Ristilspeglunum á Landspítala fjölgar um 41%

Í starfsemisupplýsingum Landspítala vekur athygli að ristilspeglunum fjölgaði um 41% á fyrstu 11 mánuðum ársins frá sama tímabili liðins árs og sértækum magaspeglunum fjölgaði um 78%. Ekki er hægt að útiloka að fjölgun speglana eigi sér skýringar í breyttu vinnufyrirkomulagi á spítalanum. Á heimasíðu Krabbameinsfélagsins kemur fram að ristil- og endaþarmskrabbamein er þriðja algengasta krabbameinið sem greinist á Íslandi. Ristilspeglun er talin skilvirkasta aðferðin til að finna og komast í veg fyrir meinin á byrjunarstigum og auka þannig líkur á bata. Fjölgun speglana á þessu ári kann að vera vísbending um að ekkert lát sé á greiningum krabbameins hér á landi líkt og víða erlendis. Í dánarmeinaskrám landlæknis fyrir árin 2022 og 2023 sést að dauðsföllum af völdum illvígs krabbameins hefur fjölgað um 8% frá meðaltali áranna 2019 til 2021 þegar bólusetningar með  mRNA Covid efnunum hófust.

Að svipta heimilislækni starfsleyfi

Hæstiréttur Queensland í Ástralíu hefur fellt dóm í máli heimilislæknisins Dr. William Anicha Bay gegn AHPRA Australian Health Practitioner Regulation Agency, The Medical Board of Australia og State of Queensland til ógildingar starfsleyfissviptingu frá 17.8.2022. Fyrsttöldu aðilarnir hafa hliðstæð verkefni á hendi í Ástralíu og Embætti landlæknis á Íslandi.

Landlæknir hafði svipt heimilislækninn leyfi til að stunda lækningar á grundvelli fimm ábendinga vegna óviðunandi atferlis læknisins þar sem vísað var til a) myndbands á Facebook þar sem læknirinn fullyrti að bólusetningar gegn covid hefðu valdið skaða, b) beinni útsendingu (live stream) á Facebook þar sem heimilislæknirinn hafði fjallað um covid bólusetningar og aðild hans sem heimilislæknis að bólusetningum hefði leitt til dauða sjúklings og valdið sjúklingum skaða, c) beinnar útsendingar á Facebook fyrir utan heimili frumbyggja með brjóstverk meðan beðið var sjúkrabíls, d) þátttöku læknisins í mótmælum covid bólusetninga fyrir utan skrifstofur AHPRA. Fimmta kvörtunin beindist að atferli læknisins á 400 manna læknaráðstefnu þar sem læknirinn hefði sent beint (livestreaming) frá fyrirlestri um sóttvarnaráðstafanir faraldursins þar sem læknirinn hrópaði að læknum í salnum; „hættið að þvinga þessum bóluefnum upp á almenning í Ástralíu þar sem bóluefnin eru að drepa fólk.“ Við þetta hefði læknirinn bætt varnaðarorðum til ráðstefnugesta um að trúa ummælum landlæknis í fyrirlestri á ráðstefnunni mátulega þar sem landlæknir hefði farið rangt með og „gaslýst“ læknanna í fyrirlestri. Ennfremur þóttu ummæli heimilislæknisins um gildi náttúrulegs ónæmis til varnar veirunni ótrúverðug.

Hæstiréttur afturkallaði ákvörðun heilbrigðisyfirvalda um að svipta heimilislækninn starfsleyfi með svo afgerandi dómsorði að talið er að læknirinn hafi stöðu til höfðunar skaðabótamáls á hendur heilbrigðisyfirvöldum til heimtu tapaðra tekna á þessu tveggja ára tímabili sem hann hefur ekki getið stundað heimilislækningar.

Hvort niðurstaða hæstaréttar andfætlinga okkar um mál- og skoðanafrelsi heimilislæknis sem fer gegn viðhorfi heilbrigðisyfirvalda rýfur ærandi þögn íslenskra lækna um skaðann af völdum mRNA efnanna á eftir að koma í ljós. Hlekkurinn er á dómsorð Hæstaréttar Queensland.

(Klippan er úr pósti Aussie17)

Áhætta á að veikjast af covid lækkaði um 0,84% við bólusetningu

Öruggt má telja að landsmenn hefðu ekki þegið bólusetningu gegn Covid-19 hefðu þeir verið upplýstir um að ávinningurinn af bólusetningunni til að forða þeim frá að veikjast af covid væri hverfandi eða innan við 1%. Upplýsingar um afar takmarkaða smitvörn mRNA bóluefnis Pfizer lágu fyrir í lok desember 2020 þegar bólusetningar hófust hér á landi. Landsmönnum var talin trú um 95% vernd efnanna á grundvelli útreiknings lækkunar hlutfallslegrar áhættu (relative risk reduction) en FDA (Lyfjaeftirlit Bandaríkjanna) varar við kynningu á smitvörn lyfja með þeim útreikningi.

Þegar horft er til baka er með ólíkindum að ráðist hafi verið í allsherjarbólusetningu þar sem ávinningurinn af bólusetningu sem smitvörn var samkvæmt niðurstöðum klínískra rannsókna innan við 1%. Að milljörðum hafi verið varið úr ríkissjóði til kaupa á lítt reyndum bóluefnum sem þróuð voru á grundvelli nýrrar tækni með jafn takmarkaða virkni sem smitvörn. Ekki er síður furðulegt að sjá bóluefnið enn í notkun með vísan til skaðans sem sannanlega má rekja til notkunar bóluefnanna að ekki sé minnst á ótímabæran dauðdaga fjölda landsmanna fyrir tilverknað efnanna. Takmarkað álit landlæknis á gagnsemi mRNA efnanna sem smitvarnar og þýðingarleysi bólusetningar fyrir heilbrigðisstarfsmenn má lesa á heimasíðu embættisins þar sem fram kemur að bólusetning hafi „ekki reynst mjög gagnleg til að hindra smit til eða frá bólusettum einstaklingi.“

Fjársveltum ekki Ráðgjafar- og greiningarstöð

Börnum sem greinst hafa á einhverfurófi hefur fjölgað mikið hér á landi. Fréttir af niðurskurði fjárframlaga til starfsemi Ráðgjafar- og greiningarstöðvar á sama tíma og tilvísunum um þjónustu hefur fjölgað um 60% og að fjölskyldur fatlaðra barna þurfi að bíða í tvö ár eftir þjónustu stofnunarinnar vekja undrun.

Súluritið sýnir þróunina í Kaliforníu frá 1989. Umdeilt er hvort þróunina megi rekja til lagasetningar 1986 sem tryggði lyfjaframleiðendum í Bandaríkjunum skaðleysi vegna hugsanlegs miska af völdum bóluefna á heilsu barna. Að lagasetningin hafi leitt til óvandvirkni lyfjaframleiðenda við klínískar rannsóknir barnaefnanna líkt og almenningur hefur upplifað með skaðsemi Covid efnanna. Nýkjörinn forseti hefur falið heilbrigðisráðherra að láta það verða eitt af sínum fyrstu verkum í embætti að ganga úr skugga um öryggi barnabóluefnanna. Eins og súluritið ber með sér verður fjölgun einstaklinga á einhverfurófi betur lýst sem faraldri. Ekki er undarlegt að verðandi forseti vestra hafi áhyggjur af faraldri einhverfu því að óbreyttu mun annað hvert barn í Bandaríkjunum greinast á einhverfurófi að 10 til 20 árum liðnum.

Breskir læknar og hjúkrunarfræðingar áhugalitlir um örvunarbólusetningu

Áskorun stjórnenda Bresku heilbrigðisþjónustunnar (NHS) til starfsmanna um bólusetningu gegn Covid-19 hefur til þessa skilað takmörkuðum árangri þar sem 86% starfsmanna hafa ekki þegið Covið sprautu og 75% þeirra hafa enn ekki látið bólusetja sig gegn inflúensu en efnunum er haldið stíft að almenningi með auglýsingaherferð í sjónvarpi og útvarpi. Læknir NHS taldi aukaverkanir mRNA efnanna, sem starfsmenn og sjúklingar hafa reynt, vera áhrifaþátt í bóluefnahiki starfsmannanna. Frá 2019, eða ári fyrir Covid, til 2024 hefur veikindadögum starfsmanna fjölgað um 40 til 50%.

69% starfsmanna harðákveðnir í að afþakka bólusetningu

Starfsmenn á hjúkrunarheimilum í Ástralíu voru skyldaðir til tveggja bólusetninga vildu þeir halda störfum sínum á tímum Covid. Traust þeirra á bóluefnunum hefur rýrnað svo mjög að 69% þeirra eru harðákveðnir í að láta ekki bólusetja sig komi til nýs faraldurs samkvæmt skoðanakönnun. Viðhorf starfsmannanna byggir á persónulegri reynslu þeirra sjálfra og/eða samstarfsmanna á alvarlegum aukaverkunum í kjölfar bólusetninga auk þess að hafa fylgst með áhrifum bóluefnanna á heilsu gamla fólksins.

Takmarkað álit landlæknis á gagnsemi mRNA efnanna sem smitvarnar og gagnsleysi fyrir heilbrigðisstarfsmenn má lesa á heimasíðu embættisins þar sem fram kemur að bólusetning hafi „ekki reynst mjög gagnleg til að hindra smit til eða frá bólusettum einstaklingi.“ Í leiðbeiningum um hausbólusetningar gegn Covid 2024 kemur fram að bóluefnið standi heilbrigðisstarfsmönnum í bráðaþjónustu og starfsmönnum hjúkrunarheimila einungis til boða þegar sérstakt tilefni er til, „s.s. ef breytingar hafa orðið á bóluefni eða ef faraldur er svo útbreiddur að jafnvel skammvinn vörn gegn sýkingu getur haft áhrif á þol heilbrigðiskerfisins gegn ástandinu.“

 

Að draga læknastéttina með í fallinu

Niðurstöður rannsókna sýna sterka fylgni Covid mRNA bólusetninga og fjölgun dauðsfalla. Að með yfirgnæfandi líkum megi rekja umframdauðsföllin til bóluefnanna ásamt nýjum staðfestingum á DNA mengun efnanna langt umfram heimil mörk gerir áframhaldandi notkun þeirra með öllu óverjandi. Forsendur afturköllunar (Class I recall) efnanna samkvæmt FDA eru því til staðar og styttist í endurmat á notkun efnanna samfara breyttri yfirstjórn eftirlitsaðila vestra.

Þar sem fáar vikur eru nú þar til innri gögn eftirlitsaðilana vestra verða opnuð almenningi, sem staðfesta munu svart á hvítu skaðsemi mRNA efnanna, var furðulegt að horfa á staðgengil landlæknis hóta læknum í kvöldfréttum Ruv. Tilgangur viðtalsins var að greina frá fyrirhugaðri athugun Embættis landlæknis á skráningu læknis á fjórum dauðsföllum af völdum mRNA efnanna á árinu 2023 og senda með þeim hætti skýr skilaboð til lækna um að þeir hugsi sig tvisvar um áður en þeir skrá dauðsföll í kjölfar örvunarbólusetninga haustsins sem væru þau af völdum bóluefnanna. Undarlegt er að ekki hefur orðið vart viðbragða Læknafélagsins þar sem svo gróflega er vegið að starfsheiðri lækna og ákvarðanir sem grundvallast á menntun þeirra og reynslu dregnar í efa og þeim hótað fari þeir ekki að vilja landlæknis. Trúverðugleiki lækna hefur þegar beðið hnekki með þögn um bóluefnaskaðann á liðnum misserum. Ekki er á bætandi að stéttin verði uppvís að „ónákvæmni” við útfyllingu dánarvottorða.

Landlæknir kvaddur

Landlæknir hefur sagt starfi sínu lausu. Við starfslok er við hæfi að rifja upp athugun OECD þar sem gerður var samanburður á árangri sóttvarna á Covid árunum meðal aðildarþjóða. Niðurstöður skýrslunnar voru áfellisdómur fyrir Ísland.

Skýrslan staðfesti að Ísland var með annað hæsta hlutfall dauðsfalla Í Evrópu í aldurshópnum 44 ára og yngri á árunum 2020 til 2022. Skýrslan staðfesti að á Íslandi hækkaði dánartíðni mest allra landa eða um 11,5% á milli áranna 2021 og 2022 og var Ísland þar í sérflokki þar sem dauðsföllum fækkaði á sama tíma í flestum löndum samtakanna. Með samanburði OECD meðal aðildarlanda staðfestist að Embætti landlæknis getur ekki státað af árangursríkum sóttvarnaaðgerðum á Íslandi. Reyndar má halda hinu gagnstæða fram.

Sorglegt var að sjá staðgengil landlæknis staðhæfa í sjónvarpsfréttum Ruv að alvarlegar aukaverkanir Covid mRNA efnanna séu sjaldgæfar. Landsmenn vita betur samkvæmt eigin reynslu, ættingja, vina eða samstarfsmanna auk þess sem tölur um hátt hlutfall umframdauðsfalla á heimasíðu landlæknis staðfesta annað. Senn styttist í að notkun bóluefnanna verði hætt. Vikulega birtast nýjar ritrýndar rannsóknarniðurstöður sem sýna alvarlegar afleiðingar af notkun þeirra. Með nýjum stjórnendum eftirlitsaðila í Bandaríkjunum verður notkun bóluefnanna endurmetin. Ákvörðun vestra um að hætta notkun mRNA Covid efnanna mun leiða til hliðstæðrar ákvörðunar eftirlitsaðila í Evrópu og þar með ná til Íslands.

 

Að segja ósatt í kvöldfréttum Ruv

Hvergi hefur skaðinn sem leiðir af notkun Covid mRNA bóluefnanna verið skýrari en í Vestur Ástralíu en bólusetningar hófust á veirulausum íbúum fylkisins í febrúar 2021. Vegna lokunar landamæra ríkisins í apríl 2020 hafði enginn íbúa fengið Covid þegar bólusetningar hófust. Það var fyrst undir lok ársins 2021 sem gæta fór veikinda af völdum Covid-19. Bæði núverandi og fyrrverandi sóttvarnalækni ásamt landlækni mátti vera fullljóst af reynslu Vestur Ástrala að tilkynningar um bóluefnaskaða sem margfölduðust að fjölda við upphaf bólusetninga gátu ekki verið af völdum SARS-CoV-2 veirunnar sem veldur Covid.

Að sóttvarnalæknir haldi fram skaðleysi Covid mRNA bóluefnisins eins og landsmenn hafa orðið vitni að í fréttatímum Ruv stenst ekki skoðun. Fullyrðing hennar um að aukaverkanir bóluefnisins séu afar sjaldgæfar endurspeglar ekki reynslu annarra þjóða og því síður íslenskan veruleika þar sem dauðsföllum t.a.m. af völdum illvígs krabbameins hefur fjölgað eftir að bólusetningar hófust í ársbyrjun 2021. Trúverðug skýring hefur ekki verið gefin af Embætti landlæknis á fjölgun umframdauðsfalla á Íslandi sem skipar landinu misseri eftir misseri í hóp þeirra þjóða þar sem hlutfallslega flestir hafa hlotið ótímabæran dauðdaga samkvæmt tölum Embættis landlæknis og Evrópsku hagfræðistofnunarinnar (Eurostat).

Bólusetningarþátttakan endurspeglar dvínandi tiltrú

Samkvæmt upplýsingum sóttvarnalæknis hefur þátttaka í Covid örvunarbólusetningum á tímabilinu september til nóvember dregist saman um 6,3% frá fyrra ári og hafði innan við þriðjungur landsmanna í hópi 60 ára og eldri þegið bólusetningu 25. nóv. s.l. Hlutfall 60 ára og eldri sem létu bólusetja sig gegn inflúensu til og með 19. nóvember hefur dregist saman um 16,2% eða úr 48,2% í 40,4% milli ára. Hlutföllin kunna að hækka eitthvað þar sem enn er boðið upp á bólusetningar.

Af tölunum má ráða að eldri borgarar hafa dvínandi trú á ráðleggingum Embættis landlæknis enda þekkja þeir á eigin skinni til takmarkaðrar gagnsemi Covid mRNA örvunarefnanna sem smitvarnar til og frá bólusettum ásamt því að fylgjast með miklum fjölda umframdauðsfalla á Íslandi sem skipa landinu mánuð eftir mánuð í hóp þeirra þjóða þar sem hlutfallslega flestir hafa hlotið ótímabæran dauðdaga samkvæmt tölum Embættis landlæknis og Evrópsku hagfræðistofnunarinnar. (Eurostat)