Ísland toppar í Evrópu með 18,6% umframdauðsföll í október

Að Ísland hafi mælst með hæsta mánaðarlegt hlutfall umframdauðsfalla í Evrópu í október er ekki í fyrsta sinn og hefur landið verið í hópi Evrópuþjóða með hlutfallslega flestu dauðsföllin í mörg ár. Taflan sýnir hlutföll Íslands í samanburði við nágrannaþjóðirnar í Skandinavíu frá miðju ári.

Pfizer er mengað af saurgerils DNA og inniheldur SV40 krabbameinsvaldinn

Ekki er ólíklegt að landsmönnum sem stóð Pfizer til boða hefðu hugsað sig tvisvar um hefðu þeir vitað að efnið væri mengað af e-coli saurgerils DNA plasmíði og í því væri að finna SV40 krabbameinsvaldinn sem hafði skelfilegar afleiðingar í mænusóttar bóluefni á 6. áratug síðustu aldar. SV40 er í bóluefninu samkvæmt uppskrift framleiðandans. Ekki fyrir slysni. Ritrýndar niðurstöður nýbirtrar rannsóknar staðfesta tilvist DNA í lyfjaglösum undan mRNA Covid bóluefni Pfizer og fjölgar rannsóknunum sem staðfesta mengun bóluefnanna af DNA í margföldu heimiluðu magni. Krabbameinsvakinn SV40 er líklega hluti skýringar á miklum vexti krabbameins víða um lönd og einnig hér á Íslandi þar sem dauðsföllum af völdum illvígs krabbameins fjölgaði um 8% á árunum 2022 og 2023 frá bólusetningarárinu 2021. Nýleg rannsókn í New England Journal of Medicine tengir SV40 við krabbameinsmyndun af völdum genameðferðar lyfsins Skysona sem veldur blóðkrabbameinum hjá ríflega 10% notenda. Eftirlitsstofnanir munu senn þurfa að viðurkenna tilvist DNA mengunarinnar í bóluefnunum og taka afleiðingum leyfisákvarðana mRNA bóluefnum til handa.

Auk staðfestingar á fjórfaldri mengun Pfizer af DNA umfram heimiluð viðmið eftirlitsaðila, greinir rannsóknin flutning exósóm á gaddapróteininu til vefja og líffæra með blóðinu og inn í frumur en staðfest hefur verið að gaddapróteinið finnst í exósómum bólusettra einstaklinga. Áhugi vísindamanna á exósómum sem nýrri kynslóð örlyfjabera hefur vaxið á liðnum árum. Exósóm eru örsmáar agnir með tvöfalda lípíð himnu sem frumurnar búa til og teljast til utanfrumubóla (EVs). Helsti kostur exósóma fram yfir örlyfjabera á markaði er að exósómin eru innrænar (e. endogenous) bólur. Af því leiðir að ónæmiskerfið fjarlægir ekki exósómin úr líkamanum, þau hafa meiri stöðugleika í blóði og vefjum auk þess sem ratvísi (e. homing) þeirra að markvef eru þeim eðlislæg samkvæmt fræðunum. Þar sem rannsóknir hafa sýnt fram á tilvist gaddapróteinsins í frumum flestra vefja og líffæra kann notkun exósóma sem lyfjabera í tilviki mRNA efna Pfizer að hafa þróast með öðrum hætti en höfundar bóluefnisins ætluðu.

Bólusettir í 23% meiri hættu á bráðum hjarta- og æðaskaða samkvæmt Pfizer

Þar sem lokaskýrslu Pfizer um öryggi og reynslu af mRNA Covid-19 bóluefni framleiðandans verður skilað 20.12. n.k. er hjálplegt til samanburðar að rifja upp niðurstöður 5 áfangaskýrslunnar sem skilað var til eftirlitsaðila 24. mars s.l. og spannaði í tilviki breska 4,1 milljóna manna úrtaksins tímabilið frá upphafi bólusetninga til 21.3.2022. Skýrslan greindi áhrif efnisins á bólusetta í 12,6 milljón manna úrtaki fimm landa með tilliti til smits og áhættu á 31 sjúkdómi í samanburði við óbólusetta. Skemmst er frá að segja að skýrslan var áfellisdómur yfir bóluefninu og skal engan undra að breska lyfjaeftirlitið MHRA hafi reynt að halda henni leyndri sem lengst. Áhætta milljóna Breta sem þáðu bóluefni Pfizer á hjartameinum hækkaði umtalsvert í samanburði við þá sem afþökkuðu efnið eins og neðangreind upptalning úr skýrslu Pfizer á breska úrtakinu staðfestir:

Bráður hjarta- og æðaskaði (Acute cardiovascular injury) – 23% meiri áhætta.

Hjartsláttartruflun (Arrhythmia) – 27% meiri áhætta.

Kransæðasjúkdómur (Coronary artery disease) – 40% meiri áhætta

Hjartabólga (Myocarditis within 21 days) – 130% meiri áhætta

Smitvarnaráhrif efnisins á 4,1 milljón Breta má sjá á línuritinu til vinstri. Þegar á 8 degi varð bólusettum hættara á að veikjast af Covid. Á hægra línuritinu eru hörmuleg tíðindi úr skýrslunni en á því sést glögglega hvernig áhætta þeirra bólusettu á að greinast með bráðan hjarta- og æðaskaða fer vaxandi eftir því sem lengra líður frá bólusetningu. Heilbrigðisyfirvöld og eftirlitsaðilar bíða nú eftir lokaskýrslunni og vona að hún sýni ekki fram á fleiri alvarlegar aukaverkanir af völdum bóluefnisins en fimmta áfangaskýrslan frá í vor gerði.

Fjölfaldandi mRNA Covid-19 efni senn í boði

Beðið er samþykkis framkvæmdastjórnar Evrópusambandsins á nýrri útfærslu mRNA bóluefnanna gegn Covid-19 en European Committee for Medicinal Products for Human Use (CHMP) samþykkti jákvæða umsögn um leyfisumsókn efninu til handa 12. desember s.l..Efnið (Kostaive ARCT-154) sér um að fjölfalda sjálft sig í líkamanum og er því sem turbo útgáfa efnisins sem landsmenn þáðu 895.000 skammta af á árunum 2021 til 2023. Í klínískum rannsóknum voru 5 dauðsföll tilkynnt meðal þátttakenda. 90% bólusettra fengu aukaverkanir, 74,5% bólusettra tilkynntu kerfislægar aukaverkanir og 15,2% þurftu á læknisaðstoð að halda eftir fyrstu sprautu. Athygli vekur að margir starfsmenn lyfjaframleiðandans, Arcturus Therapeutics, eru meðal höfunda rannsóknarinnar og eykur slík nálægð ekki trúverðugleika niðurstaðna.

Einhverjum kann að þykja með ólíkindum ef framkvæmdastjórn ESB samþykkir fjölfaldandi mRNA efni sem greinilega er skaðlegt og aukin heldur engin langtímareynsla er komin á. Athygli vekur að reynslan af notkun mRNA efnanna á síðustu fjórum árum, sem endurspeglast í dauðsföllum þúsunda Evrópubúa umfram það sem gera hefði mátt ráð fyrir, að ekki sé minnst á þær þúsundir sem eiga við alvarlegan skaða af völdum bóluefnanna að etja kom ekki í veg fyrir jákvæða umsögn CHMP. Af biturri reynslu geta landsmenn ekki treyst því að stjórnendur Lyfjastofnunar og Embættis landlæknis komi til með að hafa heilsu þeirra í fyrirrúmi við ákvörðun um leyfisveitingu til notkunar efnisins hér á landi.

Bjargráðsígræðslum fjölgar um 43%

Hjartastopp verður í langflestum tilvikum vegna hjartsláttartruflana frá sleglum (neðri hjartahólfum). Ef tekst að endurlífga einstaklinga sem fara í hjartastopp er viss hætta á að atburðurinn endurtaki sig. Viðbrögð geta verið lyfjameðferð en algengara er að notuð sé ígræðsla bjargráðs. Tækinu er komið fyrir undir húð eða vöðva í brjóstholi með skurðaðgerð og leiðslur þræddar gegnum bláæðakerfið og festar við hjartavegginn ásamt rafskautum. Tækið er með tölvu sem vaktar hjartsláttinn og ákveður hvenær þörf er á rafstuði.

Senn verða fjögur ár liðin frá því að bólusetningar með mRNA efnunum gegn Covid hófust og á þeim tima hefur fjöldi ritrýndra rannsóknarniðurstaðna birst sem staðfesta skaðsemi efnanna á hjartað. Eftir Kára Stefánssyni er haft að bólusetning gegn veirunni þrefaldi líkur á bólgu í hjartavöðva. Þar sem bjargráðsígræðsla er tiltölulega dýr meðferð er henni beitt sparlega. Ekki verður annað séð en að álit Kára á auknum líkum á hjartaskaða bólusettra ásamt niðurstöðum rannsóknanna endurspeglist í tíðni bjargráðsígræðslna á Landspítalanum en þeim hefur fjölgað um 43% frá árinu 2020. (jan/nóv)

Ristilspeglunum á Landspítala fjölgar um 41%

Í starfsemisupplýsingum Landspítala vekur athygli að ristilspeglunum fjölgaði um 41% á fyrstu 11 mánuðum ársins frá sama tímabili liðins árs og sértækum magaspeglunum fjölgaði um 78%. Ekki er hægt að útiloka að fjölgun speglana eigi sér skýringar í breyttu vinnufyrirkomulagi á spítalanum. Á heimasíðu Krabbameinsfélagsins kemur fram að ristil- og endaþarmskrabbamein er þriðja algengasta krabbameinið sem greinist á Íslandi. Ristilspeglun er talin skilvirkasta aðferðin til að finna og komast í veg fyrir meinin á byrjunarstigum og auka þannig líkur á bata. Fjölgun speglana á þessu ári kann að vera vísbending um að ekkert lát sé á greiningum krabbameins hér á landi líkt og víða erlendis. Í dánarmeinaskrám landlæknis fyrir árin 2022 og 2023 sést að dauðsföllum af völdum illvígs krabbameins hefur fjölgað um 8% frá meðaltali áranna 2019 til 2021 þegar bólusetningar með  mRNA Covid efnunum hófust.

Að svipta heimilislækni starfsleyfi

Hæstiréttur Queensland í Ástralíu hefur fellt dóm í máli heimilislæknisins Dr. William Anicha Bay gegn AHPRA Australian Health Practitioner Regulation Agency, The Medical Board of Australia og State of Queensland til ógildingar starfsleyfissviptingu frá 17.8.2022. Fyrsttöldu aðilarnir hafa hliðstæð verkefni á hendi í Ástralíu og Embætti landlæknis á Íslandi.

Landlæknir hafði svipt heimilislækninn leyfi til að stunda lækningar á grundvelli fimm ábendinga vegna óviðunandi atferlis læknisins þar sem vísað var til a) myndbands á Facebook þar sem læknirinn fullyrti að bólusetningar gegn covid hefðu valdið skaða, b) beinni útsendingu (live stream) á Facebook þar sem heimilislæknirinn hafði fjallað um covid bólusetningar og aðild hans sem heimilislæknis að bólusetningum hefði leitt til dauða sjúklings og valdið sjúklingum skaða, c) beinnar útsendingar á Facebook fyrir utan heimili frumbyggja með brjóstverk meðan beðið var sjúkrabíls, d) þátttöku læknisins í mótmælum covid bólusetninga fyrir utan skrifstofur AHPRA. Fimmta kvörtunin beindist að atferli læknisins á 400 manna læknaráðstefnu þar sem læknirinn hefði sent beint (livestreaming) frá fyrirlestri um sóttvarnaráðstafanir faraldursins þar sem læknirinn hrópaði að læknum í salnum; „hættið að þvinga þessum bóluefnum upp á almenning í Ástralíu þar sem bóluefnin eru að drepa fólk.“ Við þetta hefði læknirinn bætt varnaðarorðum til ráðstefnugesta um að trúa ummælum landlæknis í fyrirlestri á ráðstefnunni mátulega þar sem landlæknir hefði farið rangt með og „gaslýst“ læknanna í fyrirlestri. Ennfremur þóttu ummæli heimilislæknisins um gildi náttúrulegs ónæmis til varnar veirunni ótrúverðug.

Hæstiréttur afturkallaði ákvörðun heilbrigðisyfirvalda um að svipta heimilislækninn starfsleyfi með svo afgerandi dómsorði að talið er að læknirinn hafi stöðu til höfðunar skaðabótamáls á hendur heilbrigðisyfirvöldum til heimtu tapaðra tekna á þessu tveggja ára tímabili sem hann hefur ekki getið stundað heimilislækningar.

Hvort niðurstaða hæstaréttar andfætlinga okkar um mál- og skoðanafrelsi heimilislæknis sem fer gegn viðhorfi heilbrigðisyfirvalda rýfur ærandi þögn íslenskra lækna um skaðann af völdum mRNA efnanna á eftir að koma í ljós. Hlekkurinn er á dómsorð Hæstaréttar Queensland.

(Klippan er úr pósti Aussie17)

Áhætta á að veikjast af covid lækkaði um 0,84% við bólusetningu

Öruggt má telja að landsmenn hefðu ekki þegið bólusetningu gegn Covid-19 hefðu þeir verið upplýstir um að ávinningurinn af bólusetningunni til að forða þeim frá að veikjast af covid væri hverfandi eða innan við 1%. Upplýsingar um afar takmarkaða smitvörn mRNA bóluefnis Pfizer lágu fyrir í lok desember 2020 þegar bólusetningar hófust hér á landi. Landsmönnum var talin trú um 95% vernd efnanna á grundvelli útreiknings lækkunar hlutfallslegrar áhættu (relative risk reduction) en FDA (Lyfjaeftirlit Bandaríkjanna) varar við kynningu á smitvörn lyfja með þeim útreikningi.

Þegar horft er til baka er með ólíkindum að ráðist hafi verið í allsherjarbólusetningu þar sem ávinningurinn af bólusetningu sem smitvörn var samkvæmt niðurstöðum klínískra rannsókna innan við 1%. Að milljörðum hafi verið varið úr ríkissjóði til kaupa á lítt reyndum bóluefnum sem þróuð voru á grundvelli nýrrar tækni með jafn takmarkaða virkni sem smitvörn. Ekki er síður furðulegt að sjá bóluefnið enn í notkun með vísan til skaðans sem sannanlega má rekja til notkunar bóluefnanna að ekki sé minnst á ótímabæran dauðdaga fjölda landsmanna fyrir tilverknað efnanna. Takmarkað álit landlæknis á gagnsemi mRNA efnanna sem smitvarnar og þýðingarleysi bólusetningar fyrir heilbrigðisstarfsmenn má lesa á heimasíðu embættisins þar sem fram kemur að bólusetning hafi „ekki reynst mjög gagnleg til að hindra smit til eða frá bólusettum einstaklingi.“

Fjársveltum ekki Ráðgjafar- og greiningarstöð

Börnum sem greinst hafa á einhverfurófi hefur fjölgað mikið hér á landi. Fréttir af niðurskurði fjárframlaga til starfsemi Ráðgjafar- og greiningarstöðvar á sama tíma og tilvísunum um þjónustu hefur fjölgað um 60% og að fjölskyldur fatlaðra barna þurfi að bíða í tvö ár eftir þjónustu stofnunarinnar vekja undrun.

Súluritið sýnir þróunina í Kaliforníu frá 1989. Umdeilt er hvort þróunina megi rekja til lagasetningar 1986 sem tryggði lyfjaframleiðendum í Bandaríkjunum skaðleysi vegna hugsanlegs miska af völdum bóluefna á heilsu barna. Að lagasetningin hafi leitt til óvandvirkni lyfjaframleiðenda við klínískar rannsóknir barnaefnanna líkt og almenningur hefur upplifað með skaðsemi Covid efnanna. Nýkjörinn forseti hefur falið heilbrigðisráðherra að láta það verða eitt af sínum fyrstu verkum í embætti að ganga úr skugga um öryggi barnabóluefnanna. Eins og súluritið ber með sér verður fjölgun einstaklinga á einhverfurófi betur lýst sem faraldri. Ekki er undarlegt að verðandi forseti vestra hafi áhyggjur af faraldri einhverfu því að óbreyttu mun annað hvert barn í Bandaríkjunum greinast á einhverfurófi að 10 til 20 árum liðnum.

Breskir læknar og hjúkrunarfræðingar áhugalitlir um örvunarbólusetningu

Áskorun stjórnenda Bresku heilbrigðisþjónustunnar (NHS) til starfsmanna um bólusetningu gegn Covid-19 hefur til þessa skilað takmörkuðum árangri þar sem 86% starfsmanna hafa ekki þegið Covið sprautu og 75% þeirra hafa enn ekki látið bólusetja sig gegn inflúensu en efnunum er haldið stíft að almenningi með auglýsingaherferð í sjónvarpi og útvarpi. Læknir NHS taldi aukaverkanir mRNA efnanna, sem starfsmenn og sjúklingar hafa reynt, vera áhrifaþátt í bóluefnahiki starfsmannanna. Frá 2019, eða ári fyrir Covid, til 2024 hefur veikindadögum starfsmanna fjölgað um 40 til 50%.