UNDUR OG STÓRMERKI

Loksins sýnist lífsmark meðal þingmanna vegna augljósrar skaðsemi covid mRNA efnanna. Ekki var það vonum seinna þegar haft er í huga að liðlega 600 Íslendingar hafa látist á árunum 2022 og 2023 umfram það sem gera hefði mátt ráð fyrir miðað við reynslu. Til að setja þennan mikla fjölda látinna í samhengi við þekktar stærðir er talið að 230 Íslendingar hafi fallið í valinn af styrjaldarástæðum samanlagt á árum seinni heimsstyrjaldarinnar. Ísland staðfesti stöðu sína meðal þeirra Evrópulanda sem flest umframdauðsföllin hafa með 25,2% hlutfalli látinna umfram reynslu í desember s.l. samkvæmt nýbirtum tölum Eurostat. Ekkert land í Evrópu var með hærra hlutfall en Ísland í desember.

Lögð hefur verið fram fyrirspurn á alþingi þar sem spurt er um hvort standi yfir rannsóknir á skaðsemi COVID bólusetninganna og hvaða meðferðarúrræði séu í boði fyrir fólk sem glímir við aukaverkanir af völdum efnanna. Jafnfram er spurt um fjölda skaðatilvika sem tilkynnt hafa verið til stjórnvalda af völdum efnanna en sem kunnugt er hefur Lyfjastofnun hætt uppfærslu upplýsinga um fjölda skaðatilvika.

ENN EITT EVRÓPUMETIÐ

Afrakstur bólusetningarstefnu embættis landlæknis heldur áfram að endurspeglast í háum tölum umframdauðsfalla sem birtar eru mánaðarlega á vef Eurostat. Umframdauðsföll á Íslandi í desember mældust 25,2% og reyndust þau hæstu í Evrópu. Á vef landlæknis er tekið tillit til mannfjöldaþróunar og þannig reiknast umframdauðsföllin 11,2%. Þannig reiknaðar tölur eru ekki tiltækar fyrir önnur lönd Evrópu.

Hvað ætli hanskaklædd lagaumgjörð kosti í Frakklandi?

Vonandi verður ný frönsk löggjöf sem er sérhönnuð að hagsmunum lyfjaframleiðenda og gerir gagnrýni á mRNA lyfin saknæm með allt að 3 ára fangelsi og €45.000 sekt ekki tekin upp í löggjöf ESB og í framhaldinu innleidd hérlendis.

Fastlega má gera ráð fyrir að einn af mörgum fjárhagslegum undirliggjandi þáttum sem liðkuðu fyrir lagasetningunni hafi verið endurskoðun á ógreiddum skuldbindinum Frakklands vegna kaupa á mRNA bóluefnum sem landsmenn þar líkt og annars staðar í álfunni hafa afþakkað. Miklu magni bóluefna hefur verið fargað en ógreiddar skuldbindingar sem nýlega var endursamið um standa eftir. Spurst hefur að þjóðirnar hafi fengið afslætti af ógreiddum reikningum með því að greiða fyrir óafhent óframleidd bóluefni. Pólland hefur ákveðið að spyrna við fótum og neitar að greiða Pfizer fyrir bóluefnin en lyfjaframleiðandinn hefur höfðað innheimtumál á hendur landinu.

Ekki hefur fengist upplýst hverjar skuldbindingar Íslands eru um kaup á bóluefnum sem nánast er hætt að nota þrátt fyrir ítrekaðar fyrirspurnir. Kvörtun hefur verið send Umboðsmanni alþingis vegna þessa.

Bandarískir eldri borgarar átta sig einnig

Það eru fleiri en eldri borgarar á Íslandi sem eru búnir að átta sig á skaðsemi og gagnsleysi covid mRNA bóluefnanna. Einungis 39% vistmanna hjúkrunarheimila í Bandaríkjunum höfðu þegið bólusetningu 29. janúar s.l.

Hvað hefðu dauðsföllin þurft að vera mörg?

Sóttvarnastofnun Bandaríkjanna (CDC) gerði í maí 2021 uppkast að aðvörun til útsendingar með neyðarsamskiptakerfi stofnunarinnar til lækna og lykilstjórnenda í heilsugeiranum. Vara átti við aukinni hættu á hjartavöðva- og gollurhúsbólgu sem vart hafði orðið í kjölfar bólusetningar með mRNA efnum Pfizer og Moderna. Að aðvörunin var ekki send kann að vera saknæmt.

Telja verður líklegt að aðvörun um hugsanlegan hjartaskaða af völdum mRNA efnanna hefði orðið mörgum Íslendingnum tilefni til endurskoðunar á áformum um bólusetningu. Hvenær ársins 2021 varð embætti landlæknis kunnugt um aukna hættu á hjartaskaða sem fylgdi mRNA efnunum? Hvers vegna var ekki talið tilefni til að vara landsmenn við þessum alvarlegu aukaverkunum efnanna?

Á árinu 2021 létust 33 landsmenn í kjölfar bólusetninga samkvæmt meðfylgjandi yfirliti Lyfjastofnunar. Á vef Landlæknis eru gefnar upp tölur um andlát af völdum covid og samkvæmt þeim létust 7 af völdum Covid-19 á Íslandi á árinu 2021. Að rúmlega fjórfalt fleiri hafi látist í kjölfar bólusetninga en létust úr sjúkdómnum sem bóluefnið átti að verja landsmenn fyrir hefði átt að hringja aðvörunarbjöllum. Fullt tilefni er til að beina eftirfarandi spurningu til Ölmu Möllers landlæknis og Þórólfs Guðnasonar þáverandi sóttvarnalæknis: Þar sem 33 dauðsföll í kjölfar bólusetninga á árinu 2021 dugðu ekki til að staldrað væri við með framhald bólusetninga og staðan endurmetin - hvað hefðu dauðsföllin hér á landi þurft að vera mörg?

Ekki skaða – first, do no harm

Sterkar vísbendingar eru fram komnar sem benda til að embætti landlæknis haldi covid bóluefni að eldri borgurum sem ólíklega hefði fengist leyfi fyrir hefði verið gerð grein fyrir öllum alvarlegum aukaverkunum efnisins sem fram komu í klínískum rannsóknum bæði fyrir og eftir ákvörðun um leyfisveitingu.

Ný ritrýnd rannsókn, þar sem niðurstöður þriðja fasa klínískra rannsókna Pfizer voru endurmetnar, leiðir í ljós að fjöldi alvarlegra aukaverkana í rannsókninni reyndust marktækt fleiri í hópi þeirra bólusettu en eftirlitsaðilum var greint frá áður en neyðarleyfisveitingin fyrir bóluefnið var samþykkt. Auk þess kom fram fjöldi alvarlegra aukaverkana meðal þátttakenda í klínísku rannsókninni eftir að neyðarleyfið var veitt. Auk dauðsfalla má nefna krabbamein, hjartatengd tilvik og ýmsa sjálfsofnæmis-, blóð-, æxlunar- og taugasjúkdóma. Bóluefnið var aldrei rannsakað samkvæmt viðurkenndum stöðlum með tilliti til öryggis og eitrunaráhrifa. Höfundar rannsóknarinnar leggja til að notkun bóluefnisins verði hætt.

Áður en neyðarleyfi fyrir mRNA efni Pfizer var gefið út eftir einungis 7 mánaða klínískt rannsóknarferli hafði ekkert bóluefni fengið leyfi sem ekki hafði undirgengist að minnsta kosti 4 ára ferli. Fyrir daga covid bóluefnanna hafði tímalengd þriðja fasa klínískra rannsókna mælst að meðaltali 10 ár.

Með hverjum deginum verður erfiðara að skilja hvers vegna embætti landlæknis heldur covid bóluefninu að eldri borgurum;

• þrátt fyrir vísbendingar um hnökra í leyfisferli þar sem alvarlegar aukaverkanir bóluefnisins voru vantaldar
• þrátt fyrir að hundruðir ritrýndra rannsókna sýni fram á skaðsemi mRNA bóluefnisins
• þrátt fyrir að fjöldi Íslendinga eigi um sárt að binda vegna sjúkdóma af völdum bóluefnanna
• þrátt fyrir að fjöldi landsmanna hafi hlotið ótímabæran dauðdaga fyrir tilverknað efnanna og að Ísland sé í hópi þjóða með flest umframdauðsföllin
• þrátt fyrir að fjöldi íþróttamanna og fjölmiðlamanna hafi misst meðvitund eða látist í beinni útsendingu
• þrátt fyrir að löngu sé ljóst að efnið sé gagnslaust sem smitvörn og
• þrátt fyrir að rannsóknir staðfesti að eftir því sem bóluefnið er þegið oftar aukast líkur þess bólusetta á að smitast af Covid. Það er sjúkdómnum sem bóluefnið átti að koma í veg fyrir.

 

Eldri borgarar á Íslandi eru betur upplýstir en jafnaldrar á Norðurlöndum

Íslendingar eru orðnir upplýstari um skaðsemi mRNA efnanna og gagnsleysi þeirra sem smitvarnar en almenningur á Norðurlöndum. Hlutfall Íslendinga í hópi 70 til 79 ára sem þáðu bólusetningu fyrir áramót er 50,9% lægra en Dana, 29,6% lægra en Finna og 28,8% lægra en Norðmanna. Þetta er mikil breyting frá upphafi bólusetninga við covid þar sem Ísland var með hærra bólusetningarhlutfall en Finnar og Norðmenn og svipað bólusetningarhlutfall og Danir. Yfirlit Evrópsku sóttvarnastofnunarinnar (ECDC) um covidbólusetningar 1.9.23 til 15.1.24 í commenti. Tölur Íslands ná til 31.12.23 og því kann hlutfall bólusettra landsmanna að vera eitthvað hærra þegar fyrstu tvær vikur ársins eru teknar með.

Fullorðinn andlega heilbrigður hefur ákvörðunarrétt um hvað er gert við hans eigin líkama

Með þessum orðum í hæstaréttardómi í New York fyrir 110 árum lagði Cardozo dómari eina mikilvægustu stoðina að siðfræði nútíma læknavísinda sem er sjálfsákvörðunarréttur einstaklinga yfir eigin heilsu. Þessi grunnstoð kann að vera í hættu.

Breytingar á reglugerð WHO og gerð nýs faraldurssáttmála eru að komast á lokastig. Viðræðurnar eiga sér stað án aðkomu kjörinna fulltrúa og ekki er enn vitað hvernig breytingarnar sem teknar verða til afgreiðslu í maí líta út í endanlegri mynd. Lítið hefur borið á umræðu um fyrirhugað framsal faraldursákvarðana frá aðildarþjóðum til WHO. Til að auðvelda almenningi skilning á áhrifum fyrirhugaðra breytinga hefur höfundur hlekkjaðrar greinar einfaldað fyrir okkur stöðuna:

Ef þú ert þeirrar skoðunar að viðbrögð ríkisstjórna, heilbrigðisyfirvalda og fjölmiðla í Covid faraldrinum hafi verið yfirdrifin og ákvarðanir of stjórnsamar er ástæða fyrir þig að hafa áhyggjur af því sem í vændum er.

Ef þú hins vegar telur viðbrögð og ráðstafanir ekki hafa verið nægilega öflugar, að innilokunum hefði átt að framfylgja af meiri hörku og þær að vara lengur, að meiri áherslu hefði átt að leggja á covið prófanir, smitrakningar og eftirlit, að ekki hafi verið gerð víðtækari krafa um grímunotkun, að almenningi hafi verið veittar of rúmar heimildir til að ferðast, að hraðar hefði átt að bólusetja almenning með óreyndum bóluefnum sem hefði átt að gera að skyldu að þiggja með viðurlögum þeim til handa sem afþökkuðu bólusetningu - þá eru fyrirhugaðar breytingar á reglum WHO væntanlega þér að skapi.

Eigum við von á holskeflu krabbameins?

Fara þarf aftur til ársins 2017 í tilviki karla og ársins 2016 í tilviki kvenna til að finna lægri tölur um ólifaða meðalævi við fæðingu en á árinu 2022. Hér hefur mikil breyting átt sér stað og óvíst um þróun. Þegar horft er til þess háa kaupverðs sem lyfjarisarnir hafa greitt við nýleg kaup á framleiðendum krabbameinslyfja er rétt að fara varlega við að spá lengingu ólifaðrar meðalævi við fæðingu. Lyfjaframleiðendur virðast gera ráð fyrir holskeflu krabbameinstilvika á komandi misserum og því stóraukinnar eftirspurnar eftir krabbameinslyfjum. Með öðrum hætti er ekki unnt að skýra hátt kaupverð framleiðenda krabbameinslyfja.

 

Meirihluti eftirlaunaþega afþakkaði covid sprautu vetrarins

Að 57% Íslendinga á aldrinum 70 til 79 ára hafi afþakkað bólusetningu gegn covid í vetur þykir með ólíkindum í stjórnkerfinu og sýna mikla vantrú almennings á faglegri þekkingu sóttvarnalæknis og endurspegla rýrnandi traust í garð embættis landlæknis. Traust í garð embættisins virðist hafa hrunið í fyrra samfara upplýsingum um mikinn fjölda ótímabærra dauðsfalla og veikinda sem talið er að rekja megi til bóluefnanna.

Vantrú almennings á faglegri þekkingu sóttvarnalæknis og getu til að takast á við sóttvarnir kemur ekki á óvart þegar rifjaðar eru upp yfirlýsingar læknisins þar sem hún staðfestir að hafa ekki kynnt sér helstu rannsóknarniðurstöður um skaðsemi og gagnsleysi mRNA efnanna sem smitvarnar. Frægt er að endemum þegar sóttvarnalæknir sagðist ekki kannast við fjölgun látinna af völdum krabbameins. Þetta sagði hún þrátt fyrir að dánarmeinaskrá landlæknis fyrir árið 2022 lýsi skelfilegri þróun. Dauðsföllum af völdum illkynja æxla fjölgaði um 9% á árinu 2022. Illkynja æxli í blöðruhálskirtli dró 21% fleiri til dauða en á fyrra ári, eitilæxli 17%, mergæxli 40%, æxli í brisi 23% og dauðsföllum af völdum hvítblæðis fjölgaði um 33% frá fyrra ári.

Mörgum bóluefnasköðuðum var brugðið í nótt þegar lyfjaframleiðandi valdi vettvang Ofurskálarinnar til að hefja auglýsingaherferð krabbameinslyfja. Orðasambandið að slá tvær flugur í einu höggi fékk hér ofurmerkingu. Fyrst að valda skaða – síðan að útvega lækninguna. Miljandi hagnaður á báðum endum.