Nöturlegur lestur ákæruatriða

Málshöfðun Kansas ríkis gegn Pfizer hefur þyngst þar sem a.m.k. fjögur önnur ríki hafa ákveðið að fylkja sér um málshöfðunina gegn lyfjaframleiðandanum. Í klippunni má sjá helstu atriði ákærunnar en í hlekk er nánari grein gerð fyrir ákæruatriðum. Áhugavert verður að fylgjast með framvindu málaferlanna.

Þeim sem misst hafa nákomna af völdum mRNA efnanna eða eiga við bóluefnaskaða að etja er tekinn vari af frekari lestri þar sem framganga Pfizer og lipurð lyfjaeftirlitsstofnana við að koma mRNA efninu í gegn um leyfisferlið og á markað var ekki til eftirbreytni svo vægt sé til orða tekið.

H5N1 bóluefnið varasamara en mRNA covid efnið

Niðurstöður klínískra rannsókna á bóluefninu gegn fuglaflensu H5N1 leiða í ljós að þeir bólusettu eru fimm sinnum líklegri að deyja en þeir sem fengu lyfleysuna. Bóluefnið er gefið í 2 sprautum með þriggja vikna millibili.

Finnar hafa riðið á vaðið með kaup á efninu. Finnar eru rúmlega 5,6 milljónir og ef 5% þeirra eða 280.000 sem starfa í nánd við skepnur í landbúnaði þiggja bóluefnið benda niðurstöður klínískra rannsókna til að 1.400 Finnar eða 1/200 láti lífið fyrir tilverknað bóluefnisins. Líkurnar á að látast af völdum H5N1 efnisins eru því töluvert hærri en af völdum covid mRNA efnanna.

Fjórðungur þeirra sem þáðu Covid bólusetningu sjá eftir því

Niðurstöður nýrrar skoðanakönnunar vestra sýna að 33% bandarísks almennings er sammála ummælum hjartalæknisins Dr. Peter McCullough sem hann lét falla í janúar 2023 þegar hann sagði bóluefnin verða fjölda fólks að aldurtila. "The vaccine is killing people, and is killing large numbers of people." Könnunin leiðir jafnframt í ljós að 25% eða fjórðungur þeirra sem létu bólusetja sig sjá nú eftir því.

Könnunin sem gerð var af Rasmussen Reports sýnir að yfir 100 milljónir Bandaríkjamanna telja bólusetningarnar valda ótímabærum dauðdaga þeirra bólusettu og 67 milljónir sjá eftir að hafa þegið bóluefnið.

Af niðurstöðum könnunarinnar má ráða að viðhorfsbreyting hefur orðið meðal almennings til covid bólusetninganna samfara dvínandi trausti til lyfjaframleiðenda. Hliðstæð þróun hérlendis endurspeglaðist í afar takmörkuðum áhuga eldri borgara á covid sprautunni s.l. haust þegar innan við helmingur þáði bólusetningu. Alvarlegar aukaverkanir covid efnanna, sbr. mikill vöxtur krabbameins og fjölgun dauðsfalla virðist ef marka má sóttvarnalækni hafa dregið úr tiltrú foreldra á skynsemi barnabólusetninga.

Ekki fer sögum af hliðstæðum spurningum í skoðanakönnun hérlendis en þeirri hugmynd er hér með komið á framfæri við samtökin Frelsi og ábyrgð að hafa frumkvæði að því að setja spurningar um viðhorf íslensks almennings til covid bólusetninganna á spurningavagn könnunar.

Að gengisfella gæðahugtakið

Í ársskýrslu landlæknis fyrir síðasta ár er fjallað um hvernig hagstofan hafði milligöngu um að Embætti landlæknis fékk viðurkenningu Eurostat 2023 sem sjálfstæður framleiðandi opinberrar tölfræði um lýðheilsu og heilbrigðisþjónustu. Telur landlæknir að í því felist „mikil viðurkenning á gæðum þeirrar vinnu sem embættið vinnur á sviði heilbrigðisupplýsinga.“

Að helstu tölur á heilbrigðissviði berist nú seint eða alls ekki ber ekki vott um gæði. Upplýsingagjöf hefur farið mikið aftur frá undirritun samstarfssamnings hagstofu og landlæknis. Vakin hefur verið athygli á drætti talna um fjölda fæðinga og fjölda látinna.

Ísland er aftast á merinni meðal Norðurlandanna og landa Evrópu með upplýsingagjöf um vikulegan fjölda látinna inn í gagnagrunn Eurostat. Hvernig sú staðreynd ber vitni um gæði reynir á heilbrigða skynsemi landsmanna.

Covid mRNA efnin og dvínandi frjósemi

Í fréttatilkynningu Hagstofu Íslands 9.5.23 um fæðingar á árinu 2022, tölur sem Embætti landlæknis hefur ekki uppfært á eigin heimasíðu (klippa), kemur fram að fjöldi lifandi fæddra barna á Íslandi á árinu 2022 voru 4.391 og hafði fækkað um 488 börn frá árinu 2021 eða um 10%. Í tilkynningunni kemur fram að þetta sé mesta fækkun fæðinga frá árinu 1838 eða í 184 ár.

Fækkun fæðinga á Landspítala jan til maí 4,7%

Línuritið sýnir samanburð á þróun fjölda fæðinga á Íslandi frá árinu 2019 og þróun fjölda kvenna á aldrinum 15 til 44 ára yfir sama tímabil. Þar sem Hagstofa Íslands hefur ekki enn birt tölur um fæðingar á árinu 2023 er notast við tölur úr starfsemisupplýsingum Landspítala fyrir árið 2023 og fyrstu 5 mánuði ársins 2024 sem sýna 4,7% fækkun fæðinga á spítalanum miðað við sömu mánuði 2023. Að notast við tölur spítalans til að áætla fjölda fæðinga á landinu öllu er gerlegt þar sem fæðingar á spítalanum hafa haldist hlutfallslega af heildarfjölda fæðinga á landinu um margra ára skeið.

Glöggt má greina á línuritinu hvernig lokanir og fjarvinna á fyrstu misserum covid, fyrir tilkomu bóluefnanna, leiðir til fjölgunar fæðinga. Eftir tilkomu bóluefnanna 2021 tekur fæðingum að fækka. Fækkunin var í fyrstu talin eðlileg afleiðing fyrri fjölgunar þar sem barneignum hafði verið flýtt. Haldreipi heilbrigðisyfirvalda í þeirri skýringu er ekki lengur til staðar. Fækkun fæðinga í kjölfar covid bólusetninga er ekki einskorðuð við Ísland. Hliðstæða þróun má sjá í tölum um fæðingar víða um heim.

Sjálfsvígstíðni íslenskra kvenna

Samkvæmt gagnagrunni OECD sem sýnir tíðni sjálfsvíga kvenna aðildarlanda samtakanna á árinu 2021 skipar Ísland sér í sjötta sæti landa með fjölda sjálfsvíga á hverjar 100.000 konur. Embætti landlæknis hlýtur að hafa framkvæmt greiningu á ástæðum þessa. Vonandi hafa verið gerðar ráðstafanir sem leiða til fækkunar sjálfsvíga meðal íslenskra kvenna. Ísland var í öðru sæti Norðurlandanna á árinu 2021 með fjölda sjálfsvíga kvenna.

Líkur á að velta fyrir sér eigin kynferði eða kynhneigð rúmlega fjórtánfaldast

Niðurstöður könnunar sem Steve Kirsch framkvæmdi meðal þeirra sem fylgjast með skrifum hans eru forvitnilegar. Niðurstöðurnar hafa verið yfirfarnar og staðfestar af stærðfræðingi. Steve Kirsch er verkfræðingur frá MIT og þekktur sem annar þeirra sem fundu upp þráðlausu músina sem við mörg hver notumst við daglega. Hann er kunnari fyrir áhuga sinn á bóluefnunum og aukaverkunum þeirra en að hafa fundið upp þráðlausu músina.

Steve fékk yfir 13.000 svör í könnuninni þar sem óbólusettir voru 2.355 að meðaltali 55 ára og 2.260 svör frá fullbólusettum að meðaltali 49 ára.

Klippurnar sýna niðurstöður könnunarinnar og sú í lit niðurstöður stærðfræðingsins sem yfirfór útreikninga Steve Kirsch. Gögn könnunarinnar eru aðgengileg áhugasömum í excel skjölum.

Niðurstöðurnar sýna m.a. að líkurnar á að fá einn eða fleiri króníska sjúkdóma rúmlega þrefaldast hjá bólusettum. Líkur á fæðingargalla fjórfaldast þiggi móðirin bólusetningu á meðgöngu.

Ástæða þöggunar um niðurstöður er væntanlega helst sú að könnunin leiðir í ljós að líkur einstaklings á að lenda í að velta fyrir sér eigin kynferði eða kynhneigð rúmlega fjórtánfaldast (14,5X) meðal bólusettra.

73,9% krufinna létust af völdum Covid mRNA efnanna

Merkilegt að sjá lyfjaframleiðendur lúta í lægra haldi og mistakast að koma í veg fyrir birtingu óþægilegra niðurstaðna rannsókna í Lancet. Staðfestir hversu niðurstöðurnar um líklegt orsakasamband mRNA efnanna og dauðsfalla sem rannsóknin leiðir í ljós eru óhrekjanlegar. 

Við skoðun á krufningaskýrslum 325 bólusettra einstaklinga kom í ljós að dánarorsök 240 eða 73,9% var bein eða að stærstum hluta afleiðing Covid-19 bólusetningar. Meðaltími frá bólusetningu var 14,3 dagar. Flest dauðsföllin urðu innan viku frá síðustu bólusetningu. Algengasta dánarorsökin var skyndilegur hjartadauði eða 39%, lungnablóðrek 12,5%, hjartadrep 12%, og hjartavöðvabólga 7%.

Ritrýnd rannsóknin á sér sögu. Lancet birti hana fyrir ári áður en hún hafði verið ritrýnd en sá háttur er sá algengi. Niðurstöður rannsóknarinnar þóttu að vonum afar sláandi og taka af vafa um skaðsemi mRNA efnanna. Heimsóknir á heimasíðu Lancet töldust í hundruðum þúsunda þegar á fyrsta sólarhring. Áhuginn á niðurstöðum rannsóknarinnar kom lyfjarisunum að vonum illa og er talið að þrýstingur frá þeim hafi leitt til þess að ritstjórn Lancet tók ákvörðun um að loka fyrir aðgang að rannsókninni.

Að niðurstöður rannsóknarinnar komi nú ritrýndar fyrir almenningssjónir að nýju staðfestir að ekkert hefur fundist aðfinnsluvert við framkvæmd rannsóknarinnar og að niðurstöðurnar standi en þær leiða sterkar líkur að orsakasambandi covid bólusetninga og dauðsfalla.

Niðurlæging Hagstofu Íslands

Hvernig forsætisráðherra lætur Embætti landlæknis komast upp með að hindra Hagstofu Íslands við að gegna lögbundnu hlutverki sínu ber vott um metnaðarleysi en Hagstofan heyrir undir forsætisráðuneytið. Eins og neðangreind klippa af fréttavef Hagstofunnar undir efnisflokknum Mannfjöldi það sem af er ári 2024 ber með sér hafa tölur um fæðingar og fjölda látinna á árinu 2023 ekki enn verið birtar. Sjá má að í maí í fyrra hafði Hagstofan upplýst í 5 fréttatilkynningum (gul yfirstrikun) um fæðingar og látna fyrra árs og tölur fyrsta ársfjórðungs 2023. Landlæknir virðist hafa náð yfirtökunum með samstarfssamningi aðila í mars 2023 um „framleiðslu hagtalna“. Því miður á málshátturinn „engar fréttir eru góðar fréttir“ ekki við um þögn Hagstofunnar.

Í lögum um Hagstofu Íslands segir í fyrstu grein; að Hagstofan sé  sjálfstæð stofnun sem heyrir undir forsætisráðherra og vinnur að opinberri hagskýrslugerð samkvæmt lögum þessum. Hún er miðstöð opinberrar hagskýrslugerðar í landinu og hefur forustu um tilhögun, samræmingu og framkvæmd hennar svo og um samskipti við alþjóðastofnanir um hagskýrslu- og tölfræðimál.

 

Líkur á aukaverkunum í kjölfar ungbarnabólusetninga veldisvaxa með fleiri sprautum

The Defender greinir frá niðurstöðum ritrýndar rannsóknar í International Journal of Vaccine Theory, Practice and Research sem kallar á endurskoðun fyrirkomulags barnabólusetninga. Niðurstöðurnar sýna með 99,99% vissu að eftir því sem barn á fyrsta ári fær fleiri sprautur á einum og sama deginum aukast líkur barnsins margfalt (veldisvöxtur) á að fá sýkingu, öndunarfærasjúkdóm eða greinast með þroskatafir í kjölfar bólusetningar.

Niðurstöðurnar byggja á gögnum sem spanna bólusetningar á 20 ára tímabili með 1.542.076 samsetningum bóluefna sem gefin voru börnum undir eins árs aldri.

Í klippu má sjá yfirlit á vef Embættis um almennar bólusetningar barna á Íslandi frá febrúar 2024. Ljóst er að íslenska fyrirkomulagið með fleiri en einni bólusetningu í þremur heimsóknum á aldrinum þriggja til tólf mánaða leiðir til mun fleiri aukaverkana hjá ungbörnum en ella væri bólusetningum dreift.