Japanar rekja umframdauðsföllin til bóluefnanna

Japanskir vísindamenn hafa fundið tengsl á milli bólusetninga og 6 tegunda krabbameins í stærstu rannsókn til þessa á skaða af völdum covid mRNA bóluefnanna. Gagnagrunnur með öllum 123 milljónum Japana lá undir í rannsókninni en Japanir eru bólusettasta þjóð heimsins.

Krabbameinin eru í eggjastokkum, munnholi (vörum, munnholi og barka) blöðruhálskirtli, brisi, brjóstum auk hvítblæðis. Þessar tegundir krabbameins eru öll þekkt sem estrógenviðtaka alfa (ERα)-næm krabbamein.

Rannsóknin tekur af vafa um að umframdauðsföllin í Japan megi rekja til skaða af völdum bóluefnanna en ekki til vírusins.

Niðurstöður rannsókna japönsku vísindamannanna marka tímamót. En Íslendingum ætti ekki að koma niðurstöður vísindamannanna á óvart. Hérlendis staðfesti embætti landlæknis hliðstæðar niðurstöður og Japanar hafa nú fundið með útgáfu dánarmeinaskrár fyrir árið 2022. Dauðsföllum af völdum illkynja æxla á Íslandi fjölgaði um 9% á árinu 2022. Illkynja æxli í blöðruhálskirtli dró 21% fleiri til dauða en á fyrra ári, eitilæxli 17%, mergæxli 40%, æxli í brisi 23% og dauðsföllum af völdum hvítblæðis fjölgaði um 33% frá fyrra ári.

Bullandi vanhæfur álitsgjafi

Það er með ólíkindum hversu frétta- og blaðamönnum gengur illa að átta sig á að Kári Stefánsson sem launþegi fyrirtækis í eigu sömu aðila og eiga stærstu framleiðendur bóluefnanna er fullkomnlega vanhæfur sem álitsgjafi á bóluefnum. Hvers vegna ættu foreldrar að trúa Kára frekar um barnabóluefnin þegar hann hefur ítrekað verið staðinn að rangfærslum um covid efnin.

Klippan er niðurlag greinar sem við Helgi Örn Viggóson og Þorsteinn Siglaugsson skrifuðum til leiðréttingar mörgum rangfærslum Kára sem hann lét frá sér fara síðast þegar hann kaus að tjá sig um covid efnin.

Og Kári brá ekki af vana í hagsmunagæslunni fyrir hönd þeirra sem greiða honum launin og fór með rangt mál í gær.

 

Krabbameinsveisla lyfjaframleiðenda

Af óútskýrðum ástæðum kemur krabbameinsvöxturinn um heim allan lyfjaframleiðendum ekki á óvart. Forstjóri Pfizer, Albert Bourla, telur að einn af hverjum þremur muni fá krabbamein. Svo öruggur er hann með þessa framtíðarsýn að hann hefur fjárfest í fyrirtækjum í krabbameinslyfjaframleiðslu á háum verðum á síðustu mánuðum og misserum. Ekki er ástæða til að draga framtíðarsýn forstjórans í efa. Hann sá jú covid fyrir eins og Bill Gates.

Hér á landi sýndi dánarmeinaskrá landlæknis fyrir árið 2022 skelfilega þróun. Dauðsföllum af völdum illkynja æxla fjölgaði um 9% á árinu 2022. Illkynja æxli í blöðruhálskirtli dró 21% fleiri til dauða en á fyrra ári, eitilæxli 17%, mergæxli 40%, æxli í brisi 23% og dauðsföllum af völdum hvítblæðis fjölgaði um 33% frá fyrra ári.

Að neðan fylgja nokkrar klippur úr tölvupósti William Makis læknis.

Fátt um svör

Á blaðmannafundi í Genf um mannréttindi og Covid-19 varpaði Christof Plothe forstöðumaður World Council for Health WCH fram 36 spurningum sem fylgja í klippum. Spurningum sem mörgum hverjum væri áhugavert að fá svör við frá íslenskum heilbrigðisyfirvöldum.

Talandi um upplýsingagjöf og svör íslenskra yfirvalda. Hér á Íslandi heyrist ekki orð frá heilbrigðisráðherra um skaðsemi covid mRNA bóluefnanna. Ekki orð um mikla fjölgun dauðsfalla í beinu framhaldi af örvunarbólusetningum haustsins sem strax sá merki í mikilli fjölgun dvalardaga (24≥ klst.) á bráðamóttöku og fjölgun umframdauðsfalla. Engar skýringar eða viðbrögð við mánaðarlegum tíðindum af umframdauðsföllum á Íslandi sem eru þau mestu um gjörvalla Evrópu mánuð eftir mánuð. Ekki eitt orð um mikla fjölgun dauðsfalla milli áranna 2021 og 2022 af völdum illvígs krabbameins. Engar skýringar gefnar á skyndilegri afturvirkri fjölgun covid greininga hjá embætti landlæknis.

 

Eru DNA agnirnar í mRNA bóluefninu krabbameinsvaldurinn?

Prófanir eru hafnar á hvort DNA agnir sem finnast í covid mRNA efnunum geti komist inn í kjarna fruma bóluefnaþegans og valdið krabbameini. Dr. Buckhaults, sem með öðrum fann kjarnaefnið í bóluefninu, vinnur að rannsókninni. Lyfjastofnanir hafa staðfest tilvist DNA í mRNA efnunum en telja það undir mörkum og því hættulaust. Að vonum er niðurstaðna Dr. Buckhaults beðið með mikilli eftirvæntingu.

Málþingið er í dag kl. 18 á Reykjavík Natura (Gamla Loftleiðahótelinu)

Meðal framsögumanna verða hjartalæknarnir Dr. Aseem Malhotra og Dr. Peter McCullough. Aðrir framsögumenn verða Justyne Tanguay og Dr. Mattias Desmet.

Samtökin Frelsi og ábyrgð standa að viðburðinum. Aðgangseyrir er kr. 5.000 sem greiðist við inngang eða með millifærslu á reikning nr. 1161-05-250164 kt: 491121-3510.

Eigir þú ekki heimangengt en viljir leggja samtökunum lið við að standa straum af kostnaði málþingsins eru skipuleggjendur þakklátir frjálsum framlögum.

Svissneska lyfjastofnunin kærð

Kæra á hendur svissnesku lyfjastofnuninni frá júlí 2022 hefur verið endurgerð og lögð fram að nýju. Stofnunin er kærð fyrir að heimila bólusetningu almennings í Sviss með Covid mRNA efnunum. Kæran sem er yfirgripsmikil gæti allt eins átt við gjörðir lyfjastofnana í USA og Evrópu auk lyfjastofnana einstakra landa. Í klippunni má sjá helstu atriði kærunnar. Í hlekk má lesa fréttatilkynningu og kæru.

Almenningur vestra kveikir á skaða bóluefnanna

Sóttvarnastofnun bandaríkjanna CDC lætur kanna vikulega hvernig bólusetningum gegn covid, inflúensu og RSV miðar. Í lok mars höfðu 14,1% barna þegið örvunarsprautu vetrarins gegn covid. Vestra er covid bóluefninu haldið að öllum almenningi óháð aldri allt niður í smábörn. 22,6% fullorðinna (18+) höfðu látið sprauta sig, þar á meðal 42,1% 65 ára og eldri. Það eru heldur fleiri en hér á landi þar sem 25,7% 60+ höfðu þegið sprautu um áramót. Íslenskur almenningur er betur upplýstur um hætturnar sem fylgja efnunum.

CDC telur bólusetningarþekju landsmanna gegn Covid-19 of lága og mælir með því að allir 6 mánaða og eldri haldi við örvunarbólusetningum gegn covid. Forstjóri CDC boðar 10 örvunarsprautuna gegn covid í haust. Vonandi ber hérlendum heilbrigðisyfiröldum gæfa til að bjóða landsmönnum ekki upp á 10 sprautuna í haust. Þeim ætti að vera í fersku minni skaðinn sem sprauta nr. 9 sem boðið var upp frá miðjum október s.l. olli. Umframdauðsföllum á Íslandi fjölgaði mikið í kjölfar bólusetninganna og reyndust þau langhæstu í Evrópu í janúar.

Aaron Siri um bóluefnið gegn hlaupabólu

Aaron Siri lögfræðingur fjallaði í pósti að baki greiðsluveggs um hlaupabólu bóluefnið en hann hefur sérhæft sig í álitaefnum tengdum skyldu til bólusetninga. Hann vann málið gegn FDA sem skyldaði stofnunina til að birta gögnin sem tengdust neyðarleyfisveitingu mRNA bóluefnis Pfizers á nokkrum mánuðum í stað 70 ára eins og FDA og Pfizer vildu.

Athygli vekur að sóttvarnayfirvöld á Íslandi telja ástæðu til að bólusetja 18 mánaða og 2,5 árs smábörn hér á landi gegn hlaupabólu þegar Noregur, Svíþjóð, Danmörk, Frakkland, Portúgal, Belgía, Holland, Austurríki og Nýja Sjáland gera það ekki (2022). Í Ástralíu og Sviss er ekki ráðlagt að nota bóluefnið fyrr en við 10 ára aldur. En látum Aaron Siri hafa orðið:

Örugga vörnin gegn sjúkdómi X

Í hlekknum er póstur fyrir áhugasama um bóluefnaþróun. Í evrópsku pípunum eru 100 bóluefni á mismunandi stað í undirbúningsferli gagnvart EMA evrópska lyfjaeftirlitinu. Miklum fjármunum er varið til að undirbúa bóluefni við „sjúkdómi X“ þannig að unnt verði að bólusetja heimsbyggðina á augabragði þegar veiran (vonandi ekki manngerð eins og sú síðasta) gerir vart við sig.

Að sjálfsögðu hvarflar ekki að nokkurm manni annað en að undirbúningurinn helgist af einlægum áhuga á heilbrigði mannkyns. Hefur örugglega ekkert með hagsmuni hluthafa lyfjaframleiðenda að gera. Bill Gates var heppinn þegar hann fjárfesti korteri fyrir covid í BioNTech sem framleiðir mRNA bóluefnið með Pfizer. Það verður áhugavert að fylgjast með í hvaða lyfjaframleiðanda og hvenær Bill „freistar gæfunnar“ að nýju.