 2021 sbr. metfjölgun dauðsfalla á árinu 2022, minni fækkun á Íslandi 2023 í samanburði Evrópulanda og að fjöldi dauðsfalla á þremur fyrstu fjórðungum yfirstandandi árs bendir til 2 til 3% fjölgunar látinna á árinu 2024.

Viðskiptamódelið að skaða fyrst og lækna svo

Heimasíða Krabbameinsfélags Íslands er náma tölulegra upplýsinga um þróun krabbameins á Íslandi á síðustu áratugum. Tölurnar eru settar fram sem fimm ára meðaltöl og því er ekki unnt að greina þróunina eftir árum frá upphafi Covid. Á súluritinu sést fjöldi nýrra tilfella á hverju fimm ára tímabili uppfærður miðað við meðalmannfjöldann á árunum 2019 til 2023. Hækkun síðustu ára umfram leitni leynir sér ekki. Dánarmeinaskrá landlæknis endurspeglar þróunina en í henni má sjá rúmlega 8% fjölgun látinna af völdum illvígs krabbameins á árunum 2022 og 2023 frá bólusetningarárinu 2021. Vöxtur krabbameins hér á landi helst í hendur við reynslu annarra þjóða. Kaldhæðnislegt er að fylgjast með Pfizer kynna fyrir fjárfestum viðskiptatækifærið sem framleiðandinn eygir í kjölfar skaðans sem mRNA Covid efnin hafa valdið sem er að yfirtaka framleiðendur krabbameinslyfja með stóraukna framleiðslu lyfjanna að markmiði.

Dánarlíkur bólusettra 69 til 94% hærri

Samkvæmt niðurstöðum brasilískrar rannsóknar á afdrifum 15.147 innlagðra sjúklinga með alvarlega öndunarfærasjúkdóma (SARS/COVID-19) létust 5.157 eftir að þrír mánuðir voru frá sjúkdómsgreiningu. Þar af 91,5% (4.720) innan árs og 8,5% (437) síðar. Dánarlíkur þeirra bólusettu voru 8% lægri í skammtíma en varnaráhrif bólusetningarinnar hurfu á nokkrum mánuðum og að ári höfðu dánarlíkur þeirra allt að því tvöfaldast í samanburði við þá óbólusettu. Brasilísku rannsakendurnir vísa m.a. til rannsóknar Rancourt og fleiri hverra niðurstöður voru hlaðnar sönnunum um orsakasamhengi Covid bólusetninga og umframdauðsfalla í 17 löndum á suðurhveli jarðar.

Skilyrði fyrir innköllun mRNA efnanna augljóslega uppfyllt

Í nóvember s.l.voru birtar niðurstöður rannsóknar sem fjallaði um lyfjainnkallanir á síðustu áratugum og hvaða skilyrði voru lögð til grundvallar innköllun. Tilefni rannsóknarinnar var að kanna hvort skilyrði innköllunar væru uppfyllt í tilviki Covid-19 mRNA bóluefnanna. Höfundar rannsóknarinnar visa til verkjalyfsins Vioxx sem Merck fékk markaðsleyfi fyrir 1999 og var innkallað 2004 eftir að 20 milljónir höfðu neytt lyfsins, af hverjum 88.000 til 139.000 höfðu fengið hjartadrep sem leiddu til dauða 30% til 40%. Aðgerðir eftirlitsaðila gagnvart Merck um innköllun  á grundvelli fyrirliggjandi gagna um alvarlegar aukaverkanir lyfsins töfðust þá líkt og nú virðist vera staðreyndin með mRNA covid efnin. Niðurstöður rannsóknarinnar eru að skilyrði til innköllunar covid mRNA efnanna séu uppfyllt. Benda þeir á mikilvægi aðgengis almennings að gögnum klínískra rannsókna og hvetja til aukins gegnsæis af hálfu lyfjaframleiðenda og meiri árvekni eftirlitsaðila.

 

Næsti landlæknir kemur ekki til með að búa að reynslu af stjórnunarstörfum á sviði heilbrigðisþjónustu

Að ekki sé búið að ráða í stjórnunarstöður hjá hinu opinbera áður en störfin eru auglýst heyrir til undantekninga. Fráfarandi landlæknir og nýr heilbrigðisráðherra er næsta örugglega búin að lofa embættinu tilteknum einstaklingi sem ráðherrann getur treyst að fari vel með beinagrindurnar í skápum Embættis landlæknis frá covid árunum. Með því að bera saman texta þriggja síðustu auglýsinga um starf landlæknis frá árunum 2014, 2017 og nú má sjá vísbendingu um ráðninguna því auglýsingin er hanskasaumuð þeim sem þegar hefur verið hvattur til að sækja um í fullri vissu þess að fá starfið. Í auglýsingunni að þessu sinni er ekki lengur talið mikilvægt að umsækjandinn hafi reynslu af stjórnunarstörfum á sviði heilbrigðisþjónustu eins og það var orðað 2017 eða innan heilbrigðisþjónustu eins og það var orðað 2014.

Að horfa á snillinga látast í beinni er þyngra en tárum taki

Skaðinn af völdum bóluefnanna er augljós meðal atvinnumanna í knattspyrnu. Efra súluritið sýnir samanburð á fjölda knattspyrnumanna sem létust skyndidauða á vellinum 2019 og 2021. Það neðra fjölda leikmanna sem féllu á völlinn vegna atvika t.d. fyrir hjarta eða látnir eftir mánuðum á árinu 2021. Það leynir sér ekki að bólusetningarnar hófust vorið 2021. Í hlekknum er frásögn af fjölgun dauðsfalla atvinnumanna í knattspyrnu, fjallað um þöggunina um skaðann af efnunum hjá FIFPRO og að þrýstingi í garð leikmanna um bólusetningar var aflétt án þess að hátt færi haustið 2022.

Nýjum heilbrigðisráðherra óskað velfarnaðar í starfi

Áður hefur komið fram að áhættan (Absolute Risk) á að veikjast af covid lækkaði um 0,84% við bólusetningu. Landsmenn voru blekktir til að þiggja bóluefnið með því að telja þeim trú um 95% vernd efnanna á grundvelli útreiknings lækkunar hlutfallslegrar áhættu (relative risk reduction RRR). FDA (Lyfjaeftirlit Bandaríkjanna) varar við kynningu á smitvörn lyfja á grundvelli þess útreiknings. Samkvæmt tölum ECDC hafa 73,4% landsmanna 65 til 69 ára áttað sig á takmarkaðri skynsemi mRNA bólusetningar með því að afþakka gylliboð í auglýsingaherferð landlæknis.

Tölurnar í meðfylgjandi töflu styðja ákvörðun þorra eldri borgara. Dálkur tvö sýnir hlutfallslega smitvörn bóluefna eftir framleiðendum. Afar blekkjandi hlutfall sem haldið var að almenningi. Dálkur þrjú sýnir hvað áhætta þeirra á að veikjast af covið lækkaði í raun. Dálkur fjögur sýnir fjölda þeirra sem þarf að sprauta til að koma í veg fyrir EITT smit af Covid-19. (NNT Number Needed to Treat). Að 119 eldri borgara þurfi að bólusetja með Pfizer til að koma í veg fyrir eitt smit sýnir glögglega hversu illa ígrunduð sú ákvörðun nýja heilbrigðisráðherrans og fráfarandi landlæknis er að halda áfram bólusetningum sem enginn væri morgundagurinn þegar aukin heldur er horft til hundruða umframdauðsfalla og skaðans sem efnin hafa sannanlega valdið. Vonandi finnur nýr heilbrigðisráðherra til ábyrgðar og breytir forgangsröðuninni sem hún hafði sem landlæknir. Að nota þessi tímamót til að setja heilsu landsmanna framar hagsmunum lyfjaframleiðenda.