9 vikna biðtími eftir krabbameinsmeðferð

Heilbrigðisráðherra upplýsti landsmenn um að biðtíminn eftir meðferð við krabbameini sé „orðinn mjög langur“ en hann er nú 9 vikur að meðaltali eða rúmlega tvöfalt lengri á Íslandi en ásættanlegt er talið á Norðurlöndum þar sem miðað er við að 4 vikur líði lengst frá greiningu til meðferðar. Í greininni fjöllum við Helgi Örn um sérstöðu Íslands með hækkandi dánartíðni meðan hún fer lækkandi hjá flestum Evrópuþjóðum enda faraldurinn löngu afstaðinn.

Alzheimer – slæmar fréttir og góðar

Nöturlegt var fyrir alzheimersjúka og aðstandendur að hlýða á vitnisburð nýs heilbrigðisráðherra Bandaríkjanna í gær fyrir þingnefnd þar sem hann fullyrti að spilling innan heilbrigðisstofnana vestra væri EINA ástæða þess að ekki hefði enn fundist lækning við alzheimer sjúkdómnum. Fjárveitingar hefðu á grundvelli sviksamlegrar háttsemi verið látnar einskorðast við rannsókn á einni hugsanlegri orsök sjúkdómsins á sama tíma og aðrir möguleikar hefðu verið látnir ókannaðir. Ráðherrann taldi einsýnt að lækning við alzheimer hefði þegar fundist ef eðlilega hefði verið staðið að ráðstöfun fjármuna til rannsókna á sjúkdómnum. Þrátt fyrir að það sé fullseint fyrir marga sem haldnir eru sjúkdómnum var engu að síður ánægjulegt að heyra ráðherrann lýsa þeim staðfasta ásetningi og vissu að lækning við alzheimer myndi fljótt finnast. Frásögn Science lýsir einum þætti spillingarinnar sem ráðherrann vísaði til.

Alma breytti dánarmeinaskráningum Þórólfs

Tilefni fréttatilkynningar sóttvarnalæknis 28. apríl 2022 var að leiðrétta umræðu fjölmiðla „um fjölgun andláta á fyrsta fjórðungi þessa árs miðað við undanfarin ár og látið að því liggja að COVID-19 faraldrinum sé um að kenna.“ Að baki var mars mánuður þar sem 42% fleiri landsmenn höfðu látist heldur en að meðaltali í mars á árunum 2016 til 2019 samkvæmt súluriti á heimasíðu landlæknis. Engan skal undra að titrings gætti á skrifstofum Embættis landlæknis í kjölfar allra þessara dauðsfalla og ágreiningsins um skráningu þeirra sem tveim vikum síðar lyktaði með ótímabærum starfslokum sóttvarnalæknis sem vildi ekki eiga aðild að rangri dánarmeinaskráningu. Klippan er niðurlag blaðagreinar um aðdraganda og ástæður starfsloka fyrrverandi sóttvarnalæknis byggðri á fréttatilkynningum hans frá þessum örlagaríku dögum.

Engu er líkara en að menntun íslensku læknanna hafi dregist aftur úr

Óbreytt dánartíðni á Íslandi á árinu 2024 á sama tíma og hún lækkar meðal nágrannaþjóðanna gefur ekki vonir um að staða landsins í samanburði þjóða hafi batnað frá 2023 en það ár var Ísland með hæst aldurstaðlað hlutfall umframdauðsfalla meðal Evrópuþjóða. Tölur Hagstofunnar um dauðsföll á fyrsta fjórðungi yfirstandandi árs benda til lítt breyttrar dánartíðni á árinu 2025. Það er skelfilegt fyrir landsmenn að Ísland sé í hópi þeirra þjóða Evrópu sem hæst hlutfall umframdauðsfalla hafa samfellt um fjögurra ára skeið án þess að raunhæf von sé um breytingu til batnaðar.

Nýjum tilfellum krabbameins fjölgar um allt að 40%

Óvíða gætir skaðans af völdum Covid-19 mRNA bóluefnanna á heilsufar landsmanna með greinilegri hætti en þegar horft er á vöxt uppsafnaðs fimm ára nýgengis krabbameins. Þegar lagt er mat á fjölgunina er mikilvægt að hafa í huga að fyrstu tvö árin (2019 og 2020) í fimm ára meðaltalinu höfðu mRNA Covid bóluefnin ekki verið tekin í notkun. Súluritin sýna fjölgun nýrra tilfella í brjósti um 20,3%, blöðruhálskirtli 30,5% og fjölgun eitilfrumuæxla um 26,5%. Uppsöfnuð fjölgunin á krabbameini í nýrum beggja kynja er 39,6% og greinir dánarmeinaskrá landlæknis fyrir árið 2023 frá 33% fjölgun dauðsfalla af völdum illkynja æxla í nýra.

76% fjölgun bjargráðsígræðslna á LSH

Ígræðslur bjargráðs og skiptingar, sem ætlað er að meðhöndla hraðar og lífshættulegar hjartsláttartruflanir, voru 76% fleiri 2023 og 2024 en 2019 og 2020. Gangráðsísgræðslum fjölgaði um 18% á sama tíma sem er töluvert umfram fjölgun landsmanna. Tölur úr starfsemisupplýsingum Landspítalans haldast í hendur við niðurstöður fjölda ritrýndra rannsókna um skaðleg áhrif Covid-19 bóluefnanna á hjartastarfsemina. Fjöldi ígræðslna 2023 og 2024 bendir til langvarandi skaðlegra áhrifa mRNA efnanna á starfsemi hjartans.

13% fækkun fæðinga á LSH veturinn 2021/2022

Fæðingum á Landspítala fækkaði um 13% frá des. 2021 til og með júní 2022 en þá fór skaðlegra áhrifa bólusetninganna á æxlunarfærin að gæta í fæðingartölum þar sem bólusetningarnar voru komnar vel af stað á vormánuðum 2021. Rauði hringurinn á súluritinu sýnir glögglega skyndilega fækkun fæðinga í desember 21 og varir ástandið um hálfs árs skeið. Að fæðingum á Landspítalanum fækki í einu vettvangi 9 mánuðum eftir upphaf Covid bólusetninganna skýrist ekki af meðvituðu fjölskylduskipulagi. Rannsóknir staðfesta skaða mRNA bóluefnanna á æxlunarfærin, t.a.m. fækkun sæðisfrumna karlmanna og minni hreyfanleika. Íslenskar konur geta vitnað til um truflandi áhrif bóluefnanna á tíðahringinn.

Að bera í bakkafullan læk frásagna af gagnsleysi skaðlegra bóluefna

Frumkvöðullinn Steve Kirsch telur að með einu línuriti sem sýnir hlutfall látinna af smituðum (CFR case fatality rate) sé hægt að sýna fram á gagnsemi eða öllu heldur gagnsleysi Covid-19 bólusetninganna. Virki bóluefnin hefði hlutfall látinna af smituðum átt að lækka eftir að almennar bólusetningar hófust snemma árs 2021. Ónákvæmur mælikvarði sem gefur engu að síður sterka vísbendingu. Með grein SK fylgir línurit yfir þróun hlutfalls látinna af smituðum fyrir UK, US, Evrópu, Ísrael og heiminn. Notaðar eru tölur úr gagnagrunni Alþjóðaheilbrigðismálastofnunarinnar. Ljóst er af línuritinu að hlutfallið lækkar ekki sem staðfestir gagnsleysi bóluefnanna. Neðri myndin sýnir hliðstæðar upplýsingar fyrir Ísland. Með öllum fyrirvörum um smæð lands og stærða verður ekki annað séð en að gagnsleysi bólusetninganna við Covid staðfestist af hérlendri reynslu. Stærðfræðingurinn bendir á að ef bóluefnið hefði verið að virka hefði eitt af þrennu eða blanda þessara þátta átt að eiga sér stað sem leiða hefði átt til lækkaðs hlutfalls látinna af smituðum: 1. smitum fækkað 2. hlutfall látinna af smituðum lækkað eða 3. hvorutveggja. Þar sem eldri borgarar voru í forgangi við bólusetningarnar hefði gagnsemi bóluefnanna gegn Covid átt að vera þeir mun augljósari.

Almenningur veit nú, en ekki sumarið 2021, að bóluefnin voru gagnslítil eða gagnslaus til að koma í veg fyrir smit til og frá bólusettum einstaklingi. Til að rökstyðja notkun efnanna er gjarnan vísað til ósannaðrar eftiráskýringar þess efnis að bólusetningin dragi úr sjúkdómsáhrifum. Telja má víst að íslenskur almenningur hefði viljað búa að upplýsingum um gagnsleysi bóluefnanna sem smitvarnar vor og sumar 2021. Þúsundir hefðu afþakkað bóluefnið og hundruð Íslendinga væru enn á lífi og en fleiri með fulla heilsu.

Almennt er álitið að stóraðgerð Bandaríkjaforseta til framleiðslu bóluefna gegn Covid-19 á hans fyrra kjörtímabili hafi ekki einungis reynst gagnslaus til að fækka dauðsföllum og draga úr áhrifum Covid-19 heldur hafi aðgerðin kostað yfir hálfa milljón bandarískra ríkisborgara lífið og milljónir manna líf og heilsu á heimsvísu. Fyrir liggur að efnin voru lítt prófuð í klínískum rannsóknum og framleiðsluferlið gallað, m.a. vegna erfðaefnamengunar. Vísbendingar eru um að forsetinn hafi dregið lærdóm af mistökunum 2020 sem megi merkja af vali hans á einstaklingum í lykilstöður í heilbrigðiskerfinu vestra. Þar má helst nefna skipun Robert F Kennedy Jr í stöðu heilbrigðisráðherra sem líklegur er til að láta heilbrigði almennings njóta vafans. Nýtilkomið skilyrði um að eftirleiðis fái bóluefni ekki markaðsleyfi nema að undirgengnum tvíblindum klínískum rannsóknum með óvirkri lyfleysu gefa vonir um að dragi úr líkum á að mistökin við prófanir og framleiðslu Covid bóluefnanna endurtaki sig.

Hvatning til umboðsmanns Alþingis

Afrakstur 800.000 bólusetninga heilbrigðisyfirvalda má glögglega sjá á meðfylgjandi súluriti sem sýnir árlegan fjölda látinna fyrir og eftir Covid-19 og hringur dreginn um árin eftir bólusetningarátakið sem hófst um áramótin 2020/2021. Endurtekin fullyrðing þess efnis að bólusetningarnar hafi bjargað ótal mannslífum stenst ekki skoðun sé horft til talna Hagstofunnar um látna. Hið gagnstæða er veruleikinn. Einungis hluta staðreyndarinnar um skaðsemi bóluefnanna má lesa af myndinni. Hún sýnir ekki þær þúsundir landsmanna sem eiga um sárt að binda og ganga milli lækna skaðaðir í leit að lækningu.

Sérstakt áhyggjuefni er að verða þess áskynja að mRNA bóluefnin halda áfram að valda skaða á líffærum og starfsemi þeirra misserum eftir bólusetningu. Tölur um vaxandi tíðni illvígs krabbameins vitna um það með öðru. Athygli vekur að sú ákvörðun að halda áfram örvunarbólusetningum hafi ekki komið til kasta umboðsmanns Alþingis. Starfsmönnum embættisins virðist fyrirmunað að leggja sjálfstætt mat á niðurstöður ritrýndra rannsókna sem sýna yfirgnæfandi líkur á skaðsemi mRNA bóluefnanna. Ráðlegging vísindamanna um tafarlausa stöðvun bólusetninga meðan virkni og áhrif efnanna verði könnuð virðist hafa farið fram hjá starfsmönnum umboðsmanns. En að rannsóknum og ráðleggingum vísindamanna slepptum er hér lagt að umboðsmanni að ígrunda tölur Hagsofunnar á súluritinu ef það mætti verða til að forða einhverjum eldri borgurum frá ótímabærum dauðdaga eða skaða á heilsu á árinu.

39% fjölgun fullorðinna með lokastigsnýrnabilun 2023

Skaðinn af völdum Covid-19 mRNA bóluefnanna á heilsufar landsmanna hefur ýmsar birtingarmyndir. Þannig verða tölur um fjölda greininga, meðferðir og afleiðingar nýrnasjúkdóma ekki skýrðar með vitrænum hætti án þess að nefna bóluefnin til sögunnar. Ekki skal útilokað að afleiðingar umdeilanlegrar lyfjameðferðar (remdesivir) hafi hér jafnframt áhrif. Samkvæmt dánarmeinaskrá landlæknis létust 33% fleiri 2023 af völdum illkynja æxlis í nýra en á fyrra ári. Á vefsíðu Nýrnafélagsins er greint frá 39% fjölgun fullorðinna sem greindust með lokastigsnýrnabilun á árinu 2023. Í tölum um fjölda blóðskilunar og kviðskilunar á Landspítalanum á liðnum árum má sjá sterkar vísbendingar um skaða bóluefnanna á nýrun. Tilgangur skilunarmeðferðar er að koma í stað þeirrar starfsemi nýrnanna sem hefur skerst og hreinsa úrgangsefni, steinefni og vökva úr blóðinu. Sé slíkri meðferð hætt hjá einstaklingi leiðir það vanalega til dauða á 1-2 vikum vegna uppsöfnunar úrgangsefna og vökva í líkamanum. Að mun færri skilunarmeðferða var þörf á árinu 2022 helst í hendur við mikla fjölgun dauðsfalla á árinu. Afleiðing óskiljanlegra ákvarðana fyrrverandi landlæknis og núverandi heilbrigðisráðherra um framhald örvunarbólusetninga gegn Covid vetur eftir vetur þrátt fyrir sterkar vísbendingar um skaðsemi bóluefnanna og ákall fjölda vísindamanna um stöðvun á notkun þeirra sjást skýr merki í Starfsemisupplýsingum Landspítalans um skilunarmeðferðir nýrnabilaðra en þeim fjölgaði um 7% á árinu 2024 og hefur fjölgað um 13% frá árinu 2022.