Eldri borgarar á Íslandi eru betur upplýstir en jafnaldrar á Norðurlöndum

Íslendingar eru orðnir upplýstari um skaðsemi mRNA efnanna og gagnsleysi þeirra sem smitvarnar en almenningur á Norðurlöndum. Hlutfall Íslendinga í hópi 70 til 79 ára sem þáðu bólusetningu fyrir áramót er 50,9% lægra en Dana, 29,6% lægra en Finna og 28,8% lægra en Norðmanna. Þetta er mikil breyting frá upphafi bólusetninga við covid þar sem Ísland var með hærra bólusetningarhlutfall en Finnar og Norðmenn og svipað bólusetningarhlutfall og Danir. Yfirlit Evrópsku sóttvarnastofnunarinnar (ECDC) um covidbólusetningar 1.9.23 til 15.1.24 í commenti. Tölur Íslands ná til 31.12.23 og því kann hlutfall bólusettra landsmanna að vera eitthvað hærra þegar fyrstu tvær vikur ársins eru teknar með.

Fullorðinn andlega heilbrigður hefur ákvörðunarrétt um hvað er gert við hans eigin líkama

Með þessum orðum í hæstaréttardómi í New York fyrir 110 árum lagði Cardozo dómari eina mikilvægustu stoðina að siðfræði nútíma læknavísinda sem er sjálfsákvörðunarréttur einstaklinga yfir eigin heilsu. Þessi grunnstoð kann að vera í hættu.

Breytingar á reglugerð WHO og gerð nýs faraldurssáttmála eru að komast á lokastig. Viðræðurnar eiga sér stað án aðkomu kjörinna fulltrúa og ekki er enn vitað hvernig breytingarnar sem teknar verða til afgreiðslu í maí líta út í endanlegri mynd. Lítið hefur borið á umræðu um fyrirhugað framsal faraldursákvarðana frá aðildarþjóðum til WHO. Til að auðvelda almenningi skilning á áhrifum fyrirhugaðra breytinga hefur höfundur hlekkjaðrar greinar einfaldað fyrir okkur stöðuna:

Ef þú ert þeirrar skoðunar að viðbrögð ríkisstjórna, heilbrigðisyfirvalda og fjölmiðla í Covid faraldrinum hafi verið yfirdrifin og ákvarðanir of stjórnsamar er ástæða fyrir þig að hafa áhyggjur af því sem í vændum er.

Ef þú hins vegar telur viðbrögð og ráðstafanir ekki hafa verið nægilega öflugar, að innilokunum hefði átt að framfylgja af meiri hörku og þær að vara lengur, að meiri áherslu hefði átt að leggja á covið prófanir, smitrakningar og eftirlit, að ekki hafi verið gerð víðtækari krafa um grímunotkun, að almenningi hafi verið veittar of rúmar heimildir til að ferðast, að hraðar hefði átt að bólusetja almenning með óreyndum bóluefnum sem hefði átt að gera að skyldu að þiggja með viðurlögum þeim til handa sem afþökkuðu bólusetningu - þá eru fyrirhugaðar breytingar á reglum WHO væntanlega þér að skapi.

Eigum við von á holskeflu krabbameins?

Fara þarf aftur til ársins 2017 í tilviki karla og ársins 2016 í tilviki kvenna til að finna lægri tölur um ólifaða meðalævi við fæðingu en á árinu 2022. Hér hefur mikil breyting átt sér stað og óvíst um þróun. Þegar horft er til þess háa kaupverðs sem lyfjarisarnir hafa greitt við nýleg kaup á framleiðendum krabbameinslyfja er rétt að fara varlega við að spá lengingu ólifaðrar meðalævi við fæðingu. Lyfjaframleiðendur virðast gera ráð fyrir holskeflu krabbameinstilvika á komandi misserum og því stóraukinnar eftirspurnar eftir krabbameinslyfjum. Með öðrum hætti er ekki unnt að skýra hátt kaupverð framleiðenda krabbameinslyfja.

 

Meirihluti eftirlaunaþega afþakkaði covid sprautu vetrarins

Að 57% Íslendinga á aldrinum 70 til 79 ára hafi afþakkað bólusetningu gegn covid í vetur þykir með ólíkindum í stjórnkerfinu og sýna mikla vantrú almennings á faglegri þekkingu sóttvarnalæknis og endurspegla rýrnandi traust í garð embættis landlæknis. Traust í garð embættisins virðist hafa hrunið í fyrra samfara upplýsingum um mikinn fjölda ótímabærra dauðsfalla og veikinda sem talið er að rekja megi til bóluefnanna.

Vantrú almennings á faglegri þekkingu sóttvarnalæknis og getu til að takast á við sóttvarnir kemur ekki á óvart þegar rifjaðar eru upp yfirlýsingar læknisins þar sem hún staðfestir að hafa ekki kynnt sér helstu rannsóknarniðurstöður um skaðsemi og gagnsleysi mRNA efnanna sem smitvarnar. Frægt er að endemum þegar sóttvarnalæknir sagðist ekki kannast við fjölgun látinna af völdum krabbameins. Þetta sagði hún þrátt fyrir að dánarmeinaskrá landlæknis fyrir árið 2022 lýsi skelfilegri þróun. Dauðsföllum af völdum illkynja æxla fjölgaði um 9% á árinu 2022. Illkynja æxli í blöðruhálskirtli dró 21% fleiri til dauða en á fyrra ári, eitilæxli 17%, mergæxli 40%, æxli í brisi 23% og dauðsföllum af völdum hvítblæðis fjölgaði um 33% frá fyrra ári.

Mörgum bóluefnasköðuðum var brugðið í nótt þegar lyfjaframleiðandi valdi vettvang Ofurskálarinnar til að hefja auglýsingaherferð krabbameinslyfja. Orðasambandið að slá tvær flugur í einu höggi fékk hér ofurmerkingu. Fyrst að valda skaða – síðan að útvega lækninguna. Miljandi hagnaður á báðum endum.

Af ótímabærum dauðsföllum

Áhugavert verður að sjá endurreiknaðar og leiðréttar tölur landlæknis um umframdánartíðni á liðnum árum á Íslandi en landlæknir hefur notast við ofmetnar mannfjöldatölur Hagstofunnar við útreikningana. Leiðréttar mannfjöldatölur munu hækka hlutfall látinna í prósentum reiknað.

Þessi skekkja hefur ekki áhrif á uppgefnar tölur Evrópsku hagfræðistofnunarinnar (Eurostat) um hlutfall umframdauðsfalla þar sem stofnunin tekur ekki tillit til mannfjöldaþróunar við útreikninga sína.

Hins vegar er nýlegt vinnuskjal OECD með röngum og of lágum tölum um dánartíðni á Íslandi en í því var gerður samanburður á þróun dauðsfalla aðildarlanda stofnunarinnar á liðnum misserum að teknu tilliti til lýðfræðilegra þátta eins og breytinga á mannfjölda. Mannfjöldavillan er óheppileg fyrir sóttvarnalækni sem notfærði sér vinnuskjal OECD sem vísbendingu um að vel hefði tekist til við sóttvarnir á liðnum árum.

Vonandi fara stjórnendur heilbrigðismála að átta sig á að mismunandi aðferðafræði við útreikning umframdauðsfalla breytir ekki staðreyndum. Landsmönnum sem hlotið hafa ótímabæran dauðdaga fyrir tilverknað mRNA efnanna fækkar ekki hvernig sem er reiknað. Því væri tíma embættismannanna betur varið í að kynna sér ritrýndar rannsóknarniðurstöður um skaðsemi mRNA efnanna en að liggja yfir útreikningum um hvernig lækka megi með reiknikúnstum hlutfall umframdauðsfalla á Íslandi sem eru mánuð eftir mánuð meðal þeirra hæstu í Evrópu.