Verður hjartastuðtæki jólagjöfin í ár?

Hvers vegna er fyrrverandi atvinnumaður í knattspyrnu, í góðu formi og fílhraustur, að koma sér upp hjartastuðtæki á heimilinu? Ekki er ólíklegt að kaupin á hjartastuðtæki til heimilsnota tengist miklum fjölda skyndidauðsfalla. Um heim allan og oft í beinni útsendingu detta afreksmenn í íþróttum dauðir niður. Látast svonefndum „skyndidauða“. Keppst er við að halda því fram að um „eðlileg“ dauðsföll sé að tefla. Hlekkurinn leiðir á skrá yfir 2.066 íþróttamenn með alvarlegan hjartaskaða, af þeim eru 1.446 látnir frá upphafi Covid bólusetninganna.

Fyrr má nú rota

Við hjónin eigum farseðla með Icelandair til Orlando sem kostuðu USD 1.018 með sköttum og gjöldum um mitt síðasta ár. Nú stendur hugur okkar til að flýta för okkar til Florida um hálfan mánuð. Athugun leiðir í ljós að til að breyta miðunum þurfum við að greiða Icelandair 171.000 eða USD 1.220. Breyting á miðunum tvöfaldar fargjaldið til Orlando. Á vef Icelandair má sjá að séu farseðlar keyptir í dag kosta miðarnir það sama á báðum dagsetningum. Það er því Icelandair að „kostnaðarlausu“ að breyta miðunum. Að sjálfsögðu er eðlilegt sem fyrr að hófleg greiðsla sé innt af hendi fyrir breytingar á farseðlum. En fyrr má nú rota en dauðrota eins og gömul kona hafði á orði þegar henni blöskraði.

Heilbrigðisstarfsmenn afþakka mRNA - þingmenn krefjast gagna um dauðsföll

Framlínustarfsmenn í breskri heilbrigðisþjónustu sýndu covid mRNA örvunarsprautu vetrarins takmarkaðan áhuga. Einungis 28,4% hjúkrunarkvenna þáðu sprautu. Athygli vekur að 60,5% lækna ákváðu að þiggja ekki mRNA efnið. Yfir heildina afþökkuðu 69,4% heilbrigðisstarfsmanna bóluefnið. Landlæknir hefur ekki greint frá móttökum íslenskra heilbrigðisstarfsmanna við boði um örvunarbólusetningu vetrarins.

The Telegraph greinir frá erindi hóps breskra þingmanna til bresku hagstofunnar (ONS) þess efnis að upplýsingagjöf um dauðsföll verði breytt þannig að unnt verði að nota tölurnar til að leggja mat á öryggi covid mRNA efnanna og smitvarnarmátt. Að The Telegraph hafi breytt um stefnu og birti nú dag eftir dag fréttir sem tengjast skaðsemi covid bóluefnanna markar kaflaskil á Bretlandseyjum. Það væri eins og Morgunblaðið og Ruv ryfu þagnarmúrinn um skaðsemi bóluefnanna sem við landsmönnum blasa hérlendis.

Gullæði lyfjaframleiðenda í kjölfar setningu skaðleysislaganna 1986

Öldungardeildarþingmaðurinn Ron Johnson stóð nýlega fyrir hringborðsumræðu vestra sem vakið hefur athygli og umræðu. Á málþinginu var rætt um „heilbrigðisstofnanir alríkisstjórnarinnar (CDC, FDA og NIH) og covid lyfjaframleiðendur (covid cartel): Hvað eru þau að fela?“

Meðal frummælenda á málþinginu var Del Bigtree sem er kosningastjóri Roberts F. Kennedy Jr. í framboði hans til embættis forseta Bandaríkjanna. Bigtree stofnaði samtökin ICAN (Informed Consent Action Network) 2016 sem hafa á stefnuskránni að rannsaka öryggi lyfja þ.m.t. bóluefna og berjast fyrir rétti almennings til upplýstrar ákvörðunartöku um lyfjameðferð og bólusetningar.

Með tilliti til fjárhagslegra hagsmuna hluthafa lyfjaframleiðenda er ekki að undra að samtökin ICAN séu kynnt í fjölmiðlum vestra sem stórhættuleg og sem forðast beri að taka hið minnsta mark á. Til að átta sig á þessari stöðu þarf að hafa hugfast að Bandaríkin eru eina landið í heiminum ásamt Nýja Sjálandi sem heimila auglýsingar lyfseðilskyldra lyfja. Stór hluti auglýsingatekna fjölmiðla kemur frá lyfjaframleiðendum. Fjölmiðlarnir eru því fjárhagslega háðir lyfjaframleiðendum sem gerir þeim nánast ókleift að fjalla með gagnrýnum hætti um vörur lyfjaframleiðenda.

Hvers vegna Bigtree er úthrópaður vestra af lyfjaframleiðendum og fjölmiðlum vestra sem hinn mesti mykjudreifari villandi upplýsinga er lesandanum ljóst af eftirfarandi:

Í máli Del Bigtree kom fram að ekkert bóluefna sem falla undir áætlun CDC um barnabólusetningar hafi farið í gegn um hefðbundna klíníska lyfjarannsókn með tveimur hópum, annars vegar hópi sem gefið er lyfið sem verið er að prófa meðan hinn hópurinn er sprautaður með lyfleysu. Þ.e. double-blinded. Að hvorki sá bólusetti né rannsakandinn viti hvort hann hafi verið sprautaður með bóluefninu sem verið er að prófa eða lyfleysunni. „Þar sem þessi tilhögun klínískrar prófunar er eina leiðin til að kanna hvort lyf sé öruggt, þá geta sóttvarnaryfirvöld ekki fullyrt að barnabóluefnin séu örugg“ sagði Bigtree.

Og áfram hélt Bigtree. „Á níunda áratug síðustu aldar þegar barnasprauturnar voru 11 með þremur efnum var tíðni krónískra veikinda barna (tauga- og ónæmiskerfið talin með) 12,8%. Eftir setningu laga frá 1986 um barnabóluefnaskaða (1986 National Childhood Vaccine Injury Act) sem reistu varnarmúr skaðleysis um lyfjaframleiðendur hafi barnaáætlunin þanist út. Barnabólusetningum fjölgaði mikið. Afleiðingarnar létu ekki á sér standa. Tíðni krónískra sjúkdóma barna er komin upp í 54% á árinu 2012. Við vitum ekki hversu mikið þetta hefur versnað síðan 2012 en ljóst er að við erum að horfa á stærstu afturför á heilsufari almennings í mannkynssögunni“ sagði Bigtree.

Klippan sýnir þróunina frá 1986. Sprautur vinstra megin, tíðni sjúkdóma barnanna hægra megin.

Fjölgun látinna ungbarna og andvanafæddra

Singapore er meðal þeirra landa í heiminum þar sem bólusetningarþekja covid mRNA efnanna er hvað mest og er þar í hópi þjóða með Íslandi og Norðurlöndunum. Tölur fyrir árið 2023 sýna að dauðsföllum ungbarna (látast í fæðingu eða innan 7 daga samkvæmt skilgreiningu hagstofu landsins) hefur fjölgað um 53% frá árinu 2021 og andvanafæddum (fóstur fjarlægt án lífsmarks einhvern tíma eftir 22 vikna meðgöngu) hefur fjölgað um 87% frá 2021. Mikil fjölgun milli áranna 2022 og 2023 vekur spurningar í Singapore þegar dauðsföllum ungbarna fjölgaði um 25% og andvanafæddum fjölgaði um 33%.

Hagstofa Íslands hefur ekki enn birt tölur um ungbarnadauða á árinu 2023.

Brettið upp ermina – sprauta nr. 9 er á leiðinni

Sóttvarnarstofnun Bandaríkjanna CDC samþykkti í vikunni að mæla með 9 covid sprautunni (7 örvunarsprautunni) við eldri borgara þar sem CDC telur þá í aukinni hættu á alvarlegum veikindum af völdum veirunnar. Athygli vekur að sprautu 7 er ætlað að virka á EG.5 afbrigði veirunnar þrátt fyrir að afbrigðið finnist ekki lengur. CDC hefur uppfært ráðleggingar til almennings vegna mRNA efnanna og ráðleggur nú öllum 6 mánaða og eldri að láta sprauta sig. Þar með talið ófrískum – á hvaða stigi meðgöngu sem er.

Á fundi CDC lýstu fundarmenn áhyggjum sínum vegna dræmrar þátttöku í covid bólusetningum meðal þjóðarinnar. Þannig hafa einungis 13% barna verið bólusett við Covid og 22% fullorðinna viðhaldið örvunarbólusetningum. Hlutfall bólusettra meðal 65 ára og eldri er einungis 42%.

Okkur til glöggvunar sem eru búin að missa töluna á fjölda örvunarbólusetninga sóttvarnarlæknis er klippan að neðan hjálpleg. Neðri klippan sýnir hvernig EG.5 afbrigðið sem næstu sprautu er ætlað að verjast mælist hverfandi, eða 0,1%. En hvað gerir CDC og embætti landlæknis ekki fyrir hluthafa Pfizer?

Danmörk hætti notkun AstraZeneca vegna blóðtappa í mars 2021

Til þessa hafa meginstraumsmiðlar í Bretlandi lítt eða ekki greint frá efasemdum í garð covid bóluefnanna og hvað þá hugsanlegum skaða af þeirra völdum. Það þótti því marka kaflaskil á Bretlandeyjum þegar dagblaðið The Telegraph, sem er meðal mest lesnu dagblaða í UK með yfir hálfa milljón lesenda, greindi í byrjun viku frá kröfu hóps þingmanna um rannsókn á breskum lyfjaeftirlitsaðila (MHRA). Talið er að MHRA hafi láðst að gera almenningi viðvart um hjarta- og blóðtappa aukaverkanir bóluefnisins AstraZeneca sem þeim var kunnugt um strax í febrúar 2021 eða örfáum vikum eftir að bólusetningar hófust.

Danmörk hætti að nota efnið 11. mars 2021 vegna hættu á blóðtappa en þá höfðu tveir greinst með blóðtappa í landinu í kjölfar bólusetningar og annar þeirra látist. Nokkur önnur Evrópulönd hættu notkun AstraZeneca í apríl 2021. MHRA varaði ekki við bóluefninu fyrr en 7. apríl 2021 en þá höfðu 24 milljónir einstaklinga þegið efnið.

En hvað með Ísland? Haldið var áfram að nota AstraZeneca á Íslandi þrátt fyrir sterkar vísbendingar um skaða af völdum efnisins og samkvæmt bóluefnayfirliti landlæknis, sem lengi mátti nálgast á covid.is, mátti sjá að landsmenn þáðu 115.945 skammta af AstraZeneca á árinu 2021 sem var 16,1% bólusetninga ársins. Í lok apríl nam fjöldi bólusetninga á Íslandi með AstraZeneca 45.305 eða 39,1% af heildarfjölda bólusetninga með því efni á árinu. Því er ljóst að landsmenn þáðu 70.640 skammta af AstraZeneca eftir að Danir og fleiri þjóðir höfðu hætt notkun efnisins. Til að mynda dagana 30.6. og 1.7.2021 voru 24.910 einstaklingar sprautaðir með AstraZeneca, það er þremum og hálfum mánuði eftir að Danir höfðu stöðvað notkun efnisins. Síðasti stóri AstraZeneca dagurinn var 14.7.2021 þegar 1.923 voru sprautaðir með efninu.

Samkvæmt yfirliti Lyfjastofnunar höfðu stofnunni borist 26 tilkynningar um andlát í kjölfar bólusetningar í lok júní 2021. Ekki kemur fram á yfirlitinu hvaða tegund bóluefnis hinir látnu höfðu þegið.