Áhætta 99 milljóna bólusettra metin

Birtar hafa verið niðurstöður óvenju stórrar rannsóknar sem fjármögnuð var af Sóttvarnastofnun Bandaríkjanna (CDC) sem náði til liðlega 99 milljóna covid bólusettra einstaklinga í 8 löndum, þ.e. Argentínu, Ástralíu, Kanada, Danmörku; Finnlandi,  Frakklandi, Nýja Sjálandi og Skotlandi. Tilgangur rannsóknarinnar var að meta áhættu bólusettra á að fá tilteknar tegundir valinna aukaverkana. Í klippunni má sjá helstu niðurstöður.

Athygli vekur hvernig áhættan á að fá tiltekna sjúkdóma eftir bólusetningu vex. Sér í lagi þegar horft er til augljósra annmarka rannsóknarinnar. Það dregur úr gildi niðurstaðna  að gagnaöflun voru sett 42 daga takmörk frá bólusetningu þar sem vitað er að fjöldi aukaverkana kemur ekki fram fyrr  en síðar. Þar á meðal krabbamein og hjartatengd atvik sem fjöldi ritrýndra rannsókna hefur staðfest að geta komið fram allt að tveimur árum eftir bólusetningu og hugsanlega síðar.

Það dregur einnig úr gildi rannsóknarinnar að rannsakendur greindu ekki og skoðuðu dauðsföll meðal þátttakenda sem orðið hafa í kjölfar bólusetninga með Covid mRNA efnunum. Reyndar eru hugsanleg dauðsföll af völdum bóluefna hvergi nefnd í rannsókninni. Hvers vegna ekki er minnst á dauðsföllin kemur ekki á óvart þegar horft er til þess að CDC fjármagnaði rannsóknina.

Að gögn um bólusetta í Bandaríkjunum og einhverjum löndum Asíu og Afríku voru ekki tekin með í rannsóknina þykir miður.

Þrátt fyrir ofangreinda stóra annmarka á rannsókninni telur Peter McCullough hjartalæknir niðurstöðurnar  um skaða af völdum bóluefnanna það afgerandi að þær kalli á tafarlausa stöðvun á notkun mRNA bóluefnanna.

Annus horribilis

Lengi mun verða horft til ársins 2022 sem „annus horribilis” í sögu Íslands því á árinu létust 2.693 landsmenn og fjölgaði dauðsföllum um 355 frá árinu á undan þegar 2.338 létust. Dánartíðni ársins 2022 hækkaði um 11,5% frá 2021 og reyndist hvergi hafa hækkað meira í Evrópu. Það gerðist á sama tíma og hlutfall umframdauðsfalla fór lækkandi í flestum öðrum löndum.

Mikil fjölgun látinna á árinu 2022 hefði átt að kalla á fjölgun læknisfræðilegra krufninga af hálfu heilbrigðisyfirvalda. Sú reyndist ekki raunin eins og klippan úr töflu yfir krufningar og krufningatíðni á liðnum árum af vef embættis landlæknis sýnir. Læknisfræðilegar krufningar voru 30 að tölu á árinu 2022 samanborið við 29 á árinu 2019 sem var síðasta árið fyrir tilkomu Covid-19. Læknisfræðilegum krufningum fjölgaði því um eina, eða 3,4%, frá árinu 2019 á sama tíma og dauðsföllum hafði fjölgað um 18%. Krufningatíðni á milli áranna 2019 og 2022 dróst saman um 15%.

Dauðsföllum fjölgaði mikið á fyrstu mánuðum ársins 2022 samfara átaki vetrarins í örvunarbólusetningum. Látnum fjölgaði þrátt fyrir að omicron afbrigði veirunnar sem náði yfirhöndinni í byrjun árs 2022 væri talið vægt og því óhætt að aflétta sóttvarnaráðstöfunum í lok febrúar.

Tölur um fjölda krufninga 2022 eru til vitnis um takmarkaðan áhuga á að greina dánarorsakir að baki hins mikla fjölda dauðsfalla vetur og vor 2022. Ekki verður annað ráðið en að fáar krufningar tengist áformum um að dauðsföllin ætti að skrifa á reikning veirunnar. Krufningar hefðu gert áformin erfiðari í framkvæmd þar sem þær hefðu leitt í ljós að dauðsföllin mætti rekja til covid mRNA bóluefnanna.

Tuðið um unga fólkið

Það væri stærra afrek en flestir gera sér grein fyrir ef okkur fullorðna fólkinu tækist að hætta að óskapast út í ungu kynslóðina. Þá værum við að rjúfa 2.500 ára gamla hefð samkvæmt klippunum úr pósti Igor Chudov.

Martröð blóðþegans

Samfara vaxandi þekkingu á skaðsemi mRNA bóluefnanna fjölgar spurningum um skynsemi þess að greina ekki á milli bólusetts og óbólusetts blóðs í blóðbönkum. Rauði krossinn í Bandaríkjunum gerir þeim sem hyggjast gefa blóð að svara spurningum á netinu til að meta hvort viðkomandi uppfylli kröfur til blóðgjafar. Meðal þess sem spurt er um er hvort viðkomandi hafi EINHVERN TÍMA verið bólusettur með Covid-19 bóluefni. (sjá klippu) Sé svarið jákvætt er væntanlegum blóðgjafa gert að hringja í gjaldfrjálst símanúmer Rauða krossins til þess að hægt sé að kveða upp úr um hvort skilyrði til blóðgjafar séu uppfyllt.

Hver ætli sé skýringin á þvi að ekki er einfaldlega spurt framhaldsspurningar á spurningaforminu ef svarið við spurningunni um hvort menn hafi EINHVERN TÍMA verið bólusettir með Covid efni er jákvætt. Varstu sprautaður einhvern tíma á síðustu X mánuðum? Ef svarið er já. Því miður. Við getum ekki þegið þitt blóð. En endilega reyndu aftur þegar X mánuðir er liðnir frá bólusetningu. Þannig mætti spara væntanlegum blóðgjafa hringinguna. Það er ekki gert og ástæðan er augljós. Rauði krossinn tekur þátt í að verja ímynd Covid efnanna með því að X mánaða tíminn frá bólusetningu sé ekki á prenti. Að almenningur telji sem lengst og viti ekki annað en að blóð Covid bólusettra sé jafn hæft til blóðgjafar og blóð óbólusettra.

Virðist sem hagur óbólusettra fari hratt batnandi eftir að hafa verið litnir hornauga í samfélaginu á liðnum misserum. Ekki einungis búa þeir óbólusettu að betri heilsu en þeir bólusettu og eru líklegri að lifa lengur. Heldur muni blóð þeirra öðlast verðmæti þar sem ekki er ólíklegt að styttist í kröfur blóðþega og lækna fyrir þeirra hönd um óbólusett blóð.

Ekki er vitað til annars en að Blóðbankinn hér heima taki blóði Covid bólusettra fagnandi og blóðbirgðum sé ekki haldið aðgreindum eftir bólusetningarstatus.

Es: Óstaðfestur orðrómur er um að X standi fyrir 12 mánuði.

Skyndidauði afreksmanna í íþróttum

Ekki verður ráðið af fréttinni hvernig bólusetningarstaða Andreas Brehme var. En skyndidauðsfall þessa frábæra knattspyrnumanns minnir á að um heim allan og oft í beinni útsendingu detta afreksmenn í íþróttum dauðir niður. Látast svonefndum „skyndidauða“. Keppst er við að halda því fram að um „eðlileg“ dauðsföll sé að tefla. Hlekkurinn leiðir á skrá yfir 2.066 íþróttamenn með alvarlegan hjartaskaða, af þeim eru 1.446 látnir frá upphafi Covid bólusetninganna.

Hetja Þjóðverja lést í nótt

Heimsbyggðin afþakkar

Sóttvarnalæknir heldur áfram sem enginn sé morgundagurinn að halda covid mRNA bóluefninu að eldri borgurum. Tiltrú almennings víða um heim á gagnsemi efnanna hefur dvínað eins og línuritið frá Our World in Data ber með sér. Vaxandi meðvitund um skaðsemi efnanna hefur þar ugglaust áhrif.

Þrátt fyrir að mjög hafi dregið úr áhuga eldri borgara á Íslandi á bólusetningum gegn covid, þar sem innan við helmingur 60 ára og eldri þáðu bólusetningu vetrarins, dugði það ekki til að forða Íslandi frá því að mælast með hæsta hlutfall umframdauðsfalla í Evrópu í desember s.l. samkvæmt útreikningum Eurostat eða 25,2%. Samkvæmt landlækni reyndust umframdauðsföllin í desember vera 11,2%. (ekki er tekið tillit til mannfjöldaþróunar hjá Eurostat)

Kjarni málsins er sá að engu breytir hvort horft er á tölur landlæknis eða Eurostat. Að baki báðum tölum er sami fjöldi einstaklinga sem hlotið hafa ótímabæran dauðdaga fyrir tilverknað mRNA bóluefnanna.

Að gaslýsa heilbrigðisráðherra, ríkisstjórn, þingmenn og fjölmiðla

SARS-CoV-2 veiran sem veldur Covid-19 sjúkdómnum barst til landsins í febrúar 2020 og hófust bólusetningar gegn veirunni um áramótin 2020/2021. Á árinu 2020 létust 31 af völdum Covid.

Landsmenn þáðu 719.000 sprautur af bóluefnum á árinu 2021. Þátttaka almennings í bólusetningum var mikil og þáðu liðlega 80% frumbólusetningu (fyrstu tvær sprauturnar) og 69% fyrstu örvunarsprautuna. Þegar árið var gert upp kom í ljós að 7 höfðu látist úr sjúkdómnum en hins vegar höfðu Lyfjastofnun borist 33 tilkynningar um dauðsföll í kjölfar bólusetninga á árinu 2021. Því létust þó nokkuð fleiri á árinu 2021 af völdum bóluefnanna en látist höfðu af völdum Covid á árinu.

Alda Covid smita gekk yfir í byrjun árs 2022. Þrátt fyrir mikinn fjölda smita reyndist lítið um alvarleg veikindi og spítalainnlagnir héldust fáar. Því var talið óhætt að afnema allar sóttvarnaráðstafanir vegna Covid 25. febrúar 2022. Mikil áhersla var lögð á örvunarbólusetningar um veturinn. Landsmenn þáðu á fjögurra mánaða tímabili nóv. til feb. 22 alls 225.000 sprautur. Afleiðingarnar létu ekki á sér standa. Umframdauðsföllum fjölgaði mjög í kjölfar bólusetninganna eins og sjá má á súluritinu. Flest urðu umframdauðsföllin í mars 2022 þegar landlækni reiknaðist til að þau hefðu verið 40,6% (54,4% samkvæmt Eurostat). Þrátt fyrir að afleiðingar bólusetningarstefnunnar væru aðilum ljósar var haldið áfram að örvunarbólusetja almenning og þáðu landsmenn 154.000 bóluefnaskammta á árinu 2022. Í árslok lá fyrir að dauðsföllum hafði fjölgað um 15% á milli ára á sama tíma og landsmenn höfðu þegið 873.000 sprautur.

Til að auðvelda lesandanum að glöggva sig á orsakasamhengi bólusetninganna og dauðsfallanna sýna bláu súlurnar fjölda bóluefnaskammta í mánuði hverjum (hægri ás) og rauða línan sýnir umframdauðsföll í prósentum (vinstri ás) sem í kjölfarið fylgdu. Á línuritinu er dregnir hringir sem sýna hvernig dauðsföllum fjölgar nokkrum vikum eftir að aukinn kraftur er settur í bólusetningarnar hverju sinni.

En aftur að fjölgun dauðsfallanna veturinn 21/22. Hvernig átti að gera grein fyrir þessari fjölgun dauðsfalla án þess að viðurkenna að dauðsföllin mætti rekja til bóluefnanna? Ákveðið var að skrifa dauðsföllin á Covid sjúkdóminn í þeirri von að stjórnvöld og almenningur tækju það trúanlegt. Það virðist hafa gengið eftir því til þessa dags hefur ekki orðið vart opinberrar umræðu um skýringar embættis landlæknis á dauðsföllunum á árinu 2022. Klippan er af heimasíðu embættis landlæknis og sýnir hvernig dauðsföllin á árinu 2022 voru bókuð sem af völdum Covid-19.

Í mörgum löndum standa yfir rannsóknir á atburðarás og ákvörðunum tengdum Covid-19 á liðnum árum. Tímabært er að við Íslendingar gerum það einnig. Það er þýðingarmikið til þess að læra megi af mistökunum þannig að þau endurtaki sig síður. Því miður virðist ýmislegt benda til að við stöndum fljótlega frammi fyrir sömu viðfangsefnum og á árinu 2020. Mikilvægt er að stjórnvöldum takist betur upp næst.

 

Hefur fjármálaráðherra bein í nefinu til að taka slaginn við Pfizer?

Engar upplýsingar hafa verið gefnar um samningsskuldbindingar Íslands gagnvart Pfizer um kaup á bóluefnum – hugsanlega allt fram til 2026. Bóluefnum sem þorri eldri borgara hefur tekið ákvörðun um að afþakka. Vonandi spyrnir fjármálaráðherra Íslands við fótum og neitar að greiða stórfé fyrir gagnslausa vöru. Efnið hefur skilið eftir sig sviðna jörð á Íslandi sem sjá má á 20 til 30 mánaðarlegum ótímabærum dauðsföllum.

Samningsgerðin um kaup ESB á 1.8 milljörðum bóluefnaskammta virðist hafa farið fram að hluta með SMS skilaboðum á milli forseta framkvæmdastjórnar ESB og forstjóra Pfizer. Af einhverri ástæðu fær eftirlitsaðili ESB ekki aðgang að skilaboðunum til að átta sig á hvernig þessi óhagstæði samningur komst á en hagsmunir kaupandans virðast hafa verið fyrir borð bornir við samningsgerðina. Myndin er af Ursula von der Leyen forseta framkvæmdastjórnar ESB og Albert Bourla forstjóra Pfizer.

Fyrir okkur Íslendinga skiptir fjárhagslega miklu máli hvort fjármálaráðherra hefur kjark til að taka slaginn við Pfizer með að stöðva greiðslu á reikningum fyrir bóluefni sem rannsóknir sýna að er þeim eiginleikum búið að það eykur líkur á að sá sem bóluefnið þiggur veikist af sjúkdómnum sem efnið á að fyrirbyggja.

Svar við fyrirspurninni (sjá mynd) hefur ekki borist þrátt fyrir ítrekanir og hefur kvörtun verið send til umboðsmanns Alþingis.

Hversu lengi ætlar ríkisstjórnin að horfa aðgerðalaus á tugi ótímabærra dauðsfalla í mánuði hverjum?

Samkvæmt tölum landlæknis reyndist fjöldi dauðsfalla í desember s.l. vera 11,2% umfram meðaltal áranna 2016 til 2019 að teknu tilliti til mannfjöldaþróunar. Alls urðu ótímabæru dauðsföllin á fjórða ársfjórðungi 42 samanborið við 31 á þriðja ársfjórðungi. Þeim fjölgaði því um 36% á milli ársfjórðunga. Þessa fjölgun dauðsfalla er erfitt að skýra án þess að nefna covid mRNA bóluefnin sem hugsanlegan áhrifaþátt. Sú ákvörðun sóttvarnalæknis að hefja bólusetningar að nýju gegn covid í október eftir hlé frá í apríl sýnist hafa verið misráðin. Skaðinn af völdum efnanna á heilsu bólusettra mun halda áfram að koma í ljós á næstu mánuðum og misserum.

Evrópska hagfræðistofnunin Eurostat birtir mánaðarlega tölur um umframdauðsföll á Evrópska efnahagssvæðinu. Tölur Eurostat taka ekki tillit til mannfjöldaþróunar einstakra landa svæðisins. Engu að síður gefa þær góða hugmynd um þróun dauðsfallanna í samanburði landa. Samkvæmt tölum Eurostat voru umframdauðsföll í desember á Íslandi 25,2% og reyndust þau hæstu í Evrópu. Á meðfylgjandi súluriti sýna rauðu súlurnar þróun umframdauðsfalla á Íslandi eftir mánuðum á síðasta ári og bláu súlurnar meðaltal 27 landa ESB.

Raunalegt hefur verið að fylgjast með endurteknum tilraunum embættis landlæknis til að tala niður og breiða yfir umframdauðsföllin með vísan til mannfjöldaþróunar. Mismunandi aðferðafræði við útreikning umframdauðsfalla fækkar ekki dauðsföllunum. Ekki skiptir máli hvort horft er á tölur landlæknis eða Eurostat. Báðar reikniaðferðir staðfesta skelfilegan fjölda ótímabærra dauðsfalla.

 

 

 

 

Þagnarmúr sérfræðinga á heilbrigðissviði um skaðsemi covid mRNA efnanna

Bandaríkin og Nýja Sjáland eru einu löndin sem heimila lyfjaframleiðendum að markaðssetja lyfseðilskyld lyf beint til neytenda með auglýsingum. Megnið af auglýsingum birtast í sjónvarpi. Á árinu 2016 ráðstöfuðu lyfjafyrirtækin $9.6 milljörðum i auglýsingar. Þar af $6 milljörðum í auglýsingar á lyfseðilsskyldum lyfjum. Fjármunirnir sem varið var í auglýsingar voru innan við helmingur þeirrar fjárhæðar sem runnu í markaðskostnað gagnvart sérfræðingum á heilbrigðissviði sem nam $20.3 milljörðum. Undir þessum lið eru aðstoð lyfjafyrirtækjanna við lækna að velja „réttu" lyfin (prescriber detailing) sem nam $5.6 milljörðum og $1 milljarður í ferðakostnað og þóknanir tengdum ráðstefnum auk máltíða.

Það sem lyfjaframleiðendur vöruðu sig ekki á þegar þeir þröngvuðu óreyndum Covid mRNA bóluefnunum í gegn um neyðarleyfisferlið er að tugir milljóna bandaríkjamanna átta sig nú á fjárhagslegu hagsmunum sem að baki liggja og að hagsmunirnir séu af þeirri stærðargráðu að viðhorf sem snúa að heilsuvernd og lækningu víkja. Hér á Íslandi birtast þessir sömu undirliggjandi hagsmunir í tregðu sóttvarnayfirvalda við að taka notkun covid mRNA efnanna til endurskoðunar þrátt fyrir augljósar ástæður sem gefa tilefni til endurskoðunar á notkun efnanna.

Samkvæmt Gallup könnun vestra frá 2022 höfðu 75% landsmanna neikvætt viðhorf til stóru lyfjafyrirtækjanna og átta sig á hættunni sem bóluefnunum fylgir og hvernig kastað var til höndum við prófun efnanna. Almenningur veltir skiljanlega fyrir sér hvers vegna ástæða sé til að trúa því sem lyfjaframleiðendur segja um barnabóluefnin með skaðann og dauðsföllin sem rekja má til covid mRNA efnanna fyrir augum.

En ef til vill hefur skaðinn sem covid mRNA efnin hafa valdið ekki verið til einskins. Foreldrar víða um lönd allan hafa nú á sér andvara gagnvart bólusetningum afkvæma sinna. Það sem áður þótti sjálfsagt og framkvæmt var af lítilli íhugun heldur í dag andvöku fyrir mörgum foreldrum. Lyfjaframleiðendur uppskera bakslag í afkomu og verði hlutabréfa sinna vegna þess hvernig staðið var að innleiðingu covid mRNA efnanna. Þeir glötuðu tiltrú þorra almennings sem nú áttar sig á hagnaðarviðhorfunum sem undir liggja. Að hafa þröngvað svikinni vöru sem sóttvörn og þar til viðbótar skaðlegri heilsu fólks upp á þjóðirnar mun bitna á afkomu lyfjafyrirtækjanna á næstu árum.