Gervisteik á grillið – held ekki

Bretland er fyrsta landið í Evrópu sem heimilar sölu á gervikjöti (kjöti sem er ræktað utan líkama dýrs) sem gæludýrafóður. Fyrirtækið ræktar kjötið frá dýrafrumum. Fyrsta varan hefur kjúklingagrunn og er ætluð hundum. Hins vegar fer fyrirtækið ekki leynt með framtíðarsýnina sem er að rækta kjöt fyrir menn. Draga má í efa að almenningur komi til með að hafa áhuga á að henda steik á grillið sem byggir á framtíðarsýn Bill Gates og félaga hjá WHO á því hvað sé mannkyni fyrir bestu.

"Artificial meat – also known as in vitro, cultivated, cell-based, clean, cultured, lab-grown or slaughter-free meat – is meat that is grown in a cell culture outside an animal’s body instead of inside, naturally."

Aðalatriðið í úrskurði Evrópudómstólsins

Af ókunnum ástæðum hefur meginstraumsmiðlum láðst að greina frá aðalatriðinu í niðurstöðu Evrópudómstólsins þar sem hann fjallaði um samninga framkvæmdastjórnarinnar um kaup á covid bóluefnum af lyfjaframleiðendum. Dómstóllinn kvað upp úrskurð um að framleiðandi efnanna beri ábyrgð á skaða sem orsakast af galla í framleiðslunni.(klippan er úr fréttatilkynningu Evrópudómstólsins)

the General Court states that a producer is liable for the damage caused by a defect in its product and its liability cannot be limited or excluded vis-à-vis the victim by a clause limiting, or providing an exemption from, liability under Directive 85/374.

Niðurstaða Evrópudómstólsins gerir skaðleysisgrein kaupsamnings Evrópusambandsins og einstakra landa, þar á meðal Íslands, á bóluefnum af lyfjaframleiðendum marklausa og eru lyfjaframleiðendur ábyrgir vegna skaða sem gölluð mRNA bóluefnin valda.

Að gefast upp er ekki til í orðabók Þórdísar

Þórdís B. Sigurþórsdóttir, sem er einn af stofnendum Heilsuvonar sem eru hagsmunasamtök fólks með C-19 sprautuskaða, hefur endurnýjað ósk um að fá afrit af öllum bóluefnasamningum íslenska ríkisins við framleiðendur efnanna með vísan til nýfallins úrskurðar Evrópudómstólsins. Dómstóllinn úrskurðaði að framkvæmdastjórn Evrópusambandsins hafi brotið lög með því að halda leyndum fyrir almenningi lykilupplýsingum úr milljarða kaupsamningum sambandsins á bóluefnum af lyfjaframleiðendum þegar hún birti afrit af samningunum með miklum yfirstrikunum á árinu 2022. Úrskurður Evrópudómstólsins í máli framkvæmdastjórnarinnar gerir að engu röksemdir ráðuneytisins sem lagðar voru til grundvallar við höfnun fyrra erindis Þórdísar frá mars 2021 um aðgang að samningunum.

Úrskurður dómstólsins er áfellisdómur yfir vinnubrögðum formanns framkvæmdastjórnar ESB Ursula von der Leyen en hún leiddi ESB í samningaviðræðum við Albert Bourla forstjóra Pfizer. Samningur ESB, sem Ísland „naut góðs af,“ þótti afar hagstæður lyfjaframleiðandanum og hefur innri endurskoðendum ESB ekki tekist að fá aðgang að SMS skilaboðum sem fóru á milli der Leyen og Bourla við rannsókn á viðskiptunum. Myndin er af Ursula og Albert.

Íslenska reynslan af skaðsemi covid efnanna eftir framleiðendum

Ekki er að finna hliðstæð opinber gögn hér á landi um bólusetningarstöðu látinna landsmanna eins og Tékkneska hagstofan hefur afhent fyrirspyrjanda á grundvelli þarlendra upplýsingalaga (sjá fyrri færslu). En með hlutfallsreikningi fjölda bólusetninga eftir framleiðendum og tilkynntum aukaverkunum má gera grófan samanburð á skaðsemi efnanna.

Taflan sýnir að íslenska reynslan af notkun Moderna er því ekki ósvipuð þeirri Tékknesku (þó ekki mælt í dauðsföllum eins og þar í landi) þar sem aukaverkanir af völdum Moderna reyndust 80% fleiri pr. 1.000 sprautur en af völdum Pfizer. Tölur Lyfjastofnunar um tilkynntar aukaverkanir benda til þess að þeir sem þáðu AstraZeneca hafi verið liðlega tvöfalt líklegri til að skaðast en hefðu þeir fengið Pfizer. Taflan skýrir hvers vegna hætt var að mestu að sprauta með Janssen þegar í júlí 2021.

Dánarlíkur Moderna bólusettra 50% hærri en Pfizer

Tékkneska hagstofan hefur svarað fyrirspurn um bólusetningarstöðu látinna á árunum 2020 til 2022. Steve Kirsch, verkfræðingur frá MIT og sá sem fann upp þráðlausu músina, hefur unnið með gögnin og teiknaði línuritið að neðan sem sýnir hlutfall látinna meðal þeirra sem þáðu tvær sprautur af Moderna á árinu 2021 í samanburði við þá sem þáðu tvær sprautur af Pfizer á árinu 2021. Sjá má á línuritinu að einstaklingar á aldrinum 46 til 69 ára (lárétti ásinn) sem þáðu Moderna voru liðlega 50% líklegri til að deyja af völdum bóluefnisins en þeir sem þáðu Pfizer. Öll vitum við nú orðið að Pfizer bóluefnið er bæði gagnslítið sem sýkingar- og smitvörn og hinn mesti skaðvaldur. Að Moderna væri svona miklu skaðlegra en Pfizer bóluefnið gegn covid hefur ekki farið hátt. Á Íslandi voru landsmenn sprautaðir 98.472 sinnum með Moderna. 91.936 sprautur 2021 og 6.536 sprautur 2022. Síðasta Moderna stunga sóttvarnalæknis í íslenskan upphandlegg átti sér stað 23. nóvember 2022.

90% af áætlaðri sölu BioNTech 2024 spáð á Q4

Afkomuspá BioNTech gerir ráð fyrir að 90% af sölutekjum ársins falli til á fjórða ársfjórðungi. Spáin er hluti af afkomutilkynningu fyrirtækisins fyrir fyrsta ársfjórðung sem sýndi sölusamdrátt upp á 86% miðað við sama fjórðung á árinu 2023. Helsta framleiðsluafurð BioNTech er covid mRNA bóluefnið sem það framleiðir í samstarfi við Pfizer og sem sóttvarnalæknir hefur notað við bólusetningar hér á landi.

Að fyrirtækið geri ráð fyrir að eftirspurn eftir mRNA bóluefni fyrirtækisins verði í líkingu við það þegar Covid-19 náði hápunkti bendir til að stjórnendur lyfjaframleiðandans viti af fyrirætlun um sleppingu á nýju skaðlegu afbrigði covid veirunnar. Fljótlega mun koma í ljós hvort landsmenn meti það áhættunnar virði að þiggja á nýjan leik bólusetningu með covid mRNA efni þar sem flestir hafa orðið vitni að skaða á heilsu ættingja, vina eða samstarfsmanna sem talið er að rekja megi til bóluefnanna.

Að draga lærdóm af mistökunum

Umræða fer vaxandi um heim allan hverjir beri ábyrgð á Covid-19 og skaðanum sem fylgdi á heilsu almennings og á efnahag ríkja. Hvar ábyrgðin liggi á tilurð og notkun bóluefna sem í sumum löndum voru gerð sem næst að skyldu með því að gera bólusetningu að forsendu ferðafrelsis og forsendu náms eða starfs en sýndu sig að vera gagnslítil sem sýkingar- og smitvörn og orðið hafa milljónum að aldurtila og skaðað heilsu enn fleiri.

Íslenskur almenningur áttar sig á að hérlend stjórnvöld hafa litla vigt í umræðu um skynsemi tilrauna til að auka skaðsemi veira sem vitað er að eiga sér stað á misjafnlega öruggum rannsóknarstofum víða um heim. Því síður að stjórnvöld blandi sér í umræðu um hugsanlegar yfirhylmingar vísindamanna og ríkisstjórna í Bandaríkjunum og Ástralíu um uppruna veirunnar. Hvað þá að stjórnvöld séu þess umkomin að sækja lyfjaframleiðendur til ábyrgðar fyrir að falsa niðurstöður klínískra rannsókna og hylja slóð alvarlegra aukaverkana til að bóluefnin fengu neyðarleyfi lyfjaeftirlitsaðila.

Hins vegar ætlast þjóðin til;

• að krufið verði til mergjar hvernig það gat atvikast að fjöldi tilkynninga um dauðföll tengd bólusetningum á árinu 2021 og 2022 hafi ekki leitt til endurskoðunar áforma um frekari bólusetningar
• skýringa á því hvers vegna fjöldi ritrýndra vísindagreina í virtum fagtímaritum, sem sýna fram á alvarlegar aukaverkanir mRNA bóluefnanna, leiddu ekki til endurskoðunar bólusetningarstefnunnar
• skýringa á því hvers vegna 9% fjölgun dauðsfalla af völdum illkynja æxla samkvæmt dánarmeinaskrá embættis landlæknis milli áranna 2021 og 2022 hringdu ekki viðvörunarbjöllum um frekari notkun mRNA efnanna
• að fá röksemdir fyrir framhaldi bólusetninga þrátt fyrir að hlutfall umframdauðsfalla á Íslandi sé meðal þess hæsta mánuð eftir mánuð meðal Evrópuþjóða og hafandi sterkar vísbendingar um að mRNA efnin eigi hlut að máli
• skýringa frá þingmönnum hvers vegna umframdauðsföllin, sem eru orðin ríflega tvöfalt fleiri en fjöldi þeirra Íslendinga sem féllu í valinn af stríðsástæðum í seinni heimsstyrjöldinni, séu ekki talin nægilegt tilefni til umræðu á hinu háa Alþingi
• skýringa frá stóru fjölmiðlunum hvers vegna þeir sjái ekki ástæðu til að greina frá bóluefnaskaða þúsunda Íslendinga sem ganga bónleiðir til búðar við að sækja bætur á grundvelli lagasetningar um skaðbætur vegna bóluefna

Mikilvægt er að stjórnsýsluferlið sem leitt hefur til skaða á heilsu þúsunda Íslendinga verði lagfært þannig að atburðir liðinna missera endurtaki sig ekki þegar næsta illvíga flensa ríður yfir. Mikilvægt er að vinnu við athugunina verði hraðað því næsta sótt nálgast óðfluga ef marka má þá sem best til þekkja.

Atlaga ESB að málfrelsinu

Hafi notendur X velkst í vafa um mikilvægi kaupa Elon Musk á Twitter fyrir óhefta og upplýsta umræðu um málefni og fréttir líðandi stundar er sá vafi ekki lengur fyrir hendi. Hvernig meginstraumsmiðlar, eins og CNN sem dæmi, færðu almenningi villandi og á stundum rangar fréttir af banatilræði við fyrrverandi forseta Bandaríkjanna staðfesti þýðingu X sem milliliðalauss miðils óritskoðaðra og ómatreiddra frétta. Sjaldan hefur almenningur séð svart á hvítu hversu langt hefðbundnu fréttamiðlarnir hefur hrakið af leið. Að fylgjast með hvernig stóru innlendu miðlarnir létu matreiðast af villandi fréttum erlendu miðlanna var dapurt að verða vitni að.

Því er þetta skrifað að frásagnir X af banatilræðinu staðfesta mikilvægi miðilsins á fleiri sviðum en að færa almenningi fréttir af atburðum líðandi stundar. Þannig má ganga að því vísu að ef Twitter hefði ekki skipt um eigendur væri almenningur að mestu grunlaus um skaðsemi Covid mRNA bóluefnanna utan þess sem hann hefði orðið var við á eigin heilsu eða í nánasta umhverfi fjölskyldu, vina og samstarfsmanna. Fréttir af átökum stríðandi fylkinga væri einsleitur og þannig má áfram telja. Þar sem Elon Musk fer ekki að óskum stjórnenda Evrópusambandsins um ritskoðun á miðlinum, líkt og eigandi Facebook virðist hafa samþykkt að gera, höfðaði sambandið mál á hendur X í síðustu viku með það að markmiði að gera rekstur fyrirtækisins sem erfiðastan eða jafnvel útlægan í Evrópu. Vonandi tekst eigandanum að hrinda atlögu stjórnenda ESB að málfrelsinu.

Keyra á breyttar reglur og nýjan faraldurssáttmála WHO í gegn fyrir áramót

Fundaráætlun WHO (Alþjóða heilbrigðismálastofnunarinnar) ber með sér að eigendurnir (Bill Gates og fl.) eru hvergi nærri af baki dottnir með áform um breyttar reglur stofnunarinnar (IHR) og nýjan faraldurssáttmála enda tókst þeim ekki að fá samþykki fyrir nema hluta þeirra breytinga sem hugur þeirra stóð til á ársfundinum fyrr í sumar. Í klippunni er upptalning þýðingarmikilla breytinga sem ekki fengu brautargengi vegna harðrar andstöðu hóps þjóða. Barátta landa sem koma vilja í veg fyrir framsal faraldursákvarðana til WHO, sem fámennur hópur fjármagnseigenda stjórnar, mun því halda áfram á næstu mánuðum.

Eigendur WHO leggja ofuráherslu á að klára breytingarnar fyrir hugsanleg forsetaskipti í Bandaríkjunum. Afstaða Íslands til breytinganna á reglum stofnunarinnar og nýs faraldurssáttmála sem voru á dagskrá ársfundar WHO fyrr í sumar hefur ekki verið látin uppi hérlendis svo vitað sé.

Forstjóri CDC segir mRNA bóluefnin eitruð (toxic)

Robert Redfield, sem gengdi stöðu forstjóri CDC (Sóttvarnastofnunar Bandaríkjanna) þegar Covid-19 bóluefnin voru samþykkt til notkunar, staðfesti í vitnisburði fyrir þingnefnd öldungadeildar Bandaríkjaþings hætturnar á alvarlegum aukaverkunum mRNA bóluefnanna. Gekk hann svo langt að nota orðið „toxic“ (eitrað) í máli sínu. Jafnframt taldi hann að stærstu mistökin hefðu falist í að skylda einstaklinga í tengslum við störf eða nám til að taka bóluefnið. „Það hefði aldrei átt að gera bóluefnin að skyldu.“ Redfield viðurkenndi að gaddapróteinið sem myndast fyrir tilstuðlan mRNA efnanna virki sem eitur fyrir líkamann sem leiði til sterkra ónæmisviðbragða. Sem læknir sagðist hann aldrei nota mRNA efnin á eigin læknastofu.

Á fundi þingnefndarinnar var m.a. komið inn á tilraunir með SARS-CoV-2 veiruna og sagðist fyrrverandi forstjóri CDC þeirrar skoðunar að veirunni hefði verið sleppt af ásetningi af rannsóknarstofunni. Frásögn af fundi þingnefndarinnar er í hlekknum.