Fæðingum fækkar á fyrsta ársþriðjungi um 5,8%

Línuritið sýnir samanburð á þróun fjölda fæðinga á Íslandi frá árinu 2019 og þróun fjölda kvenna á aldrinum 15 til 44 ára yfir sama tímabil. Þar sem Hagstofa Íslands hefur ekki enn birt tölur um fæðingar á árinu 2023 er notast við tölur úr starfsemisupplýsingum Landspítala fyrir árið 2023 og fyrstu 4 mánuði ársins 2024 sem sýna 5,8% fækkun fæðinga á spítalanum miðað við sömu mánuði 2023. Að notast við tölur spítalans til að áætla fjölda fæðinga á landinu öllu er gerlegt þar sem fæðingar á spítalanum hafa haldist hlutfallslega af heildarfjölda fæðinga á landinu um margra ára skeið.

Glöggt má greina á línuritinu hvernig lokanir og fjarvinna á fyrstu misserum covid, fyrir tilkomu bóluefnanna, leiðir til fjölgunar fæðinga. Eftir tilkomu bóluefnanna 2021 tekur fæðingum að fækka. Fækkunin var í fyrstu talin eðlileg afleiðing fyrri fjölgunar þar sem barneignum hafði verið flýtt. Haldreipi heilbrigðisyfirvalda í þeirri skýringu er ekki lengur til staðar. Fækkun fæðinga í kjölfar covid bólusetninga er ekki einskorðuð við Ísland. Hliðstæða þróun má sjá í tölum um fæðingar víða um heim.

Gaslýsing í yfirgír

Gaslýsingin við að hylja slóð alvarlegra aukaverkana covid bóluefnanna hefur ýmsar birtingarmyndir. Meðal annars frétt í Daily Mail þar sem fjallað er um ótrúlegan vöxt krabbameins um heim allan í kjölfar faraldursins og örsökin sögð veirunnar. Til að gæta sanngirni skal tekið fram að læknarnir sem vísað er til í fréttinni taka fram að þeir útiloki ekki að mRNA efnin séu orsakavaldurinn.

Forstjóri Moderna um skaðann af DNA í framleiðsluferli mRNA bóluefna

Kanadískir sérfræðingar hafa staðfest DNA mengun í lyfjaglösum undan covid mRNA bóluefnum Pfizer og Moderna í Ástraliu en rannsóknarstofan hafði áður sannreynt tilvist DNA í bóluefnaglösum í Kanada sem voru langt yfir leyfilegum mörkum þar í landi.

Í skýrslunni staðfestir Dr. Speicher að tilbúin DNA mengun í Pfizer bóluefninu var meira en 350 sinnum yfir skammtamörkum sem Ástralska lyfjaeftirlitið (TGA) setur (34.900% yfir) og yfir 200 sinnum yfir skammtamörkum fyrir Moderna (19.900% yfir).

DNA mengun mRNA bóluefnanna skýrir mikinn vöxt krabbameins bæði hérlendis og erlendis. Það sést best þegar varnaðarorð forstjóra Moderna eru lesin sem finna má í ritgerð um mikilvægi þess DNA sé fjarlægt í framleiðsluferli mRNA bóluefna. Þau taka af allan vafa um skaðsemi DNA mengunarinnar í mRNA bóluefnunum og hættuna sem af henni leiðir. Í klippum eru mynd af skýrslunni um mengunina og varnaðarorð forstjóra um skaðsemi DNA mengunar í bóluefnum.

Það sem er skelfilegast við þetta er að stjórnendum lyfjaframleiðendanna hefur verið kunnugt um DNA mengun bóluefnanna langt umfram leyfileg viðmið allt frá upphafi bólusetninga. Hér á Íslandi hljóta að vakna spurningar hjá almenningi og alþingismönnum:

• Hversu lengi hefur Embætti landlæknis verið kunnugt um DNA mengun bóluefnanna?
• Var haldið áfram að bólusetja eldri borgara á Íslandi eftir að embættinu varð kunnugt um mengun efnanna og hættuna á alvarlegum aukaverkunum sem hugsanlega myndu af hljótast?

Aukaverkunum sem eru fyrir allra augum og snerta flestar fjölskyldur á Íslandi í formi fjarvista frá vinnu vegna ýmissa alvarlegra sjúkdóma allt til dauðsfalla náinna ættingja og vina. Tölur landlæknis og Eurostat um umframdauðsföll sýna svart á hvítu hvernig bóluefnin hafa leikið landsmenn.

Íslensk framleiðsla hagtalna í skötulíki

Vefur Evrópsku hagstofunnar Eurostat var uppfærður í gær 5.6. með sundurliðun á fjölda látinna eftir vikum. Í klippunni eru tölur frá Norðurlöndum. Ekki liggur fyrir hvers vegna upplýsingagjöf Íslands er jafn ábótavant og raun ber vitni en nýjustu tölur um látna frá Íslandi eru fyrir viku 12 sem nær til 24. mars. Hagstofur Noregs og Danmerkur hafa gefið Eurostat upplýsingar um látna sem ná til loka viku 19 eða til 12. maí s.l. eða tölur sem ná til sjö vikna umfram það sem borist hefur frá framleiðendum hagtalna á Íslandi.

Ísland í öðru sæti 47 vestrænna ríkja

Í frétt á forsíðu Telegraph var greint frá niðurstöðum rannsakenda við Vrije háskólann í Amsterdam sem birt var í BMJ Public Health. Rannsóknin náði til tölulegra gagna 47 vestrænna ríkja sem leiða í ljós liðlega 3 milljónir umframdauðsfalla frá árinu 2020. Tafla sem fylgir rannsókninni staðfestir slakan sóttvarnarárangur Embættis landlæknis en Ísland var með annað hæsta hlutfall umframdauðsfalla meðal 47 vestrænna ríkja á árinu 2022.

Meginstraumsmiðill snýr við blaðinu

Með tíðum fréttaflutningi vísindaritstjóra The Telegraph þar sem opnað er á skaðsemi mRNA bóluefnanna er ljóst að orðið hafa mikilvæg kaflaskil. Þar til nýlega hefur þessi virti fjölmiðill skipað sér í hóp meginstraumsmiðla með þögn um aukaverkanir covid bóluefnanna. Ljóst er að ritstjórnarstefnu blaðsins hefur verið kúvent, þögninni aflétt og birtast nú greinar um skaðsemi bóluefnanna allt að því daglega.

The Telegraph greinir frá niðurstöðum rannsakenda við Vrije háskólann í Amsterdam sem birt var í BMJ Public Health. Rannsóknin náði til tölulegra gagna 47 vestrænna ríkja sem leiða í ljós liðlega 3 milljónir umframdauðsfalla frá árinu 2020. Rannsóknin sýnir að framhald varð á umframdauðsföllum þrátt fyrir tilkomu bóluefna og annarra sóttvarnaráðstafana.

Rannsakendur telja niðurstöðurnar, sem ekkert fordæmi eiga, kalla á rannsóknir á umframdauðsföllunum og þar með þátt bóluefnanna. Vísa rannsakendur til þess að á meðan faraldrinum stóð hafi stjórnmálamenn og fjölmiðlar hamrað daglega á mikilvægi mannslífa og bólusetninga til varnar Covid-19. Telja rannsakendur að hliðstæð siðfræði eigi við að faraldrinum afstöðnum og því verði að rannsaka til hlítar aukaverkanir bóluefnanna.

Tölur Embættis landlæknis og Evrópsku hagfræðistofnunarinnar staðfesta stöðu Íslands mánuð eftir mánuð í hópi þeirra landa sem flest umframdauðsföllin hafa. Þrátt fyrir þessa staðreynd hefur ríkt þögn um umframdauðsföllin í íslenskum fjölmiðlum. Að tugir Íslendinga mæti ótímabærum dauðdaga í mánuði hverjum umfram það sem gera hefði mátt ráð fyrir hefur ekki til þessa verið talið fréttnæmt.

Ekki vekur síður athygli hvernig ærandi þögn sýnist ríkja um málið á Alþingi. Sú aðferð íslenskra stjórnvalda að stinga höfðinu í sandinn og horfast ekki í augu við skelfilegar afleiðingar bólusetninganna mun senn reynast þeim ófær þar sem erlendar athuganir munu leiða hið sanna í ljós.

Getur verið?

Getur verið að að hátt hlutfall umframdauðsfalla á Íslandi mánuð eftir mánuð hafi átt þátt í niðurstöðum kosninganna?

Getur verið að einhverjir kjósenda hafi viljað forða forsætisráðherranum fyrrverandi frá því að lenda fyrirsjáanlega í þeirri erfiðu stöðu sem forseti lýðveldisins að staðfesta lagasetningu um skipun rannsóknarnefndar til endurskoðunar eigin embættisverka á faraldursárunum?

Getur verið að einhverjir kjósenda hafi viljað forða rannsóknarnefndinni frá því að lenda í þeirri erfiðu stöðu að endurskoða embættisverk forsetans í fyrra starfi, ráðherra í ríkisstjórn hennar og æðstu yfirmanna heilbrigðismála á faraldursárunum?

Getur verið að einhverjir kjósenda hafi talið rétt að forða fyrrverandi forsætisráðherra frá því að komast í aðstöðu til að hafa áhrif á endurskoðun ráðstafana á sviði sóttvarna á faraldurstímanum?

Getur verið að einhverjum kjósendum hafi ofboðið þegar þeim var boðið upp á myndbönd með fyrrverandi sóttvarnalækni ásamt helsta ráðgjafa hans og starfsmanns eiganda lyfjaframleiðenda til stuðnings framboði fyrrverandi forsætisráðherra og áttað sig á sig á að kjörið myndi hindra rannsókn á embættisverkum hinna sömu á faraldursárunum?

Getur verið að stór hluti þjóðarinnar hafi áttað sig á skynsemisbrestinum sem ákvörðun fyrrverandi forsætisráðherra að sækjast eftir embætti forseta lýðveldisins undir þessum kringumstæðum endurspeglar?

Tekist hefur að telja fjölda látinna á Íslandi í mars

Athygli vakti þegar Ísland reyndist eina landið í Evrópu sem ekki hafði náð að taka saman upplýsingar um fjölda látinna í mars mánuði fyrir Evrópsku hagfræðistofnunina (Eurostat) sem birtar voru 16.5. s.l. Upplýsingar um fjölda látinna í mars mánuði hafa nú verið birtar á vef Embættis landlæknis. Skelfileg þróun umframdauðsfalla heldur áfram á Íslandi og virðist ekkert lát á. Klippan af vef landlæknis sýnir að umframdauðsföllin í mars voru hærri en í janúar á þessu ári þegar þau voru með hæsta móti.

Eurostat hlutföllin um umframdauðsföllin eru hærri en landlæknis þar sem ekki er tekið tillit til þróunar mannfjöldans við útreikningana. Þegar tölur Eurostat hafa verið uppfærðar með upplýsingum um fjölda látinna í mars s.l. mun koma í ljós að Ísland heldur vafasömu toppsæti meðal Evrópuþjóða með fjölda látinna umfram það sem gera hefði mátt ráð fyrir miðað við reynslu áranna 2016 til 2019.

Í raun skiptir ekki hvort horft er á tölur Eurostat eða landlæknis. Ólík aðferðafræði við útreikninginn breytir í engu þeirri staðreynd að fjöldi Íslendinga mætir ótímabærum dauðdaga í mánuði hverjum.

Stórslysi forðað

Hér má sjá lista yfir helstu atriðin sem tókst að koma í veg fyrir að yrðu að veruleika á ársfundi WHO sem var að ljúka án þess að Tedros forstjóra stofnunarinnar og stærstu eigendum (þeirra á meðal Bill Gates) hafi tekist að fá nýjan faraldurssáttmála og flestar tillögur um breytingar á reglum (IHR) samþykktar.