Það mun ekki taka 12 ár að þessu sinni

Niðurstöður nýlegrar rannsóknar sem birt var í BMJ Public Health leiða líkur að orsakasambandi Covid mRNA bóluefnanna og fjölgun dauðsfalla. Niðurstöðurnar hafa vakið mikla athygli og hafa verið lesnar af fleirum á vef vísindaritsins en nokkrar rannsóknarniðurstöður sem birst hafa í ritinu áður. Kaflaskil urðu í umfjöllun um bóluefnaskaðann þegar breska blaðið Telegraph greindi frá niðurstöðum rannsóknarinnar á forsíðu.

Að vonum koma niðurstöður hollensku vísindamannanna illa við lyfjaframleiðendur og fjárhagslega hagsmuni hluthafa þeirra og því gengur nú maður undir manns hönd við að gera niðurstöður rannsóknarinnar tortryggilegar. Markmiðið er að greinin með niðurstöðum rannsóknarinnar um að full ástæða sé til að skoða nánar samband covid bólusetninganna og umframdauðsfalla verði dregin til baka.

Hér er kunnuglegri aðferðafræði beitt af lyfjaframleiðendum þegar óþægileg tíðindi berast af hættulegum aukaverkunum lyfja. Frægt er þegar tímaritið Lancet dró til baka 12 ára gamla rannsókn árið 2010 sem leiddi sterkar líkur að sambandi MMR bólusetningar (mislingar, hettusótt og rauðir hundar) og einhverfu. Í þessu samhengi er vakin athygli foreldra og heilbrigðisstarfsmanna á nýrri kvikmynd sem fær afbragðsdóma og nefnist Protocol 7 en hún fjallar um baráttu foreldris einhverfs barns við kerfið.

Eftir að hafa kynnst vinnubrögðum og forherðingu lyfjaframleiðenda á liðnum misserum í tengslum við covid bóluefnin er því hér spáð að ekki muni líða 12 ár þar til hollenska rannsóknin í BMJ Public Health verður dregin til baka af tilbúnum ástæðum. Það mun ekki taka nema örfáar vikur að þessu sinni nú þegar lyfjaframleiðendur eru komnir í æfingu við að tryggja þögn stjórnmálamanna, stjórnsýslu og fjölmiðla.

Hagstofustjóri undir hæl landlæknis

Júní mánuður er hálfnaður og enn bólar ekki á tölum á heimasíðu Hagstofu Íslands um fjölda látinna á árinu 2023 og fyrsta fjórðungi þessa árs. Tölur um fæðingar hafa fylgt dánartölum á liðnum árum. Klippan sýnir birtingardaga talnanna á vef Hagstofunnar á síðustu árum. Eftir að samstarfssamningur um „framleiðslu hagtalna“ var gerður á milli Hagstofu Íslands og Embætti landlæknis í mars 2023 virðist tafa á upplýsingagjöf fara að gæta.

Súluritið sýnir íslensk umframdauðsföll á vef Evrópsku hagstofunnar (Eurostat). Hlutfall umframdauðsfalla á Íslandi hefur um missera skeið verið meðal þeirra hæstu í Evrópu. Hátt hlutfall umframdauðsfalla samanborið við nágrannaþjóðirnar er vitnisburður um slakan sóttvarnarárangur Embættis landlæknis.

Ein birtingarmynd skaða af völdum mRNA bóluefnanna er að fæðingum hefur fækkað á liðnum misserum bæði hér á landi og erlendis. Fæðingum á Landspítalanum hefur fækkað um 4,7% á fyrstu fimm mánuðum ársins.

Miður er að sjá Hagstofu Íslands, sem landsmenn verða að geta treyst fyrir réttum og tímabærum tölum bæði á góðum tímum og slæmum, lenda undir hæl landlæknis um birtingu talna um dauðsföll og fæðingar.

Landlæknir staðfestir fjölgun dauðsfalla af völdum krabbameins

Dánarmeinaskrá landlæknis fyrir árið 2022 upplýsir að dauðsföllum af völdum illkynja æxla á Íslandi fjölgaði um 9% á árinu 2022. Illkynja æxli í blöðruhálskirtli dró 21% fleiri til dauða en á fyrra ári, eitilæxli 17%, mergæxli 40%, æxli í brisi 23% og dauðsföllum af völdum hvítblæðis fjölgaði um 33% frá fyrra ári.

Íslenski veruleikinn á sér japanska hliðstæðu þar sem þarlendir vísindamenn telja sig hafa fundið tengsl á milli bólusetninga og 6 tegunda krabbameins í stærstu rannsókn til þessa á skaða af völdum kóvid mRNA bóluefnanna. Gagnagrunnur með öllum 123 milljónum Japana lá undir í rannsókninni en Japanir eru ein bólusettasta þjóð heimsins. Krabbameinin eru í eggjastokkum, munnholi (vörum, munnholi og barka) blöðruhálskirtli, brisi, brjóstum auk hvítblæðis.

Íslendingum koma niðurstöður japönsku vísindamannanna ekki á óvart því þær eru í samræmi við reynsluna hérlendis sem Embætti landlæknis hefur staðfest.

Áströlskum foreldrum fækkar sem treysta barnaefnunum

Áströlsk stjórnvöld leita nú leiða til að stöðva fækkun foreldra sem velja að láta bólusetja börnin sín. Fækkunin hófst í júní 2021 þegar fyrstu áhrifa covid bólusetninga tók að gæta meðal landsmanna. Bólusetningum barna frumbyggja hefur fækkað meira en annarra. Þannig hefur MMR þekjan  dregist saman hjá börnum frumbyggja úr 94% 2021 í 91% í desember s.l. Þróunin veldur þarlendum stjórnvöldum áhyggjum því á síðustu 25 árum hefur bólusetningarþekja ástralskra barna vaxið úr tæplega 80% í liðlega 94%.

Samkvæmt umræðuskjali telja áströlsk stjórnvöld samband á milli covid-19 og dvínandi þátttöku barna í bólusetningum. Í skjalinu er greint frá 68,7 milljón bólusetningum í Ástralíu gegn SARS-CoV-2 veirunni. Rannsóknir benda til að 1 af hverjum 1.000 sprautum gegn covid kosti mannslíf. Umframdauðsföll hafa hlaðist upp í Ástralíu frá mars 2021, eða einum mánuði eftir að bólusetningar hófust, og nam fjöldi dauðsfalla umfram það sem gera hefði mátt ráð fyrir liðlega 48.000 í febrúar 2024 og sýnist ekkert lát á. Umframdauðsföllin af völdum bóluefnanna ásamt alvarlegum bóluefnaskaða sem flestar fjölskyldur verða varar í nærumhverfinu kann að eiga þátt í minni áhuga foreldra á að láta bólusetja börnin sín.

Önnur skýring á dvínandi vilja til bólusetninga er vaxandi þekking almennings á tilurð bóluefna samfara umræðu um mRNA efnin. Þannig fjölgar þeim foreldrum sem er kunnugt um að EKKERT bóluefnanna í barnaprógramminu hefur verið reynt i klínískri tvíblindri rannsókn þar sem annar hópurinn er bólusettur með virka efninu sem verið er að prófa og öðrum hópi sem fær lyfleysu (saltlausn). Rannsókn sem er framkvæmd með þeim hætti að bæði þátttakendum og þeim sem framkvæma rannsóknina er ókunnugt um hvort þátttakandi í rannsókninni fékk virka efnið eða lyfleysuna. (double blinded). Sú aðferð er viðurkennd sem sú besta til að ganga úr skugga um öryggi bóluefnis og gagnsemi sem sýkingar- og smitvarnar. Foreldrum um heim allan fjölgar sem gera sér grein fyrir að ekki hefur verið staðið að prófunum á öryggi og virkni barnaefnanna með trúverðugri hætti en gert var með mRNA efnin. Bóluefni sem hvorki reyndust koma í veg fyrir sýkingu eða smit auk þess að valda verulegu tjóni á heilsu margra.

Ekki eru finnanlegar upplýsingar um hlutfall bólusettra íslenskra barna síðustu árin. Í klippunni er tafla úr ársskýrslu sóttvarna um almenna þátttöku í bólusetningum á Íslandi 2019 og 2020.

MMR bólusetningum frestað veturinn 2021/2022

Samkvæmt ársskýrslu Tryggingastofnunar ríkisins fyrir 2023 hefur árviss fjölgun einhverfra stöðvast. Hvers vegna einhverfum hættir að fjölga er ekki getið í skýrslunni en getur verið að ástæðan kunni að vera hlutfallslega færri MMR bólusetningar á fyrstu misserum covid? Klippan er úr ársskýrslu sóttvarna 2021.

Stöðug fjölgun einhverfra um áratuga skeið hefur ekki verið skýrð með trúverðugum hætti. Fjölgun einhverfra, sem líkist einna helst faraldri, er með ólíkindum þegar horft er til þess að á Íslandi höfðu innan við 100 einstaklingar greinst með einhverfu skömmu fyrir aldamót.

Að neðan má sjá súlurit sem sýnir þróun í fjölgun einhverfra í USA samkvæmt CDC ásamt spá um þróun. Þá er mynd af barnaprógramminu í USA sem sýnir fjölgun bóluefna á liðnum áratugum en þeim hefur ekki fjölgað með hliðstæðum hætti hérlendis. Neðst er myndin úr ársskýrslu TR sem getið er í upphafi.

Afdrifarík ákvörðun

Eins og línuritið úr farsóttaskýrslu fyrrverandi sóttvarnalæknis vegna ársins 2020 ber með sér er ljóst að alvarlegra veikinda af völdum Covid var að mestu hætt að gæta þegar leið að lokum ársins 2020. Fimm til sex einstaklingar voru á sjúkrahúsi vegna Covid og enginn þeirra á gjörgæslu. Því var ekki tilefni til að taka áhættuna af fjöldabólusetningu landsmanna með lítt reyndu tilraunabóluefni. Hvað þá að bólusetja unga og heilbrigða eða barnshafandi einstaklinga.

Að ekki væri knýjandi þörf fyrir bóluefnin lá fljótlega fyrir í klínísku rannsóknarferli bóluefnanna sem hespað var af í fljótheitum á nokkrum mánuðum 2020. Þátttakendur í klínískum tilraunum Pfizer með bóluefnið voru 43.448 að tölu, 21.720 fengu bóluefnið en 21.728 lyfleysu. 170 þátttakenda eða 0,4% fengu Covid-19 (162 í lyfleysuhópnum). Af þessum 170 sem greindust með Covid-19 varð lítt vart mikilla veikinda. Alvarlegar aukaverkanir greindust hjá fáum þátttakenda og voru svipaðar að fjölda í báðum hópum.

Pfizer tilraunin með mRNA efnið leiddi í ljós að af Covid-19 stafaði ekki mikil hætta. Fáir smituðust af sjúkdómnum og sóttin lagðist ekki af þunga á þá sem veiktust. Sérfræðingum í sóttvörnum hefði því mátt vera ljóst þegar leið á árið 2020 að svigrúm var til staðar til að ganga tryggilega úr skugga um öryggi tilraunabóluefnisins. Þegar línurit farsóttaskýrslunnar eru skoðuð við áramótin 2020/2021 er erfitt að sjá rökstuðning fyrir fjöldabólusetningum á Íslandi.

 

 

Gaddaprótín SARS-CoV-2 hraðar líffræðilegri öldrun

Samkvæmt niðurstöðum rannsóknar liggur fyrir að hver heimsókn starfsmanna heilsugæslunnar á hjúkrunarheimili landsins með covid mRNA bóluefnin hraðar líffræðilegri öldrun þeirra vistmanna sem bóluefnið þiggja. Enn ein ástæða umframdauðsfallanna sýnist fundin.

Rannsóknin leiðir í ljós að gaddaprótínið á SARS-CoV-2 veirunni sem veldur Covid-19 sjúkdómnum hraðar líffræðilegri öldrun (epigenetic age acceleration EAA). Niðurstöðurnar beinast að tveimur af níu einkennum öldrunar sem gaddaprótínið hefur áhrif á. Þetta eru epigenetic breytingar með metýleringu og telómera attrition. Virkni mRNA bóluefnisins byggir á fyrirmælum til frumunnar um að framleiða gaddaprótínið á yfirborði veirunnar sem hraðar líffræðilegu öldruninni.

Hröðun líffræðilegrar öldrunar af völdum gaddaprótíns SARS-CoV-2 veirunnar ásamt því gaddaprótíni sem mRNA bóluefnið gefur frumum líkamans fyrirmæli um að framleiða bætist við miður góða reynslu almennings af mRNA efninu. Það er að bóluefnið komi hvorki í veg fyrir sýkingu af völdum veirunnar né hindri smit. Niðurstöður rannsókna sýna að dánarlíkur bólusettra sem þurfa innlögn vegna öndunarfærasýkinga eru nær tvöfalt hærri en óbólusettra. Þar sem sýnt hefur verið fram á að líkur á að sýkjast af Covid vaxa með hverri bólusetningu er ljóst að mRNA efnin hraða öldrun bólusettra með margvíslegum hætti.

Tvöföld dánartíðni Covid bólusettra

Dánartíðni Covid bólusettra sem lagðir voru á sjúkrahús með alvarlega öndunarfærasýkingu var næstum tvöfalt hærri en óbólusettra samkvæmt tveggja og hálfs árs rannsókn sem gerð var af vísindamönnum við Ohio State University. Dánartíðnin meðal sjúklinga með Covid var 37% hjá þeim óbólusettu í samanburði við 70% hjá bólusettu sjúklingunum.

Niðurstöður rannsóknarinnar gera að engu þá röksemd fyrir notkun mRNA bóluefnanna að bólusetning dragi úr sjúkdómsáhrifum Covid. Gripið var til þeirrar réttlætingar fyrir notkun mRNA efnanna þegar ljóst var orðið fljótlega eftir að bólusetningar hófust að þau kæmu ekki í veg fyrir sýkingu og væru þar að auki gagnslaus sem smitvörn. Næstum tvöföld dánartíðni Covid bólusettra sem lagðir eru á sjúkrahús með öndunarfærasýkingu á við óbólusetta geirneglir gagnsleysi efnanna.

Niðurstöður rannsóknarinnar sýndu hækkaðan heildarstyrk IgG4 mótefna hjá þeim covid bólusettu. Talið er að endurteknar bólusetningar með mRNA Covid bóluefnum bæli ónæmiskerfið og leiði því til hærri dánartíðni af völdum óskyldra sjúkdóma og sýkinga.

Tölur um látna líta loks dagsins ljós

Íslenskar tölur um fjölda látinna hafa verið uppfærðar á vef Eurostat en hér hefur endurtekið verið vakin athygli á slakri upplýsingagjöf íslenskra hagtöluframleiðenda sem hafa verið allt að sjö vikum á eftir nágrannaþjóðum með tölurnar. Miðað við tölur látinna sem ná til 28. apríl hefur apríl liðið án umframdauðsfalla.

Súluritið sýnir hlutfall umframdauðsfalla eftir mánuðum frá miðju ári 2024 samkvæmt tölum á heimasíðu Embættis landlæknis. Við útreikninginn er miðað við reynslu áranna 2016 til 2019 og tekið tillit til mannfjöldaþróunar. Í töflunni er fjöldi látinna sem mætt hafa ótímabærum dauðdaga.

Það var þá ekki bóluefni eftir allt saman

Dómstóll í Bandaríkjunum hefur fellt dóm þar sem Covid mRNA bóluefnið er EKKI talið uppfylla skilyrði sem liggja til grundvallar hefðbundinni læknisfræðilegri skilgreiningu á bóluefni. Niðurstöðuna byggja þeir á þeirri staðreynd að ekki hefur verið sýnt fram á að bóluefnið komi í veg fyrir sýkingu eða að það hindri smit. Að efnið kunni að draga úr sjúkdómsáhrifum dugar ekki til að standa undir nafngiftinni.