Þegar nánar er að gáð er það ekki undantekningin heldur reglan

Hvernig kastað var til höndum við prófun á öryggi covid bóluefnanna er þegar nánar er að gáð ekki undantekningin – heldur reglan. Það sést með því að skoða hvernig staðið var að prófun bóluefnanna sem Lyfjaeftirlitsstofnun Bandaríkjanna (FDA) hefur veitt leyfi fyrir og falla undir áætlun CDC um barnabólusetningar. Ekkert bóluefnanna hefur verið reynt í hefðbundinni langtíma klínískri lyfjarannsókn með tveimur hópum, annars vegar hópi sem gefið er lyfið sem verið er að prófa meðan hinn hópurinn er sprautaður með lyfleysu en þessi tilhögun klínískrar prófunar er eina leiðin til að kanna hvort lyf sé öruggt.

Í klippunni er listin yfir barnabóluefnin foreldrum og öðrum áhugasömum til glöggvunar. Hlekkirnir eru á síðu sóttvarnalæknis með upplýsingum um barnabóluefnin á íslensku og ensku.

 

 

 

 

 

Læknar sextánfalda ávísun á testósteróni á þremur árum

Þöggunin og yfirhilmingin meðal íslenskra lækna um bóluefnaskaðann er af þeirri stærðargráðu að þeim virðist hafa tekist að hittast á ráðstefnu (læknadögum) í janúar og ræða og miðla upplýsingum hver til annars án þess að nefna skaðann af völdum mRNA efnanna. Áherslur læknadaga má ráða af kynningu fundarins í Læknablaðinu. 

Í helgarblaði Morgunblaðsins er viðtal við Kolbrúnu Pálsdóttur kvensjúkdómalækni og krabbmeinsskurðlækni og Sigurdísi Haraldsdóttur krabbameinslækni og dósent. Þar greindu þær frá málþingi sem haldið var á læknadögum um krabbamein og hormóna vegna þess að þær höfðu tekið eftir mikilli aukningu á notkun hormónalyfja. Þannig hafi notkun á estrógeni tvöfaldast, notkun á prógesteróni áttfaldast og testósterónnotkun hafi sextánfaldast á síðustu þremur árum. „Það hefur lítið verið rætt um þetta. Þessi mikla aukning á stuttum tíma vakti okkur til umhugsunar. Við erum ekki með góð lyfjaform sem eru búin til fyrir konur og auk þess vantar alveg rannsóknir varðandi langtímaáhrif testósteróns á hjarta og æðar,“ segir Kolbrún og nefnir að ef til vill sé testósterónnotkun kvenna tískubóla. „Testósterón getur valdið aukaverkunum sem eru óafturkræfar, eins og skallamyndun, dýpri rödd og auknum hárvexti,“ segir Sigurdís.

Í heilsíðuviðtali við læknanna er ekki minnst á mikla fjölgun látinna af völdum illkynja krabbameins milli áranna 2021 og 2022. Í viðtalinu er ekki minnst einu orði á skaðann af völdum mRNA bóluefnanna að ekki sé talað um umframdauðsföllin. Getur verið að haldið hafi verið málþing um krabbamein án þess að orði hafi verið vikið að skaðsemi bóluefnna?

Þar sem læknarnir koma af fjöllum varðandi ástæður sextánföldunar notkunar testósteróns hormónsins er þeim bent á rannsókn teymis frá Yale School of Medicine og Icahn School of Medicine sem hafa fundið út að konur sem þjást af long covid - nýja hugtakið til að lýsa skaða af völdum mRNA bóluefnanna - hafi markvert lægra magn testósteróns í samanburði við þær konur sem hafa náð að jafna sig eftir bóluefnaskaðann. Ekki er því að undra að ávísun lækna á hormónið hafi margfaldast.

 

Er testósterónið tískubóla?

Geta foreldrar treyst ráðgjöf sóttvarnarlæknis eftir covid?

Rannsóknargrein frá 2011 leiðir sterkar líkur að orsakasambandi barnabólusetninga og ungbarnadauða. Af hverju hafa þá barnabólusetningarnar ekki verið endurskoðaðar kann einhver að spyrja? Að tækifærið hafi ekki verið notað fyrir 13 árum til að endurskoða bólusetningarnar gerir að engu vonir um að fyrirkomulagið verði endurmetið í dag. Frá því 2011 hefur lyfjaiðnaðurinn náð að tryggja stöðu sína í alþjóðlegu umhverfi svo kyrfilega að vonlaust er að hrófla við fjárhagslegu hagsmununum sem undir liggja. Hafi einhver efast er staðan ljós eftir reynsluna af covid bóluefnunum og ítökum lyfjaframleiðenda í WHO.

Í greininni er m.a. fjallað um bólusetningar barna við kíghósta, barnaveiki og stífkrampa (sprautað 3 mánaða, 5 mánaða, 12 mánaða, 4 ára og 14 ára). Bóluefnin þrjú eru gefin í einni sprautu í hvert sinn. Fyrir tilkomu barnabólusetninganna var vöggudauði (sudden infant death syndrome) svo sjaldgæfur að hann var ekki nefndur í tengslum við dánarorsakir ungbarna. Upp úr 1960 er farið að mæla með og ætlast til bólusetningum barna gegn kíghósta, barnaveiki, stífkrampa, mænusótt, mislingum, hettusótt og rauðum hundum. Stuttu síðar eða 1969 er farið að nefna vöggudauðann (SIDS) sem nýtt læknisfræðilegt fyrirbæri. 1973 er vöggudauði skilgreindur formlega í dánarmeinaskrá.

Hvað skýrir hærra hlutfall umframdauðsfalla á Íslandi?

Á vef Evrópsku sóttvarnastofnunarinnar (ECDC) er yfirlit yfir bólusetningarhlutfall einstakra þjóða og hlutfallið reiknað í heild fyrir lönd ESB og Evrópska efnahagssvæðisins (EU/EEA). Klippan sýnir að á Íslandi voru 10% fleiri landsmenn frumbólusettir (fyrstu tvær sprauturnar) en á meginlandi Evrópu. Fyrstu örvunarsprautu þáðu 26% fleiri Íslendingar en aðrir Evrópubúar, aðra örvunarsprautuna 19% og þriðju örvunarsprautuna þáðu rúmlega tvöfallt fleiri (108%) landsmenn en aðrir Evrópubúar. Ef til vill þarf ekki að leita lengra að skýringu á hærra hlutfalli umframdauðsfalla á Íslandi en að verulega fleiri Íslendingar þáðu örvunarsprautur en í löndunum á meginlandi Evrópu.

Það kann að vera hluti af skýringu á staðreyndinni sem skýrsla OECD færði þjóðinni sem er sú að Ísland leiðir löndin í könnun OECD með 11,5% vöxt aldursstaðlaðrar dánartíðni á milli áranna 2021 og 2022 á sama tíma og flest lönd sýndu lækkun. Það auðveldar skilning á því hvers vegna Evrópska hagstofan birti tölur sem sýndi að í flestum mánuðum áranna 2022 og 2023 reyndist Ísland með hvað hæst hlutfall umframdauðsfalla meðal landa Evrópu.

Full ástæða er fyrir stjórnvöld að kanna ástæður slaks árangurs Íslands í samanburði OECD. Þar sem rannsóknir leiða sterkar líkur að orsakasambandi bólusetninga og umframdauðsfalla og Ísland er með hvað hæsta bólusetningarhlutfall Evrópuþjóða er þýðingarmikið að við athugunina verði bólusetningastefna sóttvarnalæknis sérstaklega könnuð og þar horft til fjölda rannsókna sem sýna fram á skaðsemi mRNA efnanna og þátt þeirra í mikilli aukningu sjúkdóma og fjölda dauðsfalla á liðnum misserum.

Ekkert lát á ótímabærum dauðsföllum á Íslandi

Hafi einhver staðið í þeirri trú að draga færi úr umframdauðsföllum landsmanna gerði landlæknir þær vonir að engu þegar embættið birti tölur yfir fjölda látinna í janúar s.l. Hlutfall umframdauðsfalla hélst áfram hátt og reiknaðist landlækni til að það næmi 11,6% í hlutfalli við viðmiðunarárin 2016 til 2019. 

Þessi mikli fjöldi ótímabærra dauðsfalla kemur ekki á óvart þegar horft er til þess að sóttvarnarlæknir hélt covid mRNA bóluefnunum fast að 60 ára og eldri (auk barnshafandi) frá miðjum október. Að umframdauðsföllin hafi ekki orðið fleiri ber að þakka eldri borgurum sem höfðu vit fyrir embætti landlæknis að þessu sinni. Rúmur meirihluti þeirra afþökkuðu covid örvunarsprautu vetrarins.

Ljóst er að trúnaðarbrestur hefur orðið milli embættis landlæknis og almennings í landinu þegar bóluefnin eru annars vegar. Skyldi engan undra þegar haft er í huga að birtar hafa verið niðurstöður þúsunda rannsókna sem staðfesta skaðsemi mRNA bóluefnanna. Niðurstöður sem engu virðist breyta hjá heilbrigðisyfirvöldum sem halda áfram að covid sprauta þá sem enn treysta stjórnvöldum.

Þeir sem þiggja sprautuna virðast ekki hafa frétt af rannsóknarniðurstöðum sem staðfesta að covid mRNA bóluefnið hindrar ekki smit og er í ofanálag þeim eiginleikum búið að eftir því sem bóluefnið er þegið oftar aukast líkurnar á að veikjast af covid. Það er sjúkdómnum sem efnið átti að koma í veg fyrir.

Hrikalegar staðreyndir OECD skýrslu

Við lestur OECD skýrslunnar sem gerir samanburð á umframdauðsföllum aðildarlandanna fær Ísland hörmulegan vitnisburð.

• Skýrslan staðfestir að Ísland var með aðra hæstu hækkun á dánartíðni meðal aðildarlanda OECD á árinu 2022 miðað við fyrra ár eða 11,5%. Í flestum löndum lækkaði dánartíðnin milli áranna 2021 og 2022.
• Skýrslan staðfestir að dauðsföllum fjölgaði hlutfallslega mest á Íslandi í hópi 44 ára og yngri milli áranna 2020 og 2022 eða um tæp 10%. Hvergi annars staðar í Evrópu en í Póllandi fjölgaði látnum meira í yngsta aldurshópnum. Meðal landa í könnuninni fjölgaði dauðsföllum hlutfallslega mest í elsta aldurshópnum.

Stjórnendur heilbrigðismála fá því falleinkunn á sviði sóttvarna í samanburði OECD. Eftir að hagfræðingarnir skiluðu af sér skýrslunni hefur komið i ljós að Hagstofa Íslands hefur ofmetið fjölda landsmanna á liðnum árum. Hefðu hagfræðingar OECD haft réttar tölur við útreikningana hefðu tölur um íslensku dánartíðnina hækkað. Ísland hefði því komið verr út í samanburðinum en grein okkar Helga lýsir.

Af glúrnum fjárfestum

Breskur þingmaður hefur óskað eftir fundi með yfirmanni lögreglunnar í London þar sem þingmaðurinn hyggst með aðstoð sérfræðinga sýna fram á að saknæmt athæfi hafi átt sér stað innan stjórnkerfisins í tengslum við Covid-19 ráðstafanir. Á fundinum verður lögreglunni m.a. gerð grein fyrir hvernig þingmönnum voru vísvitandi veittar misvísandi upplýsingar um samninga um kaup á bóluefnum af lyfjaframleiðendum. Athyglin kann að beinast að fjárfestingu breska forsætisráðherrans Rishi Sunak í lyfjaframleiðandanum Moderna sem er tilkomin fyrir tíma covid bóluefnanna. Þá fylgdist þingmaðurinn Sunak með stórum fjárfestingarákvörðunum í tengslum við eigin verðbréfaeign. Til þessa hefur forsætisráðherrann verið ófáanlegur til að fjalla um fjárfestinguna. Verðbréfaeign forsætisráðherrans var síðar sett í fjárvörslu þar sem ákvarðanir um einstakar fjárfestingar eiga sér stað án vitundar ráðherrans. (blind trust).

Forsætisráðherrann eignaðist hlutinn í Moderna þegar hluturinn kostaði $21. Verðið fór hæst í $497 í sept. 2021. Lokaviðskipti gærdagsins voru á $98. Hvort og þá hvenær hlutur forsætisráðherrans í Moderna, sem er einn lyfjaframleiðanda sem seldi stjórnvöldum bóluefni, hefur vaxið eða minnkað á eignarhaldstímanum kann að vekja spurningar.

 

Það eru fleiri en Bill Gates í hópi glúrinna fjárfesta. Hann virtist sjá atburði fyrir þegar hann stóð fyrir faraldursráðstefnu með WHO sem nefndist 201 nokkrum vikum fyrir Covid-19 og fjárfesti í BioNTech framleiðanda mRNA Pfizer bóluefnisins á svipuðum tíma. Gates seldi hlutabréfin með $242m hagnaði og snéri því næst við blaðinu og hóf eftir söluna að gagnrýna bóluefnin sem hann hafði til þess tíma lofað.

Nancy Pelosi, leiðtogi demókrata í fulltrúadeild Bandaríska þingsins, hefur löngum verið talin með glúrnari fjárfestum. Svo farsælar þóttu ákvarðanir hennar í verðbréfaviðskiptum að stofnaðir voru verðbréfasjóðir til að spegla verðbréfaviðskipti þingmannsins. Dvínandi áhrif hennar innan þingsins virðast af einhverjum ástæðum hafa komið niður á hæfileika hennar sem fjárfestis. Þrátt fyrir að á móti hafi blásið síðustu misserin nema eignir hennar á annað hundruð milljónum dollara og því ljóst að þingfararkaupið hefur ávaxtast vel á þingferli Pelosi og þó sérstaklega eftir að hún varð leiðtogi demókrata í deildinni og hafði í þeirri stöðu góða yfirsýn yfir fyrirhugaðar breytingar á lagaumgjörð atvinnulífsins.

Landlækni reiknaðist til að hlutfall umframdauðsfalla hefði numið 40,6%

Í grein okkar Helga Arnars Viggóssonar í Bændablaðinu fjöllum við m.a. um vandræðagang embættis landlæknis við að gera grein fyrir 40,6% hlutfalli umframdauðsfalla mars mánaðar 2022 þegar vægt ómíkrón afbrigði veirunnar var að mestu gengið yfir og óhætt hafði verið talið að aflétta sóttvarnarráðstöfunum 25. febrúar.

Krabbamein er víðar í vexti en á Íslandi

Singapore er meðal þeirra landa þar sem hlutfall mRNA bólusettra landsmanna er hvað hæst. Ekki er grunlaust um að þessi mikli bólusetningarárangur þarlendra heilbrigðisyfirvalda eigi þátt í að Singapore mældist með hvað hæsta hlutfall umframdauðsfalla á heimsvísu samkvæmt OECD á Q3 2023. Afleiðingar bólusetninganna má sjá í meðfylgjandi töflu sem sýnir vöxt í ávísun krabbameinslyfja í Singapore á milli áranna 2021 og 2022.

Ávísun krabbameinslyfja í áður óþekktum mæli er ekki bundin við Singapore. Helsana, sem er leiðandi fyrirtæki í Swiss á sviði sjúkratrygginga, gefur árlega út ítarlega skýrslu í samstarfi við þarlenda háskóla um lyfjanotkun og kostnað landsmanna. Skýrslan fyrir árið 2022 sýnir hvernig fjöldi einstaklinga á krabbameinslyfjum rúmlega tvöfaldast á milli áranna 2021 og 2022.

94% látinna koma úr hópi þeirra 70% sem þáðu bóluefnið

Skelfilegar afleiðingar bólusetningarstefnu stjórnvalda í UK eru að koma upp á yfirborðið. Samkvæmt tölum stjórnvalda fyrir tímabilið 1. júlí 2021 til 30. maí 2023 reyndust 94% látinna bólusettir gegn covid. 6% dauðsfallanna á tæpum tveimur árum er úr hópi óbólusettra en 30% landsmanna hafa ekki þegið covid sprautu. Dauðsföllin eru flest meðal þeirra sem hafa þegið 4 bólusetningar.

Ekki er að undra að stjórnendur heilbrigðismála hér á landi víki sér undan að svara þegar fyrirspurnum er beint til þeirra um bólusetningarstöðu látinna Íslendinga. Ef íslensku tölurnar eru eitthvað í áttina að bresku tölunum er óverjandi með öllu að stjórnendurnir hafi haldið bóluefnunum að eldri borgurum í vetur.