Bóluefnin björguðu ekki milljónum mannslífa. Hið gagnstæða er raunin

Niðurstöður rannsóknar í vísindaritinu Journal of Clinical Trials staðfesta að dánartíðni bólusettra á árinu 2021 var 14,5% hærri en þeirra óbólusettu. Niðurstöðurnar kollvarpa rannsóknum sem segja að bóluefnin hafi bjargað milljónum mannslífa. Fyrir stjórnendur heilbrigðiskerfisins er það áfall að geta ekki lengur með vísan til rannsóknarniðurstaðna gripið til fullyrðingarinnar um að bóluefnin hafi bjargað milljónum þegar réttlæta þarf alvarlegar aukaverkanir og skaðann af völdum bóluefnanna gegn Covid sem blasa við landsmönnum.

Upplýst samþykki heyrir brátt sögunni til

Vísindamenn við McMaster háskólann í Kanada, sem fjármagnaður er m.a. af stofnun fyrrverandi hjóna Bill og Melindu Gates, hafa hafið annars stigs klíníska rannsókn á Covid „bóluefni“ í formi innöndunarlyfs (AeroVax). Lyfinu er ætlað að gagnast einstaklingum sem haldnir eru sprautufælni. Jafnframt vonast höfundar lyfsins eftir virkari vörn gegn SARS-CoV-2 veirunni með því að úðinn við innöndun veki ónæmisviðbrögð í lungum og efri öndunarvegi sem er farvegur veirunnar. En eins og kemur fram á heimasíðu Embættis landlæknis hefur mRNA Covid bólusetning „ekki reynst mjög gagnleg til að hindra smit til eða frá bólusettum einstaklingi.“ Tortryggni gætir í garð nýja innöndunarlyfsins þar sem auðveldlega má dreifa lyfinu í formi úða meðal almennings hvort heldur hann vill „bólusetningu“ gegn Covid með mRNA úðanum eður ei. Ljóst er að upplýst samþykki almennings fyrir ónæmisvörn sem ákveðin er af heilbrigðisyfirvöldum heyrir brátt sögunni til.

Löggjöf um dánaraðstoð í farvatninu hjá Bretum

Eftir nefndarmeðferð frumvarps í breska þinginu sem heimilar dánaraðstoð er ekki lengur gert ráð fyrir aðkomu dómara að ákvörðun um dánaraðstoð eins og frumvarpið gerði þegar því var vísað til nefndar. Talið er að heimild tveggja lækna án aðkomu dómara til dánaraðstoðar muni fjölga þeim einstaklingum sem nái að nýta sér úrræðið. Þeir sem hafa efasemdir um réttmæti heimilda til dánaraðstoðar vísa gjarnan til þróunarinnar í Kanada um hvert kunni að stefna ef dánaraðstoð verður heimiluð að lögum. Í Kanada var dánaraðstoð (medical assistance in dying - MAID) heimiluð 2016 fyrir einstaklinga sem haldnir voru banvænum sjúkdómi. Heimildin var rýmkuð 2021 og er ekki lengur gerð krafa um að sjúkdómurinn sé banvænn auk þess sem öryrkjum var gert mögulegt að nýta ákvæðið samkvæmt nánari reglum. Að óbreyttu mun andlega sjúkum gert kleift að njóta dánaraðstoðar í Kanada frá mars 2027. Kannanir sýna helming þjóðarinnar hlynntan frekari rýmkun heimilda. Jafnvel að nái til ástæðna fátæktar eða heimilisleysis. Á árinu 2023 er talið að MAID hafi náð til 5% dauðsfalla, eða 15.300 af 320.000. Áætlað er að taki svipaðar reglur og í Kanada gildi í Englandi og Wales muni á bilinu 6.000 til 17.000 einstaklinga nýta sér heimild til dánaraðstoðar árlega. Árlega látast liðlega 2.500 Íslendingar og því ljóst að Kanadískt fyrirkomulag hérlendis gæti leitt til dánaraðstoðar yfir 100 einstaklinga.

Samkvæmt heimasíðu Lífsvirðingar er dánaraðstoð heimil að lögum í átta Evrópulöndum; Sviss, Hollland, Belgía, Lúxemborg, Þýskaland, Spánn, Austurríki og Portúgal. Dánaraðstoð er leyfð í 11 fylkjum Bandaríkjanna ásamt Kólumbíu, Kanada, Ástralíu, Nýja Sjáland, Kúbu og Ekvador. Viðhorf Íslendinga til dánaraðstoðar var kannað af Maskínu fyrir Siðmennt fyrir 10 árum með spurningunni: „Ert þú hlynntur eða andvígur því að einstaklingur geti fengið aðstoð við að binda endi á líf sitt ef hann er haldinn banvænum sjúkdómi (líknandi dauði)?“. Þá voru 75% hlynntir, 7% andvígir en 18% óákveðnir. Stuðningur almennings við dánaraðstoð hefur haldist óbreyttur frá 2015 í þremur könnunum sem framkvæmdar voru á árunum 2019, 2022 og 2023. Stuðningur bæði lækna og hjúkrunarfræðinga hér á landi hefur farið vaxandi við dánaraðstoð.

Í greinargerð með þingsályktunartillögu sem lögð var fram á Alþingi 8.2. s.l. þar sem heilbrigðisráðherra er falið að undirbúa og leggja fram frumvarp til laga sem heimili dánaraðstoð kemur fram að hliðstæðrar viðhorfsbreytingar til dánaraðstoðar gæti meðal heilbrigðisstarfsmanna í Noregi, Svíþjóð og Finnlandi og hér á landi. Upplýsingar um viðhorf heilbrigðisstarfsmanna í Danmörku til dánaraðstoðar liggur ekki fyrir samkvæmt greinargerðinni. Í greinargerðinni er lögð áhersla á mikilvægi strangra skilyrða sem forsendu dánaraðstoðar og vísað í þeim efnum til Hollenskra forsendna sem þykja ströng.

Dánartíðni hvítblæðis, krabbameins í eggjastokkum, brisi og blöðruhálskirtli hækkar í Japan eftir Covid mRNA bólusetningar

Niðurstöður Japanskrar rannsóknar sýna hærri aldursleiðrétta dánartíðni (AMR) þjóðarinnar á árunum 2021 til 2023 vegna estrógenviðtaka alfa (ERα)-næms krabbameins í eggjastokkum, hvítblæðis, krabbameins í blöðruhálskirtli og brisi en gera hefði mátt ráð fyrir miðað við reynslu áranna 2010 til 2019 eftir að dánartíðnin hafði farið lækkandi um margra ára skeið.

Læknarnir eiga að verða fyrri til

Heilsufari landsmanna hefur hrakað verulega á liðnum árum sem m.a. endurspeglast í mikilli fjölgun krabbameinssjúklinga. Lítið fer fyrir umræðu um ástæður þessarar miklu fjölgunar meinsemda. Kann það að skýrast af þöggun heilbrigðisyfirvalda um skaðann af völdum Covid bóluefnanna. Nýfallinn dómur Evrópudómstólsins í einkamáli gefur sterka vísbendingu um að skaðann af völdum bóluefnanna eigi að hengja um háls lækna. Læknarnir og stjórn fagfélags þeirra hljóta að fara að átta sig á að einungis er spurning um tíma þar til heilbrigðisyfirvöld komast ekki lengur hjá að rjúfa þagnarmúrinn um skaðsemi bóluefnanna. Til að fyrirbyggja að stjórnvöldum takist að gera lækna að blórabögglum í stöðunni eiga læknarnir sjálfir að verða fyrri til og opna umræðuna um skaðann af völdum bóluefnanna hér á landi og staðsetja ábyrgðina í almenningsálitinu þar sem hún með réttu á heima.

30% fjölgun tilfella krabbameins í blöðruhálskirtli

Krabbamein í blöðruhálskirtli er algengasta krabbamein karla og er um fjórðungur allra meina sem greinast hjá körlum á Íslandi samkvæmt heimasíðu Krabbameinsfélagsins. Uppsafnaður fimm ára fjöldi nýrra tilfella blöðruhálskirtilskrabbameins á árunum 2019 til 2023 er 30% fleiri en hvort heldur er borið saman við árin 2009 til 2013 eða 2014 til 2018. Ekki er að finna skýringar á þessari miklu fjölgun krabbameins hjá körlum á liðnum árum í opinberum gögnum heilbrigðisyfirvalda.

Fjöldi sjúklinga á LSH með færni- og heilsumat sem bíða vistunarúrræðis á hjúkrunarheimili helst óbreyttur um þriggja ára skeið

Endurteknar örvunarbólusetningar endurspegla tæpast umhyggju fyrir heilsufari eftirlaunaþega þegar staðreyndir um gagnsleysi efnanna sem smitvarnar eru hafðar til hliðsjónar ásamt myndum með upplýsingum úr VAERS gagnagrunni Sóttvarnastofnunar Bandaríkjanna CDC um tilkynningar um bóluefnaskaða. Við ákvörðun embættis landlæknis um áframhaldandi örvunarbólusetningar er ekki tekið tillit til:

• yfirlýsts gagnsleysis efnanna sem vörn við smiti eða sýkingu til eða frá bólusettum einstaklingi eins og rakið er á heimasíðu embættis landlæknis.
• niðurstaðna rannsókna sem staðfesta að eftir því sem oftar er bólusett með mRNA efninu gegn Covid þeim mun hættara er þeim bólusetta að veikjast af Covid. Það er veikinni sem bóluefnið átti að verja þá fyrir.
• umframdauðsfallanna sem skipa Íslandi samkvæmt samanburði Evrópsku hagfræðistofnunarinnar Eurostat í hóp þeirra þjóða Evrópu sem hæstu dánartíðnina hafa sýnt þrjú síðustu árin.
• aukins álags á heilbrigðiskerfið á liðnum misserum sem engin leið er að skýra með trúverðugum hætti án þess að nefna skaðann af völdum bóluefnanna til sögunnar.
• fjölgunar umsókna um greiðslur úr sjúkrasjóðum verkalýðsfélaga auk 36% fjölgunar þeirra einstaklinga sem þiggja greiðslur endurhæfingarlífeyris frá Tryggingastofnun frá upphafi til loka árs 2024.
• niðurstaðna rannsókna sem staðfesta skaðleg áhrif bóluefnanna á æxlunarfæri bæði karla og kvenna og því líklegur áhrifaþáttur í fækkun fæðinga á liðnum misserum.
• þeirrar fágætu stöðu að meðalævilengd bæði karla og kvenna hefur styst tvö ár í röð sem hefur ekki átt sér stað í áratugi.

Tilkynningar í VAERS  gagnagrunninn eru heilbrigðisstarfsmönnum og öðrum valfrjálsar (passive) sem leiðir til þess að einungis lítill hluti aukaverkana er skráður inn í grunninn. Talið er að margfalda megi tölur um bóluefnaskaða í grunninum um 40 hið minnsta til að nálgast með varfærum hætti fjölda skaðatilvika af völdum bóluefna.

Ekki er að undra að bólusettir voru taldir óbólusettir í 14 daga eftir bólusetningu

Hvers vegna heilbrigðisyfirvöld brugðu á það ráð að líta svo á að einstaklingar sem þáðu mRNA Covid sprautu teldust óbólusettir í 14 daga eftir bólusetningu skýrist m.a. af meðfylgjandi mynd. Í viðtali við Runólf forstjóra Landspítala í Mbl frá 28.7.21 staðfestir hann hvernig tölfræðinni var háttað. Dauðsföll í kjölfar mRNA Covid bólusetninga urðu flest á fyrstu dögum eftir sprautu en voru ekki skráð sem slík í tölfræðinni um Covid.

Vonandi er nýi landlæknirinn ekki líka með bundið fyrir augun

Blinda nýja heilbrigðisráðherrans og fyrrverandi landlæknis nær ekki eingöngu til augljósra skaðlegra afleiðinga bólusetninganna í nærumhverfinu. Lækninum var fyrirmunað að taka tilliti til upplýsinga úr gagnagrunni (VAERS) Bandarísku sóttvarnastofnunarinnar CDC um bóluefnaskaða sem er eitt af viðvörunartækjum heilbrigðiskerfisins en vitað er að einungis lítill hluti aukaverkana er skráður í grunninn. Hvernig fyrrverandi landlæknir hélt áfram að halda mRNA Covid-19 bóluefnunum að eldri borgurum landsins fram á síðasta starfsdag er útilokað að skilja þegar eftirfarandi er haft í huga:

• Fjöldi tilkynntra dauðsfalla inn í VAERS í kjölfar bólusetninga gegn Covid til loka febrúar 2025 eru 3,4 sinnum fleiri en öll tilkynnt dauðsföll í kjölfar bólusetninga frá upphafi gagnagrunnsins 1990.
• Fjöldi innlagna á sjúkrahús í kjölfar bólusetninga gegn Covid eru 2,3 sinnum fleiri en vegna samanlagt allra annarra bóluefna yfir 30 ára tímabilið frá 1990.
• Fjöldi einstaklinga sem úrskurðaðir hafa verið með varanlega örorku í kjölfar bólusetningar gegn Covid eru 3,1 sinnum fleiri en þeir sem orðið hafa öryrkjar í kjölfar bólusetninga með öllum öðrum bóluefnum samanlagt frá 1990.
• Fjöldi nýbura með fæðingargalla bólusettra mæðra gegn Covid eru 5,1 sinnum fleiri en bólusettra mæðra á meðgöngu með samanlagt öllum öðrum bóluefnum yfir 30 ára tímabilið frá 1990.

Íslenski raunveruleikinn

Einstaklingum á endurhæfingarlífeyri hjá Tryggingastofnun hefur fjölgað um 77% frá 2019. Markmiðið með greiðslum endurhæfingarlífeyris er að einstaklingurinn nái aftur starfshæfni. Á síðasta ári varð sprenging í fjölda greiðsluþega endurhæfingarlífeyris þegar þeim fjölgaði um 36%. Skýringar á fjölguninni 2024 kann að vera að leita í þeirri staðreynd að réttur til endurhæfingarlífeyris hjá TR virkjast ekki fyrr en önnur réttindi hafa verið fullnýtt. Veikindarétturinn hjá vinnuveitenda og réttindi til greiðslna úr sjúkrasjóði stéttarfélags verða að vera fullnýttar. Þessi skuggalega þróun er einungis ein af mörgum birtingarmyndum bóluefnaskaðans af völdum Covid mRNA efnanna. Furðuleg staða er nú komin upp í heilbrigðiskerfinu þar sem þjáðir landsmenn þurfa að treysta á nýjan heilbrigðisráðherra um úrræði vegna heilsufarslegra vandamála sem hún sem landlæknir átti stóran þátt í að mynda. Blinda ráðherrans er slík að enn þann dag í dag er skaðlegu mRNA efninu haldið að eldri borgurum á hjúkrunarheimilum aldraðra.