Opnum Íslenska gagnagrunninn eins og Tékkar

Tékkneska reynslan af mRNA Covid bóluefnunum sést á myndinni. Á meðan Covid gekk yfir var dánartíðni óbólusettra lægri en þeirra bólusettu. Eftir að örvunarbólusetningar hefjast vex dánartíðni þeirra bólusettu í samanburði við þá óbólusettu.

Í skoðanaskiptum um mRNA Covid bóluefnin gleymist að upplýsingarnar til að kveða upp úr um skaðsemi efnanna á heilsu landsmanna eru til staðar í gagnagrunni heilbrigðisyfirvalda. Hér á Íslandi hafa gögnin ekki verið gerð aðgengileg en í Tékklandi hefur verið opnað fyrir aðgang að gögnunum sem m.a. greina aldur, kyn, smit, spítalainnlagnir, sjúkdómsástæður, dauðsföll ásamt upplýsingum um bólusetningar gegn Covid-19, dagsetningar o.s.frv. Alls 53 breytur í hverri færslu.

Gefum Ivermectin séns

Hversu margir Íslendingar eiga við heilsufarsleg vandamál að stríða í kjölfar Covid vegna bannsins á Ivermectin á fyrstu misserum sjúkdómsins? Hefur bannið á notkun Ivermectin orðið einhverjum Íslendingum að fjörtjóni? Hversu margir krabbameinssjúklingar fara í dag á mis við hugsanlegan lækningamátt Ivermectin vegna neikvæðrar afstöðu heilbrigðisyfirvalda til margreynds og þaulrannsakaðs lyfsins? Þessum spurningum hljóta heilbrigðisyfirvöld að svara nú þegar fyrir liggja sannanir um að útskúfunin á lyfinu Ivermectin byggði ekki á vísindalegum grunni. Umsögn Áströlsku læknasamtakanna (AMPS) um Ivermectin er gjörólík Lyfjastofnunar. Tölfræðin um rannsóknir á lyfinu taka af allan vafa um gagnsemi þess.

Trefjakenndir strimlar í æðum

Samtök útfararstjóra í Tennessee ríki í Bandaríkjunum eru þau fyrstu sem staðfesta opinberlega tilvist hvítra trefjakenndra strimla í æðum látinna sem var óþekkt fyrirbæri fyrir 2021 eða áður en fjöldabólusetningarnar við Covid-19 hófust. Starfsemi á útfararstofum vestra er frábrugðin hérlendri þar sem í mörgum tilvikum þarf að flytja líkin til greftrunar um langan veg og því líkin tæmd vökva og í æðar sett rotvarnarefni (embalming). Ekki hefur verið upplýst hvort við krufningar mRNA Covid bólusettra hérlendis hafi greinst ljósir trefjakenndir strimlar í æðum. Strimlarnir greinast helst hjá 36 til 65 ára og eru algengastir 2 til 10 cm langir. Góðu fréttirnar fyrir okkur sem þáðum mRNA sprauturnar eru að heldur færri lík reynast með hvítu strimlana í æðum á þessu ári en en því síðasta.

Vitsmunaleg hrörnun í boði yfirvalda

Niðurstöður Japanskrar rannsóknar, sem hafði að markmiði að kanna hvort gaddapróteinið (SARS-CoV-2 spike protein) fyndist í heilavef sjúklinga sem fengið höfðu heilablóðfall í kjölfar mRNA bólusetningar, leiddu í ljós tilvist próteinsins í innri heilaæðavegg 43,8% bólusettra sjúklinga allt að 17 mánuðum eftir bólusetningu. Niðurstöðurnar telja rannsakendur það alvarlegar að mikilvægt sé að staðfesta þær með alþjóðlegri rannsókn og ástæða sé til að endurmeta öryggi mRNA bóluefnanna. Þessar niðurstöður eru ekki þær fyrstu sem sýna að gaddaprótein bóluefnanna en ekki gaddaprótein covid sýkinga tengist alvarlegum heilatilvikum. Virkni próteinsins til örstorknunar kann að skýra aukningu vitsmunalegra vandamála í kjölfar fjöldabólusetninganna. Þetta eru ekki traustvekjandi tíðindi fyrir eldri borgara sem meta þurfa á hausti komandi árvisst kostaboð um örvunarbólusetningu. Bólusetningu með efni sem eykur líkur þess bólusetta á að veikjast af sjúkdómnum sem bóluefninu er ætlað að hindra og aukin heldur hefur reynst bólusettum heilsufarslega skaðlegt og í mörgum tilvikum lífshættulegt.

Bólusettir 41% fleiri daga frá vinnu

Samkvæmt niðurstöðum rannsóknar voru Covid bólusettir 41% fleiri daga frá vinnu vegna Covid veikinda en þeir óbólusettu. Önnur rannsókn afsannar endurteknar fullyrðingar um að bóluefnin hafi bjargað fjölda mannslífa, en liðlega 70% dauðsfalla í heiminum af völdum Covid-19 urðu í Evrópu ásamt Norður og Suður Ameríku með innan við 25% jarðarbúa þar sem bólusetningarþekjan var hvað hæst. Dauðsföllum af völdum Covid-19 fjölgaði meðan á bólusetningum stóð og sérstaklega á svæðum með hærri bólusetningarþekju. Þessi niðurstaða endurspeglar reynslu Íslands. Þar sem vefsetur með ofangreindum rannsóknum eru með aðgangshindrunum fylgja klippur með aðalatriðum.

Ein fjölmargra birtingarmynda

Íslenskar tölur um þróun útgjalda vegna krabbameinslækninga eru ekki aðgengilegar en vísbendingar um aukin útgjöld má sjá í mikilli aukningu fjölda nýrra tilvika ásamt verulegri fjölgun látinna af völdum illvígs krabbameins samkvæmt dánarmeinaskrá. Línuritið sýnir á föstu verðlagi hvernig kostnaður við krabbameinslækningar í Bandaríkjunum tekur að snarhækka upp úr miðju ári 2022 eða rúmu ári eftir að bólusetningarátakið gegn Covid hófst. @EthicalSkeptic teiknaði línuritið. Grok fjallar um línuritið á neðri myndinni.

Hæsta umframdánartíðni í Evrópu þrjú ár samfellt

Að heilbrigðisráðherra njóti trausts í embætti vekur furðu ef horft er til árangurs ráðherrans í starfi landlæknis á liðnum árum þar sem Ísland er með hæsta aldursstaðlað hlutfall umframdauðsfalla í Evrópu á hverju ári síðustu þrjú árin.

Á efri myndinni má sjá röð þeirra 10 þjóða sem hæsta höfðu aldursstaðlaða umframdánartíðni í Evrópu 2024 og tölur þjóðanna fyrir árin 2022 og 2023. Ísland er með hæsta hlutfallið öll þrjú árin. Neðri myndin sýnir innbyrðis röð Norðurlandanna 2024 en hún hefur haldist óbreytt síðustu þrjú árin. Ísland á hverju ári með hæstu hlutfallslegu dánartíðnina og Svíþjóð með þá lægstu. Mortality Watch notar meðaltal áranna 2017 til 2019 við útreikninginn. Aldursstöðlun byggir á töflu WHO 2015.

Tjáningarfrelsi getur ekki kostað lækni starfsleyfið

Heilbrigðisyfirvöld átta sig á að tími uppgjörs á skaðanum sem mRNA Covid bóluefnin hafi valdið heilsu landsmanna nálgast óðfluga. Að heilbrigðisráðherra ásamt landlækni séu að fara á taugum má merkja af tilefnislausri og óverjandi ákvörðun landlæknis að svipta Guðmund Karl Snæbjörnsson lækni starfsleyfi til að sinna hópi sjúklinga sem margir hverjir eiga um sárt að binda vegna aukaverkana Covid bóluefnanna. Aðför heilbrigðisyfirvalda að Guðmundi Karli hefur staðið árum saman enda einna fyrstur til að átta sig á lækningamætti lyfsins Ivermectin við sjúkdómnum. Vitað er að mRNA bóluefnin hefðu ekki fengið neyðarleyfið 2020 hefði virkni Ivermectin við SARS-CoV-2 veirunni verið viðurkennd og því lögðu lyfjaframleiðendur og lyfjaeftirlitsaðilar allt undir til að gera Ivermectin tortryggilegt. Meðfylgjandi klippa er úr grein sem Helgi Örn Viggósson hugbúnaðarsérfræðingur skrifaði í apríl 2024 í tilefni af þeirri ákvörðun lyfjaeftirlits Bandaríkjanna (FDA) að semja utan réttar eftir að ljóst var að stofnunin yrði dæmd fyrir alvarlega glæpi með því að eyða hundruðum milljóna af skattpeningum í áróðursherferð gegn lyfinu ivermektín, „sem urmull rannsókna sýndu að virkaði best allra lyfja gegn kóvid, auk þess að hafa áratuga reynslu sem eitt allra öruggasta lyfið á markaðnum.“

Loksins, loksins og þó fyrr hefði verið

Í viðtalinu í Reykjavík síðdegis, þar sem sóttvarnalæknir fór frjálslega með staðreyndir um aukaverkanir covid bóluefnanna, kom fram að heilbrigðisyfirvöld hefðu tekið þá ákvörðun að líklega yrði eldri borgurum ekki boðin covid bólusetning í haust eins og undanfarin ár. Átakanlegt var að hlýða á lækninn skýra þessa löngu tímabæru ákvörðun með fáum smitum þegar við blasir að ákvörðunin er tekin af ástæðum alvarlegra aukaverkana bóluefnisins sem m.a. endurspeglast í einhverju hæsta hlutfalli umframdauðsfalla meðal þjóða Evrópu ár eftir ár og heilsufarslegs skaða sem flestir landsmenn hafa orðið vitni að í eigin fjölskyldum eða meðal vina og samstarfsmanna.

Útúrsnúningur og hálfsannleikur sem einhver myndi kalla lygi

Ömurlegt var að hlusta á Guðrúnu Aspelund sóttvarnalækni svara þáttastjórnanda á Bylgjunni með útúrsnúningi og hálfsannleik aðspurð um hvort hún taki undir með þeim sem telji ástæðu til að skoða skaðann af covid bólusetningunum. „…covid bóluefni hafa náttúrlega ekki verið notuð gríðarlega lengi.“ Þáttastjórnandi: „Þau voru það á sínum tíma og það er farið fram á að þessi mál verði rannsökuð.“ Sóttvarnalæknir: „Ég veit ekki sérstaklega um það, það er hægt að tilkynna allar aukaverkanir til Lyfjastofnunar sem heldur utan um það og almennt eru bara mjög fáar aukaverkanir, og alvarlegar aukaverkanir vegna bólusetninga hjá okkur. Árið 2023 voru bara tvær tilkynningar vegna almennra bólusetninga og ein alvarleg. Þetta er mjög sjaldgæft m.v. fjölda bólusetninga.“ Þetta svar gefur sóttvarnalæknir þáttastjórnanda í samtali um skaðann af covid bóluefnunum þrátt fyrir að vita að Evrópsku lyfjastofnuninni sem rekur gagnagrunninn EudraVigilance sem geymir tilkynningar um bóluefnaskaða á Evrópska efnahagssvæðinu hafa borist liðlega 6.400 tilkynningar um aukaverkanir frá Lyfjastofnun vegna Covid bóluefna á Íslandi. Þar af yfir 350 alvarlegar en skilgreiningin á alvarlegum aukaverkunum bóluefna eru t.d. bráðainnlögn á neyðarmóttöku, fæðingargalli eða dauðsfall.