Læknarnir eiga að verða fyrri til

Heilsufari landsmanna hefur hrakað verulega á liðnum árum sem m.a. endurspeglast í mikilli fjölgun krabbameinssjúklinga. Lítið fer fyrir umræðu um ástæður þessarar miklu fjölgunar meinsemda. Kann það að skýrast af þöggun heilbrigðisyfirvalda um skaðann af völdum Covid bóluefnanna. Nýfallinn dómur Evrópudómstólsins í einkamáli gefur sterka vísbendingu um að skaðann af völdum bóluefnanna eigi að hengja um háls lækna. Læknarnir og stjórn fagfélags þeirra hljóta að fara að átta sig á að einungis er spurning um tíma þar til heilbrigðisyfirvöld komast ekki lengur hjá að rjúfa þagnarmúrinn um skaðsemi bóluefnanna. Til að fyrirbyggja að stjórnvöldum takist að gera lækna að blórabögglum í stöðunni eiga læknarnir sjálfir að verða fyrri til og opna umræðuna um skaðann af völdum bóluefnanna hér á landi og staðsetja ábyrgðina í almenningsálitinu þar sem hún með réttu á heima.

30% fjölgun tilfella krabbameins í blöðruhálskirtli

Krabbamein í blöðruhálskirtli er algengasta krabbamein karla og er um fjórðungur allra meina sem greinast hjá körlum á Íslandi samkvæmt heimasíðu Krabbameinsfélagsins. Uppsafnaður fimm ára fjöldi nýrra tilfella blöðruhálskirtilskrabbameins á árunum 2019 til 2023 er 30% fleiri en hvort heldur er borið saman við árin 2009 til 2013 eða 2014 til 2018. Ekki er að finna skýringar á þessari miklu fjölgun krabbameins hjá körlum á liðnum árum í opinberum gögnum heilbrigðisyfirvalda.

Fjöldi sjúklinga á LSH með færni- og heilsumat sem bíða vistunarúrræðis á hjúkrunarheimili helst óbreyttur um þriggja ára skeið

Endurteknar örvunarbólusetningar endurspegla tæpast umhyggju fyrir heilsufari eftirlaunaþega þegar staðreyndir um gagnsleysi efnanna sem smitvarnar eru hafðar til hliðsjónar ásamt myndum með upplýsingum úr VAERS gagnagrunni Sóttvarnastofnunar Bandaríkjanna CDC um tilkynningar um bóluefnaskaða. Við ákvörðun embættis landlæknis um áframhaldandi örvunarbólusetningar er ekki tekið tillit til:

• yfirlýsts gagnsleysis efnanna sem vörn við smiti eða sýkingu til eða frá bólusettum einstaklingi eins og rakið er á heimasíðu embættis landlæknis.
• niðurstaðna rannsókna sem staðfesta að eftir því sem oftar er bólusett með mRNA efninu gegn Covid þeim mun hættara er þeim bólusetta að veikjast af Covid. Það er veikinni sem bóluefnið átti að verja þá fyrir.
• umframdauðsfallanna sem skipa Íslandi samkvæmt samanburði Evrópsku hagfræðistofnunarinnar Eurostat í hóp þeirra þjóða Evrópu sem hæstu dánartíðnina hafa sýnt þrjú síðustu árin.
• aukins álags á heilbrigðiskerfið á liðnum misserum sem engin leið er að skýra með trúverðugum hætti án þess að nefna skaðann af völdum bóluefnanna til sögunnar.
• fjölgunar umsókna um greiðslur úr sjúkrasjóðum verkalýðsfélaga auk 36% fjölgunar þeirra einstaklinga sem þiggja greiðslur endurhæfingarlífeyris frá Tryggingastofnun frá upphafi til loka árs 2024.
• niðurstaðna rannsókna sem staðfesta skaðleg áhrif bóluefnanna á æxlunarfæri bæði karla og kvenna og því líklegur áhrifaþáttur í fækkun fæðinga á liðnum misserum.
• þeirrar fágætu stöðu að meðalævilengd bæði karla og kvenna hefur styst tvö ár í röð sem hefur ekki átt sér stað í áratugi.

Tilkynningar í VAERS  gagnagrunninn eru heilbrigðisstarfsmönnum og öðrum valfrjálsar (passive) sem leiðir til þess að einungis lítill hluti aukaverkana er skráður inn í grunninn. Talið er að margfalda megi tölur um bóluefnaskaða í grunninum um 40 hið minnsta til að nálgast með varfærum hætti fjölda skaðatilvika af völdum bóluefna.

Ekki er að undra að bólusettir voru taldir óbólusettir í 14 daga eftir bólusetningu

Hvers vegna heilbrigðisyfirvöld brugðu á það ráð að líta svo á að einstaklingar sem þáðu mRNA Covid sprautu teldust óbólusettir í 14 daga eftir bólusetningu skýrist m.a. af meðfylgjandi mynd. Í viðtali við Runólf forstjóra Landspítala í Mbl frá 28.7.21 staðfestir hann hvernig tölfræðinni var háttað. Dauðsföll í kjölfar mRNA Covid bólusetninga urðu flest á fyrstu dögum eftir sprautu en voru ekki skráð sem slík í tölfræðinni um Covid.

Vonandi er nýi landlæknirinn ekki líka með bundið fyrir augun

Blinda nýja heilbrigðisráðherrans og fyrrverandi landlæknis nær ekki eingöngu til augljósra skaðlegra afleiðinga bólusetninganna í nærumhverfinu. Lækninum var fyrirmunað að taka tilliti til upplýsinga úr gagnagrunni (VAERS) Bandarísku sóttvarnastofnunarinnar CDC um bóluefnaskaða sem er eitt af viðvörunartækjum heilbrigðiskerfisins en vitað er að einungis lítill hluti aukaverkana er skráður í grunninn. Hvernig fyrrverandi landlæknir hélt áfram að halda mRNA Covid-19 bóluefnunum að eldri borgurum landsins fram á síðasta starfsdag er útilokað að skilja þegar eftirfarandi er haft í huga:

• Fjöldi tilkynntra dauðsfalla inn í VAERS í kjölfar bólusetninga gegn Covid til loka febrúar 2025 eru 3,4 sinnum fleiri en öll tilkynnt dauðsföll í kjölfar bólusetninga frá upphafi gagnagrunnsins 1990.
• Fjöldi innlagna á sjúkrahús í kjölfar bólusetninga gegn Covid eru 2,3 sinnum fleiri en vegna samanlagt allra annarra bóluefna yfir 30 ára tímabilið frá 1990.
• Fjöldi einstaklinga sem úrskurðaðir hafa verið með varanlega örorku í kjölfar bólusetningar gegn Covid eru 3,1 sinnum fleiri en þeir sem orðið hafa öryrkjar í kjölfar bólusetninga með öllum öðrum bóluefnum samanlagt frá 1990.
• Fjöldi nýbura með fæðingargalla bólusettra mæðra gegn Covid eru 5,1 sinnum fleiri en bólusettra mæðra á meðgöngu með samanlagt öllum öðrum bóluefnum yfir 30 ára tímabilið frá 1990.

Íslenski raunveruleikinn

Einstaklingum á endurhæfingarlífeyri hjá Tryggingastofnun hefur fjölgað um 77% frá 2019. Markmiðið með greiðslum endurhæfingarlífeyris er að einstaklingurinn nái aftur starfshæfni. Á síðasta ári varð sprenging í fjölda greiðsluþega endurhæfingarlífeyris þegar þeim fjölgaði um 36%. Skýringar á fjölguninni 2024 kann að vera að leita í þeirri staðreynd að réttur til endurhæfingarlífeyris hjá TR virkjast ekki fyrr en önnur réttindi hafa verið fullnýtt. Veikindarétturinn hjá vinnuveitenda og réttindi til greiðslna úr sjúkrasjóði stéttarfélags verða að vera fullnýttar. Þessi skuggalega þróun er einungis ein af mörgum birtingarmyndum bóluefnaskaðans af völdum Covid mRNA efnanna. Furðuleg staða er nú komin upp í heilbrigðiskerfinu þar sem þjáðir landsmenn þurfa að treysta á nýjan heilbrigðisráðherra um úrræði vegna heilsufarslegra vandamála sem hún sem landlæknir átti stóran þátt í að mynda. Blinda ráðherrans er slík að enn þann dag í dag er skaðlegu mRNA efninu haldið að eldri borgurum á hjúkrunarheimilum aldraðra.

Alþjóðlegur vitundarvakningardagur um bóluefnaskaða

Eftir áralanga bið bólar á að íslenska heilbrigðiskerfið taki loks til hendi í málefnum bóluefnaskaðaðra en niðurstöður ritrýndra rannsókna hafa sýnt að Covid mRNA bóluefnin draga úr virkni og eyðileggja ónæmiskerfi líkamans. Afleiðingarnar eru kallaðar VAIDS: Vaccine-Acquired Immune Deficiency Syndrom eða bóluefnamyndað alnæmi. Til að fela staðreyndirnar um skaðsemi mRNA bóluefnanna hafa heilbrigðisyfirvöld og læknasamfélagið sammælst um að telja almenningi trú um að veikindin í kjölfar bólusetninganna séu eftirköst Covid-19 og kalla skaðann af völdum bóluefnanna Long Covid. Fyrrverandi forstjóri Sóttvarnastofnunar Bandaríkjanna CDC hefur viðurkennt að hér sé um samtalaða blekkingu að ræða. Sjúkdómarnir séu afleiðingar mRNA bólusetninganna. Talið er að 400 milljónir jarðarbúa þjáist af aukaverkunum bóluefnanna. Sé skaðinn af völdum efnanna af sömu stærðargráðu hér á landi kunna allt að 15.000 Íslendinga að vera í einhverjum mæli skaðaðir. Afleiðingar mRNA bólusetninganna gegn Covid koma fram í auknu álagi á heilbrigðiskerfið eins og lesa má í umfjöllun Morgunblaðsins. Árið 2024 reyndist þriðja árið í röð þar sem fleiri létust hlutfallslega hérlendis en víðast í Evrópu. Meðalævilengd Íslendinga hefur styst tvö ár í röð. Æxlunarkerfi beggja kynja hefur beðið skaða af mRNA efnunum hverra afleiðingar endurspeglast í fækkun fæðinga. Dauðsföllum af völdum illvígs krabbameins fer fjölgandi. Skaði mRNA efnanna á hjartavöðvann sést glöggt af fjölgun bjargráðs- og gangráðsígræðslna á liðnum misserum. Og þannig má halda áfram að telja upp langan lista skaðans af völdum bólusetninganna með mRNA efnunum gegn Covid-19.

Líklega hefðu fáir mætt í Laugardalshöllina

Fyrir lok janúar 2021, þegar innan við 16.000 landsmenn höfðu verið sprautaðir á Íslandi, lá fyrir reynsla af tilkynntum skaða hjá sóttvarnaeftirliti CDC Bresku-Kólumbíu í Kanada af bólusetningum með mRNA efnunum gegn Covid-19. Upplýsingunum var haldið leyndum fyrir almenningi þar sem óttast var að fréttir af skaðanum kynnu að hafa áhrif á vilja almennings til bólusetninga. Hvað finnst þér lesandi góður? Hefðir þú látið sprauta þig gegn Covid hefðir þú vitað fyrir bólusetningu að með því að þiggja sprautuna værir þú;

• 1381 sinnum líklegri að finna fyrir sársauka,
• 652 sinnum líklegri til að finna fyrir þreytu,
• 574 sinnum líklegri til að fá höfuðverk,
• 445 sinnum líklegri til að finna fyrir vöðvaverk,
• 225 sinnum líklegri til að fá kuldahroll,
• 223 sinnum líklegri til að fá hita,
• 215 sinnum líklegri tl að fá bólgur,
• 203 sinnum líklegri til að fá liðverki,
• 174 sinnum líklegri til að finna fyrir ógleði

heldur en við bólusetningu gegn inflúensu?

Að taka við hörmulegu búi verður ekkert grín

Hvernig í ósköpunum stendur á því að fleiri Íslendingar látast hlutfallslega ár eftir ár en landsmenn annarra Evrópuþjóða? Embætti landlæknis hefur birt tölur yfir látna á síðasta ári. Fjölgaði látnum um 1,5% frá árinu 2023. Það er árinu þar sem Ísland reyndist með hæstu dánartíðni Evrópuþjóða miðað við meðaltal áranna 2017 til 2019 fyrir Covid-19. Tölur landlæknis staðfesta að þriðja árið í röð er Ísland með hvað hæsta hlutfall látinna í Evrópu. Nýjum landlækni er óskað velfarnaðar í störfum sínum. Ekki veitir henni af heillaóskum því hún tekur við vægast sagt hörmulegu búi fráfarandi landlæknis og núverandi heilbrigðisráðherra. Grunnforsenda þess að nýr landlæknir verði farsæll í starfi er að bera gæfu til að víkja hagsmunum hluthafa lyfjaframleiðenda til hliðar og setja heilsufar landsmanna í forgang. Með þeim eina hætti breyttra áherslna geta landsmenn átt von á að skelfileg staða Íslands meðal þeirra þjóða sem flest hafa umframdauðsföllin taki breytingum.

Snúningshurðin

Að hátt settir starfsmenn opinberra lyfjaeftirlitsaðila geti gengið að vel launuðum stjórnunarstörfum hjá lyfjaframleiðendum vísum, svo framarlega sem þeir „stuðli með ákvörðunum sínum“ hjá eftirlitsaðilanum að jákvæðri meðferð umsókna um markaðsleyfi lyfjum til handa, skapar mikla hættu á ákvörðunum þar sem heilsufarslegir hagsmunir almennings víkja fyrir fjárhagslegum hagsmunum hluthafa lyfjaframleiðenda. Viðhengd frásögn um starfsskipti byrjar ekki að lýsa þessu ólánsfyrirkomulagi – en afleiðingarnar leyna sér því miður ekki.