Að gaslýsa heilbrigðisráðherra, ríkisstjórn, þingmenn og fjölmiðla

SARS-CoV-2 veiran sem veldur Covid-19 sjúkdómnum barst til landsins í febrúar 2020 og hófust bólusetningar gegn veirunni um áramótin 2020/2021. Á árinu 2020 létust 31 af völdum Covid.

Landsmenn þáðu 719.000 sprautur af bóluefnum á árinu 2021. Þátttaka almennings í bólusetningum var mikil og þáðu liðlega 80% frumbólusetningu (fyrstu tvær sprauturnar) og 69% fyrstu örvunarsprautuna. Þegar árið var gert upp kom í ljós að 7 höfðu látist úr sjúkdómnum en hins vegar höfðu Lyfjastofnun borist 33 tilkynningar um dauðsföll í kjölfar bólusetninga á árinu 2021. Því létust þó nokkuð fleiri á árinu 2021 af völdum bóluefnanna en látist höfðu af völdum Covid á árinu.

Alda Covid smita gekk yfir í byrjun árs 2022. Þrátt fyrir mikinn fjölda smita reyndist lítið um alvarleg veikindi og spítalainnlagnir héldust fáar. Því var talið óhætt að afnema allar sóttvarnaráðstafanir vegna Covid 25. febrúar 2022. Mikil áhersla var lögð á örvunarbólusetningar um veturinn. Landsmenn þáðu á fjögurra mánaða tímabili nóv. til feb. 22 alls 225.000 sprautur. Afleiðingarnar létu ekki á sér standa. Umframdauðsföllum fjölgaði mjög í kjölfar bólusetninganna eins og sjá má á súluritinu. Flest urðu umframdauðsföllin í mars 2022 þegar landlækni reiknaðist til að þau hefðu verið 40,6% (54,4% samkvæmt Eurostat). Þrátt fyrir að afleiðingar bólusetningarstefnunnar væru aðilum ljósar var haldið áfram að örvunarbólusetja almenning og þáðu landsmenn 154.000 bóluefnaskammta á árinu 2022. Í árslok lá fyrir að dauðsföllum hafði fjölgað um 15% á milli ára á sama tíma og landsmenn höfðu þegið 873.000 sprautur.

Til að auðvelda lesandanum að glöggva sig á orsakasamhengi bólusetninganna og dauðsfallanna sýna bláu súlurnar fjölda bóluefnaskammta í mánuði hverjum (hægri ás) og rauða línan sýnir umframdauðsföll í prósentum (vinstri ás) sem í kjölfarið fylgdu. Á línuritinu er dregnir hringir sem sýna hvernig dauðsföllum fjölgar nokkrum vikum eftir að aukinn kraftur er settur í bólusetningarnar hverju sinni.

En aftur að fjölgun dauðsfallanna veturinn 21/22. Hvernig átti að gera grein fyrir þessari fjölgun dauðsfalla án þess að viðurkenna að dauðsföllin mætti rekja til bóluefnanna? Ákveðið var að skrifa dauðsföllin á Covid sjúkdóminn í þeirri von að stjórnvöld og almenningur tækju það trúanlegt. Það virðist hafa gengið eftir því til þessa dags hefur ekki orðið vart opinberrar umræðu um skýringar embættis landlæknis á dauðsföllunum á árinu 2022. Klippan er af heimasíðu embættis landlæknis og sýnir hvernig dauðsföllin á árinu 2022 voru bókuð sem af völdum Covid-19.

Í mörgum löndum standa yfir rannsóknir á atburðarás og ákvörðunum tengdum Covid-19 á liðnum árum. Tímabært er að við Íslendingar gerum það einnig. Það er þýðingarmikið til þess að læra megi af mistökunum þannig að þau endurtaki sig síður. Því miður virðist ýmislegt benda til að við stöndum fljótlega frammi fyrir sömu viðfangsefnum og á árinu 2020. Mikilvægt er að stjórnvöldum takist betur upp næst.

 

Hefur fjármálaráðherra bein í nefinu til að taka slaginn við Pfizer?

Engar upplýsingar hafa verið gefnar um samningsskuldbindingar Íslands gagnvart Pfizer um kaup á bóluefnum – hugsanlega allt fram til 2026. Bóluefnum sem þorri eldri borgara hefur tekið ákvörðun um að afþakka. Vonandi spyrnir fjármálaráðherra Íslands við fótum og neitar að greiða stórfé fyrir gagnslausa vöru. Efnið hefur skilið eftir sig sviðna jörð á Íslandi sem sjá má á 20 til 30 mánaðarlegum ótímabærum dauðsföllum.

Samningsgerðin um kaup ESB á 1.8 milljörðum bóluefnaskammta virðist hafa farið fram að hluta með SMS skilaboðum á milli forseta framkvæmdastjórnar ESB og forstjóra Pfizer. Af einhverri ástæðu fær eftirlitsaðili ESB ekki aðgang að skilaboðunum til að átta sig á hvernig þessi óhagstæði samningur komst á en hagsmunir kaupandans virðast hafa verið fyrir borð bornir við samningsgerðina. Myndin er af Ursula von der Leyen forseta framkvæmdastjórnar ESB og Albert Bourla forstjóra Pfizer.

Fyrir okkur Íslendinga skiptir fjárhagslega miklu máli hvort fjármálaráðherra hefur kjark til að taka slaginn við Pfizer með að stöðva greiðslu á reikningum fyrir bóluefni sem rannsóknir sýna að er þeim eiginleikum búið að það eykur líkur á að sá sem bóluefnið þiggur veikist af sjúkdómnum sem efnið á að fyrirbyggja.

Svar við fyrirspurninni (sjá mynd) hefur ekki borist þrátt fyrir ítrekanir og hefur kvörtun verið send til umboðsmanns Alþingis.

Hversu lengi ætlar ríkisstjórnin að horfa aðgerðalaus á tugi ótímabærra dauðsfalla í mánuði hverjum?

Samkvæmt tölum landlæknis reyndist fjöldi dauðsfalla í desember s.l. vera 11,2% umfram meðaltal áranna 2016 til 2019 að teknu tilliti til mannfjöldaþróunar. Alls urðu ótímabæru dauðsföllin á fjórða ársfjórðungi 42 samanborið við 31 á þriðja ársfjórðungi. Þeim fjölgaði því um 36% á milli ársfjórðunga. Þessa fjölgun dauðsfalla er erfitt að skýra án þess að nefna covid mRNA bóluefnin sem hugsanlegan áhrifaþátt. Sú ákvörðun sóttvarnalæknis að hefja bólusetningar að nýju gegn covid í október eftir hlé frá í apríl sýnist hafa verið misráðin. Skaðinn af völdum efnanna á heilsu bólusettra mun halda áfram að koma í ljós á næstu mánuðum og misserum.

Evrópska hagfræðistofnunin Eurostat birtir mánaðarlega tölur um umframdauðsföll á Evrópska efnahagssvæðinu. Tölur Eurostat taka ekki tillit til mannfjöldaþróunar einstakra landa svæðisins. Engu að síður gefa þær góða hugmynd um þróun dauðsfallanna í samanburði landa. Samkvæmt tölum Eurostat voru umframdauðsföll í desember á Íslandi 25,2% og reyndust þau hæstu í Evrópu. Á meðfylgjandi súluriti sýna rauðu súlurnar þróun umframdauðsfalla á Íslandi eftir mánuðum á síðasta ári og bláu súlurnar meðaltal 27 landa ESB.

Raunalegt hefur verið að fylgjast með endurteknum tilraunum embættis landlæknis til að tala niður og breiða yfir umframdauðsföllin með vísan til mannfjöldaþróunar. Mismunandi aðferðafræði við útreikning umframdauðsfalla fækkar ekki dauðsföllunum. Ekki skiptir máli hvort horft er á tölur landlæknis eða Eurostat. Báðar reikniaðferðir staðfesta skelfilegan fjölda ótímabærra dauðsfalla.

 

 

 

 

Þagnarmúr sérfræðinga á heilbrigðissviði um skaðsemi covid mRNA efnanna

Bandaríkin og Nýja Sjáland eru einu löndin sem heimila lyfjaframleiðendum að markaðssetja lyfseðilskyld lyf beint til neytenda með auglýsingum. Megnið af auglýsingum birtast í sjónvarpi. Á árinu 2016 ráðstöfuðu lyfjafyrirtækin $9.6 milljörðum i auglýsingar. Þar af $6 milljörðum í auglýsingar á lyfseðilsskyldum lyfjum. Fjármunirnir sem varið var í auglýsingar voru innan við helmingur þeirrar fjárhæðar sem runnu í markaðskostnað gagnvart sérfræðingum á heilbrigðissviði sem nam $20.3 milljörðum. Undir þessum lið eru aðstoð lyfjafyrirtækjanna við lækna að velja „réttu" lyfin (prescriber detailing) sem nam $5.6 milljörðum og $1 milljarður í ferðakostnað og þóknanir tengdum ráðstefnum auk máltíða.

Það sem lyfjaframleiðendur vöruðu sig ekki á þegar þeir þröngvuðu óreyndum Covid mRNA bóluefnunum í gegn um neyðarleyfisferlið er að tugir milljóna bandaríkjamanna átta sig nú á fjárhagslegu hagsmunum sem að baki liggja og að hagsmunirnir séu af þeirri stærðargráðu að viðhorf sem snúa að heilsuvernd og lækningu víkja. Hér á Íslandi birtast þessir sömu undirliggjandi hagsmunir í tregðu sóttvarnayfirvalda við að taka notkun covid mRNA efnanna til endurskoðunar þrátt fyrir augljósar ástæður sem gefa tilefni til endurskoðunar á notkun efnanna.

Samkvæmt Gallup könnun vestra frá 2022 höfðu 75% landsmanna neikvætt viðhorf til stóru lyfjafyrirtækjanna og átta sig á hættunni sem bóluefnunum fylgir og hvernig kastað var til höndum við prófun efnanna. Almenningur veltir skiljanlega fyrir sér hvers vegna ástæða sé til að trúa því sem lyfjaframleiðendur segja um barnabóluefnin með skaðann og dauðsföllin sem rekja má til covid mRNA efnanna fyrir augum.

En ef til vill hefur skaðinn sem covid mRNA efnin hafa valdið ekki verið til einskins. Foreldrar víða um lönd allan hafa nú á sér andvara gagnvart bólusetningum afkvæma sinna. Það sem áður þótti sjálfsagt og framkvæmt var af lítilli íhugun heldur í dag andvöku fyrir mörgum foreldrum. Lyfjaframleiðendur uppskera bakslag í afkomu og verði hlutabréfa sinna vegna þess hvernig staðið var að innleiðingu covid mRNA efnanna. Þeir glötuðu tiltrú þorra almennings sem nú áttar sig á hagnaðarviðhorfunum sem undir liggja. Að hafa þröngvað svikinni vöru sem sóttvörn og þar til viðbótar skaðlegri heilsu fólks upp á þjóðirnar mun bitna á afkomu lyfjafyrirtækjanna á næstu árum.

 

UNDUR OG STÓRMERKI

Loksins sýnist lífsmark meðal þingmanna vegna augljósrar skaðsemi covid mRNA efnanna. Ekki var það vonum seinna þegar haft er í huga að liðlega 600 Íslendingar hafa látist á árunum 2022 og 2023 umfram það sem gera hefði mátt ráð fyrir miðað við reynslu. Til að setja þennan mikla fjölda látinna í samhengi við þekktar stærðir er talið að 230 Íslendingar hafi fallið í valinn af styrjaldarástæðum samanlagt á árum seinni heimsstyrjaldarinnar. Ísland staðfesti stöðu sína meðal þeirra Evrópulanda sem flest umframdauðsföllin hafa með 25,2% hlutfalli látinna umfram reynslu í desember s.l. samkvæmt nýbirtum tölum Eurostat. Ekkert land í Evrópu var með hærra hlutfall en Ísland í desember.

Lögð hefur verið fram fyrirspurn á alþingi þar sem spurt er um hvort standi yfir rannsóknir á skaðsemi COVID bólusetninganna og hvaða meðferðarúrræði séu í boði fyrir fólk sem glímir við aukaverkanir af völdum efnanna. Jafnfram er spurt um fjölda skaðatilvika sem tilkynnt hafa verið til stjórnvalda af völdum efnanna en sem kunnugt er hefur Lyfjastofnun hætt uppfærslu upplýsinga um fjölda skaðatilvika.

ENN EITT EVRÓPUMETIÐ

Afrakstur bólusetningarstefnu embættis landlæknis heldur áfram að endurspeglast í háum tölum umframdauðsfalla sem birtar eru mánaðarlega á vef Eurostat. Umframdauðsföll á Íslandi í desember mældust 25,2% og reyndust þau hæstu í Evrópu. Á vef landlæknis er tekið tillit til mannfjöldaþróunar og þannig reiknast umframdauðsföllin 11,2%. Þannig reiknaðar tölur eru ekki tiltækar fyrir önnur lönd Evrópu.

Hvað ætli hanskaklædd lagaumgjörð kosti í Frakklandi?

Vonandi verður ný frönsk löggjöf sem er sérhönnuð að hagsmunum lyfjaframleiðenda og gerir gagnrýni á mRNA lyfin saknæm með allt að 3 ára fangelsi og €45.000 sekt ekki tekin upp í löggjöf ESB og í framhaldinu innleidd hérlendis.

Fastlega má gera ráð fyrir að einn af mörgum fjárhagslegum undirliggjandi þáttum sem liðkuðu fyrir lagasetningunni hafi verið endurskoðun á ógreiddum skuldbindinum Frakklands vegna kaupa á mRNA bóluefnum sem landsmenn þar líkt og annars staðar í álfunni hafa afþakkað. Miklu magni bóluefna hefur verið fargað en ógreiddar skuldbindingar sem nýlega var endursamið um standa eftir. Spurst hefur að þjóðirnar hafi fengið afslætti af ógreiddum reikningum með því að greiða fyrir óafhent óframleidd bóluefni. Pólland hefur ákveðið að spyrna við fótum og neitar að greiða Pfizer fyrir bóluefnin en lyfjaframleiðandinn hefur höfðað innheimtumál á hendur landinu.

Ekki hefur fengist upplýst hverjar skuldbindingar Íslands eru um kaup á bóluefnum sem nánast er hætt að nota þrátt fyrir ítrekaðar fyrirspurnir. Kvörtun hefur verið send Umboðsmanni alþingis vegna þessa.

Bandarískir eldri borgarar átta sig einnig

Það eru fleiri en eldri borgarar á Íslandi sem eru búnir að átta sig á skaðsemi og gagnsleysi covid mRNA bóluefnanna. Einungis 39% vistmanna hjúkrunarheimila í Bandaríkjunum höfðu þegið bólusetningu 29. janúar s.l.

Hvað hefðu dauðsföllin þurft að vera mörg?

Sóttvarnastofnun Bandaríkjanna (CDC) gerði í maí 2021 uppkast að aðvörun til útsendingar með neyðarsamskiptakerfi stofnunarinnar til lækna og lykilstjórnenda í heilsugeiranum. Vara átti við aukinni hættu á hjartavöðva- og gollurhúsbólgu sem vart hafði orðið í kjölfar bólusetningar með mRNA efnum Pfizer og Moderna. Að aðvörunin var ekki send kann að vera saknæmt.

Telja verður líklegt að aðvörun um hugsanlegan hjartaskaða af völdum mRNA efnanna hefði orðið mörgum Íslendingnum tilefni til endurskoðunar á áformum um bólusetningu. Hvenær ársins 2021 varð embætti landlæknis kunnugt um aukna hættu á hjartaskaða sem fylgdi mRNA efnunum? Hvers vegna var ekki talið tilefni til að vara landsmenn við þessum alvarlegu aukaverkunum efnanna?

Á árinu 2021 létust 33 landsmenn í kjölfar bólusetninga samkvæmt meðfylgjandi yfirliti Lyfjastofnunar. Á vef Landlæknis eru gefnar upp tölur um andlát af völdum covid og samkvæmt þeim létust 7 af völdum Covid-19 á Íslandi á árinu 2021. Að rúmlega fjórfalt fleiri hafi látist í kjölfar bólusetninga en létust úr sjúkdómnum sem bóluefnið átti að verja landsmenn fyrir hefði átt að hringja aðvörunarbjöllum. Fullt tilefni er til að beina eftirfarandi spurningu til Ölmu Möllers landlæknis og Þórólfs Guðnasonar þáverandi sóttvarnalæknis: Þar sem 33 dauðsföll í kjölfar bólusetninga á árinu 2021 dugðu ekki til að staldrað væri við með framhald bólusetninga og staðan endurmetin - hvað hefðu dauðsföllin hér á landi þurft að vera mörg?

Ekki skaða – first, do no harm

Sterkar vísbendingar eru fram komnar sem benda til að embætti landlæknis haldi covid bóluefni að eldri borgurum sem ólíklega hefði fengist leyfi fyrir hefði verið gerð grein fyrir öllum alvarlegum aukaverkunum efnisins sem fram komu í klínískum rannsóknum bæði fyrir og eftir ákvörðun um leyfisveitingu.

Ný ritrýnd rannsókn, þar sem niðurstöður þriðja fasa klínískra rannsókna Pfizer voru endurmetnar, leiðir í ljós að fjöldi alvarlegra aukaverkana í rannsókninni reyndust marktækt fleiri í hópi þeirra bólusettu en eftirlitsaðilum var greint frá áður en neyðarleyfisveitingin fyrir bóluefnið var samþykkt. Auk þess kom fram fjöldi alvarlegra aukaverkana meðal þátttakenda í klínísku rannsókninni eftir að neyðarleyfið var veitt. Auk dauðsfalla má nefna krabbamein, hjartatengd tilvik og ýmsa sjálfsofnæmis-, blóð-, æxlunar- og taugasjúkdóma. Bóluefnið var aldrei rannsakað samkvæmt viðurkenndum stöðlum með tilliti til öryggis og eitrunaráhrifa. Höfundar rannsóknarinnar leggja til að notkun bóluefnisins verði hætt.

Áður en neyðarleyfi fyrir mRNA efni Pfizer var gefið út eftir einungis 7 mánaða klínískt rannsóknarferli hafði ekkert bóluefni fengið leyfi sem ekki hafði undirgengist að minnsta kosti 4 ára ferli. Fyrir daga covid bóluefnanna hafði tímalengd þriðja fasa klínískra rannsókna mælst að meðaltali 10 ár.

Með hverjum deginum verður erfiðara að skilja hvers vegna embætti landlæknis heldur covid bóluefninu að eldri borgurum;

• þrátt fyrir vísbendingar um hnökra í leyfisferli þar sem alvarlegar aukaverkanir bóluefnisins voru vantaldar
• þrátt fyrir að hundruðir ritrýndra rannsókna sýni fram á skaðsemi mRNA bóluefnisins
• þrátt fyrir að fjöldi Íslendinga eigi um sárt að binda vegna sjúkdóma af völdum bóluefnanna
• þrátt fyrir að fjöldi landsmanna hafi hlotið ótímabæran dauðdaga fyrir tilverknað efnanna og að Ísland sé í hópi þjóða með flest umframdauðsföllin
• þrátt fyrir að fjöldi íþróttamanna og fjölmiðlamanna hafi misst meðvitund eða látist í beinni útsendingu
• þrátt fyrir að löngu sé ljóst að efnið sé gagnslaust sem smitvörn og
• þrátt fyrir að rannsóknir staðfesti að eftir því sem bóluefnið er þegið oftar aukast líkur þess bólusetta á að smitast af Covid. Það er sjúkdómnum sem bóluefnið átti að koma í veg fyrir.