Örvæntingarfull tilraun til að réttlæta skaðann

Rafbyssan og áhrif á starfsemi skemmda hjartans

Mikilvægt er að bæði heilbrigðisstarfsmenn sem fá einstaklinga til meðferðar eftir að hafa verið skotnir með rafbyssu og ekki síður lögreglumenn sem taka þurfa leiftursnögga ákvörðun um beitingu vopnsins geri sér grein fyrir að töluverðar viðbótarlíkur á alvarlegum hjartaáverka kunna að fylgja notkun rafbyssunnar í kjölfar bólusetninga stórs hluta landsmanna gegn Covid-19.

Samkvæmt niðurstöðum rannsókna eru 2,8% covid mRNA bólusettra með skemmd í hjartavöðva. Flestir án þess að gera sér grein fyrir skaðanum og því ekki í stöðu til að taka upplýsta ákvörðun um hvort þeir eigi að taka áhættuna af áreynslunni á hjartavöðvann sem fylgir keppnisíþrótt sbr. atvinnumennina í knattspyrnu sem við höfum horft á hníga niður örenda á leikvellinum í beinni útsendingu síðustu misserin. Svo er það litli hópurinn með skaðaða hjartað sem hættir til að lenda upp á kant við lög og reglu og varast ekki áhrifin á hjartað sem rafstuð úr nýju vopni lögreglu kann að valda.

Morgunblaðið greinir frá bréfi ríkislögreglustjóra til heilbrigðisstarfsmanna til að upplýsa þá um hvernig eigi að meðhöndla sjúklinga sem hafa verið skotnir með rafbyssum. Í bréfinu kemur fram að miðað við tegund og styrk vopnsins megi gera ráð fyrir nokkrum flokkum áverka sem beiting þess getur haft í för með sér, beint eða óbeint. Eru dæmi nefnd eins og áhrif á rafstarfsemi hjartans.

 

Æxlunarfærin sluppu ekki

Ekki horfir gæfulega um þróun frjósemi á árinu sem er að líða því lifandi fæddum börnum á Landspítalanum fækkaði um 7,2% og fæðingum um 6,7% á fyrstu sex mánuðum ársins. Ekkert af líffærakerfunum virðist komast óskaddað frá bólusetningunum með mRNA efnunum við Covid-19 eins og starfsemi æxlunarfæra landsmanna sýnir. Stefnir því í að Hagstofan geti þriðja árið í röð notast við óbreytta fyrirsögn fréttar af frjósemi sem yrði að ári: „Frjósemi aldrei verið minni en 2024”.

Línuritið sýnir þróun fjölda kvenna á barneignaaldri og fjölda fæðinga (báðar stærðir settar á 100 2019). Að skýra fækkun fæðinga á síðustu misserum sem eðlilega í kjölfar fjölgunar barneigna eftir innilokanir er ekki lengur trúverðugt.

Tölur um fjölda látinna feimnismál

Evrópska hagfræðistofnunin hefur uppfært gagnagrunn umframdauðsfalla einstakra landa Evrópu með júní tölum. Hlutfall umframdauðsfalla á Íslandi í júní er ekki að finna í töflunni.

Samkvæmt Eurostat var hlutfall umframdauðsfalla á Íslandi 17,7% í maí s.l. þegar það var 1,7% fyrir ESB. Á vef Embættis landlæknis hefur verið að finna tölur um hlutfall umframdauðsfalla en af ókunnum ástæðum hefur taflan ekki verið uppfærð frá 10.6. s.l. en til þess tíma var hún uppfærð mánaðarlega og síðast með apríl hlutfallinu.

Tímabil grafarþagnar um fjölda látinna Íslendinga er hafið. Landsmenn komast næst því að geta sér til um fjölda dauðsfalla með talningu dánartilkynninga í blaði allra landsmanna.

Súlurritið sýnir hlutfall umframdauðsfalla á Íslandi (rauðar súlur) og ESB (bláar súlur) síðustu 11 mánuði samkvæmt vef Evrópsku hagstofunnar. Tafir á upplýsingum um fjölda látinna Íslendinga endurspeglar vandræðaganginn við framleiðslu dánartalna þar sem Íslendingum sem mæta ótímabærum dauðdaga fyrir tilverknað mRNA bóluefnanna fækkar ekki þrátt fyrir að mjög hafi dregið úr áhuga eldri borgara á bólusetningum.