Hvað skýrir 10,5% fjölgun bótaþega að afstöðnum faraldri?

Súluritið sýnir þróun fjölda einstaklinga á endurhæfingarlífeyri hjá Tryggingastofnun ríkisins frá 2019. Greiðslunum er ætlað að tryggja einstaklingi, sem getur ekki sinnt störfum á vinnumarkaði vegna slyss eða sjúkdóms, framfærslu meðan á endurhæfingu stendur. Til þess að eiga rétt á á endurhæfingarlífeyri þarf einstaklingurinn að vera í virkri starfsendurhæfingu og þar að auki að hafa tæmt veikindarétt hjá vinnuveitanda og fullnýtt bótarétt úr sjúkrasjóði stéttarfélags.

Covid-19 gekk nærri starfsþreki fjölda einstaklinga á fyrstu misserum flensunnar. Að ekki dragi úr fjölda þeirra sem eiga við veikindi að stríða þegar komið er fram á árið 2023 vekur spurningar. Hvernig má það vera að bótaþegum endurhæfingarlífeyris hjá TR fjölgi um 10,5% á milli áranna 2022 og 2023? Rétt er í þessu samhengi að minna á að hið tiltölulega meinlausa ómíkrón afbrigði Covid-19 tók yfir í ársbyrjun 2022 og næstum allir áttu að vera komnir með ónæmi, náttúrulegt eða ónæmi í framhaldi bólusetningar gegn sjúkdómnum. Þessi þróun er uggvænleg og kallar á skýringar.

Að benda á þrengdar úthlutunarreglur sjúkrasjóða stéttarfélaga vegna yfirvofandi sjóðþurrðar nægir ekki í þessu samhengi. Ljóst er að eitthvað mikið er að sem skekur fjárhagslegar undirstöður fjölmargra sjúkrasjóða verkalýðsfélaganna samfara mikilli fjölgun bótaþega TR.

Tímabært er, og þó fyrr hefði verið, að ráðherra heilbrigðismála dragi höfuðið upp úr sandinum og eigi hreinskilið samtal við stjórnendur embættis landlæknis þar sem skaðinn á heilsu landsmanna af völdum mRNA covid bóluefnanna verði viðurkenndur og viðbrögð yfirvalda byggi á þeirri staðreynd. Von ráðherrans og hans helstu trúnaðarmanna í stjórnsýslu heilbrigðismála um að skaðinn af völdum mRNA efnanna myndi fljótlega hverfa og gleymast er ekki að gerast. Ráðherranum til ævarandi minnkunar er að taka strútinn á umsóknir þeirra fjölmörgu bóluefnaskaðaðra sem reynt hafa að sækja bætur samkvæmt nýlegri lagasetningu.

Er forsetinn bóluefnaskaðaður?

Hvernig andlegu atgervi Bidens forseta Bandaríkjanna hefur farið aftur á síðustu misserum hefur ekki leynt sér. Vísbendingarnar um hnignandi heilsu má greina þegar myndbönd frá aðdraganda forsetakosninganna 2020 eru borin saman við myndbönd frá þessu ári. Í klippunni tjáir læknir sig um heilsufar Bidens forseta úr fjarlægð og rökstyður hvers vegna hugsanlegur skaði af völdum mRNA Covid bóluefnanna kunni að hafa hraðað heilsubresti forsetans. Telur hann einsýnt að Hvíta húsið upplýsi hvenær forsetinn þáði bólusetningar gegn Covid, hvaða tegund af bóluefni og fjölda bólusetninga. Jafnframt telur hann að læknum forsetans beri að tilkynna bóluefnaskaðann inn í VAERS gagnagrunn Sóttvarnarstofnunar Bandaríkjanna (CDC) sem geymir upplýsingar um skaða sem talin eru af völdum bóluefna.

Árafjöldinn sem covid mRNA sprautan kann að hafa kostað

Fuglaflensan er á næsta leiti. Sóttvarnalæknir er búinn að tryggja embætti landlæknis lítt reynt bóluefni gegn einhverju margra afbrigða veirunnar sem valda flensunni. Hvað sem segja má um árangur landlæknis og sóttvarnalæknis við sóttvarnir verður þeim seint núið um nasir að þær standi ekki bóluefnavaktina af árvekni með dyggum stuðningi heilbrigðisráðherra.

Greint var frá ritrýndri rannsókn frá Ítalíu sem sýndi 37% lækkun lífslíkna. Hvað þýðingu hefur lækkun lífslíkna um einhver prósent fyrir okkur sem þáðum mRNA bólusetningu gegn Covid? Aðra en þá að við mætum sennilega skapara okkar einhverjum árum fyrr en óbólusetti einstaklingurinn við hliðina á okkur?

Taflan sýnir fækkun áranna sem ólifuð eru vegna ákvörðunar um að þiggja sprautuna gegn covid. Mikilvægt er að lesandinn sé meðvitaður um að taflan sýnir hóflegri afleiðingar mRNA bólusetningar við Covid á ólifaða meðalævi en niðurstöður ítölsku rannsóknarinnar. Þrátt fyrir að útreikningurinn byggi á upplýsingum CDC Sóttvarnastofnunar Bandaríkjanna, hverra tölur sýna dánarlíkur af öllum orsökum vaxa um 7% með hverri mRNA sprautu, eru lesendur eru hvattir til að taka tölum í töflunni með miklum fyrirvara þar sem um mjög grófa nálgun er að ræða.

Lífslíkur mRNA bólusettra lækka um 37%

Niðurstöður ritrýndrar rannsóknar þar sem bornar voru saman dánarlíkur bólusettra og óbólusettra í fjölmennu ítölsku héraði og birt var í svissneska ritinu MDPI sýna verulega lægri lífslíkur þeirra sem þáðu bólusetningu með Covid mRNA efnunum. Niðurstöður rannsóknarinnar hafi valdið miklum titringi innan vísindasamfélagsins. Rannsóknin hefur staðfest réttmæti varnaðarorða sérfræðinga sem ráðlagt hafa stöðvun á notkun mRNA efnanna.

Ýtarleg yfirferð á niðurstöðum rannsóknarinnar staðfestir að einstaklingar sem þáðu frumbólusetninguna (tvær sprautur) af mRNA efnunum hafi 37% minni lífslíkur en þeir sem létu ekki bólusetja sig reiknað yfir tímann sem liðinn er frá sprautu. Reynist þetta ástand viðvarandi, eins og margir sérfræðingar óttast, eru niðurstöðurnar að vonum jákvæð tíðindi fyrir lífeyriskerfi margra landa sem sjá að óbreyttu fram á mikla erfiðleika við að fjármagna lífeyrisskuldbindingar framtíðar.

Meðal niðurstaðna ritrýndrar rannsóknarinnar er að örvunarsprauturnar hafi sýnt takmarkaða gagnsemi. Frásögn af niðurstöðum rannsóknarinnar er að finna á vef Slay News.

 

Dánarlíkur enskra barna margfölduðust við mRNA sprautuna

Hagstofa Bretlands (ONS) hefur opnað aðgang að gagnagrunni með tölum um dauðsföll eftir bólusetningarstöðu fyrir tímabilið 1.1.21 til 31.5.22. Tölurnar staðfesta mikla fjölgun dauðsfalla enskra barna. Samkvæmt hlekkjaðri fréttinni sýna tölur ONS að bólusett börn á aldrinum 10 til 14 ára eru 45 sinnum líklegri að deyja af ótilteknum ástæðum en óbólusett börn. Jafnframt sýna tölurnar að bólusett börn eru 137 sinnum líklegri að deyja af völdum Covid-19 en þau óbólusettu. (þau sem ekki þáðu/fengu mRNA sprautu).

Falleinkunn

Efnahags- og framfarastofnunin OECD hefur fjallað í skýrslu um árangursrýrar sóttvarnaaðgerðir á Íslandi á tímum Covid. Skýrslan greindi frá 11,5% fjölgun dauðsfalla á Íslandi á árinu 2022 sem var mesta hækkun í Evrópu. Ennfremur kom fram í skýrslunni að fjölgun dauðsfalla á Íslandi varð mest meðal 44 ára og yngri meðan fjölgun dauðsfalla annarra þjóða varð mest í elsta aldurshópnum. Einungis Pólland reyndist með hærra dánarhlutfall en Ísland í yngsta aldurshópnum.

Aðra mælingu á slökum sóttvarnaárangri Íslands má sjá í línuritinu sem sýnir þróun tíðni ungbarnadauða á Norðurlöndunum á árunum 2018 til 2022. Hvernig tíðni dauðsfalla íslenskra ungbarna tekur stökk 2020 og 2021 í samanburði við Norðurlöndin kallar á skýringar. Mikilvægt er að læra af reynslunni til að þessi slaka frammistaða íslenskra heilbrigðisyfirvalda við sóttvarnir í samanburði við nágrannaþjóðirnar endurtaki sig ekki í næsta faraldri. Faraldurinn er handan við hornið ef marka má fyrrverandi forstjóra CDC Sóttvarnastofnunar Bandaríkjanna, sjá klippu.

Skyndidauði við skákborð

Án þess að nokkuð sé fullyrt um ástæðu skyndidauða skákmeistarans er ástæða til að vekja athygli á að Covid mRNA bóluefnin eru 200 sinnum líklegri til að valda blóðtappa í heila en öll önnur bóluefni samanlagt samkvæmt niðurstöðum rannsóknar Dr. Peter McCullough og samstarfsmanna. Rannsóknin byggir á talningu skaðatilkynninga yfir 34 ára skeið vegna blóðtappa í heila af völdum bólusetninga í gagnagrunn CDC sóttvarnarstofnunar Bandaríkjanna VAERS á tímabilinu janúar 1990 til og með desember 2023.

Niðurstöður sýna að líkur á blóðtappa í heila eftir að hafa þegið bólusetningu með Covid mRNA bóluefni á síðustu þremur árum eru 1.000 faldar miðað við líkur á blóðtappa í heila af völdum bólusetningar gegn inflúensu á síðustu 34 árum. Rannsóknin staðfesti að konur sem komnar eru úr barneign er hættara við heilablóðfalli.

Að fengnum þessum niðurstöðum ásamt öðrum um skaðsemi mRNA efnanna ítreka læknarnir fyrri ráðleggingar um tafarlausa stöðvun á notkun efnanna.

Stórmeistari lést í miðri skák

Andvana fædd, burðarmálsdauði, nýburadauði og ungbarnadauði

Súluritið vekur spurningar sem embætti landlæknis hefur í hendi sinni að svara. Hver er skýringin á að tíðni andvanafæddra á árinu 2021 (pr. 1.000 lifandi og andvana fædd) hafi orðið 89% hærri en að meðaltali 2018 og 2019, burðarmálsdauði 104%, tíðni nýburadauðsfalla vaxi um 142% og hlutfall ungbarnadauðsfalla (pr. 1.000 lifandi fæddra barna) hækki um 136%?

Til að skýra þessa miklu hækkun hefur embættið allar upplýsingar sem til þarf í sjúkrasögu mæðranna ásamt upplýsingum um bólusetningarstöðu þeirra. Embætti landlæknis er því í lófa lagið að ganga í eitt skipti fyrir öll úr skugga um hvort endurteknar fullyrðingar um öryggi og gagnsemi mRNA bóluefnanna fyrir barnshafandi eigi við rök að styðjast.

Eða staðfesta niðurstöður ritrýndra rannsókna sem sýna hið gagnstæða. Að efnin séu svo hættuleg að rannsakendur leggja eindregið til tafarlausa stöðvun á notkun þeirra. Tækifærið yrði jafnframt notað til að ganga úr skugga um hvort mRNA efnin hefðu valdið ófrískum og/eða afkvæmum skaða þó ekki hafi leitt til dauða fósturs eða ungbarns.

 

Auglýsingin sem féll í grýttan jarðveg

Margir muna auglýsinguna í Morgunblaðinu í maí 2021 á upphafsvikum Covid bólusetninganna. Í auglýsingunni var almenningur hvattur til að tilkynna aukaverkanir í kjölfar bólusetninga til Lyfjastofnunar eins og vera ber. Rúna Hauksdóttir Hvannberg, forstjóri Lyfjastofnunar, var óhress með auglýsinguna af ýmsum ástæðum og þar á meðal að hún taldi upptalningu á hugsanlegum aukaverkunum af völdum bóluefnanna vera „óstaðfestar og jafnvel kolrangar.“ 

Nú þegar liðin eru þrjú ár frá því auglýsingin birtist er morgunljóst öllum sem til þekkja að listinn í auglýsingunni um hugsanlegar aukaverkanir af völdum bóluefnanna er hvergi nærri tæmandi. Það geta þúsundir Íslendinga vottað sem daglega takast á við eftirmál efnanna á eigin heilsu. Í neðsta boxið um andlát geta fjölskyldur hundruða einstaklinga sem látist hafa fyrir aldur fram hakað.

 

Keypti sér skó og lést

Mikilvægt er fyrir landsmenn að fara ekki í grafgötur um viðhorf trúnaðarmanna þjóðarinnar í efstu lögum stjórnsýslu á heilbrigðissviði til heilsu og velferðar almennings. Til þess að auðvelda fólki skilning á viðhorfum sóttvarnalæknis fylgja hér að neðan fjórar tilvitnanir í svar sóttvarnalæknis við fyrirspurn um viðhorf hans til niðurstaðna rannsóknar á krufningaskýrslum. Niðurstöður rannsóknarinnar sem um var spurt leiddi í ljós að af 325 krufningum voru 73,9% dauðsfallanna rakin til Covid efnanna: 

• „Í raun finnur þessi rannsókn engin tengsl milli Covid-19 bólusetninga og andláta og ekki ástæða til að eyða miklum tíma í að liggja yfir henni. Það að einhver hafi fengið bólusetningu og svo látist segir ekkert til um orsakasamhengi frekar en að viðkomandi hafi keypt sér skó og svo látist.“
• „Þá fóru 3 læknar yfir tilfellin og ákváðu hverjir dóu vegna „banvæns bóluefnaheilkennis“ (fatal vaccine injury syndromes), sem við þekkjum ekki sem viðurkennt hugtak. Síðan er reynt að búa til einhverja ástæðu fyrir því hvernig bóluefnin valdi skaða, að það séu einhver áhrif gaddaprótínsins, sem er ekki neitt sem er búið að sýna fram á á nokkurn hátt eða er trúverðugt. Þessir 3 aðilar hafa reyndar áður skrifað hluti sem eru misvísandi eða beinlínis rangir um bóluefni og bólusetningar.“
• „Á hinn bóginn eru til fjölmargar rannsóknir sem sýna að Covid-19 bóluefni auka ekki hættu á dauða. Og þvert á móti vernda þau þá sem eru í meiri hættu á alvarlegum afleiðingum af Covid-19 gegn alvarlegum veikindum og dauða.“
• „....en þetta snýst um að vega áhættu miðað við ávinning og það er algjörlega búið að sýna fram á það að Covid-19 bóluefnin eru gagnleg og ávinningur langt umfram áhættu.“

Eftir svar sóttvarnalæknis „..að einhver hafi fengið bólusetningu og svo látist segir ekkert til um orsakasamhengi frekar en að viðkomandi hafi keypt sér skó og svo látist“ er auðveldara að átta sig á þeirri hingað til óskiljanlegu staðreynd að þrátt fyrir tilkynningu um 31 andlát einstaklinga í kjölfar bólusetninga frá janúar til ágúst 2021 var bólusetningum fram haldið sem enginn væri morgundagurinn.

Auk fjölda dauðsfalla var orðið ljóst að bóluefnin hindruðu hvorki smit né sýkingu. Hefði bólusetningum verið hætt þegar þessar sterku vísbendingar um skaðsemi bóluefnanna voru stjórnendum heilbrigðisþjónustunnar ljósar hefði mátt koma í veg fyrir ótímabær andlát hundruða Íslendinga að ekki sé minnst á þær þúsundir sem eiga við sjúkdóma og eftirmál þeirra að etja daglega.