Stjórn Læknafélagsins rýfur þagnarmúrinn að kröfu félagsmanna

Það var vonum seinna að stjórn Læknafélags Íslands yrði við ákalli félagsmanna um að „læknar blandi sér meira í umræðuna um heilbrigðistengd málefni sem brenna á landsmönnum hverju sinni.” Þögn læknanna um umframdauðsföllin hefur verið ærandi. Landsmenn bíða eftir skýringum lækna á mikilli fjölgun skaðatilvika sem rekja má til covid mRNA bóluefnanna. Hvernig bóluefnin hafa leitt til fjölgunar sjúklinga með krabbamein, Parkinson og ýmsa aðra sjúkdóma. Mikil fjölgun dauðsfalla af völdum krabbameins milli áranna 2022 og 2023 kallar á skýringar og þannig má áfram telja.

Mikilvægt er að Læknafélagið noti fundaröðina til að gera landsmönnum grein fyrir eldveggnum á milli lyfjaframleiðenda og lækna. Að þannig sé frá hnútum gengið að fjárhagslegt samband lyfjaframleiðenda og lækna sem vitað er að viðgengst bæði í Bandaríkjunum og á meginlandi Evrópu nái ekki til Íslands. Að markaðskostnaður lyfjaframleiðenda endi ekki að hluta í veski læknanna eins og þekkist víða erlendis. Að íslenskir læknar þiggi ekki fjárhagslega aðstoð við val á „réttum” lyfseðilskyldum lyfjum né greiðslu ferðakostnaðar og uppihalds á ráðstefnum erlendis.

Hver hefði trúað að lyfseðilskyld lyf séu meðal algengustu dánarorsaka

Í áhugaverðri grein hjartalæknisins Dr. Aseem Malhotra sem hann hefur birt á nokkrum miðlum að undanförnu, t.a.m. í Spectator í Ástralíu, fjallar hann m.a. um hvernig fjárhagslegir hagsmunir lyfjaframleiðenda eiga ekki samleið með faglegri ákvarðanatöku lækna um bestu meðferð. Jafnframt kemur fram að lyfseðilskyld lyf haldi áfram að vera meðal algengustu dánarorsaka í heiminum á eftir hjartasjúkdómum og krabbameini.

Vonandi fá Íslendingar tækifæri til að hlýða á hjartalækninn flytja erindi hér á landi. Spurst hefur að hugsanlega verði það í byrjun apríl. Skemmst er að minnast vel heppnaðs málþings samtakanna Frelsis og ábyrgðar í október s.l. þar sem erlendir sérfræðingar fjölluðu um Covid - faraldurinn.

Greinin er að baki greiðsluveggs. Sýnishorn að inntaki greinar í punktum:

• It doesn’t take a rocket scientist to understand that if doctors are making clinical decisions based on biased or commercially corrupted information, at best it will lead to sub-optimal outcomes and at worst cause harm.
• The consequences of commercial influence on health policy for society are devastating. Prescribed drugs continue to be one of the leading causes of death globally after heart disease and cancer.
• Cholesterol-lowering drugs are a trillion-dollar industry, but how many patients with a less than 20 per cent risk of a cardiovascular event in the next decade (the majority prescribed globally) are explicitly told by their doctor that the absolute benefit of taking a statin is approximately 1 in 100 of preventing a non-fatal heart attack or non-disabling stroke with no mortality benefit over a 5 year period?

 

Guðjón Þórðarson greindist með Parkinson

Bólusetningarstaða Guðjóns Þórðarsonar, fyrrverandi landsliðsþjálfara, gegn covid kemur ekki fram í fréttinni. En það er örugglega fyrirhafnarinnar virði fyrir þá sem greinst hafa með parkinson og aðra alvarlega kvilla eftir að hafa þegið mRNA bólusetningu að afeitra sig af gaddaprótíninu (e. Spike protein) í samráði við lækni. Umframdauðsföllin sem landsmenn hafa horft upp á eru því miður einungis toppur ísjakans þegar skaði covid mRNA bóluefnanna er annars vegar. Átakanlegt hefur verið að fylgjast með frásögnum af fjölgun greininga á parkinsonsjúkdómnum. Heilasjúkdómarnir alzheimer og parkinson deila meinleiðum með príonsjúkdómum eins og Creutzfeld-Jakob Disease (CJD). Niðurstöður rannsókna hafa sýnt hvernig covid-mRNA-efnin geta valdið príonsjúkdómum. CJD stafar af því þegar venjuleg príonprótein, sem finnast á yfirborði margra frumna, verða óeðlileg og klessast í heilanum, sem veldur heilaskaða. Þessi óeðlilega uppsöfnun skemmdra prótína í heilanum getur valdið minnisskerðingu, persónuleikabreytingum og hreyfierfiðleikum.

Guðjón greindist með parkinsonssjúkdóminn

Upprifjun á talnablekkingu

Sóttvarnaryfirvöld töldu og telja enn einstakling ekki covid bólusettann fyrr en 14 dagar eru liðnir frá bólusetningu. Þannig er dánarorsök einstaklings sem deyr á fyrstu tveim vikum frá bólusetningu ekki af völdum bólusetningarinnar. Andlátin á hjúkrunarheimilunum í vetur í kjölfar bólusetningar eru samkvæmt skilgreiningunni ekki af völdum covid mRNA efnanna.

Súluritið úr gagnagrunni Bandaríkjanna um bóluefnaskaða (VAERS) sýnir tíðni dauðsfalla eftir dögum frá bólusetningu. Súluritið sýnir hversu fráleit 14 daga skilgreiningin er þegar lunginn af dauðsföllunum af völdum covid bólusetninganna á sér stað innan hálfs mánaðar frá bólusetningu. Reyndar eiga flest dauðsföllin sér stað samdægurs eða á fyrstu dögum eftir bólusetningu.

Klippan er úr Fréttinni fyrir tveimur árum þar sem fjallað er um 14 daga skilgreininguna sem ætlað er að slá ryki í augu almennings og blekkja.

Hvað veldur samtalaðri grafarþögn þingmanna um umframdauðsföllin?

Öldungardeild Ástralska þingsins varð í vikunni fyrst þjóðþinga til að samþykkja ályktun um rannsókn á ástæðum umframdauðsfalla í Ástralíu frá árinu 2021. Hvers vegna enginn íslenskra þingmanna telur hérlend umframdauðsföll, sem eru með þeim mestu í Evrópu, tilefni til umræðu á hinu háa Alþingi vekur spurningar. Bent hefur verið á kostnaðarþátttöku lyfjaframleiðenda sem kann að eiga þátt í þögn lækna um bóluefnaskaðann. (klippa) Spurningin sem brennur á almenningi er; getur hugsast að þingmenn og efsta lag stjórnsýslu heilbrigðismála eigi einnig fjárhagslegra hagsmuna að gæta gagnvart lyfjaframleiðendum?

Lyfjaeftirlitsaðilinn sækir 65% af fjármögnun til lyfjaframleiðenda

Í byrjun apríl er von á bresk-indverska hjartalækninum Dr. Aseem Malhotra til Íslands. Læknirinn er þekktur fyrir viðhorf sín til málefna tengdum Covid-19 og er eftirsóttur fyrirlesari. Að neðan er lausleg samantekt á ráðleggingum og skilaboðum Dr. Aseem Malhotra til Indversku ríkisstjórnarinnar sem fram komu í viðtali við fréttastofu í Nýju Delí í desember s.l.

Í viðtalinu varar hann Indverja við WHO sem misst hefur fjárhagslegt sjálfstæði sitt og því sé ekki lengur hægt að treysta ráðgjöf sem þaðan kemur sem frjálsri og óháðri. Telur hjartalæknirinn Indland betur sett utan WHO en innan.

Ennfremur gagnrýnir hjartalæknirinn fjárhagsleg tengsl lyfjaeftirlitsaðila og framleiðenda og nefnir sem dæmi að FDA, lyfjaeftirlitsstofnun Bandaríkjanna, þiggi 65% af fjármögnun af lyfjaframleiðendum og varar við hagsmunaárekstrinum og hættunni sem fyrirkomulaginu fylgir. Helstu atriði viðtalsins við Dr. Malhotra:

• WHO hefur misst sjálfstæði sitt og Indversk stjórnvöld geta því ekki lengur treyst ráðleggingum stofnunarinnar. 70% af fjármögnun WHO kemur frá einkaaðilum. Meðan svo varir er ekki hægt að horfa til stofnunarinnar sem óháðs aðila. Hagsmunir fjármagnseigenda felast ekki í góðri heilsu almennings. Markmið þeirra er arðsemi.
• Fjármögnun WHO þarf að vera óháð. Að öðrum kosti geta ríkisstjórnir, læknar og almenningur ekki borið traust til ráðlegginga stofnunarinnar og treyst því að ráðleggingarnar byggi á bestu fyrirliggjandi þekkingu.
• Lyfjaeftirlitin eins og FDA í Bandaríkjunum, sem ætlað er að leggja mat á gagnsemi og öryggi lyfja, er fjármögnuð 65% af stóru lyfjaframleiðendunum. Hagsmunaáreksturinn er augljós.
• Sjúklingar og læknar standa í þeirri trú að lyfjaeftirlitsaðilinn sé óháður við mat sitt á gögnum lyfjaframleiðenda sem fylgja umsóknum þeirra um leyfi lyfjum til handa. Sú er ekki raunin. Meðan ekki er komið í veg fyrir hagsmunaáreksturinn sem fylgir fjármögnun eftirlitsaðila verða ekki framfarir.
• Læknisfræðileg þekking er undir áhrifum viðskiptalífsins án þess að læknar geri sér grein fyrir því. Upplýsingar sem læknarnir byggja á við ákvarðanatöku um lyfjameðferð sjúklinga tekur mið af hagsmunum lyfjaframleiðenda sem hafa það eitt að markmiði að hámarka arðsemi eigenda. Að sjúklingurinn fái bestu fáanlegu meðferð við sjúkdómnum víkur fyrir peningahagsmunum.
• Farið er frjálslega með niðurstöður klínískra rannsókna sem eru auglýstar í virtum fagtímaritum þar sem virkni og öryggi lyfja er ýkt.
• Flest ný lyf síðustu tveggja áratuga eru endurgerð stóru lyfjafyrirtækjanna á eldri lyfjum með örlitlum breytingum. Innan við 10% nýrra lyfja eru raunverulegar nýjungar.
• Covid lyfin hafa afhjúpað bresti núverandi lyfjafyrirkomulags þar sem efnahagslegir hvatar voru settir í forgang – jafnvel þó það hefði í för með sér limlestingu og dauða fjölda einstaklinga.

Þjónkun við lyfjaframleiðendur má ekki útiloka meðferðarúrræði

Meðal þess sem dánarmeinaskrá landlæknis fyrir árið 2022 upplýsti landsmenn um var að dauðsföllum af völdum illkynja krabbameinsæxla fjölgaði um 9% á árinu 2022. Illkynja æxli í blöðruhálskirtli dró 21% fleiri til dauða en á fyrra ári, eitilæxli 17%, mergæxli 40%, æxli í brisi 23% og dauðsföllum af völdum hvítblæðis fjölgaði um 33% frá fyrra ári.

Dauðsföllin af völdum krabbameins eru toppurinn á ísjakanum. Einstaklingum sem takast á við sjúkdóminn fer fjölgandi. Í hlekkjaðri frásögn er fjallað um lyfið Ivermectin hvers höfundar þáðu Nóbelsverðlaunin 2015 fyrir og hugsanlegan lækningamátt þess við krabbameini. Vitað er að lyfið stóð í vegi fyrir neyðarleyfisveitingu covid mRNA efnanna og því var lyfið gert tortryggilegt þrátt fyrir að tugir rannsókna hafi sýnt fram á lækningamátt þess.

Nú er hafin umræða á ný um Ivermectin og hugsanlegan lækningamátt gegn krabbameini. Auðvitað mun það ekki henta lyfjaframleiðendum sem fjárfest hafa verulegar fjárhæðir í fyrirtækjum á liðnum mánuðum sem sérhæfa sig í framleiðslu krabbameinslyfja. Úthrópun Ivermectin mun því halda áfram. En er það í lagi þegar heilsa krabbameinssjúkra er í húfi?

Nothing to see here, move along

Þegar horft er á súluritið og fjölgun tilkynntra dauðsfalla af völdum bóluefnanna í gagnagrunninn á árinu 2021 er erfitt að verjast þeirri hugsun að skynsemi stjórnenda heilbrigðismála sé verulega áfátt. Að þau haldi áfram covid mRNA bólusetningum að birtum niðurstöðum þúsunda rannsókna sem staðfesta skaðsemi bóluefnanna og gagnsleysi þeirra sem smitvarnar er með öllu óskiljanlegt.

Efra súluritið sýnir fjölda tilkynntra dauðsfalla í gagnagrunn Bandaríkjanna frá 1990 sem heldur utan um skaða af völdum bólusetninga. Vaccine Adverse Event Reporting System (VAERS) Neðri myndin sýnir tíðni dauðsfallanna eftir dögum frá bólusetningu. Vitað er að einungis hluti skaðatilvika er tilkynntur inn í gagnagrunninn þar sem grunnurinn byggir á valkvæðum tilkynningum (passive). Varfærnir telja að margfalda megi fjölda tilkynninga með að minnsta kosti 35 til að fá rétta mynd af raunverulegum fjölda skaðatilvika af völdum bóluefna. 

Fíllinn í herberginu – viðbót

Hvernig einhverfu hefur fjölgað á liðnum árum er ógnvænlegt. Á heimasíðu Ráðgjafar- og greiningarstöðvar leynist lítt dulbúið neyðarkall þar sem segir:

„Hvað sem líður mögulegum skýringum á aukningunni, þá er hún staðreynd og alvarlegt ástand hefur skapast í þjónustu við einhverft fólk á öllum aldri þar sem viðbrögð kerfisins fram til þessa hafa verið afar hæg.“

Þekkt er hvað mikilvægt er að greina einhverfu snemma. Það eykur líkur á að meðferð dragi úr einkennum einhverfu og getur aukið lífsgæði einstaklinganna til muna. Ef horft er til þróunarinnar í USA og spáð fyrir um (sjá rauðu súlurnar) hvert stefnir á næstu árum er ljóst að börnum sem greinast á einhverfurófinu mun fjölga mikið. Ekki er ástæða til að ætla að fjölgunin verði jafn mikil hérlendis og vestra þar sem bólusetningar barna hér á landi eru ekki jafn tíðar og í Bandaríkjunum. Engu að síður er brýnt að greina fyrr og huga betur en gert hefur verið að meðferð barna hér á landi sem greinast með einhverfu.

Fíllinn í herberginu

Á heimasíðu Ráðgjafar- og greiningarstöðvar kemur fram að einhverfa var sjaldgæf fötlun sem allt til 1980 greindist einungis hjá 3 til 5 af hverjum 10.000. Nú telur RGR að algengið sé komið yfir 2% eða 20 á hverja 1.000. Að skýra einhverfu með erfðum dugar því ekki lengur. Til þess er fjölgun greininga of mikil og leita þarf annarra skýringa.

Að nefna barnabóluefnin til sögunnar sem hugsanlegan orsakavald faraldurs einhverfu hefur verið eins og að nefna snöru í hengds manns húsi. En tilkoma covid mRNA bóluefnanna og hvernig kastað var til höndum við gerð þeirra hefur opnað augu almennings og rýrt traust í garð lyfjaframleiðenda. Að verða vitni að því hvernig heilsa og velferð almennings víkur fyrir fjárhagslegum hagsmunum sem endurspeglast í áframhaldandi notkun bóluefnanna þrátt fyrir traustar vísbendingar um skaðsemi þeirra vekur menn til umhugsunar um aðra framleiðslu fyrirtækjanna á bóluefnum.

Klippan sýnir þróun fjölda barnabólusetninga í Bandaríkjunum á liðnum áratugum en þeim hefur fjölgað mjög og voru orðnar 76 nýlega. Ekki er annað hægt en að vorkenna amerískum börnum þegar horft er til þess að 609 bóluefni eru í þróun og eftirlitsaðilar vestra í vasa lyfjaframleiðenda. Hérlendis eru sprauturnar færri þó þeim hafi einnig fjölgað en ítök lyfjaframleiðenda eru enn sem komið er ekki eins mikil í Lyfjastofnun Evrópu en þaðan kemur boðskapurinn til Íslands.

Súluritið sýnir þróun fjölda 8 ára barna á einhverfurófi í USA frá aldamótum.