Neikvæð smitvörn - virkilega?

Vilji menn auka líkurnar á að sýkjast af árlegu inflúensunni er fátt hjálplegra til þess en að þiggja árlegu inflúnsusprautuna. Niðurstöður rannsóknar á 54.400 heilbrigðisstarfsmönnum Cleveland Clinic sjúkrahússins, sem er samkvæmt könnunum meðal bestu heilbrigðisstofnana Bandaríkjanna, voru þeim sem létu sprauta sig við flensunni í vetur 27% hættara við að veikjast af flensunni en þeim sem ekki létu sprauta sig.

Að hylja skaðann

Í grein sem við Helgi Örn skrifum í Morgunblaðið í dag rekjum við hvernig stjórnendur Landspítalans hafa frá síðustu áramótum dregið úr upplýsingagjöf til að hylja alvarlegan skaðann af notkun Covid bóluefnanna fyrir landsmönnum. Jafnframt að tölur evrópsku hagfræðistofnunarinnar um umframdauðsföll í álfunni á árinu 2024 skipa Íslandi þriðja árið í röð í hóp þeirra þjóða sem hæst hafa umframdauðsföllin. Greinin fer í heild sinni hér á eftir:

Hvers vegna dregur Landspítalinn úr upplýsingagjöf?

Evrópska hagfræðistofnunin (Eurostat) hefur birt tölur um fjölda látinna á árinu 2024 borið saman við reynslu áranna fyrir COVID-19. Ísland leiðir Evrópuþjóðirnar með hlutfall umframdauðsfalla árin 2022 og 2023 og í öðru sæti 2024. Súluritin sýna hörmulega stöðu Íslands í samanburði við þjóðirnar á meginlandinu. Af hvaða ástæðum Samfylkingin taldi ástæðu til að verðlauna þennan skelfilega árangur sóttvarna með því að gera fyrrverandi landlækni að heilbrigðisráðherra er hulin ráðgáta.

Slakur árangur landsins á sviði sóttvarna hefur fleiri birtingarmyndir heldur en hátt hlutfall umframdauðsfalla í samanburði við nágrannalöndin. Talið var tilefni til sérstakrar íslenskrar rannsóknar á vegum Landspítalans undir heitinu „Áhrif Covid-19 bólusetningar á hjartastarfsemi með aðaláherslu á sjúkdóma í gollurhúsi, hjartavöðva eða hjartsláttartruflanir“. Ákvörðun um rannsóknina kemur ekki á óvart þegar horft er til fjölgunar hjartatengdra aðgerða á spítalanum. Ígræðslum bjargráðs sem ætlað er að meðhöndla hraðar og lífshættulegar hjartsláttartruflanir hefur fjölgað um 71% á árunum 2023 og 2024 frá meðaltali áranna 2018 og 2019. Gangráðsígræðslum hefur á sama tíma fjölgað um 14%. Samkvæmt tölum Hagstofunnar hefur landsmönnum fjölgað um 10% frá 2019.

Japanskir vísindamenn hafa staðfest tengsl á milli bólusetninga og krabbameins í stærstu rannsókn til þessa á skaða af völdum kóvid mRNA bóluefnanna. Gagnagrunnur með öllum 123 milljónum Japana lá undir í rannsókninni en Japanir eru ein bólusettasta þjóð heimsins. Niðurstöður rannsóknarinnar sýna að dauðsföllum af völdum krabbameins fjölgaði ekki í Japan fyrr en með tilkomu fjöldabólusetninganna. Rannsóknin tekur af allan vafa um að umframdauðsföllin í Japan megi rekja beint til skaða af völdum bóluefnanna en ekki til veirunnar.

Niðurstöður Japönsku rannsóknarinnar endurspeglast í hérlendum tölum því dánarmeinaskrá landlæknis upplýsti að dauðsföllum af völdum illkynja æxla á Íslandi fjölgaði um 9% á árinu 2022. Illkynja æxli í blöðruhálskirtli dró 21% fleiri til dauða en á fyrra ári, eitilæxli 17%, mergæxli 40%, æxli í brisi 23% og dauðsföllum af völdum hvítblæðis fjölgaði um 33% frá fyrra ári.

Krabbameinsfélagið upplýsir að fimm ára uppsöfnuðum nýjum tilfellum krabbameins í brjósti hefur fjölgað um 20,3%, krabbameinum í nýrum beggja kynja hefur fjölgað um 39,6% og eitilfrumuæxlum fjölgað um 26,5%. Nýjum tilvikum krabbameins í blöðruhálskirtli á árunum 2019 til 2023 fjölgaði um 30% borið saman við fimm árin þar á undan.

Auk fjölgunar hjartameina og fjölgun krabbameinsgreininga í kjölfar bólusetninganna með mRNA kóvid efnunum hefur fæðingum fækkað ár frá ári eftir að bólusetningarnar gegn Covid-19 hófust. Rannsóknir benda til að ástæðuna sé helst að rekja til skaða af völdum efnanna á æxlunarfæri beggja kynja.

Lesandanum er látið eftir að geta sér til um ástæður þess að Landspítalinn hefur nú stytt mánaðarlega tölulega upplýsingagjöf um starfsemina úr 27 blaðsíðum í 20 bls. Meðal upplýsinga sem ekki eru lengur í starfsemisupplýsingum Landspítalans eru tölur um fjölda aðgerða í hjartaþræðingu ásamt tölum um maga- og ristilspeglanir. Getur verið að stjórnendur spítalans telji að hægt sé að fela alvarlegan skaða af völdum bóluefnanna fyrir landsmönnum? Allt of margar fjölskyldur hafa séð á bak ástvinum eða eiga við eftirköst alvarlegra aukaverkana af völdum efnanna að etja til að það megi takast.

Þegar horft er til stöðu Íslands meðal Evrópuþjóða með hvað hæst hlutfall umframdauðsfalla ár eftir ár ásamt tölum um fjölgun hjartaskaða og krabbameina sem ekki er unnt að skýra með tilliti til tímasetningar án þess að horfa til mikillar þátttöku landsmanna í bólusetningum með COVID-19 efnunum verður að telja með ólíkindum að enn sé verið að halda efnunum að eldri borgurum á Íslandi auk einstaklinga í áhættuhópum. Bólusetningum er fram haldið þrátt fyrir að landlæknir kynni á heimsíðu embættisins að bóluefnið hvorki hindri smit eða komi í veg fyrir sýkingu. Landlækni láist að geta þess á upplýsingasíðunni að rannsóknir staðfesta að eftir því sem fleiri örvunarbólusetningar eru þegnar aukast líkur þess bólusetta á að sýkjast af Covid. Það er veikinni sem bóluefninu var ætlað að verja viðkomandi fyrir.

Að teknu tilliti til slaks árangurs landlæknis og núverandi heilbrigðisráðherra við að vernda heilbrigði landsmanna mun það ekki koma höfundum á óvart þó Ísland verði síðast landa til að hætta notkun mRNA efnanna. Auk skipunar fyrrverandi landlæknis sem heilbrigðisráðherra veldur þar mestu furðulegt tómlæti þingmanna þjóðarinnar sem ekki skynja tilefni til að spyrjast fyrir um ástæður þess að mun fleiri landsmenn hafi látist ótímabærum dauðdaga á liðnum árum en féllu af styrjaldarástæðum í seinni heimsstyrjöldinni. Ekki bólar á forvitni þingmanna um ástæður umframdauðsfallanna hérlendis í samanburði evrópsku hagfræðistofnunarinnar. Nú er hún Snorrabúð stekkur sagði listaskáldið um fallandi frægð Alþingis og eiga orð skáldsins einkar vel við þegar horft er til núverandi þings.