Meðalævin styttist tvö ár í röð

Ólifuð meðalævi karla við fæðingu hefur styst um 0,7 ár og kvenna um 0,6 ár frá 2021. Meðalævi landsmanna hefur með örfáum undatekningum lengst á hverju ári síðustu áratugi en eftir styttingu síðustu tveggja ára er meðalævin nú orðin svipuð og hún var fyrir 10 til 12 árum. 

Lokaorð eftirminnilegs svars Guðrúnar Aspelund sóttvarnalæknis, þar sem læknirinn var spurður álits á niðurstöðum ítalskrar rannsóknar í milljóna héraði á Ítalíu sem sýndu augljósa fylgni milli mRNA bólusetninganna gegn covid og fjölgunar dauðsfalla sem fylgdu, voru þau að „það er algjörlega búið að sýna fram á það að Covid-19 bóluefnin eru gagnleg og ávinningur langt umfram áhættu.“ Að þeim stóradómi föllnum er ekki nema von að menn spyrji hvernig á því standi að meðalævi Íslendinga hafi tekið að styttast fyrir tveimur árum eftir að landsmenn höfðu þegið yfir 700.000 bóluefnaskammta  gegn covid með „namminu“ hans Kára Stefánssonar? Hvernig standi á því að dánartíðni ungbarna hækki um 64% á árinu 2023 hvort sem miðað er við fyrra ár eða meðaltal áranna 2018/2019?

Dánartíðni ungbarna hækkar um 64% og nýbura um 47% milli ára

Hagstofa Íslands hefur náð að taka saman tölur um fæðingar og andlát á árinu 2023. Dánartíðni nýbura (þ.e. barna sem látast innan 28 daga frá fæðingu) hækkar um 47% á milli ára og dánartíðni ungbarna (þ.e. barna sem látast á fyrsta aldursári) hækkar um 64% reiknað af 1.000 lifandi fæddum börnum. Sé dánartíðni barnanna reiknuð miðuð við meðaltal áranna 2018 og 2019 kemur í ljós að dánartíðni nýbura hefur hækkað um 56% og ungbarna um 64% pr. 1.000 lifandi fæðingar.

Frasinn súrnar

Fyrir þau sem ekki hafa tíma aflögu til að kynna sér niðurstöður rannsókna sem benda sterklega til orsakasambands Covid mRNA bólusetninganna og fjölgunar dauðsfalla í kjölfarið kann meðfylgjandi súlurit úr ástralskri skýrslu að vera hjálplegt. Súluritið sýnir fjölgun tilkynninga inn í gagnagrunn um bóluefnaskaða í Vestur Ástralíu við upphaf bólusetninga með mRNA covid efnunum sem hófust í mars 2021. Ekki er hægt að skýra fjölgun tilkynninga um bóluefnaskaða með Covid-19 flensunni því enginn hafði á þeim tíma greinst með veiruna vegna einangrunar fylkisins þar sem algert ferðabann ríkti. Það var ekki fyrr en síðar á árinu að covid flensunnar varð vart. Tekið var til þess á blaðamannafundi forsætisráðherrans í október 2021 hvernig hann kunni engar skýringar á yfirfullum spítölum. Enginn var jú með covid.

Frasinn um að fylgni sé ekki sama og orsök á ekki lengur við þegar fjallað er um mRNA efnin og umframdauðsföllin. Svo margar eru rannsóknirnar orðnar hverra niðurstöður leiða sterkar líkur að orsakasambandi.

Var sama fljótaskriftin með barnabóluefnin?

Fæstir foreldrar hafa tíma aflögu í brauðstriti dagsins til að kynna sér bóluefnin sem notuð eru við barnabólusetningar hér á landi. Það kemur þvi mörgum á óvart þegar þeir uppgötva að engin bóluefnanna sem Sóttvarnastofnun Bandaríkjanna (CDC) hefur samþykkt til notkunar hefur verið reynt í langtíma klínískum tvíblindum rannsóknum. Það er rannsókn þar sem hluta barnanna er gefin lyfleysa (saltlausn) og hvorki þátttakendur eða umsjónarmenn rannsóknarinnar vita hvort barn var sprautað með virka efninu eða lyfleysunni. Til að auðvelda foreldrum að glöggva sig á bóluefnunum er í klippunni listi yfir efnin með upplýsingum um tímalengd rannsókna. Í hlekknum má nálgast ítarlegri upplýsingar um efnin og hlekki á fylgiseðla þeirra ásamt stuttri lýsingu á prófunum. 

Foreldrum um heim allan fjölgar (þátttaka i barnabólusetningum dregst saman) sem spyrja hvers vegna þau ættu að geta treyst heilbrigðisyfirvöldum til að hafa heilbrigði barnanna í fyrirrúmi meðan ennþá er haldið áfram að nota mRNA efnin þrátt fyrir að flestir hafi fyrir augum eða þekki til alvarlegs skaða sem efnin hafa valdið.

Orsakasambandið geirneglt af þýskri nákvæmni

Það er að bera í bakkafullan lækinn að kynna til sögunnar enn eina rannsóknina sem leiðir sterkar líkur að orsakasambandi covid bólusetninganna og fjölgunar dauðsfalla. Niðurstöður þýskrar rannsóknar, sem enn hefur ekki gefist tóm til að ritrýna, á áhrifum Covid-19 á dauðsföll í 16 sambandsríkjum yfir þriggja ára tímabil bætist í ört stækkandi hóp rannsókna sem leiða sterkar líkur að orsakasambandi Covid bólusetninganna og fjölgunar dauðsfalla. Mantran um að fylgni sé ekki sama og orsök á ekki lengur við þegar fjallað er um mRNA efnin og umframdauðsföllin. Svo margar eru rannsóknirnar orðnar hverra niðurstöður leiða sterkar líkur að orsakasambandi.

Ísland skólabókardæmi á heimsvísu um líklegt orsakasamband

Ísland er á meðal 110 landa af 125 löndum í nýrri rannsókn þar sem ítarleg gögn um bólusetningar ásamt upplýsingum um dauðsföll voru fyrirliggjandi og aðgengileg rannsóknaraðilum. Í löndunum 110 (án undantekninga) var fylgnin milli bólusetninga og fjölgun dauðsfalla augljós. Klippan sýnir fylgni bólusetninga og dauðsfalla á Íslandi og er landið í hópi þjóða þar sem fjölgun dauðsfalla í kjölfar örvunarbólusetninga seinni part árs 2021 er greinileg en dauðsföllum fjölgaði mikið hérlendis og náðu þau hámarki í mars 2022. Ísland hefur um margra mánaða skeið verið í hópi þeirra þjóða Evrópu sem flest hafa umframdauðsföllin. 

Niðurstöður óvenju stórrar rannsóknarinnar greina áhrif misráðinna sóttvarnaviðbragða stjórnvalda víða um heim og hvernig þau leiddu til fjölgunar dauðsfalla. Hvergi í heiminum fækkaði dauðsföllum í kjölfar bólusetninga gegn Covid og telja rannsakendur auðsætt að fullyrðing þess efnis að bóluefnin hafi bjargað milljónum mannslífa eigi ekki við rök að styðjast.

Gervisteik á grillið – held ekki

Bretland er fyrsta landið í Evrópu sem heimilar sölu á gervikjöti (kjöti sem er ræktað utan líkama dýrs) sem gæludýrafóður. Fyrirtækið ræktar kjötið frá dýrafrumum. Fyrsta varan hefur kjúklingagrunn og er ætluð hundum. Hins vegar fer fyrirtækið ekki leynt með framtíðarsýnina sem er að rækta kjöt fyrir menn. Draga má í efa að almenningur komi til með að hafa áhuga á að henda steik á grillið sem byggir á framtíðarsýn Bill Gates og félaga hjá WHO á því hvað sé mannkyni fyrir bestu.

"Artificial meat – also known as in vitro, cultivated, cell-based, clean, cultured, lab-grown or slaughter-free meat – is meat that is grown in a cell culture outside an animal’s body instead of inside, naturally."

Aðalatriðið í úrskurði Evrópudómstólsins

Af ókunnum ástæðum hefur meginstraumsmiðlum láðst að greina frá aðalatriðinu í niðurstöðu Evrópudómstólsins þar sem hann fjallaði um samninga framkvæmdastjórnarinnar um kaup á covid bóluefnum af lyfjaframleiðendum. Dómstóllinn kvað upp úrskurð um að framleiðandi efnanna beri ábyrgð á skaða sem orsakast af galla í framleiðslunni.(klippan er úr fréttatilkynningu Evrópudómstólsins)

the General Court states that a producer is liable for the damage caused by a defect in its product and its liability cannot be limited or excluded vis-à-vis the victim by a clause limiting, or providing an exemption from, liability under Directive 85/374.

Niðurstaða Evrópudómstólsins gerir skaðleysisgrein kaupsamnings Evrópusambandsins og einstakra landa, þar á meðal Íslands, á bóluefnum af lyfjaframleiðendum marklausa og eru lyfjaframleiðendur ábyrgir vegna skaða sem gölluð mRNA bóluefnin valda.

Að gefast upp er ekki til í orðabók Þórdísar

Þórdís B. Sigurþórsdóttir, sem er einn af stofnendum Heilsuvonar sem eru hagsmunasamtök fólks með C-19 sprautuskaða, hefur endurnýjað ósk um að fá afrit af öllum bóluefnasamningum íslenska ríkisins við framleiðendur efnanna með vísan til nýfallins úrskurðar Evrópudómstólsins. Dómstóllinn úrskurðaði að framkvæmdastjórn Evrópusambandsins hafi brotið lög með því að halda leyndum fyrir almenningi lykilupplýsingum úr milljarða kaupsamningum sambandsins á bóluefnum af lyfjaframleiðendum þegar hún birti afrit af samningunum með miklum yfirstrikunum á árinu 2022. Úrskurður Evrópudómstólsins í máli framkvæmdastjórnarinnar gerir að engu röksemdir ráðuneytisins sem lagðar voru til grundvallar við höfnun fyrra erindis Þórdísar frá mars 2021 um aðgang að samningunum.

Úrskurður dómstólsins er áfellisdómur yfir vinnubrögðum formanns framkvæmdastjórnar ESB Ursula von der Leyen en hún leiddi ESB í samningaviðræðum við Albert Bourla forstjóra Pfizer. Samningur ESB, sem Ísland „naut góðs af,“ þótti afar hagstæður lyfjaframleiðandanum og hefur innri endurskoðendum ESB ekki tekist að fá aðgang að SMS skilaboðum sem fóru á milli der Leyen og Bourla við rannsókn á viðskiptunum. Myndin er af Ursula og Albert.

Íslenska reynslan af skaðsemi covid efnanna eftir framleiðendum

Ekki er að finna hliðstæð opinber gögn hér á landi um bólusetningarstöðu látinna landsmanna eins og Tékkneska hagstofan hefur afhent fyrirspyrjanda á grundvelli þarlendra upplýsingalaga (sjá fyrri færslu). En með hlutfallsreikningi fjölda bólusetninga eftir framleiðendum og tilkynntum aukaverkunum má gera grófan samanburð á skaðsemi efnanna.

Taflan sýnir að íslenska reynslan af notkun Moderna er því ekki ósvipuð þeirri Tékknesku (þó ekki mælt í dauðsföllum eins og þar í landi) þar sem aukaverkanir af völdum Moderna reyndust 80% fleiri pr. 1.000 sprautur en af völdum Pfizer. Tölur Lyfjastofnunar um tilkynntar aukaverkanir benda til þess að þeir sem þáðu AstraZeneca hafi verið liðlega tvöfalt líklegri til að skaðast en hefðu þeir fengið Pfizer. Taflan skýrir hvers vegna hætt var að mestu að sprauta með Janssen þegar í júlí 2021.