Var manngerðri SARS-CoV-2 veirunni sleppt af ásetningi?

Fram kom í vitnisburði fyrir þingnefnd öldungadeildar bandaríska þingsins að líkurnar á að veiran sem veldur Covid-19 hafi borist í manninn úr náttúrunni séu 1 á móti 1.200 milljónum. Líkurnar á að veiran hafi orðið til í náttúrunni og borist í menn séu reiknanlegar vegna sérkenna hennar. Til samanburðar eru líkurnar á að vinna stærsta vinninginn í Euromilljón 1 á móti 140 milljónum.

Ekki er lengur deilt um að veiran sem olli sjúkdómi sem orðið hefur milljónum að aldurtila var manngerð á rannsóknarstofu. Ekki er vitað hvort veirunni var hleypt viljandi út meðal almennings en sterkar vísbendingar eru um ásetningsverk. Án tæmandi upptalningar vekur athygli hvernig lyfjaframleiðendur voru undirbúnir með aðstöðu til fjöldaframleiðslu á bóluefnum við manngerðri veirunni mörgum mánuðum áður en hún barst út meðal almennings af rannsóknarstofunni í Wuhan.

Ekki síður vekur athygli óaðfinnanleg tímasetning hlutabréfakaupa Bill Gates í BioNTech, framleiðanda mRNA efnis Pfizer, en hann fjárfesti í fyrirtækinu rétt áður en veiran barst út af tilraunastofunni. Hagnaður Bill Gates af fjárfestingunni fyrir skatta nam $260 milljónum sem samsvarar 36 milljörðum íslenskra króna og hafði fjárfestingin 15 faldast að verðmæti.

Bill Gates, stofnandi Microsoft og einn ríkasti maður heims, virðist vera alltumlykjandi með afskiptum sínum af heilsufari almennings og aðgerðum til loftslagsbreytinga. Ítök hans og áhrif eru meiri en flestra þjóðríkja. Að Bill Gates skuli vera meðal stærstu fjármögnunaraðila WHO og áhrifavaldur á grundvelli fjármagns í tilraunum til að fá nýjan faraldurssáttmála samþykktan ásamt breytingum á reglum stofnunarinnar ætti að vera stjórnvöldum umhugsunarefni.

Japanir telja prófanir nauðsynlegar áður en blóðafurð mRNA bólusettra er gefin blóðþega

Vísindamenn frá sjö japönskum stofnunum á heilbrigðissviði hafa birt ritgerð um hættur tengda blóðgjöf mRNA bólusettra einstaklinga. Telja þeir ástæðu til varfærni og leggja þeir til nokkrar athuganir á blóðinu áður en það er gefið blóðþega.

Ritgerðinni er ætlað að vekja athygli heilbrigðisstarfsmanna á eitrunaráhrifum gaddapróteinsins í blóði „long-covid“ sjúklinga og/eða einstaklinga sem þegið hafa covid mRNA efnin. Umfjöllunin beinist eingöngu að hættunni af blóðgjöf mRNA bólusettra þar sem þeir hafi með bólusetningu undirgengist meðferð á erfðaefni fremur en þegið bóluefni með hefðbundinni virkni.

Í klippu rekja vísindamennirnir prófin sem þeir telja að framkvæma þurfi áður en blóð mRNA bólusettra eða sjúklinga með long-covid er gefið blóðþega. Samkvæmt upplýsingum á blóðgjafasíðu Blóðbankans dags. 12.4.21 er eftirfarandi að finna um blóðgjöf covid bólusettra: „Þar sem Pfizer/BioNTech eða AstraZeneca COVID-19 bóluefni eru ný, þá er mælt með 7 daga fresti sem varúðarsjónarmið bæði fyrir blóðgjafa og blóðþega.“

Stefnan sett á krabbameinslyfin

Forstjóri Pfizer stólar á hagnað af vaxandi framleiðslu fyrirtækisins á krabbameinslyfjum á komandi árum enda ekki lengur hagnaðarvon af framleiðslu Covid-19 bóluefnisins sem skilað hefur fyrirtækinu tugmilljarða dollara ávinningi. Því miður stefnir í að forstjórinn sé að veðja á réttan hest við kaup á verksmiðjum til framleiðslu krabbameinslyfja því rannsóknir hafa staðfest mikinn vöxt krabbameins í kjölfar bólusetninganna. Hér á Íslandi höfum við skjalfesta 9% fjölgun dauðsfalla af völdum illkynja krabbameins í dánarmeinaskrá Embættis landlæknis á árinu 2022.

Því skal engan undra þegar hluthafar Pfizer telja arðsöm ár framundan við framleiðslu krabbameinslyfja. Það er framleiðslu lyfja til að takast á við skaðann sem covid mRNA bóluefni fyrirtækisins hefur átt þátt í að valda.

Tíðni vægrar vitsmunaröskunar vex meðal bólusettra

Ekki sér fyrir endann á umfangi skaðans af völdum mRNA efnanna og fáar vikur líða án þess að fréttir eða niðurstöður rannsókna komi fyrir augu almennings sem varpa birtu á afleiðingar notkunar allt að því óreyndra efnanna. Dr. Hiroto Komano, þekktur taugavísindamaður og prófessor við Iwate læknaháskólann í Japan hefur deilt áhyggjum sínum af fjölgun greininga einstaklinga með væg elliglöp í kjölfar covid mRNA bólusetninga.

Japanski prófessorinn vísar til rannsóknar frá Suður Kóreu hverra niðurstöður voru birtar 28. maí s.l. í International Journal of Medicine. Rannsóknin er athygliverð fyrir þær sakir að þar er heilsa 558.017 einstaklinga sem þáðu tvær Covid-19 mRNA bólusetningar borin saman við heilsufar 38.687 einstaklinga sem ekki voru bólusettir. Þetta er einhver stærsta rannsókn sinnar tegundar og því vel marktæk.

Meðal niðurstaðna er að fjöldi einstaklinga sem greindust með væg einkenni vitsmunaröskunar (MCI mild cognative impairment) voru tvöfalt fleiri hlutfallslega hjá þeim bólusettu í samanburði við þá óbólusettu. Jafnframt kom fram í rannsókninni að innan þriggja mánaða frá bólusetningu hafði fjöldi þeirra sem greindust með MCI og Alzheimer sjúkdóminn fjölgað um 20% í bólusetta hópnum umfram þann óbólusetta.

Hví ekki að feta í spor Kansas ríkis?

Kansas ríki í Bandaríkjunum hefur höfðað mál á hendur lyfjaframleiðandanum Pfizer  fyrir ætluð brot á neytendalögum ríkisins tengda framleiðslu og markaðssetningu fyrirtækisins á Covid-19 bóluefnum sem sögð voru örugg þrátt fyrir vitneskju um að bóluefnið tengdist alvarlegum aukaverkunum. Að almenningur hafi verið blekktur vísvitandi þar sem Pfizer hafi verið kunnugt um alvarlegar aukaverkanir efnisins eins og hjartavöðvabólgu, gollurhúsabólgu, fósturlát og dauðsföll. Að Pfizer hafi leynt almenning mikilvægum upplýsingum um öryggi efnanna.

Saksóknari Kansas sagði ríkið draga lyfjaframleiðandann til ábyrgðar fyrir að halda ranglega fram kostum Covid-19 bóluefnisins og leyna áhættunni tengdri notkun þess. Þar á meðal hverfandi gagnsemi efnisins sem vörn við sýkingu og getu þess til að hindra smit. Í málsskjölum kemur fram að lyfjaframleiðandinn hafi með misvísandi upplýsingagjöf um öryggi og virkni bóluefnisins hagnast um metfjárhæðir eða sem nemur allt að 75 milljörðum dollara á einungis tveimur árum.

Afsalaði Ísland sér bótarétti?

Engar spurnir hafa borist af viðbrögðum stjórnvalda hér á landi við skaða af völdum mRNA efnanna sem endurspeglast í mánaðarlegum umframdauðsföllum eins og sjá má á súluritinu sem byggir á gögnum Evrópsku hagstofunnar (Eurostat) sem íslenskir hagtöluframleiðendur (þ.e. Hagstofan og/eða Embætti landlæknis) láta stofnuninni í té. Súluritin þrjú sýna uppsöfnuð umframdauðsföll 40 til 49 ára, 75 til 84 ára og allra landsmanna. Ljóst er að umframdauðsföllin á Íslandi nálgast 400 og sýnist ekkert lát á. Á bak við umframdauðsföllin eru þúsundir Íslendinga sem eiga við sjúkdóma að etja og fækkar nú fjölskyldum þar sem bóluefnaskaðinn hefur ekki gert vart við sig.

Áskorun til Jakobs Frímanns Stuðmanns og Tómasar í Hamborgarabúllunni

Súluritið sýnir árlegan fjölda tilkynninga um hjartavöðvabólgur í kjölfar bólusetninga í VAERS gagnagrunninn bandaríska. Skaði mRNA kovid bóluefnanna á hjartað getur ekki verið skýrari þegar horft er á fjölgun tilkynninganna í gagnagrunninn 2021 eða sama árið og mRNA bólusetningarnar hófust.

Reynsluboltar úr atvinnulífinu í hópi þingmanna, þeir Jakob Frímann Magnússon og Tómas Tómasson, eru báðir komnir á eftirlaunaaldur og geta því tekist á við kerfið án þess að óttast um atvinnu og afkomu. Sem þingmenn eru þeir í aðstöðu til að opna umræðuna um skaðann sem bóluefnin hafa valdið á heilsu landsmanna. Þeir eru hér með hvattir til að marka spor sín í þingsöguna með því að gera þetta stórmál að sínu. Utan þings er hópur sérfræðinga tilbúinn að vista þingmennina gögnum og niðurstöðum fjölda rannsókna sem staðfesta skaðsemi efnanna auk þess sem þeir hafa aðgang að þekktum erlendum læknum sem eru tilbúnir að leggja þeim lið. Það eru ófáar fjölskyldurnar á Íslandi sem eiga um sárt að binda vegna bóluefnanna og myndu fagna framtaki þeirra.

Hvenær ætla þau að kveikja á perunni?

Að á Íslandi finnist einstaklingar í stjórnunarstöðum innan heilbrigðiskerfisins sem enn telja Covid mRNA bóluefnin bæði örugg og gagnleg er undrunarefni. Engu er líkara en að yfirmönnunum hafi tekist að leiða hjá sér niðurstöður fjölda rannsókna sem sýna glögglega að bóluefnin koma hvorki í veg fyrir sýkingu af völdum veirunnar eða koma í veg fyrir að hún smitist. Aukinheldur getur ekki verið að fjöldi umframdauðsfalla í beinu framhaldi bólusetninga hafi farið fram hjá stjórnendum. Hægur vandi er fyrir æðstu stjórnendur skrifstofu landlæknis að kynna sér dánarmeinaskrá embættisins fyrir árið 2022 sem upplýsir 9% fjölgun dauðsfalla af völdum illkynja krabbameins.

Tvær myndir sem augljóslega sýna skaðann af völdum bóluefnanna kunna að hjálpa trúnaðarstarfsmönnum þjóðarinnar á heilbrigðissviði að kveikja á perunni. Ekki væri verra ef einhver 63 þingmanna áttaði sig einnig. Sú fyrri sýnir hjartatengd útköll sjúkrabíla vegna 30 ára og yngri á árunum 2017 til og með mars 2022 í West Midland UK. Hvernig rauðar súlur ársins 2021 taka stökk á vormánuðum og haldast háar út árið og fyrstu 3 mánuði ársins 2022 er sterk vísbending um skaðsemi mRNA efnanna en bólusetningar hófust vorið 2021 eða um leið og útköllunum vegna hjartatengdra áfalla fjölgar.

 

Reynsla Vestur Ástrala er afdráttarlaus:

Það mun ekki taka 12 ár að þessu sinni

Niðurstöður nýlegrar rannsóknar sem birt var í BMJ Public Health leiða líkur að orsakasambandi Covid mRNA bóluefnanna og fjölgun dauðsfalla. Niðurstöðurnar hafa vakið mikla athygli og hafa verið lesnar af fleirum á vef vísindaritsins en nokkrar rannsóknarniðurstöður sem birst hafa í ritinu áður. Kaflaskil urðu í umfjöllun um bóluefnaskaðann þegar breska blaðið Telegraph greindi frá niðurstöðum rannsóknarinnar á forsíðu.

Að vonum koma niðurstöður hollensku vísindamannanna illa við lyfjaframleiðendur og fjárhagslega hagsmuni hluthafa þeirra og því gengur nú maður undir manns hönd við að gera niðurstöður rannsóknarinnar tortryggilegar. Markmiðið er að greinin með niðurstöðum rannsóknarinnar um að full ástæða sé til að skoða nánar samband covid bólusetninganna og umframdauðsfalla verði dregin til baka.

Hér er kunnuglegri aðferðafræði beitt af lyfjaframleiðendum þegar óþægileg tíðindi berast af hættulegum aukaverkunum lyfja. Frægt er þegar tímaritið Lancet dró til baka 12 ára gamla rannsókn árið 2010 sem leiddi sterkar líkur að sambandi MMR bólusetningar (mislingar, hettusótt og rauðir hundar) og einhverfu. Í þessu samhengi er vakin athygli foreldra og heilbrigðisstarfsmanna á nýrri kvikmynd sem fær afbragðsdóma og nefnist Protocol 7 en hún fjallar um baráttu foreldris einhverfs barns við kerfið.

Eftir að hafa kynnst vinnubrögðum og forherðingu lyfjaframleiðenda á liðnum misserum í tengslum við covid bóluefnin er því hér spáð að ekki muni líða 12 ár þar til hollenska rannsóknin í BMJ Public Health verður dregin til baka af tilbúnum ástæðum. Það mun ekki taka nema örfáar vikur að þessu sinni nú þegar lyfjaframleiðendur eru komnir í æfingu við að tryggja þögn stjórnmálamanna, stjórnsýslu og fjölmiðla.

Hagstofustjóri undir hæl landlæknis

Júní mánuður er hálfnaður og enn bólar ekki á tölum á heimasíðu Hagstofu Íslands um fjölda látinna á árinu 2023 og fyrsta fjórðungi þessa árs. Tölur um fæðingar hafa fylgt dánartölum á liðnum árum. Klippan sýnir birtingardaga talnanna á vef Hagstofunnar á síðustu árum. Eftir að samstarfssamningur um „framleiðslu hagtalna“ var gerður á milli Hagstofu Íslands og Embætti landlæknis í mars 2023 virðist tafa á upplýsingagjöf fara að gæta.

Súluritið sýnir íslensk umframdauðsföll á vef Evrópsku hagstofunnar (Eurostat). Hlutfall umframdauðsfalla á Íslandi hefur um missera skeið verið meðal þeirra hæstu í Evrópu. Hátt hlutfall umframdauðsfalla samanborið við nágrannaþjóðirnar er vitnisburður um slakan sóttvarnarárangur Embættis landlæknis.

Ein birtingarmynd skaða af völdum mRNA bóluefnanna er að fæðingum hefur fækkað á liðnum misserum bæði hér á landi og erlendis. Fæðingum á Landspítalanum hefur fækkað um 4,7% á fyrstu fimm mánuðum ársins.

Miður er að sjá Hagstofu Íslands, sem landsmenn verða að geta treyst fyrir réttum og tímabærum tölum bæði á góðum tímum og slæmum, lenda undir hæl landlæknis um birtingu talna um dauðsföll og fæðingar.

Landlæknir staðfestir fjölgun dauðsfalla af völdum krabbameins

Dánarmeinaskrá landlæknis fyrir árið 2022 upplýsir að dauðsföllum af völdum illkynja æxla á Íslandi fjölgaði um 9% á árinu 2022. Illkynja æxli í blöðruhálskirtli dró 21% fleiri til dauða en á fyrra ári, eitilæxli 17%, mergæxli 40%, æxli í brisi 23% og dauðsföllum af völdum hvítblæðis fjölgaði um 33% frá fyrra ári.

Íslenski veruleikinn á sér japanska hliðstæðu þar sem þarlendir vísindamenn telja sig hafa fundið tengsl á milli bólusetninga og 6 tegunda krabbameins í stærstu rannsókn til þessa á skaða af völdum kóvid mRNA bóluefnanna. Gagnagrunnur með öllum 123 milljónum Japana lá undir í rannsókninni en Japanir eru ein bólusettasta þjóð heimsins. Krabbameinin eru í eggjastokkum, munnholi (vörum, munnholi og barka) blöðruhálskirtli, brisi, brjóstum auk hvítblæðis.

Íslendingum koma niðurstöður japönsku vísindamannanna ekki á óvart því þær eru í samræmi við reynsluna hérlendis sem Embætti landlæknis hefur staðfest.