73,9% krufinna létust af völdum Covid mRNA efnanna

Merkilegt að sjá lyfjaframleiðendur lúta í lægra haldi og mistakast að koma í veg fyrir birtingu óþægilegra niðurstaðna rannsókna í Lancet. Staðfestir hversu niðurstöðurnar um líklegt orsakasamband mRNA efnanna og dauðsfalla sem rannsóknin leiðir í ljós eru óhrekjanlegar. 

Við skoðun á krufningaskýrslum 325 bólusettra einstaklinga kom í ljós að dánarorsök 240 eða 73,9% var bein eða að stærstum hluta afleiðing Covid-19 bólusetningar. Meðaltími frá bólusetningu var 14,3 dagar. Flest dauðsföllin urðu innan viku frá síðustu bólusetningu. Algengasta dánarorsökin var skyndilegur hjartadauði eða 39%, lungnablóðrek 12,5%, hjartadrep 12%, og hjartavöðvabólga 7%.

Ritrýnd rannsóknin á sér sögu. Lancet birti hana fyrir ári áður en hún hafði verið ritrýnd en sá háttur er sá algengi. Niðurstöður rannsóknarinnar þóttu að vonum afar sláandi og taka af vafa um skaðsemi mRNA efnanna. Heimsóknir á heimasíðu Lancet töldust í hundruðum þúsunda þegar á fyrsta sólarhring. Áhuginn á niðurstöðum rannsóknarinnar kom lyfjarisunum að vonum illa og er talið að þrýstingur frá þeim hafi leitt til þess að ritstjórn Lancet tók ákvörðun um að loka fyrir aðgang að rannsókninni.

Að niðurstöður rannsóknarinnar komi nú ritrýndar fyrir almenningssjónir að nýju staðfestir að ekkert hefur fundist aðfinnsluvert við framkvæmd rannsóknarinnar og að niðurstöðurnar standi en þær leiða sterkar líkur að orsakasambandi covid bólusetninga og dauðsfalla.

Niðurlæging Hagstofu Íslands

Hvernig forsætisráðherra lætur Embætti landlæknis komast upp með að hindra Hagstofu Íslands við að gegna lögbundnu hlutverki sínu ber vott um metnaðarleysi en Hagstofan heyrir undir forsætisráðuneytið. Eins og neðangreind klippa af fréttavef Hagstofunnar undir efnisflokknum Mannfjöldi það sem af er ári 2024 ber með sér hafa tölur um fæðingar og fjölda látinna á árinu 2023 ekki enn verið birtar. Sjá má að í maí í fyrra hafði Hagstofan upplýst í 5 fréttatilkynningum (gul yfirstrikun) um fæðingar og látna fyrra árs og tölur fyrsta ársfjórðungs 2023. Landlæknir virðist hafa náð yfirtökunum með samstarfssamningi aðila í mars 2023 um „framleiðslu hagtalna“. Því miður á málshátturinn „engar fréttir eru góðar fréttir“ ekki við um þögn Hagstofunnar.

Í lögum um Hagstofu Íslands segir í fyrstu grein; að Hagstofan sé  sjálfstæð stofnun sem heyrir undir forsætisráðherra og vinnur að opinberri hagskýrslugerð samkvæmt lögum þessum. Hún er miðstöð opinberrar hagskýrslugerðar í landinu og hefur forustu um tilhögun, samræmingu og framkvæmd hennar svo og um samskipti við alþjóðastofnanir um hagskýrslu- og tölfræðimál.

 

Líkur á aukaverkunum í kjölfar ungbarnabólusetninga veldisvaxa með fleiri sprautum

The Defender greinir frá niðurstöðum ritrýndar rannsóknar í International Journal of Vaccine Theory, Practice and Research sem kallar á endurskoðun fyrirkomulags barnabólusetninga. Niðurstöðurnar sýna með 99,99% vissu að eftir því sem barn á fyrsta ári fær fleiri sprautur á einum og sama deginum aukast líkur barnsins margfalt (veldisvöxtur) á að fá sýkingu, öndunarfærasjúkdóm eða greinast með þroskatafir í kjölfar bólusetningar.

Niðurstöðurnar byggja á gögnum sem spanna bólusetningar á 20 ára tímabili með 1.542.076 samsetningum bóluefna sem gefin voru börnum undir eins árs aldri.

Í klippu má sjá yfirlit á vef Embættis um almennar bólusetningar barna á Íslandi frá febrúar 2024. Ljóst er að íslenska fyrirkomulagið með fleiri en einni bólusetningu í þremur heimsóknum á aldrinum þriggja til tólf mánaða leiðir til mun fleiri aukaverkana hjá ungbörnum en ella væri bólusetningum dreift.

Var manngerðri SARS-CoV-2 veirunni sleppt af ásetningi?

Fram kom í vitnisburði fyrir þingnefnd öldungadeildar bandaríska þingsins að líkurnar á að veiran sem veldur Covid-19 hafi borist í manninn úr náttúrunni séu 1 á móti 1.200 milljónum. Líkurnar á að veiran hafi orðið til í náttúrunni og borist í menn séu reiknanlegar vegna sérkenna hennar. Til samanburðar eru líkurnar á að vinna stærsta vinninginn í Euromilljón 1 á móti 140 milljónum.

Ekki er lengur deilt um að veiran sem olli sjúkdómi sem orðið hefur milljónum að aldurtila var manngerð á rannsóknarstofu. Ekki er vitað hvort veirunni var hleypt viljandi út meðal almennings en sterkar vísbendingar eru um ásetningsverk. Án tæmandi upptalningar vekur athygli hvernig lyfjaframleiðendur voru undirbúnir með aðstöðu til fjöldaframleiðslu á bóluefnum við manngerðri veirunni mörgum mánuðum áður en hún barst út meðal almennings af rannsóknarstofunni í Wuhan.

Ekki síður vekur athygli óaðfinnanleg tímasetning hlutabréfakaupa Bill Gates í BioNTech, framleiðanda mRNA efnis Pfizer, en hann fjárfesti í fyrirtækinu rétt áður en veiran barst út af tilraunastofunni. Hagnaður Bill Gates af fjárfestingunni fyrir skatta nam $260 milljónum sem samsvarar 36 milljörðum íslenskra króna og hafði fjárfestingin 15 faldast að verðmæti.

Bill Gates, stofnandi Microsoft og einn ríkasti maður heims, virðist vera alltumlykjandi með afskiptum sínum af heilsufari almennings og aðgerðum til loftslagsbreytinga. Ítök hans og áhrif eru meiri en flestra þjóðríkja. Að Bill Gates skuli vera meðal stærstu fjármögnunaraðila WHO og áhrifavaldur á grundvelli fjármagns í tilraunum til að fá nýjan faraldurssáttmála samþykktan ásamt breytingum á reglum stofnunarinnar ætti að vera stjórnvöldum umhugsunarefni.

Japanir telja prófanir nauðsynlegar áður en blóðafurð mRNA bólusettra er gefin blóðþega

Vísindamenn frá sjö japönskum stofnunum á heilbrigðissviði hafa birt ritgerð um hættur tengda blóðgjöf mRNA bólusettra einstaklinga. Telja þeir ástæðu til varfærni og leggja þeir til nokkrar athuganir á blóðinu áður en það er gefið blóðþega.

Ritgerðinni er ætlað að vekja athygli heilbrigðisstarfsmanna á eitrunaráhrifum gaddapróteinsins í blóði „long-covid“ sjúklinga og/eða einstaklinga sem þegið hafa covid mRNA efnin. Umfjöllunin beinist eingöngu að hættunni af blóðgjöf mRNA bólusettra þar sem þeir hafi með bólusetningu undirgengist meðferð á erfðaefni fremur en þegið bóluefni með hefðbundinni virkni.

Í klippu rekja vísindamennirnir prófin sem þeir telja að framkvæma þurfi áður en blóð mRNA bólusettra eða sjúklinga með long-covid er gefið blóðþega. Samkvæmt upplýsingum á blóðgjafasíðu Blóðbankans dags. 12.4.21 er eftirfarandi að finna um blóðgjöf covid bólusettra: „Þar sem Pfizer/BioNTech eða AstraZeneca COVID-19 bóluefni eru ný, þá er mælt með 7 daga fresti sem varúðarsjónarmið bæði fyrir blóðgjafa og blóðþega.“

Stefnan sett á krabbameinslyfin

Forstjóri Pfizer stólar á hagnað af vaxandi framleiðslu fyrirtækisins á krabbameinslyfjum á komandi árum enda ekki lengur hagnaðarvon af framleiðslu Covid-19 bóluefnisins sem skilað hefur fyrirtækinu tugmilljarða dollara ávinningi. Því miður stefnir í að forstjórinn sé að veðja á réttan hest við kaup á verksmiðjum til framleiðslu krabbameinslyfja því rannsóknir hafa staðfest mikinn vöxt krabbameins í kjölfar bólusetninganna. Hér á Íslandi höfum við skjalfesta 9% fjölgun dauðsfalla af völdum illkynja krabbameins í dánarmeinaskrá Embættis landlæknis á árinu 2022.

Því skal engan undra þegar hluthafar Pfizer telja arðsöm ár framundan við framleiðslu krabbameinslyfja. Það er framleiðslu lyfja til að takast á við skaðann sem covid mRNA bóluefni fyrirtækisins hefur átt þátt í að valda.

Tíðni vægrar vitsmunaröskunar vex meðal bólusettra

Ekki sér fyrir endann á umfangi skaðans af völdum mRNA efnanna og fáar vikur líða án þess að fréttir eða niðurstöður rannsókna komi fyrir augu almennings sem varpa birtu á afleiðingar notkunar allt að því óreyndra efnanna. Dr. Hiroto Komano, þekktur taugavísindamaður og prófessor við Iwate læknaháskólann í Japan hefur deilt áhyggjum sínum af fjölgun greininga einstaklinga með væg elliglöp í kjölfar covid mRNA bólusetninga.

Japanski prófessorinn vísar til rannsóknar frá Suður Kóreu hverra niðurstöður voru birtar 28. maí s.l. í International Journal of Medicine. Rannsóknin er athygliverð fyrir þær sakir að þar er heilsa 558.017 einstaklinga sem þáðu tvær Covid-19 mRNA bólusetningar borin saman við heilsufar 38.687 einstaklinga sem ekki voru bólusettir. Þetta er einhver stærsta rannsókn sinnar tegundar og því vel marktæk.

Meðal niðurstaðna er að fjöldi einstaklinga sem greindust með væg einkenni vitsmunaröskunar (MCI mild cognative impairment) voru tvöfalt fleiri hlutfallslega hjá þeim bólusettu í samanburði við þá óbólusettu. Jafnframt kom fram í rannsókninni að innan þriggja mánaða frá bólusetningu hafði fjöldi þeirra sem greindust með MCI og Alzheimer sjúkdóminn fjölgað um 20% í bólusetta hópnum umfram þann óbólusetta.

Hví ekki að feta í spor Kansas ríkis?

Kansas ríki í Bandaríkjunum hefur höfðað mál á hendur lyfjaframleiðandanum Pfizer  fyrir ætluð brot á neytendalögum ríkisins tengda framleiðslu og markaðssetningu fyrirtækisins á Covid-19 bóluefnum sem sögð voru örugg þrátt fyrir vitneskju um að bóluefnið tengdist alvarlegum aukaverkunum. Að almenningur hafi verið blekktur vísvitandi þar sem Pfizer hafi verið kunnugt um alvarlegar aukaverkanir efnisins eins og hjartavöðvabólgu, gollurhúsabólgu, fósturlát og dauðsföll. Að Pfizer hafi leynt almenning mikilvægum upplýsingum um öryggi efnanna.

Saksóknari Kansas sagði ríkið draga lyfjaframleiðandann til ábyrgðar fyrir að halda ranglega fram kostum Covid-19 bóluefnisins og leyna áhættunni tengdri notkun þess. Þar á meðal hverfandi gagnsemi efnisins sem vörn við sýkingu og getu þess til að hindra smit. Í málsskjölum kemur fram að lyfjaframleiðandinn hafi með misvísandi upplýsingagjöf um öryggi og virkni bóluefnisins hagnast um metfjárhæðir eða sem nemur allt að 75 milljörðum dollara á einungis tveimur árum.

Afsalaði Ísland sér bótarétti?

Engar spurnir hafa borist af viðbrögðum stjórnvalda hér á landi við skaða af völdum mRNA efnanna sem endurspeglast í mánaðarlegum umframdauðsföllum eins og sjá má á súluritinu sem byggir á gögnum Evrópsku hagstofunnar (Eurostat) sem íslenskir hagtöluframleiðendur (þ.e. Hagstofan og/eða Embætti landlæknis) láta stofnuninni í té. Súluritin þrjú sýna uppsöfnuð umframdauðsföll 40 til 49 ára, 75 til 84 ára og allra landsmanna. Ljóst er að umframdauðsföllin á Íslandi nálgast 400 og sýnist ekkert lát á. Á bak við umframdauðsföllin eru þúsundir Íslendinga sem eiga við sjúkdóma að etja og fækkar nú fjölskyldum þar sem bóluefnaskaðinn hefur ekki gert vart við sig.

Áskorun til Jakobs Frímanns Stuðmanns og Tómasar í Hamborgarabúllunni

Súluritið sýnir árlegan fjölda tilkynninga um hjartavöðvabólgur í kjölfar bólusetninga í VAERS gagnagrunninn bandaríska. Skaði mRNA kovid bóluefnanna á hjartað getur ekki verið skýrari þegar horft er á fjölgun tilkynninganna í gagnagrunninn 2021 eða sama árið og mRNA bólusetningarnar hófust.

Reynsluboltar úr atvinnulífinu í hópi þingmanna, þeir Jakob Frímann Magnússon og Tómas Tómasson, eru báðir komnir á eftirlaunaaldur og geta því tekist á við kerfið án þess að óttast um atvinnu og afkomu. Sem þingmenn eru þeir í aðstöðu til að opna umræðuna um skaðann sem bóluefnin hafa valdið á heilsu landsmanna. Þeir eru hér með hvattir til að marka spor sín í þingsöguna með því að gera þetta stórmál að sínu. Utan þings er hópur sérfræðinga tilbúinn að vista þingmennina gögnum og niðurstöðum fjölda rannsókna sem staðfesta skaðsemi efnanna auk þess sem þeir hafa aðgang að þekktum erlendum læknum sem eru tilbúnir að leggja þeim lið. Það eru ófáar fjölskyldurnar á Íslandi sem eiga um sárt að binda vegna bóluefnanna og myndu fagna framtaki þeirra.

Hvenær ætla þau að kveikja á perunni?

Að á Íslandi finnist einstaklingar í stjórnunarstöðum innan heilbrigðiskerfisins sem enn telja Covid mRNA bóluefnin bæði örugg og gagnleg er undrunarefni. Engu er líkara en að yfirmönnunum hafi tekist að leiða hjá sér niðurstöður fjölda rannsókna sem sýna glögglega að bóluefnin koma hvorki í veg fyrir sýkingu af völdum veirunnar eða koma í veg fyrir að hún smitist. Aukinheldur getur ekki verið að fjöldi umframdauðsfalla í beinu framhaldi bólusetninga hafi farið fram hjá stjórnendum. Hægur vandi er fyrir æðstu stjórnendur skrifstofu landlæknis að kynna sér dánarmeinaskrá embættisins fyrir árið 2022 sem upplýsir 9% fjölgun dauðsfalla af völdum illkynja krabbameins.

Tvær myndir sem augljóslega sýna skaðann af völdum bóluefnanna kunna að hjálpa trúnaðarstarfsmönnum þjóðarinnar á heilbrigðissviði að kveikja á perunni. Ekki væri verra ef einhver 63 þingmanna áttaði sig einnig. Sú fyrri sýnir hjartatengd útköll sjúkrabíla vegna 30 ára og yngri á árunum 2017 til og með mars 2022 í West Midland UK. Hvernig rauðar súlur ársins 2021 taka stökk á vormánuðum og haldast háar út árið og fyrstu 3 mánuði ársins 2022 er sterk vísbending um skaðsemi mRNA efnanna en bólusetningar hófust vorið 2021 eða um leið og útköllunum vegna hjartatengdra áfalla fjölgar.

 

Reynsla Vestur Ástrala er afdráttarlaus: