522% fjölgun samþykktra umsókna um bætur

Dr. William Makis læknir og sérfræðingur á sviði ónæmis, krabbameins og röntgen greinir í pósti frá hvernig Covid-19 bólusettum vegnar áberandi verr í og eftir skurðaðgerðir. Bólusettir séu í aukinni hættu á að fá blóðtappa í aðgerð eða stuttu eftir með alvarlegum heilsufarslegum afleiðingum.

Samkvæmt tölum breskra stjórnvalda varð mikil fjölgun samþykktra umsókna um bætur (Personal Independence Payment PIP) þar í landi eftir að byrjað var að bólusetja gegn covid. Fjölgaði samþykktum umsóknum um bæturnar af blóðtengdum ástæðum milli áranna 2020 til 2022 um 522%. Fjölgun samþykktra umsókna um bætur vegna blóðtappatengdra sjúkdóma var 162% og blóðflögutengdar ástæður lágu að baki 221% fjölgun umsókna.

Ekki er unnt að skýra þessa miklu fjölgun með “long covid” að mati sérfræðilæknisins. Telur hann einsýnt að bótaþörfin stafi af völdum Covid-19 bóluefnanna.

En hvað er til ráða ef þú hefur þegið covid bóluefni og átt ekki annarra kosta völ en að fara í uppskurð? Dr. Makis ráðleggur þér að upplýsa læknana um að þú sért covid bólusett/ur og því í aukinni hættu á að fá blóðtappa í aðgerðinni eða stuttu eftir.

Eru manngerðar hamfarir í farvatninu – aftur?

Þegar stofnendur fyrirtækja og stærstu eigendur selja hlutabréf í fyrirtækjum sínum er eftir því tekið á verðbréfamarkaði:

• Bezos, stofnandi Amazon, seldi hlutabréf í fyrirtækinu á 9 viðskiptadögum í febrúar fyrir USD 8,5 milljarða eða 1.190 milljarða ISK. Til samanburðar eru áætlaðar tekjur íslenska ríkisins samkvæmt fjárlagafrumvarpinu fyrir árið 2024 1.356 milljarðar.
• Zuckerberg, stofnandi Facebook, innleysti 50 milljón hluti í nóv. og des. á síðasta ári fyrir USD 400 milljónir. Salan er sú fyrsta í tvö ár.
• Forstjóri JFMorgan, Dimon, seldi fyrir USD 150 milljónir og vekur salan sérstaka athygli þar sem hún er sú fyrsta á 18 ára ferli hans sem forstjóra fjárfestingabankans.

Move along, nothing to see here - kann einhver að segja. Mennirnir eru aðeins að innleysa lítinn hluta hlutabréfaeignar sinnar eftir mikla hækkun hlutabréfaverðs. Kannski. En þegar sölurnar eru metnar í samhengi þá kunna þær að vera vísbending um og undanfari atburða sem munu hafa markverð áhrif til lækkunar á hlutabréfamarkaði.

Í hugann kemur fleyg setning úr Oscars verðlaunaðri kvikmynd frá 1980 hvers heiti kann að lýsa komandi atburðum á markaði; „I love the smell of napalm in the morning.”

Svo lengi lærir sem lifir

Ástralski prófessorinn Robert Clancy, klínískur ónæmisfræðingur og frumkvöðull á sviði slímhúðarónæmisfræði (hefur skrifað 260 ritgerðir um efnið) miðlaði af visku sinni í kvöldverði hvers vegna Covid-19 bóluefnin virkuðu ekki sem smitvörn:

SARS-CoV-2 veiran fjölgar sér hratt í slímhúð nefgangna og smitast því til nálægra einstaklinga löngu áður en veiran kemst niður í loftskiptasvæði lungnanna og mætir þar mótefnum í blóði. Þessi vitneskja um hegðun öndunarfæra vírusa, eins og þeirra sem valda kvefi og inflúensu, hefur legið fyrir lengi og SARS-CoV-2 veiran hagar sér með hliðstæðum hætti.

Því hefur legið fyrir frá upphafi að Covid-19 bóluefnin myndu ekki forða okkur frá smiti eða að við smituðum aðra af völdum veirunnar. Landsmenn hefðu þegið vitneskju fyrirfram um gagnsleysi efnanna sem smitvarnar til þess að geta tekið upplýsta ákvörðun fyrir sig og sína um skynsemi þess að þiggja covid mRNA bóluefnið.

Við náum ekki að breyta fortíðinni með covid mRNA efnin og eigum mörg hver eftir að bíta úr nálinni með skaðann. En við getum dregið af henni lærdóm. Lyfjaframleiðendur hafa verið áskrifendur að digrum fyrirhafnalausum tekjustraumi í formi hagnaðar af framleiðslu og sölu inflúensubóluefna um heim allan um áratuga skeið. Stefnt er að breyttu framleiðsluferli inflúensubóluefna þannig að efnin verði framleidd á sama grunni og covid mRNA efnin þar sem kostnaður á hverja framleidda einingu lækkar. Þegar sóttvarnarlæknir fer að mæla með nýju mRNA inflúensuefnunum skulum við hafa frásögn ástralska ónæmisfræðingsins af gagnsleysi öndunarfæra bóluefnanna sem smitvarnar í huga áður en við brettum upp ermina.

Þegar maður hélt að þetta gæti ekki orðið verra

Margra sentimetra langir trefjakenndir tappar eða þykkildi hafa frá miðju ári 2021 fundist við smurningu (embalming) í fjölda tilvika í æðum bólusettra einstaklinga. Við smurningu eru líkin tæmd blóði og líkamsvessum í rotvarnarskini m.a. til að gera flutning hins látna mögulegan þar sem fjarlægðir eru miklar eins og í Bandaríkjunum. Hérlendis duga kælar til að varðveita líkin fram að greftrun.

Fyrir tíma covid mRNA bóluefnanna hafði þessara þykkilda ekki orðið vart. Útfararstofur hafa fengið takmarkaðar undirtektir þegar þær hafa vakið athygli á þessu áður óþekkta fyrirbæri. Kaflaskil hafa nú orðið þar sem þykkildið hefur greinst í dreni eftir skurðaðgerð á bólusettum einstaklingi. Því þarf ekki lengur að deila um tilvist trefjakenndra tappanna.

Minnkað blóðflæði af völdum tappanna kann að leiða til margvíslegra sjúkdómseinkenna. Kallað er eftir tafarlausri stöðvun á notkun mRNA efnanna meðan skýringa er leitað á tappamynduninni.

Krabbinn er næsta seðlaprentunarvélin

Lyfjaframleiðendur fjárfesta sem enginn sé morgundagurinn í fyrirtækjum sem hafa sérhæft sig í framleiðslu á lyfjum til lækninga á krabbameini. (sjá klippu úr pósti Dr. Makis). Ljóst er af verðlagningunni að lyfjaframleiðendur gera ráð fyrir faraldri krabbameins á komandi árum. Merki þess sem í vændum er má þegar sjá þar sem mikill vöxtur hefur verið í nýgengi krabbameins. Jafnframt hefur í kjölfar bólusetninganna orðið áberandi fjölgun á tilvikum krabbameins sem talið var að tekist hefði að lækna en sem hafa tekið sig upp á nýjan leik.

Dauðsföllum af völdum illkynja krabbameins hefur fjölgað víða í kjölfar bólusetninganna. Það á við hérlendis þar sem dánarmeinaskrá landlæknis fyrir árið 2022 greinir frá 9% fjölgun látinna af völdum illkynja krabbameins frá fyrra ári.

Í neðri klippunni skýrir Albert Bourla, forstjóri Pfizer, fyrir fjárfestum hvar hann sér framtíðarvöxt fyrirtækisins liggja. Heldur nöturleg framtíðarsýn frá sjónarhóli almennings.

 

Sóttvarnaryfirvöld og glataða traustið

Mikilvægur mælikvarði á trúverðugleika bóluefna er hvort heilbrigðisstéttir í framlínu, sem eru í mestri nánd við sjúklinga, láta sprauta sig. Efra súluritið sýnir hvernig traust breskra heilbrigðisstétta hefur hrunið á covid-bóluefnunum. Þannig afþökkuðu 60,5% lækna örvunarbólusetningu vetrarins við covid. Tiltrú hjúkrunarkvenna á covid bóluefninu er minni þar sem 71,6% afþökkuðu örvunarsprautuna. Einungis 30,6% heilbrigðisstéttanna hafa þegið nýjustu örvunarbólusetninguna.

Meira en helmingur eldri borgara á Íslandi fer ekki lengur að ráðleggingum sóttvarnarlæknis sem endurspeglast í þátttöku þeirra í covid bólusetningarátakinu sem hófst í október s.l. Þannig afþökkuðu 75% þeirra sem eru á aldrinum 60 til 70 ára covid sprautu vetrarins. Í aldurshópnum 70 til 79 afþökkuðu 57% bólusetningu og í hópi 80 ára og eldri þáðu einungis 46% mRNA efnið.

Sóttvarnaryfirvöld á Bretlandseyjum eiga ekki lengur traust heilbrigðisstétta. Það sést glögglega á neðra súluritinu sem sýnir að meira en helmingur heilbrigðisstéttanna bresku hafnar inflúensubóluefninu. Tölur um bólusetningar íslenskra heilbrigðisstétta eru ekki lengur birtar.

Þegar nánar er að gáð er það ekki undantekningin heldur reglan

Hvernig kastað var til höndum við prófun á öryggi covid bóluefnanna er þegar nánar er að gáð ekki undantekningin – heldur reglan. Það sést með því að skoða hvernig staðið var að prófun bóluefnanna sem Lyfjaeftirlitsstofnun Bandaríkjanna (FDA) hefur veitt leyfi fyrir og falla undir áætlun CDC um barnabólusetningar. Ekkert bóluefnanna hefur verið reynt í hefðbundinni langtíma klínískri lyfjarannsókn með tveimur hópum, annars vegar hópi sem gefið er lyfið sem verið er að prófa meðan hinn hópurinn er sprautaður með lyfleysu en þessi tilhögun klínískrar prófunar er eina leiðin til að kanna hvort lyf sé öruggt.

Í klippunni er listin yfir barnabóluefnin foreldrum og öðrum áhugasömum til glöggvunar. Hlekkirnir eru á síðu sóttvarnalæknis með upplýsingum um barnabóluefnin á íslensku og ensku.

 

 

 

 

 

Læknar sextánfalda ávísun á testósteróni á þremur árum

Þöggunin og yfirhilmingin meðal íslenskra lækna um bóluefnaskaðann er af þeirri stærðargráðu að þeim virðist hafa tekist að hittast á ráðstefnu (læknadögum) í janúar og ræða og miðla upplýsingum hver til annars án þess að nefna skaðann af völdum mRNA efnanna. Áherslur læknadaga má ráða af kynningu fundarins í Læknablaðinu. 

Í helgarblaði Morgunblaðsins er viðtal við Kolbrúnu Pálsdóttur kvensjúkdómalækni og krabbmeinsskurðlækni og Sigurdísi Haraldsdóttur krabbameinslækni og dósent. Þar greindu þær frá málþingi sem haldið var á læknadögum um krabbamein og hormóna vegna þess að þær höfðu tekið eftir mikilli aukningu á notkun hormónalyfja. Þannig hafi notkun á estrógeni tvöfaldast, notkun á prógesteróni áttfaldast og testósterónnotkun hafi sextánfaldast á síðustu þremur árum. „Það hefur lítið verið rætt um þetta. Þessi mikla aukning á stuttum tíma vakti okkur til umhugsunar. Við erum ekki með góð lyfjaform sem eru búin til fyrir konur og auk þess vantar alveg rannsóknir varðandi langtímaáhrif testósteróns á hjarta og æðar,“ segir Kolbrún og nefnir að ef til vill sé testósterónnotkun kvenna tískubóla. „Testósterón getur valdið aukaverkunum sem eru óafturkræfar, eins og skallamyndun, dýpri rödd og auknum hárvexti,“ segir Sigurdís.

Í heilsíðuviðtali við læknanna er ekki minnst á mikla fjölgun látinna af völdum illkynja krabbameins milli áranna 2021 og 2022. Í viðtalinu er ekki minnst einu orði á skaðann af völdum mRNA bóluefnanna að ekki sé talað um umframdauðsföllin. Getur verið að haldið hafi verið málþing um krabbamein án þess að orði hafi verið vikið að skaðsemi bóluefnna?

Þar sem læknarnir koma af fjöllum varðandi ástæður sextánföldunar notkunar testósteróns hormónsins er þeim bent á rannsókn teymis frá Yale School of Medicine og Icahn School of Medicine sem hafa fundið út að konur sem þjást af long covid - nýja hugtakið til að lýsa skaða af völdum mRNA bóluefnanna - hafi markvert lægra magn testósteróns í samanburði við þær konur sem hafa náð að jafna sig eftir bóluefnaskaðann. Ekki er því að undra að ávísun lækna á hormónið hafi margfaldast.

 

Er testósterónið tískubóla?

Geta foreldrar treyst ráðgjöf sóttvarnarlæknis eftir covid?

Rannsóknargrein frá 2011 leiðir sterkar líkur að orsakasambandi barnabólusetninga og ungbarnadauða. Af hverju hafa þá barnabólusetningarnar ekki verið endurskoðaðar kann einhver að spyrja? Að tækifærið hafi ekki verið notað fyrir 13 árum til að endurskoða bólusetningarnar gerir að engu vonir um að fyrirkomulagið verði endurmetið í dag. Frá því 2011 hefur lyfjaiðnaðurinn náð að tryggja stöðu sína í alþjóðlegu umhverfi svo kyrfilega að vonlaust er að hrófla við fjárhagslegu hagsmununum sem undir liggja. Hafi einhver efast er staðan ljós eftir reynsluna af covid bóluefnunum og ítökum lyfjaframleiðenda í WHO.

Í greininni er m.a. fjallað um bólusetningar barna við kíghósta, barnaveiki og stífkrampa (sprautað 3 mánaða, 5 mánaða, 12 mánaða, 4 ára og 14 ára). Bóluefnin þrjú eru gefin í einni sprautu í hvert sinn. Fyrir tilkomu barnabólusetninganna var vöggudauði (sudden infant death syndrome) svo sjaldgæfur að hann var ekki nefndur í tengslum við dánarorsakir ungbarna. Upp úr 1960 er farið að mæla með og ætlast til bólusetningum barna gegn kíghósta, barnaveiki, stífkrampa, mænusótt, mislingum, hettusótt og rauðum hundum. Stuttu síðar eða 1969 er farið að nefna vöggudauðann (SIDS) sem nýtt læknisfræðilegt fyrirbæri. 1973 er vöggudauði skilgreindur formlega í dánarmeinaskrá.

Hvað skýrir hærra hlutfall umframdauðsfalla á Íslandi?

Á vef Evrópsku sóttvarnastofnunarinnar (ECDC) er yfirlit yfir bólusetningarhlutfall einstakra þjóða og hlutfallið reiknað í heild fyrir lönd ESB og Evrópska efnahagssvæðisins (EU/EEA). Klippan sýnir að á Íslandi voru 10% fleiri landsmenn frumbólusettir (fyrstu tvær sprauturnar) en á meginlandi Evrópu. Fyrstu örvunarsprautu þáðu 26% fleiri Íslendingar en aðrir Evrópubúar, aðra örvunarsprautuna 19% og þriðju örvunarsprautuna þáðu rúmlega tvöfallt fleiri (108%) landsmenn en aðrir Evrópubúar. Ef til vill þarf ekki að leita lengra að skýringu á hærra hlutfalli umframdauðsfalla á Íslandi en að verulega fleiri Íslendingar þáðu örvunarsprautur en í löndunum á meginlandi Evrópu.

Það kann að vera hluti af skýringu á staðreyndinni sem skýrsla OECD færði þjóðinni sem er sú að Ísland leiðir löndin í könnun OECD með 11,5% vöxt aldursstaðlaðrar dánartíðni á milli áranna 2021 og 2022 á sama tíma og flest lönd sýndu lækkun. Það auðveldar skilning á því hvers vegna Evrópska hagstofan birti tölur sem sýndi að í flestum mánuðum áranna 2022 og 2023 reyndist Ísland með hvað hæst hlutfall umframdauðsfalla meðal landa Evrópu.

Full ástæða er fyrir stjórnvöld að kanna ástæður slaks árangurs Íslands í samanburði OECD. Þar sem rannsóknir leiða sterkar líkur að orsakasambandi bólusetninga og umframdauðsfalla og Ísland er með hvað hæsta bólusetningarhlutfall Evrópuþjóða er þýðingarmikið að við athugunina verði bólusetningastefna sóttvarnalæknis sérstaklega könnuð og þar horft til fjölda rannsókna sem sýna fram á skaðsemi mRNA efnanna og þátt þeirra í mikilli aukningu sjúkdóma og fjölda dauðsfalla á liðnum misserum.